ნიკოლ ფაშინიანი

ვადამდელ არჩევნებში დამარცხების შემთხვევაში ფაშინიანი მზადაა თანამდებობა დატოვოს

586
(განახლებულია 23:59 25.12.2020)
ქვეყნის შემდგომი ბედი თავისუფალი გამოხატვის გზით ხალხმა უნდა გადაწყვიტოს, განაცხადა სომხეთის პრემიერმა.

 

თბილისი, 25 დეკემბერი – Sputnik. სომხეთის პრემიერ–მინისტრი ნიკოლ ფაშინიანი 2021 წელს  ვადამდელი საპარლამენტო არჩევნების გამართვის საკითხთან დაკავშირებით პოლიტიკურ ძალებს კონსულტაციისთვის იწვევს, იუწყება „Sputnik–სომხეთი“

მისი თქმით, უკვე ნათელია, რომ პრემიერის გადადგომის მოთხოვნით ოპოზიციის მიერ მართულმა პროცესმა ხალხის მხარდაჭერა ვერ მიიღო. ოპოზიციას ჰქონდა ყველა შესაძლებლობა, თავისი მოთხოვნის გარშემო ხალხის მხარდაჭერა მოეხდინა –  იგი ფლობს უზარმაზარ ფინანსურ, მედია და ორგანიზაციულ რესურსებს, იგი მართავდა მიტინგებს, მაგრამ მან არამარტო ვერ უზრუნველყო ხალხის მხარდაჭერა თავისი მოთხოვნების გარშემო, არამედ მისი მხარდამჭერების რაოდენობა შეამცირა. 

 „ვერავინ იტყვის, რომ ჩვენ ძალაუფლება შევინარჩუნეთ უხეში ძალის გამოყენებით. პირიქით, ჩვენ გვადანაშაულებენ, რომ ზედმეტად რბილად ვიქცევით. ამასთან, ეს ყველაფერი არანაირად არ ცვლის ჩემი პოლიტიკურ გუნდის და ჩემს პირად ვალდებულებას, ხალხის წინაშე“, - აცხადებს ფაშინიანი“, – დაწერა ფაშინიანმა საკუთარ Facebook–გვერდზე. 

ქვეყნის შემდგომი ბედი თავისუფლების გამოხატვის გზით ახლა ხალხმა უნდა გადაწყვიტოს. და იგი, როგორც პრემიერი, საკუთარ თავს ამ თავისუფლების გამოხატვის გარანტორად მიიჩნევს. ფაშინიანი მზადაა პრემიერ-მინისტრის პოსტი მხოლოდ ხალხის მოთხოვნის შემთხვევაში დატოვოს.

ამის გარკვევის ერთადერთ გზად კი რიგგარეშე არჩევნები მიაჩნია.

ამასთან, გიგი მზადაა ხალხის მხრიდან ნდობის დადასტურების შემთხვევაში მომავალშიც უხელმძღვანელოს სახელმწიფოს რთულ პერიოდში.

ყველა ამ კითხვაზე პასუხის მისაღების  ერთადერთი გზა  რიგგარეშე საპარლამენტო არჩევნების ჩატარებაა. ზემოაღნიშნულიდან გამომდინარე, ფაშინიანი საპარლამენტო და დაინტერესებულ არასაპარლამენტო ძალებს იწვევს კონსულტაციებზე 2021 წელს რიგგარეშე საპარლამენტო არჩევნების ჩატარების თაობაზე.

შეგახსენებთ, სომხეთში პრემიერ-მინისტრ ნიკოლ  ფაშინიანის გადადგომას ოპოზიციური ძალები და მათი მომხრეები მას შემდეგ მოითხოვენ, რაც პრემიერმა მთიანი ყარაბაღის საკითხთან დაკავშირებით სამმხრივ განცხადებას მოაწერა ხელი – ისინი ფაშინიანს ეროვნული ინტერესების ღალატში ადანაშაულებენ.

586
გზა ზამთარში

„ხსნის გვირაბი“ - სომხეთი მიესალმება გზის გაყვანის შესახებ საქართველოს გადაწყვეტილებას

84
გუდაური-კობის ზვავსაშიში გზის შემოვლითი ქვეშეთი-კობის გზის მშენებლობა საქართველოს სამხედრო გზატკეცილზე, რომელიც საქართველოს რუსეთთან აკავშირებს, ხელსაყრელია არა მხოლოდ ქართული მხარისთვის, არამედ სომეხი გადამზიდავი კომპანიებისთვის

თბილისი, 25 იანვარი - Sputnik. საქართველო წელს იწყებს მასშტაბური პროექტის რეალიზებას, რომელიც „ზემო ლარსის“ საკონტროლო-გამშვებ პუნქტთან დაკავშირებული პრობლემების მოგვარებისკენ და ამ მიმართულებით დაუბრკოლებელი სატრანსპორტო მიმოსვლის უზრუნველყოფისკენაა მიმართული. იუწყება Sputnik-სომხეთი.

