ვიდეოხიდი თემაზე: „ამიერკავკასიის ენერგეტიკა, ტრანზიტი და ტვირთბრუნვა“.

ამიერკავკასიის სარკინიგზო ხაზი, როგორც რეგიონში უსაფრთხოებისა და მშვიდობის გარანტი

285
როგორც სხვადასხვა ქვეყნის ეკონომიკის სფეროს ექსპერტებმა აღნიშნეს, სომხეთის სარკინიგზო კავშირი რუსეთთან აზერბაიჯანის გავლით საქართველოსაც ახალ შესაძლებლობებსა და სარგებელს მოუტანს

თბილისი, 24 თებერვალი - Sputnik. ამჟამად არ არსებობს შეშფოთების მიზეზი, რომ საქართველომ შესაძლოა დაკარგოს კავკასიაში სატრანზიტო უპირატესობა, აღნიშნა ეკონომიკურ საკითხთა ექსპერტმა იოსებ არჩვაძემ მოსკოვი-თბილისი-ბაქო-ერევანის ვიდეოხიდის მსვლელობისას თემაზე: „ამიერკავკასიის ენერგეტიკა, ტრანზიტი და ტვირთბრუნვა“.

მთავარი განსახილველი საკითხი იყო სომხეთის სარკინიგზო კავშირი რუსეთთან აზერბაიჯანის გავლით, რომელიც აზერბაიჯანის პრეზიდენტ ილჰამ ალიევთან, ასევე სომხეთის პრემიერ-მინისტრ ნიკოლ ფაშინიანთან რუსეთის პრეზიდენტის ვლადიმერ პუტინის შეხვედრისას წამოიჭრა. დასახულ ამოცანებს შორის მხარეებმა დაასახელეს რეგიონში ეკონომიკური, სავაჭრო და სატრანსპორტო კავშირების აღდგენა და საზღვრების გახსნა.

მიუხედავად იმისა, რომ შეხვედრაში საქართველო არ მონაწილეობდა, ქვეყანაში ბევრს გაუჩნდა კითხვა, ხომ არ შემცირდება საქართველოს, როგორც სატრანზიტო ქვეყნის, როლი სომხეთსა და აზერბაიჯანს შორის სარკინიგზო კავშირის გახსნისა და ინფრასტრუქტურის განვითარების შედეგად.

„პირველ რიგში, ჩვენ მომავალში უნდა გავიხედოთ, რადგან სარკინიგზო და სახმელეთო გზების გამტარუნარიანობის შესაძლებლობები უნდა ეფუძნებოდეს არა მხოლოდ სამხრეთ კავკასიის სამი ქვეყნის დღევანდელ მოცულობასა და პოტენციურ შესაძლებლობებს, არამედ უნდა განიხილებოდეს პერსპექტივაშიც. ეს ნიშნავს, რომ მომავალში ტრანსპორტის ნაკადი, გადასაზიდი ტვირთის მოცულობა გაიზრდება და აუცილებელი გახდება საგზაო ინფრასტრუქტურის განვითარება. სასაქონლო ნაკადის მოძრაობის ინტენსივობა მოიმატებს სამივე სამხრეთ კავკასიური ქვეყნის ეკონომიკური პოტენციალის ზრდის ხარჯზე. ეს ერთი პირობაა. მეორე - თავად სამხრეთ კავკასიის ქვეყნები არა მხოლოდ უახლოესი მეზობლები არიან, არამედ თითოეული ასრულებს სატრანზიტო ფუნქციას და ეს ფუნქციები დროთა განმავლობაში გაიზრდება“, - აღნიშნა არჩვაძემ Sputnik-საქართველოს მულტიმედიურ პრესცენტრში.

