რუსეთის უსაფრთხოების სამსახურის თანამშრომლები

ყარაჩაი-ჩერქეზეთში მამაკაცმა თავი აიფეთქა: ვრცელდება ვიდეო ადგილიდან

83
(განახლებულია 21:27 11.12.2020)
აფეთქების შედეგად დაჭრილი სამართალდამცველების მდგომარეობა ამ დროისათვის სტაბილურია, სამოქალაქო პირთა შორის დაშავებულები არ არიან.

თბილისი, 11 დეკემბერი — Sputnik. ყარაჩაი–ჩერქეზეთის უსაფრთხოების ფედერალური სამსახურის შენობასთან აფეთქება მოხდა, იუწყება ეროვნული ანტიტერორისტული კომიტეტი, რომელმაც შემთხვევის ადგილიდან ვიდეო გაავრცელა.

„დღეს, დაახლოებით 12 საათზე ყარაჩაი–ჩერქეზეთის სოფელ უჩკეკენში აღიკვეთა დაუდგენელი პირის მცდელობა, შეჭრილიყო ტერიტორიაზე, სადაც სამართალდამცველი ორგანოები ოპერატიულ–სამძებრო ღონისძიებას ატარებდნენ. დაკავების მცდელობისას მამაკაცმა თავი აიფეთქა“, — ნათქვამია კომიტეტის განცხადებაში.

აფეთქების შედეგად დაიჭრა ექვსი სამართალდამცველი. ამ დროისათვის მათი ჯანმრთელობის მდგომარეობა სტაბილურია. სამოქალაქო პირთა შორის დაშავებულები არ არიან.

რეგიონის ხელმძღვანელი რაშიდ ტერმეზოვი აცხადებს, რომ ვითარებას პირადად აკონტროლებს. 

83
ეპიდვითარება აზერბაიჯანში

აზერბაიჯანში კარანტინი შეარბილეს და 1 აპრილამდე გააგრძელეს

108
(განახლებულია 09:44 17.01.2021)
აზერბაიჯანში ზოგიერთი შეზღუდვის მოხსნა ბოლო დროს არსებული სტაბილური ეპიდვითარების გამო გახდა შესაძლებელი

თბილისი, 16 იანვარი — Sputnik. აზერბაიჯანში კორონავირუსის გამო დაწესებული კარანტინი 1 აპრილის 06:00 საათამდე გააგრძელეს, იუწყება Sputnik-აზერბიჯანი.

25 იანვრიდან უქმდება ისეთი კომერციული ობიექტების საქმიანობის შეზღუდვა, როგორიცაა სავაჭრო ობიექტები. გამონაკლისს წარმოადგენს სავაჭრო ცენტრები და საზკვების ობიექტებისთვის ადგილზე მომსახურება. გარდა ამისა, აღნიშნული თარიღიდან განაახლებენ მუშაობას სილამაზის სალონები, მათ შორის ბინაზე მომსახურებით, მუზეუმები, საგამოფენო სალონები და საქალაქთაშორისო გადაზიდვები.

1 თებერვლის 00:00 საათიდან ქვეყნის ტერიტორიაზე საზკვების ობიექტები, ასევე რესტორნები, კაფეები, ჩაიხანები და სხვა ობიექტები კლიენტებს 06:00 საათიდან 00:00 საათამდე მოემსახურებიან.

ამასთან ნებადართული საქმიანობების ყველა სფეროში უნდა სრულდებოდეს მინისტრთა კაბინეტის მიერ დამტკიცებული ყველა მოთხოვნა.

ძალაში რჩება გადაწყვეტილება ბაქოს მეტროპოლიტენის, საზოგადოებრივი ტრანსპორტის უქმეებზე მუშაობის შეჩერების შესახებ გადაწყვეტილება - კარანტინის რეჟიმის დასრულებამდე.

2021 წლის 18 იანვრის 00:00 საათიდან  ბაქოში, სუმგაითში, განჯაში, მინგეჩაურში, შირვანში, აფშერონის რეგიონში, აგრეთვე  ლენქორანში, მასალის, ჯალილაბადის, შაქის, ზაქათალას, გუბას, ხაჩმაზის, ევლახის, ბარდის, ბილასუვარისა და ისმაილის რაიონებში საცხოვრებელი ადგილის დატოვების მიზნით პორტალ icaze.e-gov.az-დან სმს-შეტყობინებისა და ნებართვის მიღების სისტემა უქმდება.

