სეისმოგრაფი

სომხეთში მიწისძვრა მოხდა: მაღალსართულიანი კორპუსების მცხოვრებლები გარეთ გავიდნენ

2088
(განახლებულია 20:51 13.02.2021)
მიწისძვრა საქართველოს საზღვართან 122 კილომეტრში მოხდა. მიწისქვეშა ბიძგები საქართველოშიც იგრძნობოდა.

თბილისი, 13 თებერვალი – Sputnik. სომხეთში, საქართველოს საზღვრიდან 122 კილომეტრში, 5,1 მაგნიტუდის მიწისძვრა მოხდა, იუწყება საქართველოს სეისმური მონიტორინგის ეროვნული ცენტრი.

მიწისძვრა თბილისის დროით 15:29 საათზე საქართველოს დედაქალაქიდან 183 კილომეტრში მოხდა. მიწისქვეშა ბიძგები საქართველოშიც იგრძნობოდა.

ეპიცენტრი ერევნიდან სამხრეთ-აღმოსავლეთით 8 კილომეტრში მდებარეობდა, კერა 10 კილომეტრის სიღრმეზე დაფიქსირდა. მიწისძვრის სიმძლავრემ ეპიცენტრში 6-7 ბალი შეადგინა, იუწყება Sputnik-სომხეთი.

სომხეთის დედაქალაქში ბიძგების ძალამ 5-6 ბალი შეადგინა, სხვა ქალაქებში - 3-4 ბალი. ერევანში მრავალსართულიანი კორპუსის მცხოვრებლები ეზოებში გავიდნენ. ერევნის ერთ-ერთი საცხოვრებელ სახლის კედელზე ბზარი გაჩნდა, დაზიანდა ერთ-ერთი სავაჭრო ცენტრი, ხოლო სომხეთის მობილური კავშირის მუშაობაში შეფერხება იყო.

 

2088
ვიდეოხიდი თემაზე: „ამიერკავკასიის ენერგეტიკა, ტრანზიტი და ტვირთბრუნვა“.

ამიერკავკასიის სარკინიგზო ხაზი, როგორც რეგიონში უსაფრთხოებისა და მშვიდობის გარანტი

260
როგორც სხვადასხვა ქვეყნის ეკონომიკის სფეროს ექსპერტებმა აღნიშნეს, სომხეთის სარკინიგზო კავშირი რუსეთთან აზერბაიჯანის გავლით საქართველოსაც ახალ შესაძლებლობებსა და სარგებელს მოუტანს

თბილისი, 24 თებერვალი - Sputnik. ამჟამად არ არსებობს შეშფოთების მიზეზი, რომ საქართველომ შესაძლოა დაკარგოს კავკასიაში სატრანზიტო უპირატესობა, აღნიშნა ეკონომიკურ საკითხთა ექსპერტმა იოსებ არჩვაძემ მოსკოვი-თბილისი-ბაქო-ერევანის ვიდეოხიდის მსვლელობისას თემაზე: „ამიერკავკასიის ენერგეტიკა, ტრანზიტი და ტვირთბრუნვა“.

მთავარი განსახილველი საკითხი იყო სომხეთის სარკინიგზო კავშირი რუსეთთან აზერბაიჯანის გავლით, რომელიც აზერბაიჯანის პრეზიდენტ ილჰამ ალიევთან, ასევე სომხეთის პრემიერ-მინისტრ ნიკოლ ფაშინიანთან რუსეთის პრეზიდენტის ვლადიმერ პუტინის შეხვედრისას წამოიჭრა. დასახულ ამოცანებს შორის მხარეებმა დაასახელეს რეგიონში ეკონომიკური, სავაჭრო და სატრანსპორტო კავშირების აღდგენა და საზღვრების გახსნა.

მიუხედავად იმისა, რომ შეხვედრაში საქართველო არ მონაწილეობდა, ქვეყანაში ბევრს გაუჩნდა კითხვა, ხომ არ შემცირდება საქართველოს, როგორც სატრანზიტო ქვეყნის, როლი სომხეთსა და აზერბაიჯანს შორის სარკინიგზო კავშირის გახსნისა და ინფრასტრუქტურის განვითარების შედეგად.