მისი თქმით, ქართული სარკინიგზო ხაზების და სხვა სატრანსპორტო კვანძების გამოყენების პერსპექტივა ოპტიმისტურია. ამას ხელს უწყობს ის ფაქტიც, რომ საქართველოში უკვე დაიწყო ქვეშეთი-კობის ყველაზე გრძელი ცხრაკილომეტრიანი გვირაბის მშენებლობა, რომელიც საქართველოსა და რუსეთს შორის სატრანსპორტო კავშირს მთელი წლის განმავლობაში უზრუნველყოფს, რაც გაამარტივებს საქართველოს გავლით სომხური საქონლის ტრანზიტს რუსეთში და პირიქით, აღნიშნა ეკონომისტმა. 

Иосиф Арчвадзе. Видеомост Москва-Тбилиси-Баку-Ереван на тему: Энергетика, транзит и грузооборот Закавказья
© Sputnik / Alex Shlamov
იოსებ არჩვაძე. ვიდეოხიდი მოსკოვი-თბილისი-ბაქო-ერევანი თემაზე: „ამიერკავკასიის ენერგეტიკა, ტრანზიტი და ტვირთბრუნვა“.

როგორც ანალიტიკური ჟურნალის „გეოენერგეტიკა.ინფოს“ მთავარმა რედაქტორმა ბორის მარცინკევიჩმა აღნიშნა, აზერბაიჯანის ტერიტორიასა და ნახიჩევანის რესპუბლიკას შორის სარკინიგზო კავშირის აღდგენის გეგმაზე მუშაობა, პირველ რიგში, თავად აზერბაიჯანმა უნდა დაიწყოს, თუმცა ასეთი მასშტაბური პროექტის რეალიზებით არანაკლებ არიან დაინტერესებული რუსეთი, სომხეთი და თურქეთიც კი.

„აზერბაიჯანს ეს გზა სჭირდება იმისთვის, რომ აღადგინოს შვიდი რაიონი, რომ ნახიჩევანთან პირდაპირი სატრანსპორტო კავშირი დაამყაროს. რუსეთი დაინტერესებულია იმდენად, რამდენადაც რუსეთისა და აზერბაიჯანის სარკინიგზო გზების დაკავშირების შედეგად შესაძლებელი იქნება ნახიჩევანის სადგურიდან თეირანში ჩასვლა. სომხეთის პირდაპირი ინტერესი არის მის ტერიტორიაზე გავლის საფასური, თუ სამხრეთ კავკასიის სარკინიგზო ხაზი აღდგება. გარდა ამისა, სომხეთს გაუჩნდება შესაძლებლობა, ბოლოსდაბოლოს დაიწყოს სარკინიგზო პროექტების ხორცშესხმა. არსებობს სომხეთ-ჩინეთის თანამშრომლობის სერიოზული პერსპექტივები. სარკინიგზო გზის აღდგენით დაინტერესებულია ყველა, მათ შორის, თურქეთი. მას ახლა ერთი ვარიანტი აქვს - საქართველოს გავლით მოძრაობა, მაგრამ სატრანსპორტო შესაძლებლობები ზედმეტი არასდროსაა“, - აღნიშნა მარცინკევიჩმა.

ვიდეოხიდის მსვლელობისას ითქვა, რომ ნებისმიერი ერთობლივი ეკონომიკური პროექტი ხელს შეუწყობს კონფლიქტებისა და უსაფრთხოების საკითხების მოგვარებას რეგიონში, ასევე შემატებს მას კონკურენტუნარიანობას.

„დღევანდელი სიტუაცია - დეგლობალიზაციის ტრენდი - ჩვენს მხარეებს აძლევს შესაძლებლობას, გარე მოთამაშეების გარეშე, თავად მოაგვარონ პრობლემები, რომლებიც რეგიონში დაგროვდა. როდესაც ამ საკითხებს თავად ვწყვეტთ, დარწმუნებული ვარ, შედეგები რეგიონის ქვეყნებისთვის უფრო დადებითი იქნება. ჩემი აზრით, ჩვენი რეგიონის ყველა ქვეყნის ხელმძღვანელობამ, პირველ რიგში, პოლიტიკური ნება უნდა გამოავლინოს“, - აღნიშნა UNEC-ის პროფესორმა ელშად მამედოვმა.