საუბარია მცხეთა-სტეფანწმინდა-ლარსის საავტომობილო გზატკეცილის გუდაური-კობის სახიფათო მონაკვეთის შემოვლით ახალ, ქვეშეთი-კობის გზაზე. პროექტით გათვალისწინებულია 22,7 კილომეტრიანი გზის, ასევე, 6 ხიდისა და 5 გვირაბის, მათ შორის, ჯვრის უღელტეხილის ქვეშ ცხრაკილომეტრიანი გვირაბის მშენებლობა. ეს იქნება ერთ-ერთი ყველაზე გრძელი გვირაბი და ევროპაში ერთ-ერთი ყველაზე რთული საინჟინრო ნაგებობა.

სომხეთის ტერიტორიული მართვისა და ინფრასტრუქტურის სამინისტროს საგზაო დეპარტამენტის საზოგადოებასთან ურთიერთობის სპეციალისტმა ლილიტ გრიგორიანმა Sputnik-სომხეთის კორესპონდენტთან საუბრისას აღნიშნა, რომ სომხეთი მიესალმება ნებისმიერ ინფრასტრუქტურულ პროგრამას, რომელიც ხელს შეუწყობს სომხეთიდან და სომხეთისკენ ტვირთის მოძრაობის შემსუბუქებას.

„ქვეშეთი-კობის რეკონსტრუქცია და გვირაბის მშენებლობა სომხეთიდან რუსეთში და უკან ტვირთის გადაზიდვას გაამარტივებს და უფრო უსაფრთხოს გახდის“, - განაცხადა გრიგორიანმა.

როგორც მან აღნიშნა, სომხეთში იმედოვნებენ, რომ გზა წლის ნებისმიერ დროს შეუფერხებლად იმუშავებს.

პროექტის მნიშვნელობაზე როგორც საქართველოსთვის, ისე სომხეთისთვის, Sputnik-სომხეთის კორესპონდენტთან ისაუბრა ასევე საქართველოს საერთაშორისიო საავტომობილო გადამზიდავთა ასოციაციის გენერალურმა მდივანმა გია წიფურიამ.

„პროექტი ორ ლოტადაა დაყოფილი, გზა იქნება ასფალტ-ბეტონის. გარდა ამისა, გუდაური-კობის მოქმედი გზა ყველაზე რთული მონაკვეთია, რომლის სიგრძეც 35 კილომეტრს შეადგენს. ფურების მძღოლები მის გავლას ერთ საათს ან მეტ დროს ანდომებენ“, - განაცხადა წიფურიამ.

მისი სიტყვებით, პროექტის იმპლემენტაცია მანძილს 12 კილომეტრით, დროს კი თითქმის ორჯერ შეამცირებს. გარდა ამისა, მოდერნიზებული მარშრუტი გაუადვილებს ცხოვრებას გადამზიდავებს, უზრუნველყოფს მათ უსაფრთხოებას და დაუბრკოლებელ სატრანსპორტო მოძრაობას.

როგორც ექსპერტმა აღნიშნა, 15 მეტრის სიგანისა და 9 კილომეტრის სიგრძის გვირაბი - არის ქვეყანაში უპრეცედენტო მასშტაბის პროექტი. წიფურიამ ხაზი გაუსვა, რომ ახალი გზა მნიშვნელოვანია, პირველ რიგში, საქართველოსთვის, თუმცა არანაკლებ მნიშვნელოვანია სომხეთისთვის, რომლისთვისაც ამ ეტაპზე ის რუსეთთან დამაკავშირებელი ერთადერთი სახმელეთო გზაა.

მისი თქმით, ყოველწლიურად მხოლოდ სომხეთიდან და მისი მიმართულებით „ზემო ლარსის“ საკონტროლო-გამშვებ პუნქტს კვეთს, სულ მცირე, 10 ათასი რეისი. წელს მათი რაოდენობა შესაძლოა 15 ათასამდე გაიზარდოს ხორბლისა და სხვა მარცვლოვანი კულტურების მიწოდების გამო.

თუმცა იგი, ისევე როგორც სომეხი ექსპერტები, დარწმუნებულია, რომ მიუხედავად მოქმედი მარშრუტისა, ერევანმა მიწოდების დივერსიფიცირებაზე უნდა იფიქროს. არსებულ რეალიებში შედარებით მისაღები, წიფურიას აზრით, გადაზიდვების მულტიმოდალური ტიპია: ერევნიდან ფოთში რკინიგზით ან საავტომობილო გზით, იქიდან - რუსეთის ნოვოროსიისკის და სხვა ქალაქების პორტებში ბორნით.

