აზერბაიჯანული ტანკი

აზერბაიჯანის არმია აღდამის რაიონში შევიდა

36
(განახლებულია 16:17 20.11.2020)
რუსეთის, აზერბაიჯანისა და სომხეთის ლიდერებმა 9 ნოემბერს ხელი მოაწერეს ერთობლივ განცხადებას მთიან ყარაბაღში საომარი მოქმედებების სრული შეწყვეტის შესახებ.

თბილისი, 20 ნოემბერი – Sputnik. აზერბაიჯანის ჯარი აღდამის რაიონში შევიდა, იუწყება სააგენტო РИА Новости ქვეყნის თავდაცვის სამინისტროზე დაყრდნობით.

ადმინისტრაციულად რაიონი აზერბაიჯანის შემადგენლობაში შედის. 1993 წლის ივლისში ტერიტორიის დიდი ნაწილი არაღიარებული მთიანი ყარაბაღის დე-ფაქტო ხელისუფლების კონტროლის ქვეშ გადავიდა და მისი ასკერანის რაიონის შემადგენლობაში შევიდა.

რუსეთის, აზერბაიჯანისა და სომხეთის ლიდერებმა ვლადიმირ პუტინმა, ილჰამ ალიევმა და ნიკოლ ფაშინიანმა 9 ნოემბერს ხელი მოაწერეს ერთობლივ განცხადებას, რომ მთიან ყარაბაღში მთლიანად შეწყდებოდა საომარი მოქმედებები. შეთანხმების მიხედვით, სომხეთი და აზერბაიჯანი ჩერდებიან დაკავებულ პოზიციებზე, ხოლო შემდეგ რიგი რაიონები, მათ შორის აღდამი, ბაქოს დაექვემდებარება.

რაც შეეხება ყარაბაღს, იქ, შეთანხმების შესაბამისად, რუსი მშვიდობისმყოფელები შედიან. ისინი გააკონტროლებენ მხარეთა გამყოფ ხაზს, ასევე ლაჩინისა და ნახჭევანის დერეფნებს. გარდა ამისა, აზერბაიჯანში რუსულ–თურქული მონიტორინგის ცენტრი შეიქმნება, რომლის მიზანია ზავის პირობების შესრულების გაკონტროლება.

რუსმა მშვიდობისმყოფელებმა ყარაბაღში სადამკვირვებლო პოსტები განალაგეს>>

ბაქოში შეთანხმებას ერევნის კაპიტულაცია უწოდეს. აზერბაიჯანის ლიდერმა ილჰამ ალიევმა აღნიშნა, რომ დოკუმენტი მაქსიმალურად მომგებიანია აზერბაიჯანისთვის. მისი თქმით, ამიერიდან საომარი ეტაპი დასრულებულია და შეიძლება პოლიტიკურ საკითხებზე გადასვლა.

სომხეთის პრემიერ ნიკოლ ფაშინიანის განცხადებით, მშვიდობის შეთანხმება მისთვის ძალზე რთული იყო, მაგრამ მან სომხურ მხარეს საშუალება მისცა შეენარჩუნებინა ყარაბაღი, რასაც სხვა შემთხვევაში მთლიანად დაკარგავდა.

36
თემები:
ესკალაცია ყარაბაღში 2020 (136)
საფრანგეთის სენატი

ცნობილი გახდა ოფიციალური პარიზის პოზიცია მთიანი ყარაბაღის აღიარების თაობაზე

54
(განახლებულია 15:11 27.11.2020)
მანამდე 305-მა ფრანგმა სენატორმა (ერთი წინააღმდეგი) მხარი დაუჭირა მთიანი ყარაბაღის დამოუკიდებლობის ცნობას.

თბილისი, 27 ნოემბერი — Sputnik. ოფიციალური პარიზი არ აღიარებს თვითგამოცხადებული მთიანი ყარაბაღის რესპუბლიკას, ნათქვამია საფრანგეთის საგარეო საქმეთა სამინისტროს მიერ გავრცელებულ განცხადებაში.

„25 ნოემბერს სენატმა მიიღო რეზოლუცია, რომელიც საფრანგეთის ხელისუფლებას თვითაღიარებული მთიანი ყარაბაღის რესპუბლიკის აღიარებისკენ მოუწოდებს. დებატების დროს სახელმწიფო მდივანმა ჟან–ბატის ლემუანმა ხაზი გაუსვა საფრანგეთის მთავრობის პოზიციას აღნიშნულ საკითხზე. საფრანგეთი არ აღიარებს თვითგამოცხადებულ მთიანი ყარაბაღის რესპუბლიკას“, — ნათქვამია კომუნიკეში.