ასეთივე მოსაზრება გამოხატა ეკონომისტმა, ერევანის ყოფილმა მერმა, სომხეთის პარლამენტის ყოფილმა დეპუტატმა ვააგნ ხაჩათრიანმა.

„ნებისმიერი ასეთი ერთობლივი ეკონომიკური პროგრამა ხელს უწყობს რეგიონში კონფლიქტებისა და უსაფრთხოების საკითხების მოგვარებას. თუ სომხეთი და ამიერკავკასიის ყველა ქვეყანა ჩაებმება მსგავს მასშტაბურ ერთობლივ  პროექტებში, რეგიონში უზრუნველყოფილი იქნება უსაფრთხოება და ეკონომიკური სარგებელი. ბუნებამ ამ რეგიონში ცხოვრების შესაძლებლობა მოგვცა. საქართველომ აუცილებლად უნდა მიიღოს მონაწილეობა ამ საქმეში - ახალი შესაძლებლობები ახალ სარგებელს მოიტანს“, - ფიქრობს იგი. 

გარდა ამისა, ხაჩათრიანმა ისაუბრა მნიშვნელოვან ინიციატივაზე - „ერთიანი ენერგეტიკული სისტემის“ შექმნაზე. მისი თქმით, ეს იდეა 2015 წელს დაიბადა და ოთხი ქვეყანა - ირანი, სომხეთი, რუსეთი და საქართველო - შეთანხმდა ე.წ. ენერგეტიკული დერეფნის შექმნაზე. ახლა, როდესაც იხილება ენერგეტიკული კავშირების შემდგომი განვითარება, შესაძლებელია საუბარი ასეთი სისტემის შექმნაზე ხუთი ქვეყნისთვის, აზერბაიჯანის ჩათვლით, და თურქეთისთვისაც კი, ფიქრობს ეკონომისტი.

285
ბაქოს პოლიცია

აზერბაიჯანმა საქართველოს ძებნილი გადმოსცა

51
(განახლებულია 15:27 16.04.2021)
აზერბაიჯანის მოქალაქე, რომელმაც ავტოავარიისას ორი ადამიანი იმსხვერპლა, შემთხვევის ადგილიდან მიიმალა.

თბილისი, 16 აპრილი – Sputnik. აზერბაიჯანის გენერალურმა პროკურატურამ საქართველოს აზერბაიჯანის მოქალაქე გადმოსცა, რომელზე საერთაშორისო ძებნა იყო გამოცხადებული, იუწყება „Sputnik–აზერბაიჯანი“

მინსკის კონვენციის შესაბამისად, რომლის მომხრეც ბევრი ქვეყანაა, საქართველომ აზერბაიჯანს ილიას ალიევის გადმოცემა მოსთხოვა, რომელზეც საქართველოში სისხლის სამართლის საქმე იყო აღძრული.

გამოძიების მასალების თანახმად, 2018 წლის 23 მაისს ალიევმა მარნეული–ბოლნისის გზაზე ავტოსაგზაო შემთხვევა მოახდინა, რასაც ორი ადამიანი ემსხვერპლა. მაშინ იგი შემთხვევის ადგილიდან მიიმალა.

რუსთავის სასამართლოს 2020 წლის 17 დეკემბრის გადაწყვეტილებით, იგი სსკ-ის 276-ე მუხლით („ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც ორი ან მეტი ადამიანის სიცოცხლის მოსპობა გამოიწვია“) დამნაშავედ ცნეს და რვა წლით თავისუფლების აღკვეთა შეუფარდეს.

გამომდინარე იქიდან, რომ იგი ქვეყანაში არ იმყოფებოდა, მასზე საერთაშორისო ძებნა გამოცხადდა. ოთხი თვის შემდეგ დამნაშავე აზერბაიჯანმა მეზობელ სახელმწიფოს გადმოსცა.

51
ვაქცინაცია აზერბაიჯანში

აზერბაიჯანში მილიონ დოზაზე მეტი ვაქცინაა გამოყენებული

56
(განახლებულია 15:24 12.04.2021)
ქვეყანაში მოსახლეობის იმუნიზაციის პროცესი 18 იანვრიდან დაიწყო, ვაქცინაცია კომპანია Sinovac-ის ჩინური პრეპარატი CoronaVac-ით ხორციელდება.

