რუსეთის თავდაცვის მინისტრი სერგეი შოიგუ

რუსული დესანტი სომხეთში: პირველი ერევანში შოიგუ ჩაფრინდა

11
(განახლებულია 11:33 21.11.2020)
რუსი მინისტრები ერევანში პუტინთან გამართული თათბირის შემდეგ გაემგზავრნენ. პრეზიდენტმა განაცხადა, რომ ყარაბაღის მოსახლეობას ყოველმხრივი დახმარება უნდა გაეწიოს

თბილისი, 21 ნოემბერი - Sputnik. ერევანში რუსეთის ფედერაციის უწყებათაშორისი დელეგაციის შემადგენლობაში რუსეთის თავდაცვის მინისტრი სერგეი შოიგუ გაემგზავრა, იუწყება РИА Новости. 

როგორც მინისტრთა კაბინეტში განაცხადეს, უწყებათაშორისი დელეგაციის წევრები შაბათს სომხეთის პრემიერ-მინისტრ ნიკოლ ფაშინიანს შეხვდებიან. სომხეთის პრემიერ-მინისტრის მდივანმა მანე გევორქიანმა განაცხადა, რომ შოიგუს და ფაშინიანის შეხვედრა უკვე დაიწყო.

პარასკევს პუტინმა გამართა თათბირი ძალოვანი ბლოკის, ფინანსთა, ენერგეტიკის და საგარეო საქმეთა მინისტრებთან, სადაც ყურადღება გაამახვილა ყარაბაღის მცხოვრებთა დახმარების მნიშვნელობაზე და აღნიშნა, რომ ამ საკითხზე კონსულტაციები სომხურ მხარესთან სასარგებლო იქნება.

Sputnik-სომხეთის წყაროები იუწყებიან, რომ უკვე შაბათს ერევანში მოსალოდნელია საგარეო საქმეთა მინისტრ სერგეი ლავროვის ვიზიტიც, ასევე ელოდებიან ვიცე-პრემიერებს ალექსანდრ ნოვაკს, ალექსეი ოვერჩუკს და რუსეთის მთავრობის სხვა წარმომადგენლებს, მათ შორის საგანგებო სიტუაციების მინისტრ ევგენი ზინიჩევს.

რუსული დელეგაცია სომეხ პარტნიორებთან განიხილავს ყარაბაღში არსებულ სიტუაციას, მშვიდობისმყოფელთა განთავსების საკითხებს, რუსეთის მხრიდან ფინანსური და ტექნიკური დახმარების გაწევას, ხელშეწყობას საგანგებო სიტუაციების სამინისტროს ხაზით.

11
თემები:
ესკალაცია ყარაბაღში 2020 (135)
რუსეთის პრეზიდენტი ვლადიმირ პუტინი და მისი თურქი კოლეგა რეჯეფ თაიიფ ერდოღანი

პუტინმა და ერდოღანმა სატელეფონო საუბრის დროს ყარაბაღში არსებული სიტუაცია განიხილეს

11
რუსეთის ლიდერმა ვლადიმირ პუტინმა ერდოღანს გააცნო ინფორმაცია რუსი სამშვიდობოების საქმიანობის შესახებ, რომლებიც ყარაბაღში ცეცხლის შეწყვეტის რეჟიმის შესრულების მხარდაჭერას ახორციელებენ

თბილისი, 25 ნოემბერი – Sputnik. რუსეთის პრეზიდენტმა ვლადიმირ პუტინმა და მისმა თურქმა კოლეგამ რეჯეფ თაიიფ ერდოღანმა მთიან ყარაბაღში ცეცხლის შეწყვეტის კონტროლის ცენტრი განიხილეს, იუწყება კრემლის პრესსამსახური.

სატელეფონო საუბარი თურქეთის ინიციატივით შედგა.

ორი ქვეყნის ლიდერებმა აღნიშნეს იმ გადაწყვეტილებების სრული და თანმიმდევრული შესრულების აუცილებლობა, რომლებიც „რეგიონში სტაბილურობისა და მშვიდობიანი ცხოვრების უზრუნველსაყოფად არის მიმართული“.

აღინიშნა, რომ პუტინმა ერდოღანს გააცნო ინფორმაცია რუსი სამშვიდობოების საქმიანობის შესახებ, რომლებიც ყარაბაღში ცეცხლის შეწყვეტის რეჟიმის შესრულების მხარდაჭერას ეფექტურად ახორციელებენ.

