ბაქო

თბილისი და ბაქო დაძმობილებული ქალაქები გახდნენ

77
(განახლებულია 23:23 13.07.2021)
დღეისათვის თბილისს მუდმივი მეგობრული ურთიერთობები აქვს მსოფლიოს სხვადასხვა ქვეყნის 20 ქალაქთან. ბაქო 21-ე გახდა.

თბილისი, 13 ივლისი – Sputnik. საქართველოს და აზერბაიჯანის დედაქალაქები – თბილისი და ბაქო დაძმობილებული ქალაქები გახდნენ, შესაბამისი მემორანდუმი სამშაბათს გაფორმდა, იუწყება სააგენტო Новости Грузия დედაქალაქის მერიის პრეს-სამსახურზე დაყრდნობით.

მემორანდუმს ხელი მოაწერეს თბილისის მერმა კახა კალაძემ და ბაქოს აღმასრულებელი ხელისუფლების უფროსმა ელდარ აზიზოვმა. ცერემონია კალაძის აზერბაიჯანში ვიზიტის ფარგლებში გაიმართა.

როგორც „Sputnik-აზერბაიჯანი“ იუწყება, შეხვედრაზე აზერბაიჯანის დედაქალაქის ადმინისტრაციის ხელმძღვანელმა ორ ქვეყანას შორის არსებულ ხანგრძლივ მეგობრულ და კეთილმეზობლურ ურთიერთობებზე ისაუბრა.

აზერბაიჯანულ-ქართულმა ურთიერთობებმა სტრატეგიული პარტნიორობის დონეს მიაღწია, განაცხადა აზიზოვმა და აღნიშნა, რომ ორ ქვეყანას შორის ურთიერთობები სხვადასხვა სფეროში ვითარდება, მათ შორის, ორმხრივი ვიზიტების შედეგად.

კახა კალაძემ, თავის მხრივ, ხაზგასმით აღნიშნა, რომ აზერბაიჯანელ და ქართველ ხალხებს ისტორიულად აკავშირებს მეგობრობა და საქართველო განსაკუთრებულ მნიშვნელობას ანიჭებს აზერბაიჯანთან ურთიერთობებს.

დღეისათვის თბილისი ინარჩუნებს მუდმივ მეგობრულ ურთიერთობებს მსოფლიოს სხვადასხვა ქვეყნის 20 ქალაქთან. ბაქო 21-ე დაძმობილებული ქალაქი გახდა. 1997 წლიდან საქართველოსა და აზერბაიჯანის დედაქალაქები პარტნიორი ქალაქები არიან.

მსოფლიოს რამდენიმე ქალაქის მეგობრობა თბილისთან რამდენიმე ათწლეულს ითვლის. პირველი ქალაქი, რომელთანაც თბილისი დამეგობრდა, იყო გერმანიის ქალაქი ზაარბრიუკენი. ეს იყო პირველი შეთანხმება საბჭოთა ქალაქსა და დასავლეთ გერმანიის ქალაქს შორის.

ჯერ კიდევ 1974 წლის 11 ივნისს ზაარბრიუკენის საქალაქო საბჭომ ერთხმად მიიღო გადაწყვეტილება, მხარი დაეჭირა თბილისთან მეგობრობის ხელშეკრულების გაფორმებისთვის. ოფიციალურ დოკუმენტს, რომელიც შედგა გერმანულ და რუსულ ენებზე, 1975 წლის 22 მარტს ხელი მოაწერეს ზაარბრიუკენის მერმა ოსკარ ლაფონტენმა და მისმა ქართველმა კოლეგამ ბახვა ლობჟანიძემ.

ეტაპობრივად თბილისის მეგობართა რიგები იზრდებოდა. ბოლო, რიგით მე-20 ქალაქი, რომელთანაც თბილისმა ხელი მოაწერა შეთანხმებას დაძმობილებული ურთიერთობების დამყარების შესახებ, არის ლიმა, პერუს დედაქალაქი. დოკუმენტი 2018 წელს გაფორმდა.

77
სომხეთი. მთა არარატი

რატომ არ ისვენებენ ქართველები სომხეთში

17
სწორედ დაბალი ინფორმირებულობის გამო ქართველები ხშირად არ განიხილავენ მეზობელ რესპუბლიკას ტურისტულ მიმართულებად.

