გამვლელი ერევანში რესპუბლიკის მოედანზე

სომხეთში სამხედრო მდგომარეობის რეჟიმი მედიის მიმართ შეარბილეს

43
(განახლებულია 11:12 21.11.2020)
კერძოდ, შეჩერებულია იმ პუნქტის მოქმედება, რომლის თანახმად იკრძალებოდა იმგვარი გადაცემების ეთერში გასვლა, რომლებიც სამხედრო მდგომარეობის და სახელმწიფო უსაფრთხოების უზრუნველყოფის კუთხით თანამდებობის პირთა საქმიანობას აკრიტიკებს

თბილისი, 21 ნოემბერი - Sputnik. სომხეთში შეაჩერეს სიტყვისა და მედიის თავისუფლების კუთხით სამხედრო მდგომარეობის პირობებში შემოღებული შეზღუდვების მოქმედება, იუწყება РИА Новости საკონსტიტუციო სასამართლოზე დაყრდნობით.

სასამართლოში განმარტეს, რომ აკრძალვა დროებით მოხსნილია იმ გადაცემების გამოქვეყნებაზე, რომლებიც სომხეთის და ყარაბაღის თავდაცვით უნარიანობას ეჭვქვეშ აყენებს.

აღნიშნული გადაწყვეტილება ადამიანის უფლებათა დამცველის, არმან ტატოიანის მიმართვის საფუძველზეა მიღებული.

„შეჩერებულია ასევე იმ პუნქტის მოქმედება, რომლის თანახმად იკრძალება ისეთი გადაცემების ეთერში გასვლა, რომლებიც ეჭვქვეშ აყენებენ ან აუფასურებენ თანამდებობის პირთა, სახელმწიფო და ადგილობრივი მმართველობის ორგანოთა საქმიანობას, რომელიც სამხედრო მდგომარეობის და სახელმწიფო უსაფრთხოების სამართლებრივი რეჟიმის უზრუნველყოფაზეა მიმართული“, - აღნიშნულია განცხადებაში.

ერევანში ბოლო დღეებში ოპოზიცია მართავს საპროტესტო აქციებს ფაშინიანის გადადგომის მოთხოვნით, რადგან მან 10 ნოემბერს ყარაბაღში ცეცხლის შეწყვეტის შესახებ ერთობლივ შეთანხმებას მოაწერა ხელი. დოკუმენტს ხელს აწერენ რუსეთის, სომხეთის და აზერბაიჯანის ლიდერები. შეთანხმების თანახმად, სომხეთი და აზერბაიჯანი რჩებიან დაკავებულ პოზიციებზე, მთიანი ყარაბაღის ტერიტორიაზე კი შედიან რუსი სამშვიდობოები. ისინი განთავსდებიან მხარეთა გამყოფ ზოლზე და დერეფნის გასწვრივ, რომელიც ყარაბაღს სომხეთთან აკავშირებს. ბაქომ და ერევანმა ტყვეების გაცვლაზე მოილაპარაკეს. სომხეთმა აზერბაიჯანს უნდა დაუბრუნოს ასევე ქელბაჯარის, ლაჩინისა და აღდამის რაიონები.

 

 

43
თემები:
ესკალაცია ყარაბაღში 2020 (141)
სომხური მხარის მიერ მიტოვებული ტანკი

მოსაზრება: რატომ დაკარგა სომხეთმა დიდი რაოდენობით სამხედრო ტექნიკა?

6
(განახლებულია 15:55 03.12.2020)
მთიან ყარაბაღში საომარი მოქმედებების დროს ექსპერტულ და მედიასივრცეში დისკუსია დაიწყო რუსული წარმოების იარაღის ეფექტურობის შესახებ, რომელიც სომხურ მხარეს ჰქონდა.

მაგრამ იარაღშია საქმე თუ პირადი შემადგენლობის მომზადებასა და თავდაცვის ორგანიზებაში?

