არა აივაზიანი

სომხეთის პრეზიდენტმა საგარეო საქმეთა მინისტრის გადადგომას ხელი მოაწერა

42
(განახლებულია 20:50 31.05.2021)
საგარეო საქმეთა მინისტრის განცხადებით, მისი გადადგომა უკავშირდება ნიკოლ ფაშინიანის მიერ აზერბაიჯანთან საზღვარზე ვითარების დეესკალაციის გეგმის გამოქვეყნებას.

თბილისი, 31 მაისი – Sputnik. სომხეთის პრეზიდენტმა არმენ სარქისიანმა საგარეო საქმეთა მინისტრის, არა აივაზიანის გადადგომას ხელი მოაწერა.

ბრძანებას, რომელიც პრეზიდენტის ვებგვერდზე გამოქვეყნდა, საფუძვლად პრემიერ-მინისტრის წინადადება დაედო. აივაზიანი გათავისუფლებულია კონსტიტუციის 131-ე მუხლისა და „მთავრობის სტრუქტურისა და საქმიანობის“ შესახებ კანონის შესაბამისად.

აივაზიანმა გადადგომის შესახებ განცხადება გასულ კვირაში, 27 მაისს დაწერა. ამ დღეს სომხეთის პრემიერ-მინისტრის მოვალეობის შემსრულებელი ნიკოლ ფაშინიანი გამოვიდა საზღვრიდან სომხეთის და აზერბაიჯანის ჯარის გაყვანის და იქ საერთაშორისო დამკვირვებლების განთავსების შესახებ ინიციატივით. ორშაბათს აივაზიანმა განაცხადა, რომ თანამდებობას ტოვებს, რათა არ დარჩეს რაიმე ეჭვი იმისა, რომ საგარეო საქმეთა სამინისტრო შეიძლება დაეთანხმოს ინიციატივებს, რომლებიც ეროვნულ ინტერესებს ეწინააღმდეგება.

ამის შემდეგ სომხურმა მედიასაშუალებებმა დააანონსეს მასობრივი გადადგომები საგარეო საქმეთა და თავდაცვის სამინისტროებში და ეროვნული უშიშროების სამსახურშიც. აღინიშნა, რომ გადადგომის შესახებ განცხადებები დაწერეს საგარეო საქმეთა მინისტრის ოთხმა მოადგილემ, ასევე შეიარაღებული ძალების გენერალური შტაბის უფროსის მოადგილემ, იუწყება Sputnik-სომხეთი.

სომხეთის თავდაცვის სამინისტრომ 12 მაისს განაცხადა, რომ აზერბაიჯანის შეიარაღებულმა ძალებმა სცადეს გარკვეული ღონისძიებების გატარება „საზღვრების დასაზუსტებლად“ სიუნიქის ოლქის ერთ-ერთ სასაზღვრო მონაკვეთზე. ამასთან, უწყებაში არ დაუზუსტებიათ, კონკრეტულად რა სამუშაოები ჩაატარეს აზერბაიჯანელმა სამხედროებმა. ფაშინიანმა აცნობა რუსეთის პრეზიდენტ ვლადიმირ პუტინს, რომ ამ სიტუაციასთან დაკავშირებით კოლექტიური უსაფრთხოების ხელშეკრულების ორგანიზაციას (CSTO) მიმართავს.

42
ნიკოლ ფაშინიანი

სომხეთის საპარლამენტი არჩევნებში ფაშინიანის პარტიამ გაიმარჯვა

33
(განახლებულია 14:22 21.06.2021)
სომხეთის ცენტრალური საარჩევნო კომისიის ინფორმაციით, საკუთარი არჩევანი 1.281.174-მა ადამიანმა (49,4%) გააკეთა.

თბილისი, 21 ივნისი — Sputnik. სომხეთში გამართულ ვადამდელ საპარლამენტო არჩევნებზე პრემიერის მოვალეობის შემსრულებლის ნიკოლ ფაშინიანის პარტიამ „სამოქალაქო შეთანხმება“ გაიმარჯვა, იუწყება „Sputnik–სომხეთი“

ცესკოს მონაცემებით, 2.008 საარჩევნო უბანზე 1.281.911 ბიულეტენის დათვლის შედეგად, ფაშინიანის პარტიამ ხმების 53,92% (687.251) მიიღო, სომხეთის ექს-პრეზიდენტ რობერტ ქოჩარიანის ბლოკმა „სომხეთი“ კი ხმების 21,04% (268.165). სომხეთის ყოფილი პრეზიდენტის სერჟ სარგსიანის ბლოკმა „პატივი მაქვს“ მიიღო ხმების 5,23% (66.633),  პარტიამ „აყვავებული სომხეთი“ – 3,96% (50.416), ხოლო პარტიამ „რესპუბლიკა" - 3,04% .

20 ივნისს სომხეთში არჩევნები 2.008 საარჩევნო უბანზე გაიმართა. საარჩევნო სიებში 2.583.823 მოქალაქე იყო რეგისტრირებული. საკუთარი არჩევანი 1.281.174-მა ადამიანმა (49,4%) გააკეთა.

საპარლამენტო არჩევნებში მონაწილეობა მიიღო 21-მა პარტიამ და ოთხმა ბლოკმა.

 

33
არჩევნები სომხეთში

ვინ ლიდერობს სომხეთში არჩევნებზე - გამოკითხვის მონაცემები

39
(განახლებულია 23:57 20.06.2021)
გამოკითხვები ხშირად ანგაჟირებულია, ამიტომ РИА Новости-ს სოციალური კვლევების მოსკოვის განყოფილების ძალებით საკუთარი გამოკითხვა ჩატარდა.

