ვლადიმირ პუტინის და ნიკოლ ფაშინიანის შეხვედრა

ფაშინიანმა სომხეთში ახალი ატომური სადგურის მშენებლობა პუტინთან უნდა განიხილოს

74
ამჟამად სომხეთში ფუნქციონირებს ერთი ატომური ელექტროსადგური ქალაქ მეწამორში, მისი ორი ენერგობლოკიდან ექსპლუატაციაში მხოლოდ ერთი შევიდა

თბილისი, 7 აპრილი - Sputnik. სომხეთის პრემიერ-მინისტრმა ნიკოლ ფაშინიანმა რუსეთის პრეზიდენტ ვლადიმირ პუტინთან მოლაპარაკებების დაწყებამდე განაცხადა, რომ სომხეთში რუსეთის ჩართულობით ახალი ატომური ელექტროსადგურის მშენებლობა უნდა განიხილოს. ამის შესახებ РИА Новости წერს.

სომხეთის მთავრობის მეთაური ოთხშაბათს მოსკოვში ოფიციალური ვიზიტით ჩავიდა. რუსეთის პრეზიდენტთან შეხვედრის ფარგლებში ის განიხილავს ორმხრივი ურთიერთობების დღის წესრიგის საკვანძო საკითხებს, კერძოდ, სავაჭრო-ეკონომიკურ კავშირებს, ენერგეტიკას, უსაფრთხოებას, სტრატეგიულ ინვესტიციებს და ჯანდაცვას.

სომხეთის პრემიერ-მინისტრის და რუსეთის პრეზიდენტის შეხვედრის დღის წესრიგში შესულია საკითხები, რომლებიც უკავშირდება ყარაბაღზე სამმხრივი განცხადების დებულებების შესრულებას, მათი განხორციელების პროცესს და ჰუმანიტარული ხასიათის საკითხებს.

ამჟამად სომხეთში ატომური ელექტროსადგური ქალაქ მეწამორთან ფუნქციონირებს. მისი ორი ენერგობლოკი გააჩერეს 1988 წელს, სპიტაკის დამანგრეველი მიწისძვრის შემდეგ. 1995 წელს, ენერგეტიკული კრიზისის ფონზე, მეორე ენერგობლოკი კვლავ აამუშავეს.

2018 წლის მაისში სომხეთის ატომური ელექტროსადგურის გენერალურმა დირექტორმა მოვსეს ვარდანიანმა განუცხადა РИА Новости-ს, რომ მიმდინარეობდა საშუალო სიმძლავრის ენერგობლოკის მისაღები პროექტის მოძიება, ამ დროს უპირატესობა ენიჭებოდა რუსული პროექტის PWR-ის ტიპის ენერგეტიკულ რეაქტორს, რადგან სადგურის პერსონალს სწორედ ასეთი ენერგობლოკების ექსპლუატაციის მდიდარი გამოცდილება გააჩნია.

74
ვაქცინაცია აზერბაიჯანში

აზერბაიჯანში მილიონ დოზაზე მეტი ვაქცინაა გამოყენებული

54
(განახლებულია 15:24 12.04.2021)
ქვეყანაში მოსახლეობის იმუნიზაციის პროცესი 18 იანვრიდან დაიწყო, ვაქცინაცია კომპანია Sinovac-ის ჩინური პრეპარატი CoronaVac-ით ხორციელდება.

თბილისი, 12 აპრილი – Sputnik. აზერბაიჯანში ვაქცინირებულთა საერთო რაოდენობა 1.177.087 ადამიანს შეადგენს, იუწყება „Sputnik–აზერბაიჯანი“.

ვაქცინის პირველი დოზა 758.275-მა ადამიანმა მიიღო, მეორე დოზა – 418.812-მა.

ბოლო 24 საათში კორონავირუსის საწინააღმდეგო აცრა 23.538-მა ადამიანმა გაიკეთა.