დღეისათვის შეინიშნება ცალკეული მცდელობები იმისა, რომ სომხური მხარის მარცხი რუსული წარმოების „უსარგებლო“ გამანადგურებელ Су-30-СМ–ს, „ბრმა“ საზენიტო კომპლექს С-300–ებს, რადიოელექტრონული ბრძოლის „არაეფექტურ“ კომპლექსებსა და „მდარე სისტემის“ ტანკებს დაბრალდეს. თითქოს სომხეთს არასდროს შეეძინოს მესამე ქვეყნების იარაღი (მაგალითად, ინდოეთისგან Swathi–ს რადარები), ხოლო აზერბაიჯანული არმია მხოლოდ ისრაელის ან თურქული წარმოების იარაღით სარგებლობდა, რამაც განაპირობა კიდეც „დიდი გარდატეხა“.  

საერთო დისკურსი: ყარაბაღი კორექტივებს შეიტანს რუსული იარაღის მოკავშირეებისა და პარტნიორებისთვის მიწოდებებში. მსგავსი მსჯელობების ოჩოფეხა სქემები სამხედრო–პოლიტიკური ხელმძღვანელობის სტრატეგიულ შეცდომებსა და მსოფლიო იარაღის ბაზარზე დაუნდობელ კონკურენციას ნიღბავს. მიზანშეწონილია, რეალობას დავუბრუნდეთ.

მოსკოვმა სომხეთს რამედნიმე სამხედრო კრედიტი გამოუყო. შემდგომი სამხედრო აღმშენებლობა — სომხური მხარის საქმეა. თუ  რუსული წარმოების საზენიტო–სარაკეტო სისტემა С-300–ები ყარაბაღში საომარ მოქმედებებში მონაწილეობდა და ისინი ჰაერსაწინააღმდეგო თავდაცვის საიმედო სისტემების არქონის გამო დაზიანდა, მაშინ ზემოთ ნახსენები, 40 მილიონ დოლარიან ინდურ Swathi–ს აქტივობის არანაირი კვალი არც კი დაუტოვებია. არადა, შეეძლო კი სარეკლამო ანოტაციაში ჩამოთვლილი მახასიათებლების თანახმად. შესაძლოა ჯარმა ახალი რადარების ათვისება ვერ მოასწრო. სომეხი სპეციალისტების სწავლება შეიძლება გადამწყვეტ (სუსტ) რგოლად წარმოჩინდეს რუსული წარმოების სამხედრო ტექნიკის ექსპლუატაციაშიც (იარაღი თავისით არ ისვრის). და, რაღა თქმა უნდა, სამხედრო საქმეში სრულიად მიუღებელია არაორგანიზებულობა და თვითკმაყოფილება.

დანაკარგები და ნადავლი

აზერბაიჯანის პრეზიდენტმა ილჰამ ალიევმა 1 დეკემბერს დაწვრილებით ისაუბრა სომხური მხარის სამხედრო ტექნიკის დანაკარგებზე მთიან ყარაბაღში. გრძელ ჩამონათვალში ასობით ერთეული სხვადასხვა სახის იარაღი მოხვდა — განადგურებული თუ ნადავლის სახით ხელში ჩაგდებული. აზერბაიჯანის პრეზიდენტმა სარაკეტო კომპლექსებიც ახსენა, ზალპური ცეცხლის რეაქტიული სისტემებიც, ტანკებიცა და რადიოელექტრონული ბრძოლის საშუალებებიც.

ამ ციფრებისა თუ აზრ ბაიჯანის მხარის დანაკარგების განზრახ „მიჩქმალვის“ მიმართ სხვადასხვაგვარი დამოკიდებულება შეიძლება არსებობდეს, მაგრამ შექმნილ ვითარებაში (შვიდი რაიონის დაბრუნება) პრეზიდენტს არ ჰქონდა რეზონი, რადიკალურად გაეზვიადებინა მოწინააღმდეგის დანაკარგების შესახებ მონაცემები. კანოზომიერად ჩნდება კითხვა სომხური დაჯგუფებების სამხედრო ორგანიზაციის თაბაზე მთიან ყარაბაღში 44 დღიანი ბრძოლებისას.

