ვაქცინა „სპუტნიკV რუსეთიდან აზერბაიჯანში ჩაიტანეს

ვაქცინა „სპუტნიკV" რუსეთიდან აზერბაიჯანში ჩაიტანეს

90
კორონავირუსის საწინააღმდეგო რუსული პრეპარატით დატვირთული თვითმფრინავი ბაქოში ჰეიდარ ალიევის სახელობის საერთაშორისო აეროპორტში დაეშვა

თბილისი, 2 მაისი - Sputnik. რუსეთის ფედერაციის გამალეის ეპიდემიოლოგიისა და მიკრობიოლოგიის ეროვნული ცენტრის ვაქცინა „სპუტნიკV"-ს პირველი პარტია აზერბაიჯანში ჩაიტანეს, იუწყება Sputnik-აზერბაიჯანი.

რამდენიმე ათასი დოზა ვაქცინით დატვირთული თვითმფრინავი ბაქოში ჰეიდარ ალიევის სახელობის საერთაშორისო აეროპორტში კვირას, 2 მაისს დაეშვა.

როგორც აზერბაიჯანში რუსეთის ელჩმა მიხაილ ბოჩარნიკოვმა აღნიშნა, რუსული ვაქცინის პირველი პარტია 40 ათას დოზას მოიცავს.

ქვეყანაში მეორე პარტიაც მაისში შემოვა, აღნიშნა დიპლომატმა.

ვაქცინა „სპუტნიკV" დამტკიცებულია 60 ქვეყანაში, რომელთა საერთო მოსახლეობა 3 მილიარდ ადამიანს შეადგენს. პრეპარატის ეფექტიანობამ 91,6% შეადგინა, რაც დადასტურებულია უძველესი და ერთ-ერთი ყველაზე პატივსაცემი სამედიცინო ჟურნალ The Lancet-ის მიერ ადრე გამოქვეყნებულ მონაცემებში.

ვაქცინა ადამიანის კარგად შესწავლილ ადენოვირუსულ პლატფორმაზეა შექმნილი. ის ორ სხვადასხვა ვექტორს იყენებს ორი აცრისთვის და იმაზე ხანგრძლივ იმუნიტეტს უზრუნველყოფს, ვიდრე სხვა პრეპარატები, რომლებიც იმავე მექანიზმს იყენებენ ვაქცინაციისას.

აზერბაიჯანში 18 იანვარს მოსახლეობის SARS-CoV-2 კორონავირუსის საწინააღმდეგო ვაქცინაცია დაიწყო. პირველად აზერბაიჯანში აცრა ჩაუტარდა მედმუშაკებს, შემდეგ 65 წელს ზემოთ ასაკის მოქალაქეები, შემდეგ მოვიდა 50 წელს ზემოთ ასაკის მოქალაქეთა რიგი. ხოლო 22 მარტიდან დაიწყო 40 წელს ზემოთ ასაკის მოქალაქეთა ვაქცინაცია. გამონაკლისს წარმოადგენენ 18 წლამდე ასაკის მოქალაქეები, ორსულები და ალერგიული გართულებების მქონე პირები. ვაქცინაცია ტარდება ჩინური კომპანია Sinovac-ის ვაქცინა CoronaVac-ით.

გარდა ამისა, ადრე რესპუბლიკაში COVAX-პლატფორმის ფარგლებში კომპანია AstraZeneca-ს ვაქცინა Vaxzevria-ს 84 ათასი დოზა შეიტანეს. ამ ვაქცინით აცრის ჩატარება შეუძლიათ 60 წელს ზემოთ ასაკის მოქალაქეებს.

90
აზერბაიჯანელი მესაზღვრე

აზერბაიჯანი-ირანის საზღვარზე სროლის შედეგად ორი მესაზღვრე დაიღუპა

81
დამრღვევების ქმედებების შედეგად დაღუპულია აზერბაიჯანის სახელმწიფო სასაზღვრო სამსახურის ორი თანამშრომელი. საქმე მკვლელობისა და კონტრაბანდის მუხლებით აღიძრა.

თბილისი, 16 მაისი – Sputnik. აზერბაიჯანის სამხედრო პროკურატურამ აზერბაიჯანი-ირანის საზღვარზე სროლასთან დაკავშირებით სისხლის სამართლის საქმე აღძრა, იუწყება Sputnik-აზერბაიჯანი.

