ნიკოლ ფაშინიანი

ფაშინიანმა ყარაბაღში სომხეთის პრიორიტეტული მიმართულებები დაასახელა

97
(განახლებულია 21:01 08.01.2021)
ერთ-ერთი მიმართულება სატრანსპორტო კომუნიკაციებისა და ეკონომიკური კავშირების განბლოკვაა, განაცხადა სომხეთის პრემიერმა.

თბილისი, 8 იანვარი – Sputnik. სომხეთის პრემიერ-მინისტრმა ნიკოლ ფაშინიანმა ერევნის პრიორიტეტად აზერბაიჯანულ მხარესთან ტყვეთა გაცვლა და მთიან ყარაბაღში რეგიონული სატრანსპორტო კომუნიკაციების განბლოკვა დაასახელა, იუწყება РИА Новости

პრემიერმა საკუთარ Facebook-გვერდზე აღნიშნული დოკუმენტის რეალიზების ორი პრიორიტეტული მიმართულება დაასახელა.

„პირველი – განცხადების მერვე პუნქტის დასრულება, რომლის თანახმად უნდა მოხდეს სრულფასოვანი გაცვლა ტყვეების, მძევლებისა და გარდაცვლილთა ცხედრების. ჩვენთვის ასევე მნიშვნელოვანია საომარი მოქმედებების ზონაში მასშტაბური სამძებრო–სამაშველო სამუშაოების ჩატარება“, – დაწერა ფაშინიანმა Facebook-ზე.

მისი თქმით, მეორე მიმართულება „რეგიონული ეკონომიკური და სატრანსპორტო კომუნიკაციების განბლოკვაა“.

„კვლავ მინდა ყურადღება გავამახვილო იმ ფაქტზე, რომ სამმხრივ განცხადებაში არ არის ტერმინი „დერეფანი“, რომელიც ეხება ქალაქ მეგრის ან სომხეთის სხვა ტერიტორიას. სომხეთიდან რუსეთში და აზერბაიჯანიდან ნახჭევანში ტვირთების გადაზიდვის მარშრუტების შერჩევა ცალკე განხილვების თემას წარმოადგენს. მათი პროდუქტიულობის მნიშვნელოვანი პირობა ტყვეების, მძევლებისა და გარდაცვლილთა ცხედრების გაცვლა, ასევე სამძებრო–სამაშველო სამუშაოების ეფექტურობის გაზრდა და მისი მასშტაბების გაფართოებაა“, – განაცხადა ფაშინიანმა.

მოსაზრება: რატომ გამოჩნდნენ სომხეთ–აზერბაიჯანის საზღვარზე რუსი მესაზღვრეები>>>

სექტემბრის ბოლოს მთიან ყარაბაღში შეიარაღებული კონფლიქტი დაიწყო, რომელშიც სომხეთმა და აზერბაიჯანმა ერთმანეთი დაადანაშაულეს. რუსეთის შუამავლობით ქვეყნები 2020 წლის 10 ნოემბრიდან სამხედრო მოქმედებების სრულ შეწყვეტაზე შეთანხმდნენ.

ხელშეკრულების პირობების მიხედვით, სომხეთი და აზერბაიჯანი დაკავებულ პოზიციებზე დარჩნენ, მთიანი ყარაბაღის ტერიტორიაზე კი რუსი სამშვიდობოები შევიდნენ, რომლებიც მხარეთა გამყოფი ხაზისა და ყარაბაღისა და სომხეთის დამაკავშირებელი დერეფნის გასწვრივ განლაგდნენ. გარდა ამისა, სომხეთი რამდენიმე რაიონის დათმობაზე დათანხმდა.

97
გზა ზამთარში

„ხსნის გვირაბი“ - სომხეთი მიესალმება გზის გაყვანის შესახებ საქართველოს გადაწყვეტილებას

80
გუდაური-კობის ზვავსაშიში გზის შემოვლითი ქვეშეთი-კობის გზის მშენებლობა საქართველოს სამხედრო გზატკეცილზე, რომელიც საქართველოს რუსეთთან აკავშირებს, ხელსაყრელია არა მხოლოდ ქართული მხარისთვის, არამედ სომეხი გადამზიდავი კომპანიებისთვის

თბილისი, 25 იანვარი - Sputnik. საქართველო წელს იწყებს მასშტაბური პროექტის რეალიზებას, რომელიც „ზემო ლარსის“ საკონტროლო-გამშვებ პუნქტთან დაკავშირებული პრობლემების მოგვარებისკენ და ამ მიმართულებით დაუბრკოლებელი სატრანსპორტო მიმოსვლის უზრუნველყოფისკენაა მიმართული. იუწყება Sputnik-სომხეთი.

