მომიტინგეები ერევანში

ყარაბაღის ომის ვეტერანები სამგლოვიარო მსვლელობაში ფაშინიანის მონაწილეობას არ დაუშვებენ

52
სომხეთში 19-21 დეკემბერს მთიან ყარაბაღში კონფლიქტის ესკალაციის მსხვერპლთა ხსოვნის ნიშნად სამდღიანი გლოვა გამოცხადდა

თბილისი, 19 დეკემბერი - Sputnik. ყარაბაღის კონფლიქტის ვეტერანები შეკრიბნენ ერევანში სამხედრო სასაფლაო „ერაბლურზე“, რათა იქ სომხეთის პრემიერ-მინისტრი ნიკოლ ფაშიანიანი არ შეუშვან, იუწყება Sputnik-სომხეთი.

ადრე ფაშინიანმა მოუწოდა მოქალაქეებს მიიღონ მონაწილეობა მსვლელობაში, რომელიც ყარაბაღის ომში დაღუპულთა ხსოვნას მიეძღვნება. სომხეთში 19-21 დეკემბერს მთიან ყარაბაღში კონფლიქტის ესკალაციის მსხვერპლთა ხსოვნის ნიშნად სამდღიანი გლოვა გამოცხადდა. მსვლელობა ერევანში დაიწყება რესპუბლიკის მოედნიდან და „ერაბლურის“ პანთეონში დასრულდება.

„დღეს მე აქ ვარ არა მხოლოდ იმის გამო, რომ დაღუპულთა ხსოვნას პატივი მივაგო, არამედ იმისთვის, რომ მოღალატეს ფეხს არ დავადგმევინებ ამ წმინდა მიწაზე“, - განაცხადა სისიანის მოხალისეთა რაზმის მეთაურმა აშოტ მინასიანმა („აშოტ ერკატ“).

მინასიანის თქმით, ფაშინიანი მთავარი დამნაშავე და პასუხისმგებელი პირია ყარაბაღში მომხდარი წარუმატებლობების გამო.

„ის ვერ აცნობიერებს, რა უბედურება გამოიწვია მისმა ქმედებებმა. ის ვერ არჩევს მიწას და სამშობლოს. მას ჰგონია, რომ არცახი  (ასე უწოდებენ სომხები მთიან ყარაბაღს) ეს არის მიწის ნაგლეჯი, მაგრამ სინამდვილეში ეს არის სიწმინდე“, - განაცხადა მან.

მან არ განმარტა, როგორ აპირებენ გაუწიონ წინააღმდეგობა პრემიერს.

ოპოზიცია სომხეთში 10 ნოემბრიდან აპროტესტებს მთიან ყარაბაღში ზავის დადებას, რომელსაც ფაშინიანმა მოაწერა ხელი. მომიტინგეები ითხოვენ პრემიერ-მინისტრის გადადგომას და ყარაბაღის შესახებ შეთანხმების დერატიფიკაციის პროცესის დაწყების მოწოდებით გამოდიან.

ერევანში პროტესტი ფაშინიანის გადადგომის მოთხოვნით მას შემდეგ დაიწყო, რაც სომხეთი და აზერბაიჯანი რუსეთის შუამდგომლობით შეთანხმდნენ 2020 წლის 10 ნოემბრიდან ცეცხლისა და საომარი მოქმედებების შეწყვეტაზე. შეთანხმების პირობების თანახმად, სომხეთის მხარემ დათმო ტერიტორიების ნაწილი, მთიანი ყარაბაღის ტერიტორიაზე კი რუსი სამშვიდობოები შედიან. ისინი განთავსდებიან მხარეთა გამყოფ ზოლისა და დერეფნის გასწვრივ, რომელიც ყარაბაღს სომხეთთან აკავშირებს.

 

52
თემები:
ესკალაცია ყარაბაღში 2020 (155)
ხანძარი აზერბაიჯანის ჰირკანის ეროვნულ პარკში

აზერბაიჯანის ეროვნულ პარკში მეოთხე დღეა, ხანძარი მძვინვარებს

45
ირანის ტერიტორიის მოსაზღვრე ძნელად მისადგომ მთაგორიან ადგილებში არსებული ლოკალური კერები ხანძრის სრულად ჩაქრობის შესაძლებლობას არ იძლევა

თბილისი, 18 იანვარი - Sputnik. აზერბაიჯანის ჰირკანის ეროვნულ პარკში მეოთხე დღეა ხანძარი მძვინვარებს.

