სერგეი ლავროვი

რუსეთის საგარეო საქმეთა მინისტრი ერევანში ჩავიდა

21
(განახლებულია 12:32 21.11.2020)
რუსეთის დელეგაცია სომხურ მხარესთან განიხილავს ვითარებას ყარაბაღში, მშვიდობისმყოფელების განთავსებას, რუსეთის ფინანსურ, ტექნიკურ დახმარებას და მხარდაჭერას საგანგებო ვითარების ხაზით

თბილისი, 21 ნოემბერი – Sputnik. რუსეთის საგარეო საქმეთა მინისტრი სერგეი ლავროვი რუსეთის უწყებათაშორისი დელეგაციის შემადგენლობაში ერევანში ჩავიდა, იუწყება Sputnik–სომხეთი.

უფრო ადრე ერევანში რუსეთის თავდაცვის მინისტრი სერგეი შოიგუ ჩავიდა. ის უკვე შეხვდა სომხეთის პრემიერ–მინისტრ ნიკოლ ფაშინიანს.

რუსეთის დელეგაციაში, გარდა ქვეყნის საგარეო და თავდაცვის მინისტრებისა, შედიან მთავრობის თავმჯდომარის მოადგილე ალექსეი ოვერჩუკი, ჯანდაცვის მინისტრი მიხაილ მურაშკო, „როსპოტრებნადზორის“ ხელმძღვანელი ანა პოპოვა, განუცხადეს ჟურნალისტებს დელეგაციაში.

Sputnik–სომხეთის წყაროები, თავის მხრივ, აცხადებენ, რომ ასევე მოსადოდნელია ვიცე–პრემიერ ალექსანდრ ნოვაკისა და რუსეთის მთავრობის სხვა წარმომადგენლების, მათ შორის, საგანგებო სიტუაციების სამინისტროს ხელმძღვანელის, ევგენი ზინიჩევის ვიზიტი.

რუსეთის პრეზიდენტმა ვლადიმირ პუტინმა გუშინ თათბირი გამართა ქვეყნის ძალოვანი ბლოკის, ფინანსთა, ენერგეტიკისა და საგარეო საქმეთა მინისტრების მონაწილეობით. პუტინმა აღნიშნა, რომ მნიშვნელოვანია ყარაბაღის მოსახლეობის ყოველმხრივი დახმარება. მან იმედი გამოთქვა, რომ კონსულტაციები ამ საკითხზე სომხურ მხარესთან სასარგებლო იქნება.

21
სომხეთის პრემიერ-მინისტრი ნიკოლ ფაშინიანი და რუსეთის მთავრობის მეთაური მიხაილ მიშუსტინი

რუსეთისა და სომხეთის პრემიერ-მინისტრებს შორის სატელეფონო საუბარი შედგა

10
(განახლებულია 09:04 01.12.2020)
ევრაზიის მთავრობათაშორისი საბჭოს სხდომა, რომელიც 4 დეკემბერს მოსკოვში უნდა გამართულიყო, შესაძლოა ონლაინრეჟიმში ჩატარდეს

თბილისი, 30 ნოემბერი - Sputnik. ორშაბათს სომხეთის პრემიერ-მინისტრ ნიკოლ ფაშინიანსა და რუსეთის მთავრობის მეთაურ მიხაილ მიშუსტინს შორის სატელეფონო საუბარი გაიმართა, იუწყება Sputnik-სომხეთი სომხეთის მინისტრთა კაბინეტის პრესსამსახურზე დაყრდნობით.

მხარეებმა სომხურ–რუსული სამოკავშირეო ურთიერთობების საკითხები განიხილეს.

მიხაილ მიშუსტინმა აღნიშნა, რომ, ეპიდემიოლოგიური ვითარებიდან გამომდინარე, ევრაზიის ეკონომიკურ კომისიას ევრაზიის მთავრობათაშორისი საბჭოს სხდომის ონლაინრეჟიმში ჩატარების თხოვნით მიმართა.

სხდომა მოსკოვში 4 დეკემბერს უნდა გამართულიყო.

10
რუსი სამშვიდობოები სტეპანაკერტში

რუსმა სამშვიდობოებმა სტეფანაკერტში საველე ჰოსპიტალი გაშალეს

14
(განახლებულია 18:21 30.11.2020)
რუსი სამშვიდობოები მთიან ყარაბაღში 10 ნოემბრის სამმხრივი ხელშეკრულების ფარგლებში შედიან, რომელსაც ხელი რუსეთის, აზერბაიჯანისა და სომხეთის ლიდერებმა მოაწერეს.

თბილისი, 30 ნოემბერი — Sputnik. რუსეთის თავდაცვის სამინისტრომ მთიან ყარაბაღში საველე ჰოსპიტალი გაშალა, იუწყება სააგენტო РИА Новости.

„დასრულებულია პნევმოკარკასული მოდულების განთავსება. პირველ რიგში სამშვიდობო კონტინგენტის სამედიცინო მომსახურებაზე ვართ ორიენტირებული. ასევე მზად ვართ დახმარება აღმოვუჩინოთ მშვიდობიან მოსახლეობასაც და საკუთარ ფონდებზე 40-მდე ადამიანი განვათავსოთ“, — განუცხადა ჟურნალისტებს სამედიცინო რაზმის ხელმძღვანელმა იაროსლავ ივანოვმა.

