ნიკოლ ფაშინიანი

ფაშინიანმა პრემიერ-მინისტრის პოსტიდან წასვლის თარიღი დაასახელა

77
პრემიერ-მინისტრმა ნიკოლ ფაშინიანმა განაცხადა, რომ ეროვნულ კრებაში ვადამდელი არჩევნების ჩატარების მიზნით თანამდებობას დატოვებს

თბილისი, 28 მარტი – Sputnik. სომხეთის პრემიერი ნიკოლ ფაშინიანი აპრილში გადადგება, განაცხადა სომხეთის მთავრობის მეთაურმა კვირას არმავირის ოლქის სოფელ არაგაცის მოსახლეობასთან გამართულ შეხვედრაზე, იუწყება Sputnik-სომხეთი.

ფაშინიანმა აღნიშნა, რომ მინისტრთა კაბინეტის ხელმძღვანელის მოვალეობებს ვადამდელი საპარლამენტო არჩევნების ჩატარებამდე შეასრულებს.

„აპრილში გადავდგები. მაგრამ არა იმიტომ, რომ ხელისუფლებიდან წავიდე, არამედ ვადამდელი საპარლამენტო არჩევნების ჩასატარებლად. გავაგრძელებ პრემიერის მოვალეობების შესრულებას“, - განაცხადა ფაშინიანმა.

მისი თქმით, თუ მოქალაქეები დაუდასტურებენ მას ნდობის მანდატს, ის და მისი გუნდი ხალხისთვის მუშაობას კიდევ უფრო მეტი ეფექტიანობით გააგრძელებენ. წინააღმდეგ შემთხვევაში მორჩილად გადასცემს ძალაუფლებას მას, ვისაც ხალხი აირჩევს.

შეგახსენებთ, 18 მარტს ფაშინიანმა განაცხადა, რომ 20 ივნისს სომხეთში ვადამდელი საპარლამენტო არჩევნები ჩატარდება. პრემიერი ამ განცხადებით გამოვიდა პარტია „აყვავებული სომხეთის“ ლიდერთან, გაგიკ ცარუკიანთან შეხვედრის შემდეგ. გარდა ამისა, ფაშინიანმა გამართა კონსულტაციები „ნათელი სომხეთის“ ლიდერთან, ედმონ მარუკიანთან.

ამ განცხადების შემდეგ მოქმედი ხელისუფლების წარმომადგენლებმა განაცხადეს, რომ არჩევნებზე სურთ ჰქონდეთ ახალი საარჩევნო კოდექსი, რომელსაც საფუძვლად პროპორციული საარჩევნო სისტემა უდევს. ახლა პროექტი გადაგზავნილია ვენეციის კომისიაში საექსპერტო დასკვნის მისაღებად. კომისია მას სასწრაფო წესით განიხილავს.

77
ბაქოს პოლიცია

აზერბაიჯანმა საქართველოს ძებნილი გადმოსცა

54
(განახლებულია 15:27 16.04.2021)
აზერბაიჯანის მოქალაქე, რომელმაც ავტოავარიისას ორი ადამიანი იმსხვერპლა, შემთხვევის ადგილიდან მიიმალა.

თბილისი, 16 აპრილი – Sputnik. აზერბაიჯანის გენერალურმა პროკურატურამ საქართველოს აზერბაიჯანის მოქალაქე გადმოსცა, რომელზე საერთაშორისო ძებნა იყო გამოცხადებული, იუწყება „Sputnik–აზერბაიჯანი“

მინსკის კონვენციის შესაბამისად, რომლის მომხრეც ბევრი ქვეყანაა, საქართველომ აზერბაიჯანს ილიას ალიევის გადმოცემა მოსთხოვა, რომელზეც საქართველოში სისხლის სამართლის საქმე იყო აღძრული.

გამოძიების მასალების თანახმად, 2018 წლის 23 მაისს ალიევმა მარნეული–ბოლნისის გზაზე ავტოსაგზაო შემთხვევა მოახდინა, რასაც ორი ადამიანი ემსხვერპლა. მაშინ იგი შემთხვევის ადგილიდან მიიმალა.

რუსთავის სასამართლოს 2020 წლის 17 დეკემბრის გადაწყვეტილებით, იგი სსკ-ის 276-ე მუხლით („ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც ორი ან მეტი ადამიანის სიცოცხლის მოსპობა გამოიწვია“) დამნაშავედ ცნეს და რვა წლით თავისუფლების აღკვეთა შეუფარდეს.