როგორც Sputnik-აზერბაიჯანი საგანგებო სიტუაციების სამინისტროზე დაყრდნობით იუწყება, ლოკალური კერები ხანძრის სრულად ჩაქრობის შესაძლებლობას არ იძლევა.

აღსანიშნავია, რომ ასტარინის რაიონის ტერიტორიაზე ხანძრის ჩაქრობაში თვითმფრინავი-ამფიბია БЕ-200ЧС მონაწილეობს. ცეცხლის ლიკვიდაციას მაღალმთიან და ძნელად მისადგომ ტყის მასივში ქარი ართულებს. 

ხანძრის ლოკალიზებისა და ჩაქრობის მიზნით ადგილზე მობილიზებული არიან საგანგებო სიტუაციების სამინისტროს, სამხრეთის რეგიონული ცენტრის, სახელმწიფო სახანძრო სამსახურის, სამოქალაქო თავდაცვის ძალების, განსაკუთრებული რისკის სამაშველო სამსახურის დამატებითი ძალები, ასევე ეკოლოგიისა და ბუნებრივი რესურსების დაცვის სამინისტროს ადგილობრივი ორგანიზაციების თანამშრომლები.

ცნობილია, რომ იწვის აზერბაიჯანი-ირანის საზღვრის მონაკვეთი. ცეცხლის გაჩენის მიზეზი ჯერჯერობით უცნობია.

45
სერგეი ლავროვი

შეიერთებს თუ არა რუსეთი ყარაბაღს: ლავროვი კომენტარს აკეთებს

110
(განახლებულია 20:53 18.01.2021)
ლავროვის თქმით, რუსეთი მზადაა ხელი შეუწყოს რეგიონში მშვიდობის, სტაბილიზაციისა და უსაფრთხოების უზრუნველყოფას.

თბილისი, 18 იანვარი — Sputnik. მოსკოვს არ ჰქონია არანაირი განზრახვა, ეღიარებინა მთიანი ყარაბაღის დამოუკიდებლობა ან რუსეთის შემადგენლობაში შეეყვანა იგი, განაცხადა რუსეთის საგარეო საქმეთა მინისტრმა სერგეი ლავროვმა.

მინისტრმა ხაზი გაუსვა, რომ რუსეთი მზადაა დახმარება გაუწიოს რეგიონს მშვიდობის, სტაბილურობისა და უსაფრთხოების უზრუნველყოფაში.

„რაც შეეხება იმ ეგზოტიკურ წინადადებას, რომ მთიანი ყარაბაღი რუსეთის ფედერაციის შემადგენლობაში შევიდეს, როგორც მესმის, ყარაბაღის დამოუკიდებლობა არავის უღიარებია, მათ შორის არც თავად სომხეთს — ჩვენ ასეთი რამ აზრადაც არ გვქონია. ჩვენ ამოვდივართ იქიდან, რომ ამ რეგიონის ყველა საკითხი მასში შემავალ რესპუბლიკებს შორის, პირველ რიგში კი აზერბაიჯანსა და სომხეთს შორის უნდა გაირკვეს“, – განაცხადა ლავროვმა დღევანდელ პრესკონფერენციაზე.

გასული წლის სექტემბრის ბოლოს მთიან ყარაბაღში შეიარაღებული კონფლიქტი განახლდა, რომელშიც სომხეთმა და აზერბაიჯანმა ერთმანეთი დაადანაშაულეს. რუსეთის შუამავლობით ქვეყნები 2020 წლის 10 ნოემბრიდან სამხედრო მოქმედებების სრულ შეწყვეტაზე შეთანხმდნენ.