თბილისი, 12 აპრილი – Sputnik. აზერბაიჯანში ვაქცინირებულთა საერთო რაოდენობა 1.177.087 ადამიანს შეადგენს, იუწყება „Sputnik–აზერბაიჯანი“.

ვაქცინის პირველი დოზა 758.275-მა ადამიანმა მიიღო, მეორე დოზა – 418.812-მა.

ბოლო 24 საათში კორონავირუსის საწინააღმდეგო აცრა 23.538-მა ადამიანმა გაიკეთა.

ერთ დღეში პირველი დოზით ვაქცინირებულთა რაოდენობამ 18.956 ადამიანი შეადგინა, მეორე დოზა კი 4.582-მა ადამიანმა მიიღო.

2020 წლის 18 თებერვლიდან დღემდე მთლიანობაში აზერბაიჯანში კორონავირუსის 285.993 შემთხვევა გამოვლინდა, გამოჯანმრთელდა 250.708 ადამიანი, გარდაიცვალა 3.915 პაციენტი. განსაკუთრებული რეჟიმის საავადმყოფოებში მკურნალობის კურსს 31.370 ადამიანი გადის.

ქვეყანაში მოსახლეობის იმუნიზაციის პროცესი 18 იანვრიდან დაიწყო, ვაქცინაცია კომპანია Sinovac-ის ჩინური პრეპარატი CoronaVac-ით ხორციელდება.

 

56
სიცილია, ეოლიის კუნძულები

დღის ასტროპროგნოზი ზოდიაქოს ნიშნებისთვის: 17 აპრილი

0
(განახლებულია 14:12 16.04.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 17 აპრილია, შაბათი. მზარდი მთვარე ტყუპის ნიშანშია. ამ დღეს პლანეტა სატურნი მფარველობს.

აუცილებლად გამოიყენეთ დღევანდელი დღის შესაძლებლობები. ემოციები ღრმა და ძლიერი იქნება, მაგრამ საკმარისია სულიერი წონასწორობის შენარჩუნება და მაშინ შეუძლებელი არაფერი იქნება, ყველაფერი ჩვეულებრივზე იოლად გამოგივათ. ამ დღის პრიორიტეტებია სიყვარული, ურთიერთობები, ფული. მთავარია, ბრმად არ მიჰყვეთ გრძნობებს და ყველა შესაძლოა შედეგი წინასწარ გათვალოთ.

ზოდიაქო: მამაკაცის ხიბლის 12 ელფერი>>

ვერძი: დღეს ემოციებისა და ურთიერთობების მორევში გადაეშვებით. იმდენად ამაღლებული განწყობით იქნებით, რომ მზად ხართ მოულოდნელი და იმპულსური ქმედებებისთვის. ნებისმიერი რამ შეიძლება მოხდეს: უეცარი გრძნობები, ახალი ნაცნობობა, გართობა, მოულოდნელი გადაწყვეტილებები, ფლირტი. ვარსკვლავები გაფრთხილებენ, როგორც არ უნდა გინდოდეთ მოდუნება, თავი მაინც არ დაკარგოთ და კონტროლი ხელიდან არ გაუშვათ. წინააღმდეგ შემთხვევაში არის ალბათობა იმისა, რომ რაღაცის ზღვარი დაარღვიოთ.

კურო: არაა გამორიცხული, რომ დღეს ისეთი ცუდი გრძნობების გამოვლინებებს წააწყდეთ, როგორიცაა სიხარბე ან შური. შესაძლოა, ეს თქვენკენ იყოს მომართული, ან თავად იგრძნოთ შური ვინმეს მიმართ. დღემ რომ მშვიდად ჩაიაროს, ეცადეთ, დღეს თავი აარიდოთ ისეთ ადამიანებთან შეხვედრებს, რომელთაც თქვენზე მეტი შემოსავლები ან წარმატებები აქვთ. ამასთან, არ ღირს საკუთარი გამარჯვებების სახალხოდ გამოფენა, რომ ამან სხვებში არ გამოიწვიოს შური.

