ნიკოლ ფაშინიანი

სომხეთის პრემიერმა ნიკოლ ფაშინიანმა გადადგომის შესახებ განაცხადა

32
სომხეთში ვადამდელი არჩევნები 2021 წლის 20 ივნისისთვის არის დაგეგმილი, პრემიერი მანამდე უნდა გადადგეს

თბილისი, 25 აპრილი – Sputnik. სომხეთის პრემიერ-მინისტრი ნიკოლ ფაშინიანი გადადგა, იუწყება Sputnik-სომხეთი.

მოქმედი კონსტიტუციით, ვადამდელი არჩევნების ჩატარება შესაძლებელია მხოლოდ იმ შემთხვევაში, თუ პრემიერი გადადგება, ხოლო პარლამენტი ორჯერ ვერ აირჩევს ახალ პრემიერს.

„საკონსტიტუციო დებულებების რეალიზაციისა და პარლამენტის დათხოვნის მიზნით მე დღეს თანამდებობას ვტოვებ“, - განაცხადა ფაშინიანმა ხალხისადმი მიმართვაში.

ამასთან ფაშინიანი მოვალეობების შესრულებას უკვე მთავრობის მეთაურის მოვალეობების დროებითი შემსრულებლის პოსტზე განაგრძობს.

„მე შემეძლო სხვა დღეს გადადგომა, მაგრამ მე თანამდებობას ვტოვებ სწორედ მოქალაქის დღეს. ეს არის იმის სიმბოლო, რომ ჩვენ მოქალაქისგან ნაბოძებ ძალაუფლებას ისევ მას ვუბრუნებთ, რათა მან თავისუფალი, სამართლიანი და კონკურენტული არჩევნების შედეგად ძალაუფლების შემდგომი ბედი განსაზღვროს“, – განაცხადა ნიკოლ ფაშინიანმა.

მან აღნიშნა, რომ ვადამდელი არჩევნები მნიშვნელოვანია, რადგან სომხეთმა 2020 წელს ურთულესი განსაცდელი გამოიარა, რომელსაც შეფასება მისცეს პოლიტიკოსებმა, მსოფლიო კულტურის წარმომადგენლებმა და საზოგადო მოღვაწეებმა, მაგრამ თავად ხალხმა არა. ფაშინიანისთვის არჩევნები არის საშუალება ხალხისთვის, გამოთქვას თავისი აზრი მომხდარ მოვლენებზე, მისცეს მას შეფასება და თავისი შემდგომი ბედი განსაზღვროს.

მან განაცხადა, რომ მისი ხელმძღვანელობით პარტია „სამოქალაქო შეთანხმება“ არჩევნებში მონაწილეობას მიიღებს, თავად კი პრემიერ-მინისტრობის კანდიდატი იქნება.

შეგახსენებთ, 18 მარტს ფაშინიანმა განაცხადა, რომ 20 ივნისს სომხეთში ვადამდელი საპარლამენტო არჩევნები ჩატარდება. ეროვნულმა კრებამ უკვე დაამტკიცა საარჩვენო კოდექსის ცვლილებები, რომელთა თანახმად საპარლამენტო არჩევნები მხოლოდ პროპორციული სისტემით ჩატარდება.

 

32
ნიკოლ ფაშინიანი

სომხეთის პარლამენტმა ფაშინიანი პრემიერად აღარ აირჩია

62
(განახლებულია 17:03 03.05.2021)
გავრცელებული ინფორმაციით, პრემიერის კანდიდატურისთვის კენჭისყრა წინასწარ შეთანხმებული სცენარით ჩატარდა

თბილისი, 3 მაისი — Sputnik. სომხეთის პარლამენტმა ნიკოლ ფაშინიანი აღარ აირჩია ქვეყნის პრემიერ−მინისტრად, იუწყება Sputnik სომხეთი.

გავრცელებული ინფორმაციით, ფაშინიანის წინააღმდეგ, რომელიც ერთადერთი კანდიდატი იყო პრემიერ−მინისტრი პოსტზე, სამმა დეპუტატმა მისცა ხმა, 75−მა თავი შეიკავა, ხოლო ერთი თანახმა იყო.

ირკვევა, რომ კენჭისყრა შეთანხმებული სცენარით ჩატარდა: ფაშინიანს ახლა პრემიერად არ ირჩევენ, ერთი კვირის შემდეგ კი, განმეორებით კენჭისყრაზე, პარლამენტი დაიშლება და რიგგარეშე არჩევნები ჩატარდება.