პრეზიდენტები შეთანხმდნენ, რომ მთიან ყარაბაღში პრიორიტეტულია ისეთი ჰუმანიტარული პრობლემები, როგორებიცაა დევნილების დაბრუნება, რელიგიური და კულტურული ობიექტების შენარჩუნება, ინფრასტრუქტურის აღდგენა.

აზერბაიჯანის, სომხეთისა და რუსეთის ლიდერებმა — ილჰამ ალიევმა, ნიკოლ ფაშინიანმა და ვლადიმირ პუტინმა 9 ნოემბერს ხელი მოაწერეს განცხადებას მთიან ყარაბაღში 10 ნოემბრიდან ცეცხლისა და საომარი მოქმედებების შეწყვეტის შესახებ. შეთანხმების მიხედვით, ამ დროისათვის ყარაბაღში რუსი სამშვიდობოები განლაგდნენ, აზერბაიჯანი და სომხეთი დაკავებულ პოზიციებზე რჩებიან და ამასთან მიმდინარეობს ტყვეთა გაცვლა. ნოემბერ–დეკემბერში სომხეთი აზერბაიჯანს მთიანი ყარაბაღის ტერიტორიების დიდ ნაწილს გადააბარებს.

მთიან ყარაბაღში რუსი ოფიცერი ნაღმზე აფეთქდა >>

ცეცხლის შეწყვეტისა და საომარი მოქმედებების შეწყვეტაზე კონტროლის მიზნით მთიანი ყარაბაღის ზონაში მიმდინარეობს რუსეთის ფედერაციის სამშვიდობო კონტინგენტის განთავსება – შეთანხმებულია 1960 სამხედრო მოსამსახურის, 90 ჯავშანტრანსპორტიორის, 380 ერთეული საავტომობილო და სხვა სპეცტექნიკის შეყვანა.

11
თემები:
ესკალაცია ყარაბაღში 2020 (135)
რუსეთის ნაღმსაწინააღმდეგო ცენტრის სპეციალისტები

მთიან ყარაბაღში რუსი ოფიცერი ნაღმზე აფეთქდა

22
რუსი სამხედრო მოსამსახურე ბაქოს ჰოსპიტალშია გადაყვანილი, მას შესაბამის სამედიცინო დახმარებას უწევენ

თბილისი, 23 ნოემბერი - Sputnik. მთიან ყარაბაღში ნაღმის აფეთქების შედეგად აზერბაიჯანელი სამხედრო დაიღუპა, სამშვიდობო ძალების რუსული კონტინგენტის ოფიცერი და ყარაბაღის საგანგებო სიტუაციების სამინისტროს ოთხი თანამშრომელი დაჭრილია, იუწყება РИА Новости რუსეთის თავდაცვის სამინისტროზე დაყრდნობით.

როგორც სამინისტროში იტყობინებიან, 23 ნოემბერს დაღუპული სამხედრო მოსამსახურეების ცხედრების გაცვლის ერთობლივი ჯგუფი რუსი სამშვიდობოების, აზერბაიჯანის შეიარაღებული ძალების, მთიანი ყარაბაღის საგანგებო სიტუაციების სამინისტროს, ასევე, წითელი ჯვრის საერთაშორისო კომიტეტის წარმომადგენლების შემადგენლობით ტერტერის რაიონში დაღუპულთა სამძებრო სამუშაოებს აწარმოებდა.

„მადაგიზის დასახლებული პუნქტის რაიონში სამუშაოების წარმოებისას ნაღმი აფეთქდა. შედეგად სამშვიდობო ძალების რუსული კონტინგენტის ოფიცერი დაიჭრა. აზერბაიჯანის რესპუბლიკის შეიარაღებული ძალების ერთი ოფიცერი დაიღუპა. მთიანი ყარაბაღის საგანგებო სიტუაციების სამინისტროს კიდევ ოთხი თანამშრომელი დაიჭრა. რუსი სამხედრო მოსამსახურე ბაქოს ჰოსპიტალშია გადაყვანილი, სადაც მას აუცილებელ სამედიცინო დახმარებას აღმოუჩენენ. მის სიცოცხლეს საფრთხე არ ემუქრება“, - ნათქვამია განცხადებაში.

აქვე აღნიშნულია, რომ ერთობლივი ჯგუფები, რომლებიც კონფლიქტში დაღუპულთა ცხედრების მოსაძებნად და გადასაცემად რუსეთის სამშვიდობო ძალების სარდლობის ინიციატივით შეიქმნა, კვირაზე მეტია ეფექტურად მუშაობენ. ყველა ნაპოვნი ცხედარი მხარეებს დასამარხად გადაეცემა.

22
თემები:
ესკალაცია ყარაბაღში 2020 (135)