შაბათს, 15 მაისს, დაახლოებით 16:00 საათზე სამმა უცნობმა პირმა აზერბაიჯანის სახელმწიფო საზღვარი დაარღვია. ინციდენტი მოხდა იარდიმლის რაიონის სოფელ განდერესთან.

დამრღვევებმა, რომლებიც არ დაემორჩილნენ მესაზღვრეების კანონიერ ბრძანებას, მათი მისამართით ცეცხლი გახსნეს, ტვირთი დაყარეს და მიმალვა სცადეს.

ბოროტმოქმედების მიერ ატეხილი სროლის შედეგად დაიჭრა ორი მესაზღვრე. მათი სასწრაფო ჰოსპიტალიზაციის მიუხედავად, სამხედროების გადარჩენა ვერ მოხერხდა.

ჩატარებული ოპერატიული ღონისძიებების შედეგად დაკავებულია ერთ-ერთი დამრღვევი, რომელიც ირანის მოქალაქე გასანალი ბარგი აღმოჩნდა. ინციდენტის ტერიტორიაზე საძიებო სამუშაოების შედეგად აღმოჩენილია 3,8 კგ მარიხუანა და დიდი რაოდენობით ფსიქოტროპული პრეპარატები - დაახლოებით 18 ათასი აბი.

სისხლის სამართლის საქმე ოთხი მუხლით აღიძრა (განზრახ მკვლელობა, დიდი ოდენობით ნარკოტიკების და ფსიქოტროპულ ნივთიერებათა კონტრაბანდა, უკანონო შეძენა-შენახვა-ტრანსპორტირება-გასაღება, აზერბაიჯანის სახელმწიფო საზღვრის უკანონო გადაკვეთა).

ეჭვმიტანილი ბარგის წინააღმდეგ მიმდინარეობს გამოძიება.

ამჟამად მიმდინარეობს ინტენსიური ოპერატიულ-საგამოძიებო მოქმედებები სხვა დამნაშავე პირების დასაკავებლად.

81
თბილისის ხედი

თბილისი მზადაა, ბაქოსა და ერევანს შორის მოლაპარაკების პლატფორმად იქცეს

69
(განახლებულია 00:50 13.05.2021)
როგორც საგარეო პოლიტიკური უწყების ხელმძღვანელმა აღნიშნა, სომხეთსა და აზერბაიჯანს საკითხთა ფართო სპექტრი აქვთ გადასაწყვეტი, რომელთა განსახილველად საქართველოს დედაქალაქი როგორც დიალოგის პლატფორმა შეიძლება განიხილებოდეს.

თბილისი, 12 მაისი – Sputnik.  საქართველოს საგარეო საქმეთა მინისტრმა დავით ზალკალიანმა სომეხ კოლეგა არა აივაზიანთან შეხვედრის დროს ერევანსა და ბაქოს შორის მოლაპარაკების ადგილად თბილისი შესთავაზა.

შეხვედრა საქართველოს პრემიერ-მინისტრ ირაკლი ღარიბაშვილის სომხეთში ვიზიტის ფარგლებში გაიმართა.

როგორც საგარეო პოლიტიკური უწყების ხელმძღვანელმა აღნიშნა, სომხეთსა და აზერბაიჯანს საკითხთა ფართო სპექტრი აქვთ გადასაწყვეტი, რომელთა განსახილველად საქართველოს დედაქალაქი როგორც დიალოგის პლატფორმა შეიძლება განიხილებოდეს.

„ჩვენ დაინტერესებული ვართ, რომ რეგიონში დამკვიდრდეს გრძელვადიანი მშვიდობა და ყველა არსებული პრობლემა მოგვარდეს მხოლოდ დიალოგისა და მოლაპარაკების გზით. ამ მხრივ ჩვენი ინიციატივები ცნობილია და ის გაჟღერდა როგორც აზერბაიჯანში ვიზიტის დროს, ასევე ერევანში ვიზიტის დროსაც. საქართველო მზად არის, ჩვენს პარტნიორებს სამხრეთ კავკასიაში შევთავაზოთ თბილისი, როგორც დიალოგის პლატფორმა“, - განაცხადა ზალკალიანმა.