თბილისი, 20 ივნისი – Sputnik. საარჩევნო ბლოკი „სომხეთი“ და პრემიერის მოვალეობის შემსრულებლის, ნიკოლ ფაშინიანის პარტია „სამოქალაქო შეთანხმება“ სომხეთში ვადამდელ საპარლამენტო არჩევნებზე ამომრჩევლებში ფავორიტებად მიიჩნევიან, ამას მოწმობს სატელეფონო გამოკითხვის მონაცემები, რომელიც РИА Новости-ს სოციოლოგიურმა სამსახურმა ჩაატარა, იუწყება Sputnik-სომხეთი.

გამოკითხვა ჩატარდა 2021 წლის 6–14 ივნისს. გამოკითხვაში მონაწილეობა მიიღო 992-მა რესპონდენტმა. სტატისტიკური ცდომილება არ აღემატება 3.2%-ს.

კვლევამ აჩვენა, რომ ამომრჩეველთა ფავორიტია ქვეყნის ყოფილი პრეზიდენტის რობერტ კოჩარიანის გარშემო შექმნილი ბლოკი „სომხეთი" - მას მხარს უჭერს 32%. გამოკითხვის თანახმად, გამოკითხულთა 24% მზად არის ხმა მისცეს ფაშინიანის პარტიას „სამოქალაქო შეთანხმება“.

პარტია „აყვავებული სომხეთი" იღებს 4%-ს, ბლოკი „მაქვს პატივი" და პარტია „ნათელი სომხეთი" თითო 2%-ს. გამოკითხულთა 10%-მა განაცხადა, რომ არჩევნებზე არ წავა, გაუჭირდათ პასუხის გაცემა ასევე გამოკითხულთა 10%-ს. დანარჩენმა 16%-მა კენჭისყრის საკუთარი ვარიანტი დაასახელა.

კვირას სომხეთში არჩევნები 2008 საარჩევნო უბანზე გაიმართა. საარჩევნო სიებში 2.583.823 მოქალაქეა რეგისტრირებული.

საპარლამენტო არჩევნებში მონაწილეობა მიიღო 21-მა პარტიამ და ოთხმა ბლოკმა.

პარტიებისთვის გამსვლელი ბარიერი 5%-ს შეადგენს, ალიანსებისთვის - 7%-ს. აქტივობის ზღვარი დაწესებული არ არის.

39
ქეით მიდლტონი და პრინცი უილიამი

პრინცი უილიამი მეგან მარკლს „ძმის გატაცებაში“ ადანაშაულებს

0
(განახლებულია 14:19 21.06.2021)
მას შემდეგ, რაც პრინცი ჰარი და მეგან მარკლი დიდი ბრიტანეთიდან ამერიკაში გადავიდნენ საცხოვრებლად, ორ ძმას შორის ურთიერთობა დაიძაბა

ბრიტანეთის დედოფლის ელისაბედ II- ის შვილიშვილმა, კემბრიჯის ჰერცოგმა უილიამმა სასექსის ჰერცოგინია მეგანი დაადანაშაულა „მისი ძმის გატაცებაში“. ამის შესახებ ბრიტანელი ისტორიკოსი და ბიოგრაფი რობერტ ლეისი ახალ წიგნში „ძმების ბრძოლა: უილიამი და ჰარი - მეგობრობა და მტრობა“ წერს, რომლის ამონარიდიც მოჰყავს The Sun- ს.

ლეისის თქმით, პრინცი უილიამი დარწმუნებულია, რომ მეგან მარკლი ფარულ გეგმას მისდევს, რომლის თანახმად, მას სურს მისი ძმის პრინცი ჰარის ოჯახიდან „გატაცება“ და ნათესავების წინააღმდეგ მიმართვა. გარდა ამისა, კემბრიჯის ჰერცოგმა იგი დაადანაშაულა „მონარქიის ზოგიერთი ძვირფასი პრინციპის დარღვევაში“.

ლეისმა ასევე აღნიშნა, რომ უილიამი ნაწყენად და დაღალატებულად გრძნობს, ხოლო მის მეუღლეს ქეით მიდლტონს „თავიდანვე ეშინოდა მარკლის“. ამის შესახებ მან მაშინ შეიტყო, როდესაც პრინცმა ჰარიმ შეურაცხყოფა მიაყენა თავის ძმას და შეწყვიტა მის ზარებზე პასუხის გაცემა.

კენსინგტონის სასახლემ კომენტარის გაკეთება არ ისურვა მწერლის ბრალდებებზე.

ივნისის დასაწყისში სასექსის ჰერცოგმა და ჰერცოგინიამ მეორე და მესამე ადგილი დაიკავეს დაწესებულების ყველაზე პატივცემული წევრების გამოკითხვაში. გამოკითხვის შედეგების თანახმად, აღმოჩნდა, რომ დედოფალი ელისაბედ II უდიდესი პატივისცემით სარგებლობს ახალგაზრდებს შორის, რომლებმაც ხმების 25 პროცენტი მიიღეს. მეორე ადგილზე იყო პრინცი ჰარი 22 პროცენტით, ხოლო მესამე ადგილი დაიკავა მისმა მეუღლემ მეგან მარკლმა, რომელსაც რესპონდენტთა 21 პროცენტი ანიჭებს უპირატესობას.

0
თემები:
სამეფო ოჯახის ამბები