ერთ დღეში პირველი დოზით ვაქცინირებულთა რაოდენობამ 18.956 ადამიანი შეადგინა, მეორე დოზა კი 4.582-მა ადამიანმა მიიღო.

2020 წლის 18 თებერვლიდან დღემდე მთლიანობაში აზერბაიჯანში კორონავირუსის 285.993 შემთხვევა გამოვლინდა, გამოჯანმრთელდა 250.708 ადამიანი, გარდაიცვალა 3.915 პაციენტი. განსაკუთრებული რეჟიმის საავადმყოფოებში მკურნალობის კურსს 31.370 ადამიანი გადის.

ქვეყანაში მოსახლეობის იმუნიზაციის პროცესი 18 იანვრიდან დაიწყო, ვაქცინაცია კომპანია Sinovac-ის ჩინური პრეპარატი CoronaVac-ით ხორციელდება.

 

54
ეპიდემია აზერბაიჯანში

აზერბაიჯანში ინფიცირებულთა რაოდენობამ 280 ათასს გადააჭარბა

33
(განახლებულია 22:28 09.04.2021)
გასული წლიდან მოყოლებული,  ქვეყანაში კორონავირუსის გამოსავლენად 2 990 285 ტესტი ჩატარდა, აქედან 12 692 გასულ დღე-ღამეში.

თბილისი, 9 აპრილი – Sputnik. აზერბაიჯანში გასულ დღე-ღამეში კორონავირუსით ინფიცირების 2206 ახალი შემთხვევა დაფიქსირდა, 1578-მა ადამიანმა კი ვირუსი დაამარცხა, იუწყება „Sputnik–აზერბაიჯანი“.

 ოფიციალური მონაცემების თანახმად, ინფექციისთვის დამახასიათებელი გართულებების გამო გასულ დღე–ღამეში გარდაიცვალა 35 პაციენტი.

2020 წლის 18 თებერვლიდან დღემდე მთლიანობაში აზერბაიჯანში კორონავირუსის 281  387  შემთხვევა გამოვლინდა, გამოჯანმრთელდა 247 459 ადამიანი, გარდაიცვალა 3 846 პაციენტი.

განსაკუთრებული რეჟიმის საავადმყოფოებში მკურნალობის კურსს 30 082 ადამიანი გადის.

აღნიშნულ პერიოდში ქვეყანაში კორონავირუსის გამოსავლენად 2 990 285 ტესტი ჩატარდა, აქედან 12 692 გასულ დღე-ღამეში.




33
არ გადაკვეთო დანაშაულის ადგილი!

ბათუმში „ნაცმოძრაობის“ ოფისი დააზიანეს

0
(განახლებულია 13:15 15.04.2021)
მსხვილი ოპოზიციის წარმომადგენლები მომხდარს მმართველი პარტიის მხრიდან  პოლიტიკურ ანგარიშსწორებად აფასებენ.

 

თბილისი, 15 აპრილი – Sputnik. ბათუმში ოპოზიციური პარტია „ერთიანი ნაციონალური მოძრაობის“ ერთ–ერთი ოფისი დააზიანეს, იუწყება პირევლი არხი.

შემთხვევა აღმაშენებლის ქუჩაზე გუშინ, გვიან ღამით მოხდა – ჩამსხვრეულია ოფისის კარის მინები.

პარტიის ერთ–ერთი ლიდერის გიორგი კირთაძის განცხადებით, მათ ვანდალურ ფაქტთან დაკავშირებით ინფორმაცია უკვე მიაწოდეს სამართალდამცავ ორგანოებს.

„ადგილზე კრიმინალური პოლიციის წარმომადგენლები არიან მისული და ფაქტს სწავლობენ. თუმცა, არ გვაქვს მოლოდინი, რომ ვინმეს დაკავება მოხდება“, – განაცხადა კირთაძემ.

მომხდარ ფაქტზე გამოძიება სსკ–ის 187-ე მუხლით დაიწყო, რაც ნივთის დაზიანებას ან განადგურებას გულისხმობს.

 

 

0
თემები:
შემთხვევები საქართველოში