„პირველ რიგში, ჩვენ მომავალში უნდა გავიხედოთ, რადგან სარკინიგზო და სახმელეთო გზების გამტარუნარიანობის შესაძლებლობები უნდა ეფუძნებოდეს არა მხოლოდ სამხრეთ კავკასიის სამი ქვეყნის დღევანდელ მოცულობასა და პოტენციურ შესაძლებლობებს, არამედ უნდა განიხილებოდეს პერსპექტივაშიც. ეს ნიშნავს, რომ მომავალში ტრანსპორტის ნაკადი, გადასაზიდი ტვირთის მოცულობა გაიზრდება და აუცილებელი გახდება საგზაო ინფრასტრუქტურის განვითარება. სასაქონლო ნაკადის მოძრაობის ინტენსივობა მოიმატებს სამივე სამხრეთ კავკასიური ქვეყნის ეკონომიკური პოტენციალის ზრდის ხარჯზე. ეს ერთი პირობაა. მეორე - თავად სამხრეთ კავკასიის ქვეყნები არა მხოლოდ უახლოესი მეზობლები არიან, არამედ თითოეული ასრულებს სატრანზიტო ფუნქციას და ეს ფუნქციები დროთა განმავლობაში გაიზრდება“, - აღნიშნა არჩვაძემ Sputnik-საქართველოს მულტიმედიურ პრესცენტრში.

მისი თქმით, ქართული სარკინიგზო ხაზების და სხვა სატრანსპორტო კვანძების გამოყენების პერსპექტივა ოპტიმისტურია. ამას ხელს უწყობს ის ფაქტიც, რომ საქართველოში უკვე დაიწყო ქვეშეთი-კობის ყველაზე გრძელი ცხრაკილომეტრიანი გვირაბის მშენებლობა, რომელიც საქართველოსა და რუსეთს შორის სატრანსპორტო კავშირს მთელი წლის განმავლობაში უზრუნველყოფს, რაც გაამარტივებს საქართველოს გავლით სომხური საქონლის ტრანზიტს რუსეთში და პირიქით, აღნიშნა ეკონომისტმა. 

Иосиф Арчвадзе. Видеомост Москва-Тбилиси-Баку-Ереван на тему: Энергетика, транзит и грузооборот Закавказья
© Sputnik / Alex Shlamov
იოსებ არჩვაძე. ვიდეოხიდი მოსკოვი-თბილისი-ბაქო-ერევანი თემაზე: „ამიერკავკასიის ენერგეტიკა, ტრანზიტი და ტვირთბრუნვა“.

როგორც ანალიტიკური ჟურნალის „გეოენერგეტიკა.ინფოს“ მთავარმა რედაქტორმა ბორის მარცინკევიჩმა აღნიშნა, აზერბაიჯანის ტერიტორიასა და ნახიჩევანის რესპუბლიკას შორის სარკინიგზო კავშირის აღდგენის გეგმაზე მუშაობა, პირველ რიგში, თავად აზერბაიჯანმა უნდა დაიწყოს, თუმცა ასეთი მასშტაბური პროექტის რეალიზებით არანაკლებ არიან დაინტერესებული რუსეთი, სომხეთი და თურქეთიც კი.

„აზერბაიჯანს ეს გზა სჭირდება იმისთვის, რომ აღადგინოს შვიდი რაიონი, რომ ნახიჩევანთან პირდაპირი სატრანსპორტო კავშირი დაამყაროს. რუსეთი დაინტერესებულია იმდენად, რამდენადაც რუსეთისა და აზერბაიჯანის სარკინიგზო გზების დაკავშირების შედეგად შესაძლებელი იქნება ნახიჩევანის სადგურიდან თეირანში ჩასვლა. სომხეთის პირდაპირი ინტერესი არის მის ტერიტორიაზე გავლის საფასური, თუ სამხრეთ კავკასიის სარკინიგზო ხაზი აღდგება. გარდა ამისა, სომხეთს გაუჩნდება შესაძლებლობა, ბოლოსდაბოლოს დაიწყოს სარკინიგზო პროექტების ხორცშესხმა. არსებობს სომხეთ-ჩინეთის თანამშრომლობის სერიოზული პერსპექტივები. სარკინიგზო გზის აღდგენით დაინტერესებულია ყველა, მათ შორის, თურქეთი. მას ახლა ერთი ვარიანტი აქვს - საქართველოს გავლით მოძრაობა, მაგრამ სატრანსპორტო შესაძლებლობები ზედმეტი არასდროსაა“, - აღნიშნა მარცინკევიჩმა.

ვიდეოხიდის მსვლელობისას ითქვა, რომ ნებისმიერი ერთობლივი ეკონომიკური პროექტი ხელს შეუწყობს კონფლიქტებისა და უსაფრთხოების საკითხების მოგვარებას რეგიონში, ასევე შემატებს მას კონკურენტუნარიანობას.

