აზერბაიჯანის და საქართველოს დროშები

რა განიხილა საქართველოს ფინანსთა მინისტრმა აზერბაიჯანის ელჩთან

705
(განახლებულია 23:18 09.02.2021)
მხარეებმა ისაუბრეს ორ ქვეყანას შორის თანამშრომლობის საკითხებზე როგორც ორმხრივ, ისე მრავალმხრივ ფორმატებში.

თბილისი, 9 თებერვალი – Sputnik. საქართველოს ფინანსთა მინისტრმა, ივანე მაჭავარიანმა საქართველოში აზერბაიჯანის რესპუბლიკის საგანგებო და სრულუფლებიან ელჩთან, ფაიგ გულიევთან გაცნობითი ხასიათის შეხვედრა გამართა, იუწყება საქართველოს ფინანსთა სამინისტრო.

როგორც ფინანსთა მინისტრმა აღნიშნა, აზერბაიჯანის რესპუბლიკა საქართველოს სტრატეგიული პარტნიორია, რომელთანაც სამაგალითო მეგობრობასთან ერთად, აკავშირებს საერთო ეკონომიკური და გეოპოლიტიკური ინტერესები.

შეხვედრაზე ხაზი გაესვა სავაჭრო-ეკონომიკურ, სატრანზიტო და სატრანსპორტო სფეროში პარტნიორობის მნიშვნელობას.

განსაკუთრებული ყურადღება დაეთმო ახალი ერთობლივი საბაჟო გამშვები პუნქტის მშენებლობის პროექტს, რომელიც ხელს შეუწყობს მნიშვნელოვნად დაჩქარდეს და გამარტივდეს საზღვრის კვეთის პროცედურები, გამყარდეს ორ ქვეყანას შორის სატრანსპორტო კავშირები და სავაჭრო პოზიციები.

როგორც აღინიშნა, ორ პარტნიორ უწყებას აქვს შესაძლებლობა, კიდევ უფრო გაფართოვდეს მხარეთა შორის ინფორმაციის გაცვლის არეალი, გაიზარდოს საბაჟო პროცედურების მართვის ეფექტურობა და სხვ.

საუბარი ასევე შეეხო პანდემიის პირობებში, საბაჟო ადმინისტრაციებს შორის კოორდინაციის საკითხებს, რამაც უზრუნველყო არა მხოლოდ ორ ქვეყანას შორის, არამედ მთლიანად რეგიონში, ტვირთების შეუფერხებელი მიწოდება.

მხარეებმა გამოთქვეს იმედი, რომ ორივე ქვეყანა წარმატებით შეძლებს COVID-19-ის პანდემიის გავლენის შემცირებას და ეკონომიკის აღდგენას.

შეხვედრას ასევე დაესწრნენ ფინანსთა მინისტრის მოადგილე ლაშა ხუციშვილი, ფინანსთა სამინისტროს შემოსავლების სამსახურის უფროსი ლევან კაკავა, საბაჟო დეპარტამენტის უფროსი მამუკა ჯანგულაშვილი.

შეხვედრის დასასრულს ფინანსთა მინისტრმა აზერბაიჯანის ელჩს წარმატებები უსურვა საქმიანობაში და თანამშრომლობისთვის მზადყოფნა გამოთქვა.

საქართველო და აზერბაიჯანი არიან სტრატეგიული პარტნიორები, რომლებიც აქტიურად თანამშრომლობენ ორმხრივ ფორმატშიც და საერთაშორისო პროექტების ფარგლებშიც. ქვეყნები მონაწილეობენ მთელი რეგიონისთვის სტრატეგიული მნიშვნელობის პროექტებში, როგორებიცაა ბაქო-თბილისი-ყარსის რკინიგზა, ბაქო-თბილისი-ჯეიჰანის ნავთობსადენი და სამხრეთის გაზის დერეფანი.

დიპლომატიური ურთიერთობა ორ ქვეყანას შორის 1992 წლის 18 ნოემბერს დამყარდა.

ყოველწლიურად ვითარდება სავაჭრო, ეკონომიკური და პოლიტიკური ურთიერთობები. საქართველოს წლიდან წლამდე სულ უფრო მეტი აზერბაიჯანელი ტურისტი სტუმრობს.

