რუსი სამშვიდობოები

პუტინი: მოსკოვი ყარაბაღთან დაკავშირებით სტატუს–კვოს ინარჩუნებს

48
(განახლებულია 22:51 17.11.2020)
თუ აზერბაიჯანსა და სომხეთს შორის ნორმალური ურთიერთობები იქნება, შესაძლებელია ყარაბაღის სტატისის საკითხიც გადაიჭრას, განაცხადა პუტინმა

თბილისი, 17 ნოემბერი – Sputnik. თუ აზერბაიჯანსა და სომხეთს შორის ნორმალური ურთიერთობები იქნება, მაშინ მთიანი ყარაბაღის სტატუსის თაობაზე საკითხის გადაჭრაც შეიძლება მოხდეს, განაცხადა რუსეთის პრეზიდენტმა ვლადიმირ პუტინმა. 

აზერბაიჯანის, სომხეთისა და რუსეთის ლიდერებმა — ილჰამ ალიევმა, ნიკოლ ფაშინიანმა და ვლადიმირ პუტინმა 9 ნოემბერს ხელი მოაწერეს განცხადებას მთიან ყარაბაღში 10 ნოემბრიდან ცეცხლისა და საომარი მოქმედებების შეწყვეტის შესახებ. როგორც პუტინმა განმარტა, აზერბაიჯანული და სომხური მხარეები დაკავებულ პოზიციებზე დარჩებიან, რეგიონში კი რუსი მშვიდობისმყოფელები განთავსდებიან.

„დიახ, ასეთი პრობლემა (მთიანი ყარაბაღის სტატუსი – Sputnik) არსებობს. ყარაბაღის საბოლოო სტატუსი დარეგულირებული არაა, ჩვენ შევთანხმდით იმასთან დაკავშირებით, რომ დღეისთვის ვინარჩუნებთ სტატუს–კვოს, არსებულ მდგომარეობას“, – განაცხადა პუტინმა ტელეკომპანია Россия 24–ის ეთერში.

 „რა  იქნება შემდეგ – ეს მომავალში ან მომავალ ხელმძღვანელებთან და ამ პროცესის მომავალ მონაწილეებთან ერთად გადაწყდება. თუმცა, ჩემი აზრით, თუ შეიქმნება პირობები ნორმალური ცხოვრებისთვის, სომხეთსა და აზერბაიჯანს შორის ურთიერთობების აღდგენისთვის, ყოფით დონეზე ადამიანებს შორის ურთიერთობები თუ დალაგდება, განსაკუთრებით კონფლიქტის ზონაში, მაშინ ეს ყარაბაღის სტატუსის განსაზღვრისთვის პირობებს შექმნის“, – დასძინა რუსეთის პრეზიდენტმა.

 „ყველაზე მთავარი, რისი გაკეთებაც შესაძლებელი გახდა – ეს სისხლისღვრის შეწყვეტაა“, – განაცხადა პუტინმა.

მისი განმარტებით, ოფიციალური მონაცემებით კონფლიქტის შედეგად ოთხი ათასზე მეტი ადამიანი დაიღუპა. 

 „სინამდვილეში, ვფიქრობ, უფრო მეტიც. ათობით ათასი დაჭრილი და დასახიჩრებულია. მომისმინეთ, ეს ხომ კინო არაა, ეს ტრაგედიაა, რომელიც ხდება კონკრეტული ადამიანების, ოჯახების ცხოვრებაში. ამიტომ სისხლისღვრის შეწყვეტა მთავარი შედეგია“, – აღნიშნა პუტინმა.

ცეცხლის შეწყვეტისა და საომარი მოქმედებების შეწყვეტაზე კონტროლისთვის, მთიანი ყარაბაღის ზონაში რუსეთის ფედერაციის სამშვიდობო კონტინგენტის განთავსება ხდება – 1960 სამხედრო მოსამსახურე, 90 ჯავშანტრანსპორტიორი, 380 ერთეული საავტომობილო და სპეცტექნიკა.