როგორც დოკუმენტშია აღნიშნული, საფრანგეთის, როგორც ეუთოს მინსკის ჯგუფის თანათავმჯდომარის მოვალეობა იმაში მდგომარეობს, რომ მთიანი ყარაბაღის დარეგულირებაზე მოლაპარაკებების გზით იმუშაოს, „კერძოდ, მთიანი ყარაბაღის მომავალი სტატუსის საკითხზე და ამ მოლაპარაკებების შედეგი ვერ იქნება ცალმხრივად წინასწარ განსაზღვრული“.

გარდა ამისა, საფრანგეთის საგარეო უწყების კომუნიკეში ნათქვამია, რომ ქვეყნის ხელისუფლება ყველაფერ აუცილებელს აკეთებს სამხრეთ კავკასიაში სტაბილურობის შესანარჩუნებლად.

საფრანგეთის სენატმა 25 ნოემბერს მიიღო რეზოლუცია მთიანი ყარაბაღის დამოუკიდებლობის ცნობის შესახებ. დოკუმენტს 305-მა სენატორმა დაუჭირა მხარი, წინააღმდეგი იყო ერთი. ამასთან დაკავშირებით აზერბაიჯანის პარლამენტმა პროტესტი გამოთქვა და ეუთოს მინსკის ჯგუფიდან საფრანგეთის გარიცხვა მოითხოვა.

 

54
თემები:
მსოფლიო დღეს
სომხეთის ეროვნული კრება

სომხეთში სამხედრო მდგომარეობის რეჟიმი გახანგრძლივდა

52
სამხედრო მდგომარეობის გაუქმების ვადები უცნობია. რეჟიმის არგაუქმება სომხეთის თავდაცვის სამინისტრომაც მოითხოვა

თბილისი, 26 ნოემბერი — Sputnik. სომხეთში სამხედრო მდგომარეობის რეჟიმი ძალაში რჩება - ქვეყნის პარლამენტმა არ დაუჭირა მხარი ოპოზიციური ფრაქცია „ნათელი სომხეთის“ ინიციატივას, იუწყება Sputnik-სომხეთი.

კანონპროექტი „სამხედრო მდგომარეობის რეჟიმის გაუქმების შესახებ“ ჩავარდა 56 ხმით (მომხრე იყო 36, ხოლო თავი შეიკავა ორმა დეპუტატმა).

ადრე „ნათელმა სომხეთმა“ ეროვნულ კრებას ქვეყანაში შექმნილი სიტუაციიდან გასვლის საგზაო რუკა წარუდგინა. პირველი ნაბიჯი იყო სამხედრო მდგომარეობის გაუქმება, შემდეგ კი პრემიერ-მინისტრ ნიკოლ ფაშინიანის გადადგომა.

სამხედრო მდგომარეობის რეჟიმი 27 სექტემბერს ყარაბაღში საბრძოლო მოქმედებების დაწყებისთანავე ამოქმედდა.

რუსეთის, სომხეთის და აზერბაიჯანის ლიდერებმა - ვლადიმირ პუტინმა, ნიკოლ ფაშინიანმა და ილჰამ ალიევმა 10 ნოემბერს ხელი მოაწერეს ერთობლივ განცხადებას მთიან ყარაბაღში საბრძოლო მოქმედებების შეწყვეტის შესახებ.

ამ დროისათვის ყარაბაღში რუსი სამშვიდობოები შედიან, აზერბაიჯანი და სომხეთი დაკავებულ პოზიციებზე რჩებიან და ამასთან მიმდინარეობს ტყვეთა გაცვლა. ნოემბერ–დეკემბერში სომხეთმა აზერბაიჯანს უნდა გადასცეს მთიანი ყარაბაღის ტერიტორიების დიდი ნაწილი.

52
თემები:
ესკალაცია ყარაბაღში 2020 (136)
ქალთა მარში თბილისში – აქცია

„იმოქმედე ძალადობის წინააღმდეგ“ საქართველოში ახალი კამპანია დაიწყო

0
(განახლებულია 21:10 27.11.2020)
ოჯახური ძალადობა საქართველოში ერთ–ერთ მთავარ პრობლემად რჩება და ქვეყანაში ყველაზე ხშირად ჩადენილი დანაშაულების ხუთეულში შედის

თბილისი, 27 ნოემბერი – Sputnik. ყველა მსხვერპლი და პოტენციური მსხვერპლი სახელმწიფოსგან საჭირო დახმარებისა და მხარდაჭერის მიღებას შეძლებს, ნათქვამია სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს განცხადებაში.