საუბარია მცხეთა-სტეფანწმინდა-ლარსის საავტომობილო გზატკეცილის გუდაური-კობის სახიფათო მონაკვეთის შემოვლით ახალ, ქვეშეთი-კობის გზაზე. პროექტით გათვალისწინებულია 22,7 კილომეტრიანი გზის, ასევე, 6 ხიდისა და 5 გვირაბის, მათ შორის, ჯვრის უღელტეხილის ქვეშ ცხრაკილომეტრიანი გვირაბის მშენებლობა. ეს იქნება ერთ-ერთი ყველაზე გრძელი გვირაბი და ევროპაში ერთ-ერთი ყველაზე რთული საინჟინრო ნაგებობა.

სომხეთის ტერიტორიული მართვისა და ინფრასტრუქტურის სამინისტროს საგზაო დეპარტამენტის საზოგადოებასთან ურთიერთობის სპეციალისტმა ლილიტ გრიგორიანმა Sputnik-სომხეთის კორესპონდენტთან საუბრისას აღნიშნა, რომ სომხეთი მიესალმება ნებისმიერ ინფრასტრუქტურულ პროგრამას, რომელიც ხელს შეუწყობს სომხეთიდან და სომხეთისკენ ტვირთის მოძრაობის შემსუბუქებას.

„ქვეშეთი-კობის რეკონსტრუქცია და გვირაბის მშენებლობა სომხეთიდან რუსეთში და უკან ტვირთის გადაზიდვას გაამარტივებს და უფრო უსაფრთხოს გახდის“, - განაცხადა გრიგორიანმა.

როგორც მან აღნიშნა, სომხეთში იმედოვნებენ, რომ გზა წლის ნებისმიერ დროს შეუფერხებლად იმუშავებს.

პროექტის მნიშვნელობაზე როგორც საქართველოსთვის, ისე სომხეთისთვის, Sputnik-სომხეთის კორესპონდენტთან ისაუბრა ასევე საქართველოს საერთაშორისიო საავტომობილო გადამზიდავთა ასოციაციის გენერალურმა მდივანმა გია წიფურიამ.

„პროექტი ორ ლოტადაა დაყოფილი, გზა იქნება ასფალტ-ბეტონის. გარდა ამისა, გუდაური-კობის მოქმედი გზა ყველაზე რთული მონაკვეთია, რომლის სიგრძეც 35 კილომეტრს შეადგენს. ფურების მძღოლები მის გავლას ერთ საათს ან მეტ დროს ანდომებენ“, - განაცხადა წიფურიამ.

მისი სიტყვებით, პროექტის იმპლემენტაცია მანძილს 12 კილომეტრით, დროს კი თითქმის ორჯერ შეამცირებს. გარდა ამისა, მოდერნიზებული მარშრუტი გაუადვილებს ცხოვრებას გადამზიდავებს, უზრუნველყოფს მათ უსაფრთხოებას და დაუბრკოლებელ სატრანსპორტო მოძრაობას.

როგორც ექსპერტმა აღნიშნა, 15 მეტრის სიგანისა და 9 კილომეტრის სიგრძის გვირაბი - არის ქვეყანაში უპრეცედენტო მასშტაბის პროექტი. წიფურიამ ხაზი გაუსვა, რომ ახალი გზა მნიშვნელოვანია, პირველ რიგში, საქართველოსთვის, თუმცა არანაკლებ მნიშვნელოვანია სომხეთისთვის, რომლისთვისაც ამ ეტაპზე ის რუსეთთან დამაკავშირებელი ერთადერთი სახმელეთო გზაა.

მისი თქმით, ყოველწლიურად მხოლოდ სომხეთიდან და მისი მიმართულებით „ზემო ლარსის“ საკონტროლო-გამშვებ პუნქტს კვეთს, სულ მცირე, 10 ათასი რეისი. წელს მათი რაოდენობა შესაძლოა 15 ათასამდე გაიზარდოს ხორბლისა და სხვა მარცვლოვანი კულტურების მიწოდების გამო.

თუმცა იგი, ისევე როგორც სომეხი ექსპერტები, დარწმუნებულია, რომ მიუხედავად მოქმედი მარშრუტისა, ერევანმა მიწოდების დივერსიფიცირებაზე უნდა იფიქროს. არსებულ რეალიებში შედარებით მისაღები, წიფურიას აზრით, გადაზიდვების მულტიმოდალური ტიპია: ერევნიდან ფოთში რკინიგზით ან საავტომობილო გზით, იქიდან - რუსეთის ნოვოროსიისკის და სხვა ქალაქების პორტებში ბორნით.

80
ხანძარი აზერბაიჯანის ჰირკანის ეროვნულ პარკში

აზერბაიჯანის ეროვნულ პარკში მეოთხე დღეა, ხანძარი მძვინვარებს

48
ირანის ტერიტორიის მოსაზღვრე ძნელად მისადგომ მთაგორიან ადგილებში არსებული ლოკალური კერები ხანძრის სრულად ჩაქრობის შესაძლებლობას არ იძლევა

თბილისი, 18 იანვარი - Sputnik. აზერბაიჯანის ჰირკანის ეროვნულ პარკში მეოთხე დღეა ხანძარი მძვინვარებს.