 

 

705
სიტუაცია ერევანში

ერევანში მიმდინარე საპროტესტო აქციაზე ათი ათასამდე ადამიანი შეიკრიბა

93
ოპოზიციურმა მოძრაობამ მოუწოდა მოქალაქეებს არ წამოეგონ პროვოკაციებს, ხოლო პოლიციას - სიტუაცია აკონტროლოს

თბილისი, 27 თებერვალი – Sputnik. ერევანში საპროტესტო აქცია, რომელსაც მართავს ოპოზიციური „მოძრაობა სამშობლოს გადასარჩენად“, ჰიმნით და წუთიერი დუმილით დაიწყო, იუწყება Sputnik-სომხეთი.

მომიტინგეებმა ეროვნული ასამბლეის პერიმეტრზე ბაგრამიანის გამზირის გასწვრივ არსებული მონაკვეთი დაიკავეს. იქვე მოწყობილია სცენა, საიდანაც ოპოზიციის ლიდერები შეკრებულებს სიტყვით მიმართავენ.

შეკრებილები ფაშინიანის გადადგომას მოითხოვენ, ხოლო პრეზიდენტ არმენ სარქისიანს მოუწოდებენ, არ მოაწეროს ხელი პრემიერის გადაწყვეტილებას გენშტაბის უფროსის გადადგომის თაობაზე.

როგორც РИА Новости-ს კორესპონდენტი იუწყება, აქციაზე დაახლოებით 10 ათასი ადამიანია შეკრებილი. მომიტინგეებს ჩაის და ფუნთუშებს ურიგებენ.

აქციის სიახლოვეს მობილიზებულია პოლიციის დიდი ძალები. ძალოვანებმა გადაკეტეს გამზირზე გასასვლელი და პარლამენტის პერიმეტრს აკონტროლებენ.

სომხეთში მორიგი პოლიტიკური კრიზისი მას შემდეგ დაიწყო, რაც სარქისიანმა ფაშინიანის წარდგინებით გენშტაბის უფროსის პირველი მოადგილე ტიგრან ხაჩატრიანი გადააყენა. გენერალმა, მედიის მონაცემებით, „ისკანდერის“ კომპლექსებთან დაკავშირებით მთავრობის მეთაურის განცხადება გაამასხარავა.

ჯარმა კი თავად ფაშინიანის გადადგომა მოითხოვა. პრემიერმა მომხდარს სახელმწიფო გადატრიალების მცდელობა უწოდა და გენშტაბის უფროსის, ონიკ გასპარიანის გადადგომა დააპირა.

კანონით, უმაღლესი სამეთაურო შემადგენლობის წარმომადგენლის გადადგომის შესახებ გადაწყვეტილება პრეზიდენტმა უნდა მიიღოს. ამასთან მას შეუძლია ეს დადგენილება თავისი არგუმენტებით მთავრობის მეთაურს სამ დღეში დაუბრუნოს. ეს ვადა 27 თებერვალს იწურება. სარქისიანს ჯერჯერობით ეს გადაწყვეტილება არ მიუღია.

იმ შემთხვევაში, თუ პრემიერი არ დათანხმება პრეზიდენტის არგუმენტებს, სახელმწიფოს მეთაურმა ან ოფიცრის გადადგომის შესახებ ოქმს უნდა მოაწეროს ხელი, ან საკონსტიტუციო სასამართლოს მიმართოს. თუ პრეზიდენტი არ გააკეთებს ამას, დოკუმენტი ძალაში ავტომატურად შევა.

ფაშინიანის პოპულარობამ ძალიან დაიკლო ყარაბაღთან დაკავშირებული შეთანხმების ხელმოწერის გამო. შეთანხმების მიხედვით, სომხეთმა აზერბაიჯანს გადასცა კონტროლი ქელბაჯარის, ლაჩინის და აღდამის რაიონებზე.