პარლამენტის დათხოვნის შემდეგ პრეზიდენტი ოფიციალურად გამოაცხადებს რიგგარეშე არჩევნების თარიღს, რომლის თაობაზეც მანამდე შეთანხმდნენ სომხეთის ხელისუფლება და საპარლამენტო ოპოზიცია. როგორც ფაშინიანმა აღნიშნა დღეს, თუ ოპოზიცია შეთანხმებას დაარღვევდა და სხვა კანდიდატურას წამოაყენებდა, მაშინ პარტია „ჩემი ნაბიჯი“ მაშინვე აირჩევდა მას პრემიერად და რიგგარეშე არჩევნების საკითხი დაიხურებოდა.

62
თემები:
საერთაშორისო პანორამა
ვაქცინა „სპუტნიკV რუსეთიდან აზერბაიჯანში ჩაიტანეს

ვაქცინა „სპუტნიკV" რუსეთიდან აზერბაიჯანში ჩაიტანეს

85
კორონავირუსის საწინააღმდეგო რუსული პრეპარატით დატვირთული თვითმფრინავი ბაქოში ჰეიდარ ალიევის სახელობის საერთაშორისო აეროპორტში დაეშვა

თბილისი, 2 მაისი - Sputnik. რუსეთის ფედერაციის გამალეის ეპიდემიოლოგიისა და მიკრობიოლოგიის ეროვნული ცენტრის ვაქცინა „სპუტნიკV"-ს პირველი პარტია აზერბაიჯანში ჩაიტანეს, იუწყება Sputnik-აზერბაიჯანი.

რამდენიმე ათასი დოზა ვაქცინით დატვირთული თვითმფრინავი ბაქოში ჰეიდარ ალიევის სახელობის საერთაშორისო აეროპორტში კვირას, 2 მაისს დაეშვა.

როგორც აზერბაიჯანში რუსეთის ელჩმა მიხაილ ბოჩარნიკოვმა აღნიშნა, რუსული ვაქცინის პირველი პარტია 40 ათას დოზას მოიცავს.

ქვეყანაში მეორე პარტიაც მაისში შემოვა, აღნიშნა დიპლომატმა.

ვაქცინა „სპუტნიკV" დამტკიცებულია 60 ქვეყანაში, რომელთა საერთო მოსახლეობა 3 მილიარდ ადამიანს შეადგენს. პრეპარატის ეფექტიანობამ 91,6% შეადგინა, რაც დადასტურებულია უძველესი და ერთ-ერთი ყველაზე პატივსაცემი სამედიცინო ჟურნალ The Lancet-ის მიერ ადრე გამოქვეყნებულ მონაცემებში.

ვაქცინა ადამიანის კარგად შესწავლილ ადენოვირუსულ პლატფორმაზეა შექმნილი. ის ორ სხვადასხვა ვექტორს იყენებს ორი აცრისთვის და იმაზე ხანგრძლივ იმუნიტეტს უზრუნველყოფს, ვიდრე სხვა პრეპარატები, რომლებიც იმავე მექანიზმს იყენებენ ვაქცინაციისას.

აზერბაიჯანში 18 იანვარს მოსახლეობის SARS-CoV-2 კორონავირუსის საწინააღმდეგო ვაქცინაცია დაიწყო. პირველად აზერბაიჯანში აცრა ჩაუტარდა მედმუშაკებს, შემდეგ 65 წელს ზემოთ ასაკის მოქალაქეები, შემდეგ მოვიდა 50 წელს ზემოთ ასაკის მოქალაქეთა რიგი. ხოლო 22 მარტიდან დაიწყო 40 წელს ზემოთ ასაკის მოქალაქეთა ვაქცინაცია. გამონაკლისს წარმოადგენენ 18 წლამდე ასაკის მოქალაქეები, ორსულები და ალერგიული გართულებების მქონე პირები. ვაქცინაცია ტარდება ჩინური კომპანია Sinovac-ის ვაქცინა CoronaVac-ით.

გარდა ამისა, ადრე რესპუბლიკაში COVAX-პლატფორმის ფარგლებში კომპანია AstraZeneca-ს ვაქცინა Vaxzevria-ს 84 ათასი დოზა შეიტანეს. ამ ვაქცინით აცრის ჩატარება შეუძლიათ 60 წელს ზემოთ ასაკის მოქალაქეებს.

85
არწივი მთებში

დღის ასტროპროგნოზი ზოდიაქოს ნიშნებისთვის: 8 მაისი

0
(განახლებულია 18:38 07.05.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 8 მაისია, შაბათი. კლებადი მთვარე ვერძის ნიშანშია. ამ დღეს პლანეტა სატურნი მფარველობს.