84
ხანძარი აზერბაიჯანის ჰირკანის ეროვნულ პარკში

აზერბაიჯანის ეროვნულ პარკში მეოთხე დღეა, ხანძარი მძვინვარებს

48
ირანის ტერიტორიის მოსაზღვრე ძნელად მისადგომ მთაგორიან ადგილებში არსებული ლოკალური კერები ხანძრის სრულად ჩაქრობის შესაძლებლობას არ იძლევა

თბილისი, 18 იანვარი - Sputnik. აზერბაიჯანის ჰირკანის ეროვნულ პარკში მეოთხე დღეა ხანძარი მძვინვარებს.

როგორც Sputnik-აზერბაიჯანი საგანგებო სიტუაციების სამინისტროზე დაყრდნობით იუწყება, ლოკალური კერები ხანძრის სრულად ჩაქრობის შესაძლებლობას არ იძლევა.

აღსანიშნავია, რომ ასტარინის რაიონის ტერიტორიაზე ხანძრის ჩაქრობაში თვითმფრინავი-ამფიბია БЕ-200ЧС მონაწილეობს. ცეცხლის ლიკვიდაციას მაღალმთიან და ძნელად მისადგომ ტყის მასივში ქარი ართულებს. 

ხანძრის ლოკალიზებისა და ჩაქრობის მიზნით ადგილზე მობილიზებული არიან საგანგებო სიტუაციების სამინისტროს, სამხრეთის რეგიონული ცენტრის, სახელმწიფო სახანძრო სამსახურის, სამოქალაქო თავდაცვის ძალების, განსაკუთრებული რისკის სამაშველო სამსახურის დამატებითი ძალები, ასევე ეკოლოგიისა და ბუნებრივი რესურსების დაცვის სამინისტროს ადგილობრივი ორგანიზაციების თანამშრომლები.

ცნობილია, რომ იწვის აზერბაიჯანი-ირანის საზღვრის მონაკვეთი. ცეცხლის გაჩენის მიზეზი ჯერჯერობით უცნობია.

48
პარლამენტი

საქართველოში ვაქცინაციის უსაფრთხოებაზე პასუხისმგებლობას სახელმწიფო იღებს

0
(განახლებულია 16:58 28.01.2021)
საქართველოს ვაქცინაციის ეროვნული გეგმა ითვალისწინებს წლის ბოლომდე 18 წელზე უფროსი ასაკის მოქალაქეთა 60%-ის აცრას. ვაქცინაცია უფასო და ნებაყოფლობითი იქნება.

თბილისი, 28 იანვარი – Sputnik. საქართველოს პარლამენტმა  „საზოგადოებრივი ჯანდაცვის შესახებ“ კანონში შესწორებები, რომელიც მოსახლეობის კორონავირუსის საწინააღმდეგო ვაქცინაციას ეხება,  მესამე მოსმენით მიიღო.

საკანონმდებლო შესწორებებს მხარი 79 დეპუტატმა, ერთხმად დაუჭირა.

ცვლილებების თანახმად, ვაქცინაციის პროცესში შესაძლო ზიანზე პასუხისმგებლობას სახელმწიფო იღებს, გარდა იმ შემთხვევისა, როდესაც ზიანი გამოწვეულია იმპორტიორის, სამედიცინო პერსონალის ან სამედიცინო დაწესებულების მიერ დაშვებული შეცდომით. 

როგორც კანონპროექტის ავტორმა, ჯანდაცვის კომიტეტის თავმჯდომარე დიმიტრი ხუნდაძემ განმარტა, სახელმწიფოს პასუხისმგებლობა მოიცავს ინფიცირებულთა მკურნალობისა და რეაბილიტაციის ხარჯების დაფარვას.

საქართველო მოსახლეობის ვაქცინაციისთვის ემზადება და ვაქცინის თებერვლის ბოლოსთვის მიღების იმედი აქვს. ამ ეტაპზე საუბარია COVAX–პატფორმის მეშვეობით Pfizer–სა და AstraZeneca–ს შემოტანაზე.  COVAX–პლატფორმით საქართველომ ვაქცინა მოსახლეობის 20%-სთვის – 700 ათასი ადამიანისთვის შეუკვეთა. ქვეყანამ უკვე გადაიხადა 4 მლნ დოლარი.

გეგმის მიხედვით, პირველ ეტაპზე კორონავირუსის საწინააღმდეგო აცრა  ექიმებს ჩაუტარდებათ, საბოლოო გეგმა კი თვის ბოლოს დამტკიცდება.

0
თემები:
კორონავირუსი საქართველოში: ბოლო ცნობები