„დღევანდელი სიტუაცია - დეგლობალიზაციის ტრენდი - ჩვენს მხარეებს აძლევს შესაძლებლობას, გარე მოთამაშეების გარეშე, თავად მოაგვარონ პრობლემები, რომლებიც რეგიონში დაგროვდა. როდესაც ამ საკითხებს თავად ვწყვეტთ, დარწმუნებული ვარ, შედეგები რეგიონის ქვეყნებისთვის უფრო დადებითი იქნება. ჩემი აზრით, ჩვენი რეგიონის ყველა ქვეყნის ხელმძღვანელობამ, პირველ რიგში, პოლიტიკური ნება უნდა გამოავლინოს“, - აღნიშნა UNEC-ის პროფესორმა ელშად მამედოვმა.

ასეთივე მოსაზრება გამოხატა ეკონომისტმა, ერევანის ყოფილმა მერმა, სომხეთის პარლამენტის ყოფილმა დეპუტატმა ვააგნ ხაჩათრიანმა.

„ნებისმიერი ასეთი ერთობლივი ეკონომიკური პროგრამა ხელს უწყობს რეგიონში კონფლიქტებისა და უსაფრთხოების საკითხების მოგვარებას. თუ სომხეთი და ამიერკავკასიის ყველა ქვეყანა ჩაებმება მსგავს მასშტაბურ ერთობლივ  პროექტებში, რეგიონში უზრუნველყოფილი იქნება უსაფრთხოება და ეკონომიკური სარგებელი. ბუნებამ ამ რეგიონში ცხოვრების შესაძლებლობა მოგვცა. საქართველომ აუცილებლად უნდა მიიღოს მონაწილეობა ამ საქმეში - ახალი შესაძლებლობები ახალ სარგებელს მოიტანს“, - ფიქრობს იგი. 

გარდა ამისა, ხაჩათრიანმა ისაუბრა მნიშვნელოვან ინიციატივაზე - „ერთიანი ენერგეტიკული სისტემის“ შექმნაზე. მისი თქმით, ეს იდეა 2015 წელს დაიბადა და ოთხი ქვეყანა - ირანი, სომხეთი, რუსეთი და საქართველო - შეთანხმდა ე.წ. ენერგეტიკული დერეფნის შექმნაზე. ახლა, როდესაც იხილება ენერგეტიკული კავშირების შემდგომი განვითარება, შესაძლებელია საუბარი ასეთი სისტემის შექმნაზე ხუთი ქვეყნისთვის, აზერბაიჯანის ჩათვლით, და თურქეთისთვისაც კი, ფიქრობს ეკონომისტი.

260
ნიკოლ ფაშინიანი

სომხეთის პრემიერმა ღარიბაშვილს თანამდებობაზე დანიშვნა მიულოცა

114
ნიკოლ ფაშინიანმა ქართველ კოლეგას უსურვა წარმატება „ამ მნიშვნელოვან და საპასუხისმგებლო თანამდებობაზე“

თბილისი, 24 თებერვალი - Spurnik. სომხეთის პრემიერ-მინისტრმა ნიკოლ ფაშინიანმა თავის ქართველ კოლეგა ირაკლი ღარიბაშვილს მთავრობის მეთაურის თანამდებობაზე დანიშვნა მიულოცა, ნათქვამია სომხეთის პრემიერის ვებგვერდზე გამოქვეყნებულ განცხადებაში.

ფაშინიანმა ღარიბაშვილს უსურვა წარმატება „ამ მნიშვნელოვან და საპასუხისმგებლო თანამდებობაზე საქართველოს და ქართველი ხალხის საკეთილდღეოდ“.

„სომხეთსა და საქართველოს შორის მჭიდრო მეგობრობა ეყრდნობა ჩვენს ხალხებს შორის მრავალსაუკუნოვან ურთიერთობებს, ღრმა პატივისცემას და ნდობას. დარწმუნებული ვარ, რომ ჩვენი მთავრობები გააგრძელებენ მჭიდრო თანამშრომლობას ერთობლივი პროგრამების განსახორციელებლად, სომხეთსა და საქართველოს შორის თანამშრომლობის პოტენციალის მაქსიმალური გამოყენების მიზნით და ჩვენი ქვეყნების საკეთილდღეოდ“, - ნათქვამია ფაშინიანის გზავნილში.

ორშაბათს საქართველოს პარლამენტმა ირაკლი ღარიბაშვილის მეთაურობით განახლებულ მინისტრთა კაბინეტს ნდობა გამოუცხადა.