იღბალი იქნება თანმდევი ყველა საქმეში, რაც ოგანიზაციულ მომენტებსა და ურთიერთობებს უკავშირდება. საუკეთესო დღეა კომპრომისების მოსაძებნად, რთული სიტუაციების გასაშიფრად, ნესბიემიერი ღონისძიებისთვის – ოფიციალური მოლაპარაკებებიდან დაწყებული წვეულების მოწყობით დამთავრებული. ძალზე ხელსაყრელი დროა იმისთვის, რომ საქმეები კარგად დაალაგოთ და საჭირო კალაპოტი მისცეთ.

ეგვიპტური ჰოროსკოპი – დაინახეთ თქვენი თავი განსხვავებულად>>

ვერძი: დღეს ვითარება თქვენგან მოითხოვს, რომ ინიციატივა აიღოთ ხელში. თუნდაც ეს თქვენთვის ჩვეული არ იყოს, იგრძნობთ მოთხოვნილებას, რომ მიიღოთ გადაწყვეტილებები და მათზე პასუხისმგებლობა აიღოთ. საინტერესო ისაა, რომ გარშემომყოფები მშვიდად დაგითმობენ პირველობას. შესაძლოა, ყველა გადაწყვეტილება და მოქმედება სწორი არ იყოს, მაგრამ ამით მოგეცემათ შანსი, ყველას და საკუთარ თავსაც აჩვენოთ, რომ ბევრი რამ შეგიძლიათ.

კურო: დღეს გარშემომყოფებმა შეიძლება თქვენით მანიპულირება მოინდომონ. არ არის გამორიცხული, რომ ვიღაც შეეცადოს თავისი მდგომარეობის, კავშირების ან პირადი მომხიბვლელობის გამოყენებას, რათა თავის თამაშში ჩაგითრიოთ. თუ ამ მცდელობას აჰყვებით, დროთა განმავლობაში ინანებთ – ამან შეიძლება თქვენს რეპუტაციას დაარტყას. ასე რომ, დღეს თქვენი თვალსაზრისი უნდა დაიცვათ და მოერიდოთ ადამიანებს, რომლებიც თქვენით მანიპულირებას შეეცდებიან.

ტყუპი: დღეს კარგად ვერ გაართმევთ თავს იმ საქმეებს, სადაც ლოგიკური აზროვნებაა საჭირო – გათვლები, ანალიტიკა, მეცნიერება, დაგეგმვა, სწავლა. სამაგიეროდ, ძალიან იოლი იქნება კონტაქტები ადამიანებთან, მათი თქვენი იდეებითა და ემოციებით დამუხტვა. ამას გარდა, ურთიერთობებში მწვავედ იგრძნობთ სიყალბეს, რისი გამოყენებაც „სიცრუის დეტექტორის“ სახით შეგიძლიათ.

კირჩხიბი: ვარსკვლავები გირჩევენ, დრო გამონახოთ კარიერული, პროფესიული თუ პიროვნული ზრდის მეთოდიკის გასაცნობად. ამ თემებზე წიგნების ნახვა ადვილია – ნებისმიერი წიგნის მაღაზიიდან დაწყებული ინტერნეტით დამთავრებული. თუნდაც სკეპტიკურად უყურებდეთ მსგავს ლიტერატურას, ნამდვილად ღირს მისი შესწავლა, ან შეგიძლიათ შეეგუოთ დღევანდელ მდგომარეობას. მაგრამ გახსოვდეთ, რომ რამდენიმე რჩევის გათვალისწინებაც კი წარმატებებს მოგიტანთ.

ლომი: დღეს ნებისმიერი შეკრების „მიზიდულობის ცენტრი“ შეგიძლიათ გახდეთ. გარეშემომყოფები თქვენკენ მოილტვიან. საჭირო შედეგი რომ მიიღოთ, საკმარისია თქვენი ქარიზმა გამოიყენოთ – უარს ვერავინ გეტყვით. სხვათა შორის, დღევანდელი ვითარება სხვანაირადაც შეიძლება შემობრუნდეს თქვენთვის – ირგვლივ მყოფებმა გასაქანი არ მოგცენ, სულის მოთქმა არ გაცადონ და სულ „ნაწილ–ნაწილ“ დაგიტაცონ.

ქალწული: დღეს შეიძლება დიდ მანიპულატორად იქცეთ და ადამიანები თოჯინებივით ათამაშოთ. თუნდაც ეს მანიპულაცია სუსტი იყოს, მაგრამ არსი მაინც არ იცვლება. მზად ხართ, გარშემომყოფების მოქმედებებს საჭირო კალაპოტი მისცეთ. ამისთვის კი აამუშაოთ კავშირები, მინიშნებები, დაპირებები, ჭორები... ამან რომ არ იმუშაოს კიდეც, თქვენსას მაინც მიაღწევთ, მაგრამ უფრო ადვილი გზებით – ქედუხრელობითა და სხვების დარწმუნების უნარით.