თბილისი, 29 ივლისი - Sputnik. საქართველოს მოქალაქეები არ განიხილავენ სომხეთს ტურისტულ მიმართულებად, რადგან მათ არ აქვთ დეტალური ინფორმაცია ამ ქვეყნის შესახებ, აცხადებს საქართველოს ტურიზმის ასოციაციის (GTA) საზოგადოებასთან ურთიერთობის განყოფილების უფროსი, ტურისტული კომპანიის Check-in Travel მფლობელი ია გედევანიშვილი.

„Sputnik-საქართველოს“ მულტიმედიურ პრესცენტრში თბილისი-ერევანი ვიდეოხიდის დროს „ტურიზმი სომხეთსა და საქართველოში პანდემიის ფონზე" გედევანიშვილმა განმარტა, თუ რატომ არ სტუმრობენ ქართველები სომხეთს, როგორც ტურისტები.

„ქართველები არ მიემგზავრებიან არა იმიტომ, რომ არ არიან დაინტერესებული, არამედ იმიტომ, რომ არ იციან სად შეიძლება წასვლა. ერევნამდე მხოლოდ სამი საათის სავალია, მაგრამ არცერთ ჩვენს ტურისტს სომხეთში წასვლა არ უფიქრია, რადგან ეს ინფორმაცია არ არის ხელმისაწვდომი", - განაცხადა გედევანიშვილმა.

Ия Гедеванишвили - начальник департамента по связям с общественностью Ассоциации туризма Грузии GTA
© Sputnik / Vladimir Umikashvili
საქართველოს ტურიზმის ასოციაციის (GTA) საზოგადოებასთან ურთიერთობის განყოფილების უფროსი, ტურისტული კომპანიის Check-in Travel მფლობელი ია გედევანიშვილი.

ამასთან მან ხაზი გაუსვა, რომ სომხეთში არსებობს საოცარი გასტრონომიული ტურები და თავადაც ხშირად სტუმრობდა ამ ქვეყანას, მაგრამ პრობლემა არის რეკლამის არარსებობა.

გედევანიშვილის თვალსაზრისს დაეთანხმა სპიკერი ერევნიდან, სომხეთის ტურიზმის ფედერაციის საბჭოს წევრი, ტურისტული კომპანია Armenia Travel-ის დამფუძნებელი მარინა კრპეიანი.

კრპეიანმა აღნიშნა, რომ სომხეთი როგორც საინტერესო ტურისტული მიმართულება საქართველოში ნაკლებად არის წარმოდგენილი. მან პირობა დადო, რომ ამ საკითხს ფედერაციის წარმომადგენლებთან განიხილავს.

17
თურქეთისა და აზერბაიჯანის დროშები

ბაქო და ანკარა ერთობლივი თურქული არმიის შექმნას აპირებენ

53
(განახლებულია 13:05 28.07.2021)
თურქეთის, აზერბაიჯანისა და პაკისტანის პარლამენტების თავმჯდომარეების პირველი შეხვედრა ბაქოში გუშინ გაიმართა

თბილისი, 28 ივლისი — Sputnik. თურქეთი და აზერბაიჯანი მოლაპარაკებებს აწარმოებენ ერთობლივი თურქული არმიის შექმნის შესახებ, წერს Sputnik აზერბაიჯანი თურქეთის დიდი ეროვნული ასამბლეის თავმჯდომარე  მუსტაფა შენთოფის განცხადებაზე დაყრდნობით.

როგორც შენთოფმა აღნიშნა, მოლაპარაკებების ფარგლებში ორი ქვეყნის სამხედრო წვრთნები მიმდინარეობს.

„ჩვენი იდეაა — „ერთი ერი — ორი სახელმწიფო“. და ასე იქნება ყოველთვის. ამასთან დაკავშირებით ბევრი მოლაპარაკება გაიმართა და ბევრი შეთანხმება გაფორმდა“, — განაცხადა მან პრესკონფერენციაზე განჯაში.

ბაქოში სამშაბათს აზერბაიჯანის, თურქეთისა და პაკისტანის პარლამენტების სპიკერების პირველი სამმხრივი შეხვედრა გაიმართა, რის შემდეგაც ბაქოს დეკლარაციას მოეწერა ხელი.

როგორც შენთოფმა აღნიშნა, სამი ქვეყნის პარლამენტების თავმჯდომარეების მორიგი შეხვედრა 2022 წელს გაიმართება ისლამაბადში და შესაძლოა „სამმხრივი ფორმატიც შეიქმნას“.