საქართველომ და სომხეთმა დიპლომატიური ურთიერთობა 1992 წლის 17 ივლისს დაამყარეს. მხარეები სხვადასხვა მიმართულებით თანამშრომლობენ. ყველაზე ინტენსიურია თანამშრომლობა ვაჭრობის სფეროში. ქვეყნებს შორის თავისუფალი ვაჭრობის რეჟიმი მოქმედებს, სომხეთი საქართველოს ძირითადი სავაჭრო პარტნიორების ათეულში შედის.

114
თსუ. სტუდენტები

თბილისის მერია იწყებს განაცხადების მიღებას სოციალურად დაუცველი სტუდენტების დასაფინანსებლად

0
(განახლებულია 18:15 26.02.2021)
სწავლის საფასურის დაფინანსების შესახებ განცხადების მიღება პირველი მარტიდან დაიწყება და 31 მაისის ჩათვლით გაგრძელდება

თბილისი, 26 თებერვალი – Sputnik. თბილისის მერია პირველი მარტიდან სოციალურად დაუცველი სტუდენტების სწავლის საფასურის დაფინანსების მიზნით, 2020-2021 სასწავლო წლის გაზაფხულის სემესტრისთვის განცხადებების მიღებას იწყებს, ნათქვამია თბილისის მერიის მიერ გავრცელებულ განცხადებაში.

გავრცელებული ინფორმაციით, სოციალურად დაუცველი სტუდენტების დაფინანსების პროგრამის მოცულობა გაიზარდა.

„დაფინანსება გაიცემა თბილისში რეგისტრირებულ სოციალურად დაუცველ იმ სტუდენტებზე, რომელთა ოჯახების სარეიტინგო ქულა სოციალურად დაუცველთა ერთიან ბაზაში 150 000 ან ნაკლებია და სახელმწიფოს მიერ ავტორიზებულ უმაღლეს საგანმანათლებლო დაწესებულებაში ბაკალავრიატის, მაგისტრატურის ან დოქტორანტურის აკადემიურ საფეხურზე სწავლობენ“, - ნათქვამია უწყების განცხადებაში.

დაფინანსების ოდენობა, რომელიც წლიურად შეადგენს 2.250 ლარს, დამოკიდებულია სტუდენტის მიერ წინა სემესტრში მიღებულ აკადემიურ მოსწრებაზე. კერძოდ:

  • 91-100 ქულა - სემესტრული თანხის 100% იმ სტუდენტებისთვის, რომელთა სარეიტინგო ქულა სოციალურად დაუცველი ოჯახების მონაცემთა ერთიან ბაზაში 150 000-ის ტოლი ან ნაკლებია.
  • 71-90 ქულა - სემესტრული თანხის 100% იმ სტუდენტებისთვის, რომელთა სარეიტინგო ქულა სოციალურად დაუცველი ოჯახების მონაცემთა ერთიან ბაზაში არ აღემატება 70 000-ს, ხოლო იმ სტუდენტებისთვის, რომელთა სარეიტინგო ქულა 70 010 -150 000-ია, სემესტრული თანხის 70%;
  • 51–70 ქულა - სემესტრული თანხის 50% იმ სტუდენტებისთვის, რომელთა სარეიტინგო ქულა სოციალურად დაუცველი ოჯახების მონაცემთა ერთიან ბაზაში ტოლია ან ნაკლებია 150 000-ზე.

დაფინანსების მისაღებად სტუდენტმა თბილისის მერიაში უნდა წარადგინოს:

  • პირადობის მოწმობის ასლი;
  • ამონაწერი სოციალურად დაუცველი ოჯახების ერთიანი ბაზიდან;
  • ცნობა უნივერსიტეტიდან წლიური გადასახადის მითითებით;
  • უნივერსიტეტის საბანკო რეკვიზიტები და ანგარიშფაქტურა;
  • უნივერსიტეტის მიერ გაცემული აკადემიური მოსწრების მაჩვენებელი (გარდა I სემესტრის სტუდენტებისა);
  • რეკომენდაცია უმაღლესი საგანმანათლებლო დაწესებულებიდან (გარდა I სემესტრის სტუდენტებისა); სამოტივაციო წერილი.

რაც შეეხება პირველი სემესტრის სტუდენტებს, სხვა დოკუმენტებთან ერთად, მათ უნდა წარადგინონ ერთიან ეროვნულ გამოცდებში მიღებული ქულებისა და შედეგების შესახებ ცნობა.

დოკუმენტაცია და განცხადება სტუდენტმა პირადად უნდა წარადგინოს.

0
თემები:
თბილისის მერია