განადგურებული სომხური ტექნიკის დიდი რაოდენობა შეიძლება სასტიკი ბრძოლებით აიხსნას, მაგრამ ამასთან განცვიფრებას იწვევს მიტოვებული 79 ტანკი 47 ქვეითთა საბრძოლო მანქანა, 104 საარტილერიო დანადგარი (ზარბაზნები და ნაღმმტყორცნები), 5 საზენიტო დანადგარი „შილკა“, 93 სპეცავტომობილი, 270 სატვირთო ავტომობილი ( შესალოა ეს ნადავლი კიდეც გამოფინონ პრეზიდენტის სიტყვების დასტურად).

სომხური მხარის ესოდენ წარმოუდგენელ „გულუხვობას“ მხოლოდ ორი ახსნა შეიძლება ჰქონდეს: საბრძოლო ტექნიკა არაორგანიზებული (სტიქიური) უკანდახევის დროს მიატოვეს, ან საწვავი დროულად არ მიაწოდეს (ზურგის უზრუნველყოფის პრობლემები) და მანქანები უბრალოდ ვერ წაიყვანეს.

ნებისმიერ შემთხვევაში, აქ საორგანიზაციო დასკვნებია გამოსატანი, მაგრამ ეს სომხეთის სამხედრო–პოლიტიკური ხელმძღვანელობისა და გენერალური შტაბის გასაკეთებელია.

6
ოპოზიციის მიტინგი ერევანში

ერევანში მომიტინგეებმა ფაშინიანის გადადგომის მოთხოვნით მსვლელობა გამართეს

17
(განახლებულია 22:47 02.12.2020)
ცოტა ხნით ადრე სომხეთის მთავრობამ გააუქმა მიტინგების აკრძალვა და ქვეყანაში შესვლისა და ქვეყნიდან გასვლის საგანგებო რეჟიმი, რომელიც საომარი მდგომარეობის პირობებში მოქმედებდა

თბილისი, 2 დეკემბერი - Sputnik. ერევნის ცენტრში დაიწყო ოპოზიციის მსვლელობა ქვეყნის პრემიერ-მინისტრ ნიკოლ ფაშინიანის გადადგომის მოთხოვნით, იუწყება Sputnik-სომხეთი.

ოპოზიციური პარტია „დაშნაკცუტუნის“ ახალგაზრდული კავშირის მიერ ორგანიზებული აქცია კომპოზიტორ არამ ხაჩატურიანის ძეგლთან დაიწყო. მომიტინგეები პლაკატებითა და ბანერებით რესპუბლიკის მოედნისკენ გაემართნენ შეძახილებით „ნიკოლ - მოღალატე“. პოლიცია მოვლენებში არ ერევა და მხოლოდ იმას აკონტროლებს, რომ მათ ტრანსპორტის მოძრაობას ხელი არ შეუშალონ. დაკავებულები არ არიან.

მსვლელობის დაწყებამდე პარტიის წარმომადგენელმა განაცხადა, რომ ხუთშაბათს ოპოზიცია აპირებს „თავისი გადამჭრელი ქმედებების საგზაო რუკის“ გამოქვეყნებას.

ამას წინათ პარლამენტის დეპუტატმა ოპოზიციური პარტიიდან „ნათელი სომხეთი“ ივეტა ტონოიანმა განაცხადა, რომ 5 დეკემბერს „საერთო ეროვნული მიტინგია“ დაგეგმილი.

ოპოზიცია სომხეთში 10 ნოემბრიდან აპროტესტებს მთიან ყარაბაღში ზავის შესახებ შეთანხმებას, რომელსაც ფაშინიანმა მოაწერა ხელი. მომიტინგეები ითხოვენ პრემიერ-მინისტრის გადადგომას და ყარაბაღზე მიღწეული შეთანხმების დერატიფიკაციის პროცესის დაწყებას.