მისი თქმით, თბილისში შეიძლება გადაწყდეს ისეთი საკითხები, რომლებიც უკავშირდება ეკონომიკურ და ჰუმანიტარულ თანამშრომლობას.

 „ჩვენ არ გვაქვს ილუზია, რომ არის რესურსი, მნიშვნელოვან პოლიტიკურ თემებზე გაწიოს მედიაცია საქართველომ, მაგრამ შესაძლებელია ისეთ თემებზე, რაც დაკავშირებულია ეკონომიკურ თანამშრომლობასთან, მცირე და საშუალო ბიზნეს პარტნიორობასთან, ხალხთა შორის ურთიერთობასთან, ჰუმანიტარული კუთხით. მზად ვართ, სამხრეთ კავკასიის სამ ქვეყანას შორის დიალოგი შედგეს. დარწმუნებული ვარ, თუკი ამ მიმართულებით პოლიტიკური ნება იქნება, შესაძლებელია, ხელშესახები შედეგები დაიდოს“, – განაცხადა ზალკალიანმა.

მისი თქმით, ახალი გეოპოლიტიკური ვითარებიდან გამომდინარე ირაკლი ღარიბაშვილის ვიზიტი ერევანში ძალიან მნიშვნელოვანია.

საქართველოს პრემიერ-მინისტრი ირაკლი ღარიბაშვილი ერევანში ოფიციალური ვიზიტით 12 მაისს ესტუმრა. ბოლოჯერ საქართველოს მთავრობის მეთაური სომხეთს 2019 წელს ეწვია. მაშინ ამ პოსტს გიორგი გახარია იკავებდა.

69
ლეპტოპი

„წამიერი ყვირილი გავიგონე და არ ჩანდა ბავშვი...“ - 8 წლის გოგო საკანალიზაციო ჭაში ჩავარდა

0
(განახლებულია 13:41 18.05.2021)
სასოწარკვეთილი დედა სოციალურ ქსელში საშინელ ინფორმაციას ავრცელებს. ნახეთ რა შეემთხვა ძაღლების გასასეირნებლად წასულ დედა-შვილს

8 წლის გოგო ღია საკანალიზაციო ჭაში ჩავარდა, რის შედეგადაც ხელისა და ფეხის არეში ტრავმა მიიღო. შემთხვევა თბილისში მოხდა. ინფორმაციას და ფოტომასალას თავად გოგონას დედა ავრცელებს სოციალურ ქსელში.

როგორც დედა წერს, მან და მისმა გოგონამ ძაღლები ჩაიყვანეს სასეირნოდ, სეირნობისას კი ის ძაღლებს გაეკიდა, უცებ ყვირილი მოესმა და შვილი გაქრა. „მოვკვდი, ათასმა ფიქრმა გამიარა თავში. როგორ ჩაეკიდა სიღრმეში ბავშვი და რას ახლაც ვერ ვხვდები ძლივს ამოვიყვანე. ახლაც თვალებში მაქვს 7-8 მეტრის სიღრმეზე სიბნელე და წყლის ჩხრიალი თუ როგორი დინებით მიდიოდა. ღმერთს მადლობა რომ ბავშვი მოეკიდა რაღაცას. არ ვიცი ახლაც ვერ ვიხსენებ თუ რა და როგორ მოხდა წამებში მხოლოდ ჩუმი ყვირილი და ის ბნელი სიღრმე და წყლის ხმა ჩამესმის“, - წერს ქალი.

მისი თქმით, ბავშვს სულ დალურჯებული აქვს კიდურები, რომელსაც გადაიტანს, თუმცა იმ შოკს არა, რაც გადაიტანეს.

„დავრეკე მერიაში დავრეკე დასუფთავებაში, არსაიდან არანაირი გამოხმაურება. ძლივს ავწიე ის იმსიმძიმე თავსახური და ნახევრამდე მივაჩოჩე და ნახევრად დავაფარე იქვე ხალხმა დაფარა შემდეგ და უცებ ამოვედი სახლში ბავშვისათვის რომ მიმეხედა. ძალიან მაინტერესებს, ვისაც ეს სფერო ეხება, რატომ არ აკონტროლებენ? რატომ არის საკანალიზაციო ჭები ღია, იქ სადაც ბავშვები სეირნობენ რატომ? ძაღლი, კატა არ დაიარება?“ – წერს მოზარდის დედა.
0