ელექტრონული სამაჯური შემაკავებელ ორდერთან ერთად – სიახლე ოჯახში მოძალადის მიმართ>>

სააგენტო გენდერული ძალადობის წინააღმდეგ 16–დღიან კამპანიას შეუერთდა. სააგენტოს ინფორმაციით, მიუხედავად ქვეყანაშიკორონავირუსის პანდემიისგან გამოწვეული კრიზისისა, ბრძოლა ქალების მიმართ ძალადობისა და ოჯახში ძალადობის წინააღმდეგ სახელმწიფოსთვის კვლავ პრიორიტეტულია. პრობლემის ეფექტური გადაჭრისთვის ძალზე მნიშვნელოვანი და აუცილებელია სახელმწიფოსა და საზოგადოების ერთობა – თითოეული მოქალაქის აქტიური მხარდაჭერა.

ამჟამად სახელმწიფო დახმარების სააგენტოს ბაზაზე ქვეყნის მასშტაბით ხუთი კრიზისული ცენტრი მოქმედებს. ამ დაწესებულებების მუშაობის შესახებ დეტალური ინფორმაციის მიღება შესაძლებელია ცხელ ხაზზე 116 006. ძალადობის საკითხებზე სატელეფონო კონსულტაცია რვა ენაზე, მათ შორის ქართულზე 24 საათიან რეჟიმშია შესაძლებელი. გარანტირებულია ანონიმურობა.

კრიზისული ცენტრების მომსახურების მიღება შეუძლიათ მსხვერპლს, ოჯახური ძალადობისა და ქალებზე ძალადობის სავარაუდო მსხვერპლს, ტრეფიკინგის, სექსუალური ხასიათის ძალადობის მსხვერპლს.

ყველა დაზარალებულის, ძალადობის მსხვერპლისთვის ცენტრები უზრუნველყოფენ ფსიქოლოგიურ–სოციალურ რეაბილიტაციას, გაუწევენ სამედიცინო მომსახურებას, საჭიროების შემთხვევაში – თარჯიმნის მომსახურებას და ა.შ.

ძალადობის სტატისტიკა: 8 თვეში ოჯახური ტირანების მსხვერპლი 6 ათასზე მეტი ადამიანი გახდა>>

რაც შეეხება ძალადობის სავარაუდო მსხვერპლს, ცენტრი მათ მისცემს დროებით საცხოვრებელს, გაუწევს ფსიქოლოგის, პირველად და გადაუდებელ სამედიცინო, სამართლებრივ დახმარებას, ასევე დაეხმარება თარჯიმნით და ა.შ.

კრიზისული ცენტრების მისამართები:

  • თბილისი – ბუდაპეშტის ქუჩა №28
  • ქუთაისი – დუმბაძის ქუჩა №59–61
  • გორი – ბარნოვის ქუჩა №9ა
  • მარნეული – რუსთაველის ქუჩა №41
  • ოზურგეთი – გრიბოედოვის ქუჩა №21

ოჯახური ძალადობა დღემდე ყველაზე გავრცელებული სისხლის სამართლის დანაშაულია საქართველოში. 2020 წლის  ცხრა თვეში 4 138 ოჯახური ძალადობის შემთხვევა დაფიქსირდა. შსს-ს სტატისტიკის მიხედვით, ოჯახური ძალადობის მსხვერპლი ყველაზე ხშირად ხდებიან 25–44 წლის ქალები. წლის დასაწყისიდან ამ დანაშაულის შედეგად 19 ქალი დაიღუპა.

ქალთა მიმართ ძალადობის აღმოფხვრის დღესთან დაკავშირებით თბილისის ანძა ნარინჯისფრად განათდა>>

გაეროს გენერალურმა ასამბლეამ 1999 წლის 17 დეკემბრის პლენარულ სხდომაზე მიღებული რეზოლუციით 25 ნოემბერი ქალთა მიმართ ძალადობის აღკვეთის საერთაშორისო დღედ გამოაცხადა. ქალთა მიმართ ძალადობის აღკვეთის საერთაშორისო დღე ქალთა მიმართ ძალადობის პრობლემისადმი საზოგადოების ყურადღების მიპყრობას ისახავს მიზნად.

0