არმენ სარქისიანი

სომხეთის პრეზიდენტმა ოპოზიცია და პრემიერი შეხვედრაზე მიიწვია

61
(განახლებულია 23:17 10.03.2021)
მისი სიტყვებით, დღევანდელ ვითარებაში ერთადერთი მიზანია ქვეყნის დაცვა რყევებისგან, გაუთვალისწინებელი შედეგებისგან

თბილისი, 10 მარტი - Sputnik. სომხეთის პრეზიდენტმა არმენ სარქისიანმა 13 მარტს შეხვედრაზე მიიწვია პრემიერ-მინისტრი ნიკოლ ფაშინიანი, საპარლამენტო ძალების და ოპოზიციური მოძრაობის „სამშობლოს გადასარჩენად“ ხელმძღვანელები, რომლებიც მინისტრთა კაბინეტის მეთაურის გადადგომას ითხოვენ. იუწყება РИА Новости.

„ვიხელმძღვანელე ნაციონალური და საერთო ეროვნული ინტერესებით და შექმნილი ვითარების განხილვის, კრიზისიდან გამოსასვლელად ურთიერთმისაღები გადაწყვეტილებების გამონახვის მიზნით, 13 მარტს, 12:00 საათზე პრეზიდენტის რეზიდენციაში ვიწვევ რესპუბლიკის პრემიერ-მინისტრს, საპარლამენტო ფრაქციების, მოძრაობის „სამშობლოს გადასარჩენად“ ლიდერებს“, - აღნიშნულია პრეზიდენტის ვებგვერდზე განთავსებულ განცხადებაში.

სარქისიანმა იმედი გამოთქვა, რომ შეთავაზებაზე პასუხს 11 მარტის 17:00 საათამდე მიიღებს. მისი თქმით, ქვეყანაში პოლიტიკური კრიზისი გრძელდება, ვითარება კვლავ დაძაბულია, რამაც სახელმწიფოს გაუთვალისწინებელი, შეუქცევადი შედეგები შეიძლება მოუტანოს.

„პრობლემა ბევრია. მათ მოსაგვარებლად საჭიროა სასწრაფო სისტემური ცვლილებები, მათ შორის, საკონსტიტუციო და საკანონმდებლო. საკუთარი პოზიცია არაერთხელ გამოუთქვამთ მთავრობას, საპარლამენტო და არასაპარლამენტო პოლიტიკურ ძალებს. თუმცა არ არსებობს ურთიერთგაგება და ერთმანეთთან შეხვედრის სურვილი. მეტიც, გახშირდა შეურიგებლობისკენ მოწოდებები“, - ამტკიცებს სარქისიანი.

მისი სიტყვებით, დღევანდელ ვითარებაში ერთადერთი მიზანი იყო და რჩება ქვეყნის დაცვა რყევებისგან, გაუთვალისწინებელი შედეგებისგან.

„სახელმწიფოსა და ხალხის ინტერესია, ვითარების მოგვარება გადაუდებელ მოთხოვნად იქცა“, - ხაზს უსვამს პრეზიდენტი.

პოლიტიკური კრიზისი სომხეთში

მორიგი საპროტესტო აქციები ერევანში რუსული წარმოების „ისკანდერების“ შესახებ ფაშინიანის გაუფრთხილებელი გამონათქვამის შემდეგ დაიწყო. მან განაცხადა, რომ მთიან ყარაბაღში ომის დროს მოწოდებული ტექნიკა გაუმართავი იყო. მოგვიანებით ფაშინიანმა განაცხადა, რომ მას არასწორი ინფორმაცია მიაწოდეს.

მასმედიის მონაცემებით, სომხეთის გენშტაბის უფროსის მოადგილემ დასცინა პრემიერს, რის გამოც ფაშინიანმა ის თანამდებობიდან გაათავისუფლა. მან გენშტაბის ხელმძღვანელის ონიკ გასპარიანის გათავისუფლების ბრძანებაც მოამზადა, თუმცა პრეზიდენტმა არმენ სარქისიანმა ამ დოკუმენტს ხელი არ მოაწერა და ის თავისი არგუმენტებითურთ პრემიერის აპარატს დაუბრუნა.

მთავრობის მეთაურმა ხელმეორედ გაუგზავნა დოკუმენტი პრეზიდენტს, მან კი საკონსტიტუციო სასამართლოს მიმართა. თუმცა, პრეზიდენტმა საკონსტიტუციო სასამართლოში უშუალოდ გასპარიანის გადაყენების შესახებ ბრძანებულების პროექტი არ გაასაჩივრა და განაცხადა, რომ ეს საკითხი პრემიერ-მინისტრის კომპეტენციას წარმოადგენს როგორც იურიდიული პროცედურების თვალსაზრისით, ისე საკონსტიტუციო პასუხისმგებლობის და პოლიტიკური შედეგების კუთხით.