ამასთან აზერბაიჯანის ხუთ ქალაქსა და 12 რაიონში შესვლა-გამოსვლა კვლავ არ არის დაშვებული.

ასევე სავალდებულო რჩება პირბადეების ტარება.

108
საქართველოში აზერბაიჯანის საელჩო

აზერბაიჯანის მოქალაქეებს პასპორტის მოქმედების ვადა გაუხანგრძლივეს

924
(განახლებულია 10:10 16.01.2021)
იმ შემთხვევაში, თუ საქართველოში მყოფ აზერბაიჯანის მოქალაქეებს ქვეყნის დაბრუნება და სამშობლოში დაბრუნება სურთ, მათ აზერბაიჯანის საელჩოს უნდა მიმართონ.

თბილისი, 15 იანვარი - Sputnik. საქართველოში მყოფი აზერბაიჯანის მოქალაქეებს პასპორტების მოქმედების ვადა 1 ივლისამდე გაუხანგრძლივდათ, იუწყება აზერბაიჯანის საელჩო.

„პანდემიით გამოწვეული სირთულეების გათვალისწინებით, სხვადასხვა ქვეყანაში, მათ შორის საქართველოში მცხოვრები ჩვენი მოქალაქეების, იმისთვის, რომ მათ არ შეეხოს არალეგალური მიგრანტის სტატუსი და საქმიანობა აწარმოონ კანონიერ ჩარჩოში, ყველა ტიპის პასპორტს (დიპლომატიური, სამსახურებრივი და სამოქალაქო), რომელსაც ვადა 2020 წლის პირველ იანვარს ამოეწურა ანდა ამოეწურება, მოქმედების ვადა 2021 წლის პირველ ივლისამდე გახანგძლივებულად ჩაეთვლება, რათა იმ ქვეყნებში (მათ შორის საქართველოში), სადაც ისინი ცხოვრობენ, საქმიანობა დაარეგულირონ“, - ციტირებს საელჩოს განცხადებას პირველი არხი.

საელჩოს ინფორმაციით, იმ შემთხვევაში, თუ საქართველოში მყოფ აზერბაიჯანის მოქალაქეებს ქვეყნის დაბრუნება და სამშობლოში დაბრუნება სურთ, მათ აზერბაიჯანის საელჩოს უნდა მიმართონ.

პანდემიის  გამო საქართველოსა და აზერბაიჯანს შორის საზღვარი 14 მარტიდან დაკეტილია.

924
ეპიდემია საქართველოში

COVID-19 საქართველოში: რამდენი შემთხვევა გამოვლინდა ბოლო დღე-ღამეში

0
ამ დროისათვის სულ გამოჯანმრთელდა 234.636 ადამიანი (ბოლო 24 საათში – 1.643), გარდაიცვალა – 2.958 (ბოლო 24 საათში – 25), კარანტინის რეჟიმშია 460, სტაციონარებში ექიმების დაკვირვების ქვეშ 3.670 პაციენტი, ხოლო კოვიდ–სასტუმროებში 634 ადამიანი იმყოფება. 

თბილისი, 18 იანვარი – Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში 110-ით გაიზარდა და ინფიცირებულთა საერთო რიცხვმა 247.915 მიაღწია. ინფორმაცია საქართველოს მთავრობის სპეციალურ ვებ-გვერდზე stopcov.ge განახლდა.

ამ დროისათვის სულ გამოჯანმრთელდა 234.636 ადამიანი (ბოლო 24 საათში – 1.643), გარდაიცვალა – 2.958 (ბოლო 24 საათში – 25), კარანტინის რეჟიმშია 460, სტაციონარებში ექიმების დაკვირვების ქვეშ 3.670 პაციენტი, ხოლო კოვიდ–სასტუმროებში 634 ადამიანი იმყოფება. 

ბოლო 24 საათში ჩატარდა 4.964 კვლევა ტესტით, მათ შორის ანტიგენის სწრაფი ტესტით – 2.930, PCR ტესტით – 2.034.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
კორონავირუსი საქართველოში: ბოლო ცნობები