გამომდინარე იქიდან, რომ იგი ქვეყანაში არ იმყოფებოდა, მასზე საერთაშორისო ძებნა გამოცხადდა. ოთხი თვის შემდეგ დამნაშავე აზერბაიჯანმა მეზობელ სახელმწიფოს გადმოსცა.

54
ვაქცინაცია აზერბაიჯანში

აზერბაიჯანში მილიონ დოზაზე მეტი ვაქცინაა გამოყენებული

56
(განახლებულია 15:24 12.04.2021)
ქვეყანაში მოსახლეობის იმუნიზაციის პროცესი 18 იანვრიდან დაიწყო, ვაქცინაცია კომპანია Sinovac-ის ჩინური პრეპარატი CoronaVac-ით ხორციელდება.

თბილისი, 12 აპრილი – Sputnik. აზერბაიჯანში ვაქცინირებულთა საერთო რაოდენობა 1.177.087 ადამიანს შეადგენს, იუწყება „Sputnik–აზერბაიჯანი“.

ვაქცინის პირველი დოზა 758.275-მა ადამიანმა მიიღო, მეორე დოზა – 418.812-მა.

ბოლო 24 საათში კორონავირუსის საწინააღმდეგო აცრა 23.538-მა ადამიანმა გაიკეთა.

ერთ დღეში პირველი დოზით ვაქცინირებულთა რაოდენობამ 18.956 ადამიანი შეადგინა, მეორე დოზა კი 4.582-მა ადამიანმა მიიღო.

2020 წლის 18 თებერვლიდან დღემდე მთლიანობაში აზერბაიჯანში კორონავირუსის 285.993 შემთხვევა გამოვლინდა, გამოჯანმრთელდა 250.708 ადამიანი, გარდაიცვალა 3.915 პაციენტი. განსაკუთრებული რეჟიმის საავადმყოფოებში მკურნალობის კურსს 31.370 ადამიანი გადის.

ქვეყანაში მოსახლეობის იმუნიზაციის პროცესი 18 იანვრიდან დაიწყო, ვაქცინაცია კომპანია Sinovac-ის ჩინური პრეპარატი CoronaVac-ით ხორციელდება.

 

56
კამალა ჰარისი

აშშ-ის ვიცე-პრეზიდენტის მკვლელობის მუქარის ბრალდებით ფლორიდაში 39 წლის ექთანი დააკავეს

0
(განახლებულია 11:30 18.04.2021)
ქალის ადვოკატის თქმით, მისი დაცვის ქვეშ მყოფი ვიცე-პრეზიდენტისთვის „რეალურ საფრთხეს არ წარმოადგენდა“ და თავის აღშფოთებას მხოლოდ ქმართან ურთიერთობაში ავლენდა.

თბილისი, 18 აპრილი - Sputnik. აშშ-ის ფედერალურმა ხელისუფლებამ ვიცე-პრეზიდენტ კამალა ჰარისის მკვლელობის მუქარის ბრალდებით ფლორიდის მკვიდრი ქალი დააკავა, იუწყება გამოცემა USA Today.

სამართალდამცველებმა 39 წლის ექთანი ნივიან პეტი ფელპსი (Niviane Petit Phelps) ხუთშაბათს დააკავეს. არსებული ინფორმაციით, ბრალდებული „შეგნებულად და განზრახ იმუქრებოდა აშშ-ის ვიცე-პრეზიდენტის მოკვლით და სხეულის დაზიანების მიყენებით“.

საიდუმლო სამსახურის მონაცემებით, ბრალდებულმა მეუღლეს, რომელიც ციხეში პატიმრობას იხდის, რამდენიმე ვიდეო გაუგზავნა, სადაც გამოხატავდა რისხვას 2020 წლის არჩევნების შედეგების გამო, ასევე იარაღის ტარების ნებართვას მოითხოვდა. სასამართლოს ხელთ არსებული დოკუმენტებით, ფელპსმა ჩაწერა ხუთი ვიდეორგოლი, სადაც ჰარისის მოკვლით იმუქრებოდა და კონკრეტულ თარიღს ასახელებდა. აღნიშნულია, რომ ქალის მუქარას ამყარებდა მისი რწმენა, თითქოს ჰარისი „სინამდვილეში შავკანიანი არაა“.

სამედიცინო დაწესებულების ადმინისტრაციამ, რომელშიც ფელპსი 20 წლის განმავლობაში მუშაობდა, განაცხადა, რომ მას დაითხოვენ.

ქალის ადვოკატის თქმით, მისი დაცვის ქვეშ მყოფი ვიცე-პრეზიდენტისთვის „რეალურ საფრთხეს არ წარმოადგენდა“ და თავის აღშფოთებას მხოლოდ ქმართან ურთიერთობაში ავლენდა.

0