ყველაფერი მას შემდეგ დაიწყო, რაც სომხეთი და აზერბაიჯანი რუსეთის შუამდგომლობით ცეცხლისა და საბრძოლო მოქმედებების შეწყვეტაზე შეთანხმდნენ. შეთანხმების თანახმად, სომხეთის მხარემ დათმო ტერიტორიების ნაწილი, მთიან ყარაბაღში კი რუსი სამშვიდობოები შევიდნენ. ისინი მხარეთა გამყოფ ხაზსა და სომხეთთან ყარაბაღის დამაკავშირებელი დერეფნის გასწვრივ განლაგდებიან.

17
თემები:
ესკალაცია ყარაბაღში 2020 (141)
წინანდლის პრემიის ლოგოტიპი 2017 წელს

ცნობილია „წინანდლის პრემია 2020“–ის ლაურეატების ვინაობა

0
(განახლებულია 17:09 03.12.2020)
კონკურსის ფარგლებში ახალგაზრდა მეცნიერებსა და მხატვრებს შეეძლოთ წარედგინათ 2020 წლის განმავლობაში რეალიზებული საინტერესო და მნიშვნელოვანი პროექტები

თბილისი, 3 დეკემბერი - Sputnik. ზურაბ ჟვანის სახელობის „წინანდლის“ პრემიის ჟიურიმ მეცნიერებისა და ხელოვნების სხვადასხვა სფეროში 2020 წლის ლაურეატები გამოავლინა.

ნომინაციაში „თეატრალური ხელოვნება“ გაიმარჯვა შალვა დადიანის სახელობის ზუგდიდის დრამატული თეატრის რეჟისორმა დავით თურქიაშვილმა სპექტაკლისთვის „უხერხემლო“.

კინოხელოვნების კატეგორიაში გაიმარჯვეს კინორეჟისორებმა საბა ქარელმა და მირიან ორაგველიძემ  მოკლემეტრაჟიანი დოკუმენტური ფილმისთვის „მამის პორტრეტი ინტერიერში“.

კატეგორიაში „მუსიკალური ხელოვნება“ ლაურეატი გახდა ანუშკა ჩხეიძე - ელექტრონული მუსიკის კომპოზიტორი სადებიუტო ალბომისთვის Halfie (CES Records).

ნომინაციაში „მხატვრული ლიტერატურა (პოეზია)“ გაიმარჯვა პოეტმა გიორგი შონიამ

პოეტური კრებულით ,,რობოტების ყვავილები'', ხოლო ამავე ნომინაციის პროზის კატეგორიაში მწერალმა ივა ფეზუაშვილმა რომანით „ბუნკერი“.

„სახვითი ხელოვნების“ კატეგორიაში ლაურეატია მხატვარი შოთიკო აფციაური ინსტალაციით „ტყის ჭრა, ტაძრის შენება“.

კატეგორიაში „ზუსტი და საბუნებისმეტყველო მეცნიერებები“ გაიმარჯვა მოლეკულურმა ბიოლოგმა ცოტნე ჩიტიაშვილმა ნაშრომისთვის  „ცილების ნაკრები განაპირობებს Xist არამაკოდირებელი რნმ-ის ლოკალიზაციას ბირთვში და გენების ინაქტივაციას“.

კატეგორიაში „ჰუმანიტარული მეცნიერებები“ კი გამარჯვება ერგო ისტორიკოს ნიკა ხოფერიას

ნაშრომიისთვის „გვიანანტიკური საქართველოს სამხედრო ისტორია“.

„წინანდლის პრემიის“ გამარჯვებულები დაჯილდოვდებიან დიპლომებით, პრიზებითა და ფულადი ჯილდოებით.

კონკურსი დისტანციურ ფორმატში 21 სექტემბრიდან 21 ოქტომბრამდე მიმდინარეობდა. კონკურსის ფარგლებში ახალგაზრდა მეცნიერებსა და მხატვრებს 2020 წლის განმავლობაში რეალიზებული საინტერესო პროექტების წარდგენის შესაძლებლობა ჰქონდათ.

0
თემები:
საქართველო და კულტურა