ხელშეკრულების პირობების მიხედვით, სომხეთი და აზერბაიჯანი დაკავებულ პოზიციებზე დარჩნენ, მთიანი ყარაბაღის ტერიტორიაზე კი რუსი სამშვიდობოები შევიდნენ, რომლებიც მხარეთა გამყოფი ხაზისა და ყარაბაღისა და სომხეთის დამაკავშირებელი დერეფნის გასწვრივ განლაგდნენ. გარდა ამისა, სომხეთი ქელბაჯარის, ლაჩინის და აღდამის რაიონების დათმობაზე დათანხმდა. მიმდინარეობს ტყვეთა გაცვლის პროცესი.

ბაქოში შეთანხმება ერევნის კაპიტულაციად შეაფასეს. პრეზიდენტმა ალიევმა აღნიშნა, რომ დოკუმენტი მაქსიმალურად ხელსაყრელია აზერბაიჯანისთვის. სომხეთის პრემიერ-მინისტრმა ნიკოლ ფაშინიანმა კი აღიარა, რომ დოკუმენტი მისთვის მძიმედ მისაღები იყო, თუმცა ამან შესაძლებლობა მისცა ქვეყანას, შეენარჩუნებინა ყარაბაღის ტერიტორია, რასაც წინააღმდეგ შემთხვევაში მთლიანად დაკარგავდა.

ფაშინიანმა ყარაბაღში სომხეთის პრიორიტეტული მიმართულებები დაასახელა>>

ამას ერევანში საპროტესტო აქციები მოჰყვა პრემიერ-მინისტრის გადადგომის მოთხოვნით. ოპოზიცია პრემიერს სომხეთისთვის წამგებიანი ხელშეკრულების ხელმოწერაში ადანაშაულებს. როგორც ფაშინიანმა აღნიშნა, ის მზად არის გადადგეს, მაგრამ „მხოლოდ ხალხის გადაწყვეტილების შემთხვევაში“.

 

110
თემები:
რუსეთი დღეს
ე.წ. სამხედრო გზა

გუდაური-კობის მონაკვეთზე გზის გაწმენდითი სამუშაოები მიმდინარეობს: ბოლო მონაცემები

0
(განახლებულია 15:36 20.01.2021)
საერთაშორისო მნიშვნელობის საავტომობილო გზის კობი–გუდაურის მონაკვეთზე ზვავსაშიშროების გამო ტრანსპორტის მოძრაობა 11 იანვრიდან აიკრძალა

თბილისი, 20 იანვარი – Sputnik. მცხეთა-სტეფანწმინდა-ლარსის საავტომობილო გზის გუდაური-კობის მონაკვეთზე როგორც გუდაურიდან, ასევე კობიდან გზის გაწმენდითი სამუშაოები მეორე დღეა ინტენსიურ რეჟიმში გრძელდება, ნათქვამია საავტომობილო გზების დეპარტამენტის მიერ გავრცელებულ განცხადებაში.

გზის აღნიშნულ მონაკვეთზე კვირაზე მეტია რთული მეტეოროლოგიური პირობების გამო ყველა სახის ტრანსპორტის გადაადგილება აკრძალულია. ინტენსიური თოვისა და დაბალი ტემპერატურის გამო გზის აღნიშნულ მონაკვეთზე ზვავსაშიშროების საფრთხის მაღალი დონეა.

გავრცელებული ინფორმაციით, გზის ძირითადი ნაწილი უკვე გაწმენდილია.

„რჩება მხოლოდ 3 კილომეტრი (99-101–ე კმ), საიდაც 101-ე კილომეტრზე ზვავსაშიშროება ნარჩუნდება და გაწმენდითი სამუშაოების დაწყება აღნიშნულ 1 კილომეტრზე ჯერ ვერ ხერხდება“, - ნათქვამია განცხადებაში.

უწყების ინფორმაციით, აღნიშნულ მონაკვეთზე გაწმენდითი სამუშაოები ზვავსაშიშროების რეჟიმის მოხსნისთანავე დაიწყება, რათა უმოკლეს ვადებში აღდგეს ავტოტრანსპორტის მოძრაობა.

მცხეთა–სტეფანწმინდა–ლარსის ტრასა დღეისათვის ერთადერთი სახმელეთო გზაა, რომელიც საქართველოსა და სომხეთს რუსეთთან აკავშირებს.

0
თემები:
ტრანსპორტი საქართველოში