სასწორი: დღეს ის იშვიათი დღეა, როდესაც ირგვლივმყოფებთან კამათში ნამდვილად შეიძლება დაიბადოს ჭეშმარიტება. მაგრამ მაინც სჯობს, არა იკამათოთ, არამედ განიხილოთ, იმსჯელოთ ნებისმიერ თემაზე – იდეებზე, გეგმებზე, პერსპექტივებზე. დღეს არაფერი ისე არ გაგამხნევებთ, არაფერი გაგიჩენთ ცინცხალ იდეებსა და მოქმედების სურვილს, როგორც ტვინის კარგი „შეჯანჯღარება“. თანამოაზრეებთან ერთად ნებისმიერ ამოცანასთან შეჭიდებას შეძლებთ.

მორიელი: მოთმინებითა და გაგებით უნდა მოეკიდოთ ადამიანს, რომელსაც დღეს თქვენი დახმარება, მხარდაჭერა ან რჩევა სჭირდება. თუ კეთილ საქმეს დროს დაუთმობთ, არ ინანებთ. პირიქით, კეთილისმყოფელის როლში თავს არაჩვეულებრივად იგრძნობთ. თქვენც ხომ დაგჭირვებიათ ვინმეს დახმარება ან რჩევა, და რატომ არ უნდა დაეხმაროთ თქვენ? და გახსოვდეთ, რომ სიკეთეცა და ბოროტებაც უკან ბუმერანგივით გვიბრუნდება.

მშვილდოსანი: დღეს ძალიან გაგიჭირდებათ თავის მოთოკვა, რომ ახლობლებს ბრძანებები არ მისცეთ და თქვენი ვალდებულებების ნაწილიც მათ არ გადააბაროთ. ვერაფერს გააწყობთ – ეს გუნდის კანონია, ყოველთვის დამყოლი ვერ იქნებით, ხანდახან კლანჭებიც უნდა გამოაჩინოთ. ამასთან დღეს ეს თავისთავადაც შეიძლება გამოვიდეს – სიტუაცია ისე ჩამოყალიბდეს, რომ არჩევნის წინაშე დადგეთ: ან ვერ გაუმკლავდეთ ყველა საქმეს, ან სხვა დაიხმაროთ.

თხის რქა: დღეს ირგვლივ არსებული ატმოსფერო გაგახარებთ. სითბოსა და ურთიერთდახმარების განცდა თქვენში დაბადებს გრძნობას, რომ ყველა, ვინც გარშემო ტრიალებს, ერთი დიდი ოჯახია. ასეთი სიკეთით სავსე განწყობა აუცილებლად აისახება თქვენ ქცევაზე – ჩვეულებრივზე მეტად გულგახსნილი იქნებით ურთიერთობებში. თქვენი მომხიბვლელობისთვის წინააღმდეგობის გაწევას ირგვლივ მყოფნი ვერ შეძლებენ – თუ მოინდომებთ, დაუძინებელ მტერსაც კი საუკეთესო მეგობრად აქცევთ.

მერწყული: თქვენი კომუნიკაბელურობა დღეს სასიამოვნო დივიდენდებით შეიძლება შემოგიბრუნდეთ. შესაძლოა, გარშემომყოფებთან თქვენი ცოდნით გაიბრწყინოთ, ან პერსპექტიული ნაცნობობა გააბათ. სხვაგვარად რომ ვთქვათ, დღეს სრულად უნდა წარმოაჩინოთ თქვენი დიდი ორატორული ნიჭი. რა თქმა უნდა, ლაპარაკი ყოველთვის არაა მისასალმებელი, მაგრამ დღეს გამონაკლისი შეგიძლიათ დაუშვათ და „მჭევრმეტყველების მაგიური ძალა“ აჩვენოთ.

თევზები: დღის განმავლობაში საინტერესო შეხვედრები და ნაცნობობა გელოდებათ, რომლებიც ზეგავლენას მოახდენს თქვენ შემდგომ ცხოვრებაზე. რა სახის იქნება ეს გავლენა – დადებითი თუ უარყოფითი, უკვე თვითონ თქვენზეა დამოკიდებული. ამიტომ ვარსკვლავები გირჩევენ, ყოველი შემთხვევისთვის, მთელი თქვენი ბუნებრივი ხიბლი აამოქმედოთ თითოეულ თანამოსაუბრესთან. მომხიბვლელობა კი, რაც მართალი, მართალი – არ გაკლიათ.

0