ტყუპი: პრაქტიკულად ნებისმიერ საქმეში ჯანსაღი აზარტი მოგცემთ მიმართულებას. ამ შემთხვევაში აუცილებელი არაა მეგობრებთან ნაძლევის დადება ან ფსონის ჩამოსვლა კაზინოში. აზარტი, პირველ რიგში, გამოვლინდება თქვენს სურვილში, რომ რაღაც სხვებზე უკეთესად გააკეთოთ. მეტოქეობა, გამოგონილი იქნება ეს თუ რეალური, ბიძგს მოგცემთ როგორც სამუშაოზე, ისე ყოფასა და სიყვარულში, დაგეხმარებათ უფრო კარგი შედეგების მიღებაში.

კირჩხიბი: არაა გამორიცხული, რომ დღევანდელი მოვლენების წყალობით ჩიხში მოექცეთ, ან ნამდვილ ამოუცნობ საიდუმლოს შეეჯახოთ. რას იზამთ, დღეს ინტუიცია ჭარბობს ლოგიკას. რა გამოცანის ამოხსნასაც არ უნდა ეცადოთ, ამის გაკეთება დედუქციის წყალობით გაგიჭირდებათ. დიდი ალბათობით, სწორი დასკვნების გამოტანისთვის საჭირო ფაქტები არ გეყოფათ. სამაგიეროდ ამ დანაკლისს ინტუიცია შეავსებს, რომელიც სათანადო სიმაღლეზე იქნება.

ლომი: დღეს განწყობა გაქვთ ისეთი, რომ რაღაც ახლის გამოცდაზე უარს არ იტყოდით. შეიძლება ეს იყოს სპორტის ექსტრემალური სახეობა, ახალი ცოდნის მიღების წყურვილი ან სიყვარული. თუ გყავთ საყვარელი ადამიანი, ნამდვილად ღირს, რომ მასთან გაატაროთ საღამო და ჩვეულ სცენარს გადაუხვიოთ. თუ მარტოხელა ბრძანდებით, დღე გაძლევთ ახალი ნაცნობობისა და თამამი ექსპერიმენტების შესაძლებლობას. გარდა ამისა, თქვენი ტვინის მარჯვენა ნახევარსფერო მთელი სიმძლავრით იმუშავებს და ეს შეგიძლიათ შემოქმედებისთვის გამოიყენოთ.

ქალწული: დღეს შეიძლება დიდი პრობლემები შეგექმნათ თვითორგანიზებასთან დაკავშირებით. გაგიჭირდებათ ყოველდღიური საქმეების ჩვეულ ტემპში შესრულება. ყურადღება ყველაფერმა შეიძლება გაგიფანტოთ – გარშემომყოფებმა, მოვლენებმა, თქვენმა აკვიატებულმა აზრებმა. ამ გონებაგაფანტულობის გამო, არაა გამორიცხული, ყველა საქმე ჩაგეშალოთ, რასაც ხელს მოჰკიდებთ. ვარსკვლავები გირჩევენ, არ ეცადოთ სიტუაციის „გამოსწორება“, სჯობს, პატარა ტაიმ–აუტი აიღოთ. დასვენება და გართობა გჭირდებათ, საქმეები კი მოიცდის.

სასწორი: დღეს ვარსკვლავცები მთლიანად თქვენ მხარეს არიან. ფორტუნა გაგიღიმებთ, ასე რომ, მოემზადეთ სასიამოვნო სიურპრიზებისთვის. შესაძლოა, გაგიმართლოთ სიყვარულში, ან მიიღოთ თანხა, რომლის იმედიც არ გქონდათ. არც ისაა გამორიცხული, რომ რაღაც სასიამოვნო სიახლის შესახებ შეიტყოთ. თუ აპირებთ გეგმის განხორციელებას, რომელშიც იღბლიანობასაც უნდა ენდოთ, ამისთვის სწორედ რომ საუკეთესო დროა.