მანამდე სომხეთის შეიარაღებულმა ძალებმა, თავის მხრივ, ფაშინიანის გადადგომა მოითხოვეს. მინისტრთა კაბინეტის მეთაურმა ეს შეაფასა, როგორც გადატრიალების მცდელობა და თავის მხარდამჭერებს ქუჩაში გამოსვლისკენ მოუწოდა. ამასობაში ოპოზიციამ პარლამენტთან ბარიკადები აღმართა და კარვები გაშალა. ისინი ხელისუფლებასთან მოსალაპარაკებლად არ არიან განწყობილი და პრემიერ-მინისტრის გადადგომას მოითხოვენ.

 

61
ნიკოლ ფაშინიანი

სომხეთის პარლამენტმა ფაშინიანი პრემიერად აღარ აირჩია

62
(განახლებულია 17:03 03.05.2021)
გავრცელებული ინფორმაციით, პრემიერის კანდიდატურისთვის კენჭისყრა წინასწარ შეთანხმებული სცენარით ჩატარდა

თბილისი, 3 მაისი — Sputnik. სომხეთის პარლამენტმა ნიკოლ ფაშინიანი აღარ აირჩია ქვეყნის პრემიერ−მინისტრად, იუწყება Sputnik სომხეთი.

გავრცელებული ინფორმაციით, ფაშინიანის წინააღმდეგ, რომელიც ერთადერთი კანდიდატი იყო პრემიერ−მინისტრი პოსტზე, სამმა დეპუტატმა მისცა ხმა, 75−მა თავი შეიკავა, ხოლო ერთი თანახმა იყო.

ირკვევა, რომ კენჭისყრა შეთანხმებული სცენარით ჩატარდა: ფაშინიანს ახლა პრემიერად არ ირჩევენ, ერთი კვირის შემდეგ კი, განმეორებით კენჭისყრაზე, პარლამენტი დაიშლება და რიგგარეშე არჩევნები ჩატარდება.

პარლამენტის დათხოვნის შემდეგ პრეზიდენტი ოფიციალურად გამოაცხადებს რიგგარეშე არჩევნების თარიღს, რომლის თაობაზეც მანამდე შეთანხმდნენ სომხეთის ხელისუფლება და საპარლამენტო ოპოზიცია. როგორც ფაშინიანმა აღნიშნა დღეს, თუ ოპოზიცია შეთანხმებას დაარღვევდა და სხვა კანდიდატურას წამოაყენებდა, მაშინ პარტია „ჩემი ნაბიჯი“ მაშინვე აირჩევდა მას პრემიერად და რიგგარეშე არჩევნების საკითხი დაიხურებოდა.

62
თემები:
საერთაშორისო პანორამა
ვაქცინა „სპუტნიკV რუსეთიდან აზერბაიჯანში ჩაიტანეს

ვაქცინა „სპუტნიკV" რუსეთიდან აზერბაიჯანში ჩაიტანეს

85
კორონავირუსის საწინააღმდეგო რუსული პრეპარატით დატვირთული თვითმფრინავი ბაქოში ჰეიდარ ალიევის სახელობის საერთაშორისო აეროპორტში დაეშვა

თბილისი, 2 მაისი - Sputnik. რუსეთის ფედერაციის გამალეის ეპიდემიოლოგიისა და მიკრობიოლოგიის ეროვნული ცენტრის ვაქცინა „სპუტნიკV"-ს პირველი პარტია აზერბაიჯანში ჩაიტანეს, იუწყება Sputnik-აზერბაიჯანი.

რამდენიმე ათასი დოზა ვაქცინით დატვირთული თვითმფრინავი ბაქოში ჰეიდარ ალიევის სახელობის საერთაშორისო აეროპორტში კვირას, 2 მაისს დაეშვა.

როგორც აზერბაიჯანში რუსეთის ელჩმა მიხაილ ბოჩარნიკოვმა აღნიშნა, რუსული ვაქცინის პირველი პარტია 40 ათას დოზას მოიცავს.

ქვეყანაში მეორე პარტიაც მაისში შემოვა, აღნიშნა დიპლომატმა.

ვაქცინა „სპუტნიკV" დამტკიცებულია 60 ქვეყანაში, რომელთა საერთო მოსახლეობა 3 მილიარდ ადამიანს შეადგენს. პრეპარატის ეფექტიანობამ 91,6% შეადგინა, რაც დადასტურებულია უძველესი და ერთ-ერთი ყველაზე პატივსაცემი სამედიცინო ჟურნალ The Lancet-ის მიერ ადრე გამოქვეყნებულ მონაცემებში.