93

როგორ გაყო სომხეთი ფაშინიანის განცხადებამ „ისკანდერების შესახებ“. რას ამბობენ რუსეთში

59
სომხეთის ოპოზიცია არ ნებდება და ქვეყნის პრემიერ-მინისტრ ნიკოლ ფაშინიანის გადადგომის მოთხოვნას განაგრძობს

უკვე მეორე დღეა ერევანში თავისუფლების მოედანზე კარვებია გაშლილი. მომიტინგეებმა პარლამენტის შენობის წინ გაათენეს. ხელისუფლების პოლიტიკით უკმაყოფილების ტალღამ პიკს მიაღწია ფაშინიანის განცხადების შემდეგ რუსული „ისკანდერების“ შესახებ. როგორ გაყო სომხეთის საზოგადოება ორ ბანაკად ოპერატიულ-ტაქტიკულ კომპლექსებზე საუბარმა? და გამოიყენებოდა თუ არა „ისკანდერები“ მთიან ყარაბაღში?

59
ნინო ნადირაძე

„ჩვეულებრივი ტრანსის „ვიდზე“ ვარ...“- ნინო ნადირაძის სკანდალური განცხადება

0
(განახლებულია 23:36 26.02.2021)
ნინო კუზანოვას ხმაურიანი განცხადება. ცნობილმა ექიმმა ვიდეო საკუთარ გვერდზე გამოაქვეყნა, რომელიც სოცქსელში ვირუსულად გვარცელდა

ახალბედა ბებია მუდამ ექსტრავაგანტულად გამოიყურება და მისი საჯარო განცხადებებიც საკმაოდ ხმაურიანია. არისტოკრატული ჩაცმულობით გამორჩეული ტელესახე აქტუალობას არ კარგავს. ნინო ნადირაძე-კუზანოვა მისი თაობის ქალბატონებს შორის სტილით განსაკუთრებით თვალშისაცემია. მას ფერების და აქსესუარების შეხამება უყვარს. აღმოჩნდა, რომ ნადირაძე-კუზანოვას სოციალური ქსელების ე.წ ფილტრები არ მოსწონს და გამოყენების შემთხვევაში საკუტარ თავსაც და სხვებსაც ტრანსგენდერებს ადარებს.

View this post on Instagram

A post shared by nino (@ninonadiradze)

მან უახლესი ვიდეო საკუთარ გვერდზე თამამად გამოაქვეყნა და სოცსივრცეში ხმაური გამოიწვია. „აი ეს უბედურება ფილტრი, რომელიც მე გამოვიყენე და მეზიზღება, ჩვეულებრივი ტრანსის ვიდზე ვარ და მოგწონთ“,- ამბობს ნინო. ბოლო დროს კარდიოლოგი ხშირად აქვეყნებდა ფოტოებს, სადაც უმაკიაჟოდ იყო და წერდა, რომ კორონავირუსის პანდემიიდან გამომდინარე მაკიაჟზეც უარი თქვა და ცნობილ ბრენდებზეც.

ნინო ნადირაძე-კუზანოვა ყოველთვის საზოგადოების ყურადღების ცენტრშია. ჰყავს ბევრი თაყვანისმცემელი, პაციენტებისთვის საყვარელი ექიმია და არაერთი ადამიანის სიცოცხლე გადაურჩენია, ხოლო მაყურებლისთვის დახვეწილი იუმორის მქონე არაჩვეულებრივი ქალბატონია. მას კარგი გემოვნება აქვს, მუდამ დახვეწილად აცვია და ძალიან უყვარს მოდური „ლუქებით“ სოციალურ ქსელში ახალ-ახალი ფოტოების გამოქვეყნება.

View this post on Instagram

A post shared by nino (@ninonadiradze)

დაუჯერებელია, მაგრამ ექიმი უკვე ბებიაა. მას პირველი შვილიშვილი ბაია კუზანოვმა, უფროსმა ქალიშვილმა აჩუქა. ბიჭუნასთან გატარებულ ბედნიერ წამებს ნინო თაყვანისმცემლებს ხშირად უზიარებს. კუზანოვების ოჯახის ყველაზე ხშირი სტუმარი მასმედია ხდება. კარდიოლოგი დიდი სიხარულით მასპინძლობს სხვადასხვა გადაცემებს და ტელეეკრანებზე ინტენსიურად ჩნდება. ეს მისი ცხოვრების განუყოფელი ნაწილია.

0
თემები:
სელებრითების ცხოვრება