როგორც Sputnik-აზერბაიჯანი საგანგებო სიტუაციების სამინისტროზე დაყრდნობით იუწყება, ლოკალური კერები ხანძრის სრულად ჩაქრობის შესაძლებლობას არ იძლევა.

აღსანიშნავია, რომ ასტარინის რაიონის ტერიტორიაზე ხანძრის ჩაქრობაში თვითმფრინავი-ამფიბია БЕ-200ЧС მონაწილეობს. ცეცხლის ლიკვიდაციას მაღალმთიან და ძნელად მისადგომ ტყის მასივში ქარი ართულებს. 

ხანძრის ლოკალიზებისა და ჩაქრობის მიზნით ადგილზე მობილიზებული არიან საგანგებო სიტუაციების სამინისტროს, სამხრეთის რეგიონული ცენტრის, სახელმწიფო სახანძრო სამსახურის, სამოქალაქო თავდაცვის ძალების, განსაკუთრებული რისკის სამაშველო სამსახურის დამატებითი ძალები, ასევე ეკოლოგიისა და ბუნებრივი რესურსების დაცვის სამინისტროს ადგილობრივი ორგანიზაციების თანამშრომლები.

ცნობილია, რომ იწვის აზერბაიჯანი-ირანის საზღვრის მონაკვეთი. ცეცხლის გაჩენის მიზეზი ჯერჯერობით უცნობია.

48
 Georgian Water and Power-ის (GWP) თანამშრომელი

GWP: თანამშრომლების გაფიცვა წყალმომარაგებაზე არ აისახება

0
სამუშაო პირობებით უკმაყოფილო კომპანიის თანამშრომლებმა კომპანიის ადმინისტრაციას საკუთარი მოთხოვნები წაუყენეს

თბილისი,  26 იანვარი – Sputnik. წყალგამანაწილებელი კომპანია Georgian water and power–ის (GWP) განცხადებით, თბილისის სტაბილურ წყალმომარაგებას საფრთხე არ შეექმნება, იუწყება პირველი არხი.

წყალგამანაწილებელი კომპანიის კონტრაქტორების ერთმა ნაწილმა, რომელიც კომპანიას დაქირავებული ჰყავს გარკვეული ვადით და პირობებით, ორი დღეა, უარი განაცხადა სამუშაოს შესრულებაზე.

GWP–ის დაახლოებით ოცამდე თანამშრომელმა კომპანიის სასარგებლოდ შედგენილი ხელშეკრულების პირობების გადახედვა, კუთვნილ შვებულებაზე ნებართვის მიღება და ხელფასის გაზრდა მოითხოვა.

„ერთი მხრივ, ისინი არ ასრულებენ ხელშეკრულებით გათვალისწინებულ მოვალეობებს, მეორე მხრივ კი, სხვებსაც ხელს უშლიან სამუშაოს შესრულებაში, რითაც აფერხებენ კომპანიის მიმდინარე საქმიანობას. მიუხედავად შექმნილი მდგომარეობისა, თბილისის სტაბილურ წყალმომარაგებას არანაირი საფრთხე არ შეექმნება“, – განაცხადეს კომპანიაში.

კომპანიაში ამავე დროს ხაზი გაუსვეს იმასაც, რომ „ჯორჯიან უოთერ ენდ ფაუერმა“, მიუხედავად პანდემიით გამოწვეული რთული ვითარებისა და მკვეთრად შემცირებული შემოსავლებისა, გამოიჩინა მაღალი სოციალური პასუხისმგებლობა და კომპანიაში დასაქმებულ ყველა თანამშრომელს შეუნარჩუნა სამუშაო ადგილი და ანაზღაურება, მაშინ როდესაც კომპანიების დიდი ნაწილი გაჩერებულია და ადამიანები სამუშაოს გარეშე დარჩნენ.

კომპანიის განცხადებით, „ჯორჯიან უოთერ ენდ ფაუერმა“ მაქსიმალური ძალისხმევა გამოიჩინა კონტრაქტორებთან შექმნილი სიტუაციის განსამუხტად.

თბილისში ათასობით ოჯახი 24 საათის განმავლობაში უწყლოდ დარჩება >>

დამსაქმებელსა და დასაქმებულებს შორის სადავო საკითხების გადაწყვეტის პროცესში ჩართული იყო პროფკავშირის წარმომადგენელიც, რომელიც GWP–ის ხელმძღვანელობასთან კონსულტაციებს მართავდა.

აღსანიშნავია, რომ „ჯორჯიან უოთერ ენდ ფაუერმა“ 26-27 იანვარს ღრმაღელე-სამგორის წყალგამტარ გვირაბზე, წყალმომარაგების სტაბილურობის მიზნით, ტექნიკური სამუშაოები დაიწყო, რის გამოც ჩუღურეთისა და ნაძალადევის რაიონებში ათასობით აბონენტს წყალმომარაგება შეუწყდა.

 

0