53
თემები:
საერთაშორისო პანორამა
დავით ზალკალიანი

როგორ პასუხს გასცემს ქართული ხელისუფლება დასავლეთის კრიტიკაზე: ზალკალიანის ხედვა

0
საგარეო საქმეთა მინისტრმა აღნიშნა, რომ შარლ მიშელის შეთანხმების დიდი ნაწილი უკვე შესრულებულია და ამას ადასტურებს საქართველოს საარჩევნო კოდექსი

თბილისი, 29 ივლისი - Sputnik. დასავლეთისთვის ცნობილია საქართველოს მმართველი პარტიის არგუმენტები შარლ მიშელის შეთანხმების ანულირებასთან დაკავშირებით და ახლა ჩვენ ვაწარმოებთ დამატებით კონსულტაციებს, განაცხადა საგარეო საქმეთა მინისტრმა დავით ზალკალიანმა.

გუშინ მმართველმა პარტიამ „ქართული ოცნება - დემოკრატიული საქართველო“ ანულირებულად  გამოაცხადა ევროპული საბჭოს პრეზიდენტ შარლ მიშელის ინიციატივით 19 აპრილს ხელმოწერილი კომპრომისული შეთანხმება. ამ გადაწყვეტილებამ გამოიწვია მკვეთრი კრიტიკა დასავლელი პარტნიორების მხრიდან, რომლებმაც ხელისუფლების პროდასავლურ კურსში ეჭვი შეიტანეს.

„მინდა, გითხრათ, რომ ბოლო დღეების განმავლობაში როგორც ქვეყნის ხელისუფლების წარმომადგენლები, საპარლამენტო ხელისუფლების წარმომადგენლები „ქართული ოცნებიდან“, ისე პირადად მე ვარ მუდმივ კონტაქტზე ჩვენს ევროპელ პარტნიორებთან, იგივე შარლ მიშელის კაბინეტთან, რათა მათ ჰქონდეთ მკაფიო წარმოდგენა, თუ რასთან გვაქვს საქმე და რატომ მიიღო „ქართულმა ოცნებამ“ ეს გადაწყვეტილება. ჩვენი არგუმენტები მათთვის ამ დღეების განმავლობაში უკვე ცნობილია და დამატებითი კომუნიკაციაც იქნება, რომ კიდევ უფრო საფუძვლიანად გავაანალიზოთ, თუ რა სიტუაციაში ვართ“, - განაცხადა ზალკალიანმა „პირველი არხის“ ეთერში.

მან აღნიშნა, რომ ქვეყნის კურსი რჩება პროდასავლური და ამ არჩევანს განსაზღვრავს ქართველი ხალხი და მათ შორის „ქართული ოცნების“ ამომრჩეველი.

ამავე დროს მინისტრმა აღნიშნა, რომ შარლ მიშელის შეთანხმების დიდი ნაწილი უკვე შესრულებულია და ამას ადასტურებს საქართველოს საარჩევნო კოდექსი, რომლის საფუძველზე 2 ოქტომბერს ჩატარდება ადგილობრივი არჩევნები.

„ყველა საერთაშორისო სადამკვირვებლო ორგანიზაციას უკვე აქვს ოფიციალური მოწვევა ადგილობრივ არჩევნებზე და ჩვენ უზრუნველვყოფთ, რომ რაც შეიძლება მეტი საერთაშორისო დამკვირვებელი ჩამოვიდეს საქართველოში, იქნება ეს OSCE/ODIHR (ეუთოს დემოკრატიული ინსტიტუტებისა და ადამიანის უფლებების ოფისი - რედ.), ევროპის საბჭოს საპარლამენტო ასამბლეის რეგიონალური ბიურო, თუ სხვა დიდი საერთაშორისო ორგანიზაცია. ასევე ორმხრივად ყველა ჩვენს პარტნიორ ქვეყანას ექნება შესაძლებლობა, დააკვირდეს ამ არჩევნებს. უფრო მეტიც, არჩევნები რომ დემოკრატიულად და გამჭვირვალედ ჩატარდება, ამის გარანტია არის ის ახალი საარჩევნო კანონმდებლობა, რომელიც 19 აპრილის შეთანხმების ერთ-ერთი მნიშვნელოვანი ელემენტი იყო“, – განაცხადა ზალკალიანმა.

სიტუაციის შეფასების მიზნით საქართველოში უკვე იმყოფება ევროპარლამენტარების ჯგუფი. გარდა ამისა, ევროპული საბჭოს პრეზიდენტი შარლ მიშელი ემზადება კონსულტაციების მორიგი რაუნდისთვის საქართველოს პოლიტიკურ სუბიექტებთან.

 

0