ვაქცინა ადამიანის კარგად შესწავლილ ადენოვირუსულ პლატფორმაზეა შექმნილი. ის ორ სხვადასხვა ვექტორს იყენებს ორი აცრისთვის და იმაზე ხანგრძლივ იმუნიტეტს უზრუნველყოფს, ვიდრე სხვა პრეპარატები, რომლებიც იმავე მექანიზმს იყენებენ ვაქცინაციისას.

აზერბაიჯანში 18 იანვარს მოსახლეობის SARS-CoV-2 კორონავირუსის საწინააღმდეგო ვაქცინაცია დაიწყო. პირველად აზერბაიჯანში აცრა ჩაუტარდა მედმუშაკებს, შემდეგ 65 წელს ზემოთ ასაკის მოქალაქეები, შემდეგ მოვიდა 50 წელს ზემოთ ასაკის მოქალაქეთა რიგი. ხოლო 22 მარტიდან დაიწყო 40 წელს ზემოთ ასაკის მოქალაქეთა ვაქცინაცია. გამონაკლისს წარმოადგენენ 18 წლამდე ასაკის მოქალაქეები, ორსულები და ალერგიული გართულებების მქონე პირები. ვაქცინაცია ტარდება ჩინური კომპანია Sinovac-ის ვაქცინა CoronaVac-ით.

გარდა ამისა, ადრე რესპუბლიკაში COVAX-პლატფორმის ფარგლებში კომპანია AstraZeneca-ს ვაქცინა Vaxzevria-ს 84 ათასი დოზა შეიტანეს. ამ ვაქცინით აცრის ჩატარება შეუძლიათ 60 წელს ზემოთ ასაკის მოქალაქეებს.

85
სამების ტაძარი

კვირაცხოვლობა - თომას კვირეული

0
(განახლებულია 20:02 08.05.2021)
აღდგომის ბრწყინვალე შვიდეული გვირგვინდება კვირიაკით, რომელსაც ეწოდება კვირაცხოვლობა, ანუ ახალი კვირა, ანუ აღდგომის განახლება. ამ დღიდან მოყოლებული, ყოველი კვირა დღე აღდგომის დღესასწაულია.

თბილისი, 9 მაისი — Sputnik. დღეს მართლმადიდებელი ეკლესია კვირაცხოვლობის დღესასწაულს აღნიშნავს, სადღესასწაულო წირვას 10:00 საათზე სვეტიცხოვლის საკათედრო ტაძარში საქართველოს კათოლიკოს-პატრიარქი ილია მეორე აღავლენს.

კვირაცხოვლობა — აღდგომის განახლებაა, ამ დღიდან მოყოლებული ყოველი კვირა დღე აღდგომის დღესასწაულია. ამიტომაც მორწმუნეები კვირაობით ეკლესიაში სადღესასწაულო წირვაზე იკრიბებიან. 

კვირაცხოვლობას ასევე თომას კვირა ეწოდება. სახარებაში აღწერილია, თუ როგორ გამოეცხადა აღდგომის დღეს, საღამოს, მაცხოვარი თავის მოწაფეებს და უჩვენა თავისი ჭრილობები. ამ შეხვედრას არ ესწრებოდა თომა, რომელსაც გული დასწყდა და თქვა, სანამ ჩემი თვალით არ ვიხილავ იესოს, არ დავიჯერებ მის აღდგომასო.

აღდგომიდან მერვე დღეს, ისევ კვირა საღამოს, მაცხოვარი კვლავ გამოეცხადა მოწაფეებს, ამჯერად თომას თანდასწრებით, უჩვენა ჭრილობები და უთხრა თომას, მოსულიყო და ხელით შეხებოდა. თომა მუხლებზე დაეცა და თაყვანი სცა მაცხოვარს. იგი პირველი იყო მოწაფეთა შორის, რომელმაც სრულიად აღიარა იესო ქრისტეს ღვთაებრივი ბუნება.

უფალმა უთხრა მას: “შენ იხილე და ირწმუნე, თომა, ნეტარ იქნებიან ისინი, ვისაც არ უხილავს და იწამა”. 

კვირაცხოვლობას ტაძრებში დაჭრილი არტოსი – საგანგებოდ გამომცხვარი პური რიგდება, რომელიც აღდგომის დღიდან მთელი ბრწყინვალე შვიდეულის მანძილზე ეკლესიებში კანკელის წინ პატარა მაგიდაზე დევს და დიდი მადლით იმოსება. მორწმუნეები მას განსაცდელისას, სულიერი და ხორციელი უძლურების დროს იღებენ. 

0