მისი თქმით, ჰოსპიტალი აღჭურვილია სარეანიმაციო, ფუნქციონალური დიაგნოსტიკის, ლაბორატორიული დიაგნოსტიკის, საოპერაციო განყოფილებებითა და ასევე სტომატოლოგიური და ოფთალმოლოგიური კაბინეტებით. ადგილზე არის ფილტვების ხელოვნური ვენტილაციის, ულტრაბგერითი კვლევისა და რენტგენის აპარატებიც.

რუსი სამშვიდობოები მთიან ყარაბაღში 10 ნოემბრის სამმხრივი ხელშეკრულების ფარგლებში შედიან, რომელსაც ხელი რუსეთის, აზერბაიჯანისა და სომხეთის ლიდერებმა — ვლადიმირ პუტინმა, ილჰამ ალიევმა და ნიკოლ ფაშინიანმა მოაწერეს. შეთანხმება ცეცხლის სრულ შეწყვეტასა და ტყვეებისა და დაღუპულთა ცხედრების გაცვლას ითვალისწინებს. ამასთან სომხეთი აზერბაიჯანს ქელბაჯარის, ლაჩინისა და აღდამის რაიონებს უბრუნებს.

ბაქოში შეთანხმება ერევნის კაპიტულაციად შეაფასეს. პრეზიდენტმა ალიევმა აღნიშნა, რომ დოკუმენტი მაქსიმალურად ხელსაყრელია აზერბაიჯანისთვის.

სომხეთის პრემიერ-მინისტრმა ნიკოლ ფაშინიანმა კი აღიარა, რომ დოკუმენტი მისთვის მძიმედ მისაღები იყო, თუმცა ამან შესაძლებლობა მისცა ქვეყანას, შეენარჩუნებინა ყარაბაღის ტერიტორია, რასაც წინააღმდეგ შემთხვევაში მთლიანად დაკარგავდა. ამას ერევანში საპროტესტო აქციები მოჰყვა პრემიერ-მინისტრის გადადგომის მოთხოვნით.

 

14
თემები:
ესკალაცია ყარაბაღში 2020
ლაბორატორია

საქართველოში კორონავირუსი აივ–ინფექციის შემთხვევების შემცირების მიზეზი გახდა

0
(განახლებულია 09:28 01.12.2020)
საქართველოს იმუნოლოგიის ცენტრში აღნიშნავენ, რომ ტესტი აივ/შიდსის გამოსავლენად და კონსულტაციები საქართველოს მოქალაქეებისთვის უფასო და ანონიმურია

თბილისი, 1 დეკემბერი – Sputnik. კორონავირუსის პანდემიის გამო წელს შემცირდა აივ–ტესტირების გავლის მსურველთა რაოდენობა, რამაც, შესაბამისად, შეამცირა აივ–ინფიცირების შემთხვევების რაოდენობა, ნათქვამია საქართველოს ინფექციური პათოლოგიის, შიდსისა და კლინიკური იმუნოლოგიის ცენტრის განცხადებაში.

მსოფლიოში 1 დეკემბერს შიდსთან ბრძოლის საერთაშორისო დღე აღინიშნება. 2020 წლის თემაა „საერთაშორისო სოლიდარობა, გაზიარებული პასუხისმგებლობა“.

საქართველო და აივ-ინფექცია: ბოლო მონაცემები>>

როგორც ცენტრის განცხადებაშია აღნიშნული, კორონავირუსის პანდემია მტკივნეულად აისახა აივ/შიდსით დაავადებულ ადამიანებზეც.

„უნდა გავხდეთ ამ ორი პანდემიის წინააღმდეგ ბრძოლის თანამონაწილე. შემოგვიერთდით და დავასრულოთ Covid-19 და შიდსის ეპიდემია საქართველოში! ეპიდემიის დასრულებისთვის მნიშვნელოვანია იცოდე შენი აივ–სტატუსი და თუ ხარ აივ–ინფიცირებული, დროულად დაიწყო მკურნალობა. დროულად დაწყებული მკურნალობა კი სრულფასოვანი ცხოვრების საწინდარია“, – ნათქვამია განცხადებაში.

ცენტრის განცხადებაში ასევე აღნიშნულია, რომ კრიტიკულად მნიშვნელოვანია კვლავ აივ–შიდსთან ბრძოლისთვის დამატებითი ფინანსების მობილიზაცია, რათა ამაღლდეს საზოგადოების ცნობიერება ამ საკითხში და გაუმჯობესდეს ინფიცირებული ადამიანების ცხოვრების ხარისხი.

ამ დროისთვის საქართველოს ინფექციური პათოლოგიის, შიდსისა და კლინიკური იმუნოლოგიის ცენტრის მიერ რეგისტრირებულია 8598 აივ–ინფიცირებული, აქედან 6422 მამაკაცია, ხოლო 2176 – ქალი. პაციენტების უმრავლესობა 29–39 წლისაა. შიდსი განუვითარდა 4 441 პაციენტს, გარდაიცვალა 1 781.

კიდევ ერთი: აივ-ინფექციისგან მსოფლიოში მესამე ადამიანი განიკურნა>>

30 ნოემბრის მონაცემებით, ქვეყანაში მკურნალობს 5 379 პაციენტი, აქედან 46 ბავშვია. საქართველოში აივ–შიდსის დიაგნოზი პირველად 1989 წელს დაისვა.

ინფექციური პათოლოგიის, შიდსისა და კლინიკური იმუნოლოგიის ცენტრში მოქალაქეებს ახსენებენ, რომ ტესტი აივ0შიდსზე და კონსულტაცია საქართველოს მოქალაქეებისთვის არის უფასო და ანონიმური.

0