მორიელი: დღეს თქვენი მოთმინების ფიალა ფიალა კი არა, ჩაის კოვზზე პატარაა. თუ სხვა დროს რამე მოვლენას ყურადღებასაც კი არ მიაქცევდით, დღეს ამან წყობილებიდან შეიძლება გამოგიყვანოთ. ეს განსაკუთრებით ეხება ირონიას (თუნდაც მეგობრულსა და უწყინარს), ასევე კრიტიკას გარშემომყოფების მხრიდან. იმისთვის, რომ თქვენი არცთუ პოზიტიური ემოციები ვინმეზე არ გადატყდეს ჯოხივით, სჯობს, თუ მათ უსაფრთხო კალაპოტში მიმართავთ, მაგალითად, ფიზიკურ ვარჯიშში – ირბენთ, აუზში იცურავებთ და ა.შ.

მშვილდოსანი: დღეს გარშემომყოფებს ტყუილად ექნებათ იმედი, რომ ლოგიკურად იმოქმედებთ. ყველაფერი, რასაც გააკეთებთ, ნაკარნახევი იქნება ისეთი რკინისებრი არგუმენტებით, როგორიცაა „მინდა“ და „არ მინდა“. მთელი დღესურვილების ტყვეობაში იქნებით, თან ისე, რომ ზოგიერთ ნაბიჯს თქვენ თვითონაც ვერ მოუძებნით ახსნას. წამიერი სურვილების აყოლით რომ შეცდომები არ დაუშვათ, სჯობს, მოუსმინოთ მეგობრებსა და ახლობლებს. უბრალოდ, სიტყვაზე ენდეთ – გვერდიდან ყველაფერი უფრო კარგად მოჩანს.

თხის რქა: დღეს რაღაც მოვლენებს, შესაძლოა, იმაზე მეტი მნიშვნელობა მიანიჭოთ, ვიდრე ისინი ამას იმსახურებს: მომძლავრებული ემოციურობის გამო ირგვლივ განვითარებულ მოვლენებს კონტრასტულ ფერებში დაინახავთ, ნებისმიერი საბაბის გამო შეიძლება აღფრთოვანდეთ ან პირიქით, უხასიათოდ შეიქმნეთ. ამასთან, ზედმეტი ყურადღება შეიძლება მიაქციოთ რაღაც მინიშნებებს, თანხვედრებს. თუ შეძლებთ თქვენი მძლავრი ემოციების გაკონტროლებას, მაშინ დღე ალზე საინტერესო და მრავალფეროვანი იქნება.

მერწყული: თუ მოინდომებთ, დღეს საჭირო ადამიანებზე სათანადო შთაბეჭდილების მოხდენას შეძლებთ. მოვლენები დაგეხმარებათ, რომ თავი მომგებიანად წარმოაჩინოთ ხელმძღვანელობის, კოლეგების ან ახლობელი ადამიანების წინაშე. ეს სცენარი რომ განვითარდეს, ამისთვის საკმარისია, მოვლენების ცენტრში აღმოჩნდეთ, არ მოგერიდოთ გარშემომყოფებისთვის თქვენი ნიჭის ჩვენება, უნარის, რომ შეგიძლიათ სწორად მოქმედება და საჭირო გადაწყვეტილებების მიღება ყველაზე არასტანდარტულ გარემოშიც კი.

თევზები: დღეს არის რისკი, რომ თქვენი ნების საწინააღმდეგოდ რაღაც მოვლენების ან, შესაძლოა, ინტრიგების ქსელში აღმოჩნდეთ ჩართული. გარშემომყოფები, იხელმძღვანელებენ რა თავიანთი მიზნებით, თქვენით მანიპულირებას შეეცდებიან. შესაძლოა, შემოგთავაზონ რაღაც მოვლენაში მონაწილეობა, ან გაგიზიარონ ჭორები, რომ შემდეგ ეს ინფორმაცია გაავრცელოთ. ასეა თუ ისე, ვარსკვლავები გირჩევენ, თავი შორს დაიჭიროთ სხვისი საქმეებისგან.

0