გადაწყვეტილებამ სომხეთში კრიტიკა გამოიწვია, სადაც საზოგადოების გარკვეული ნაწილი ხელისუფლებას ეროვნული ინტერესების ღალატში ადანაშაულებს. ერევანში რამდენიმე დღეა მთავრობის გადადგომის მოთხოვნით საპროტესტო აქციები იმართება.

48
თემები:
ესკალაცია ყარაბაღში 2020 (137)
არმენ სარქისიანი

სომხეთის პრეზიდენტი რუსეთში კერძო ვიზიტით იმყოფება

37
პრეზიდენტი მოსკოვში გეგმავს მთიანი ყარაბაღის გარშემო მიმდინარე პროცესებისა და სომხეთში არსებული ვითარების განხილვას დიასპორის წარმომადგენლებთან

თბილისი, 28 ნოემბერი — Sputnik. სომხეთის პრეზიდენტი არმენ სარქისიანი რუსეთში კერძო ვიზიტით გაემგზავრა, იუწყება Sputnik-სომხეთი.

პრეზიდენტის პრესსამსახურის ცნობით, იგი სომხური თემის წარმომადგენლებთან გამართავს დისკუსიებს მთიანი ყარაბაღსა და სომხეთში არსებული სიტუაციის ირგვლივ, ასევე შეხვდება დიასპორის წარმომადგენლებს.

ვითარება მთიან ყარაბაღში

სექტემბრის ბოლოს მთიან ყარაბაღში დაიწყო შეიარაღებული კონფლიქტი, რომელშიც სომხეთმა და აზერბაიჯანმა ერთმანეთი დაადანაშაულეს. რუსეთის შუამავლობით მხარეები 2020 წლის 10 ნოემბრიდან ცეცხლისა და საბრძოლო მოქმედებების შეწყვეტაზე შეთანხმდნენ.

ხელშეკრულების მიხედვით, აზერბაიჯანი და სომხეთი დაკავებულ პოზიციებზე რჩებიან და ამასთან მიმდინარეობს ტყვეთა გაცვლა. ნოემბერ–დეკემბერში სომხეთმა აზერბაიჯანს უნდა გადასცეს მთიანი ყარაბაღის ტერიტორიების დიდი ნაწილი. ამ დროისათვის ყარაბაღში რუსი სამშვიდობოები შედიან, რომლებიც მხარეთა გამყოფ ხაზზე და იმ დერეფნის გასწვრივ განლაგდებიან, რომელიც ყარაბაღს სომხეთთან აკავშირებს.

37
თემები:
ესკალაცია ყარაბაღში 2020 (137)
საფრანგეთის სენატი

ცნობილი გახდა ოფიციალური პარიზის პოზიცია მთიანი ყარაბაღის აღიარების თაობაზე

61
(განახლებულია 15:11 27.11.2020)
მანამდე 305-მა ფრანგმა სენატორმა (ერთი წინააღმდეგი) მხარი დაუჭირა მთიანი ყარაბაღის დამოუკიდებლობის ცნობას.

თბილისი, 27 ნოემბერი — Sputnik. ოფიციალური პარიზი არ აღიარებს თვითგამოცხადებული მთიანი ყარაბაღის რესპუბლიკას, ნათქვამია საფრანგეთის საგარეო საქმეთა სამინისტროს მიერ გავრცელებულ განცხადებაში.

„25 ნოემბერს სენატმა მიიღო რეზოლუცია, რომელიც საფრანგეთის ხელისუფლებას თვითაღიარებული მთიანი ყარაბაღის რესპუბლიკის აღიარებისკენ მოუწოდებს. დებატების დროს სახელმწიფო მდივანმა ჟან–ბატის ლემუანმა ხაზი გაუსვა საფრანგეთის მთავრობის პოზიციას აღნიშნულ საკითხზე. საფრანგეთი არ აღიარებს თვითგამოცხადებულ მთიანი ყარაბაღის რესპუბლიკას“, — ნათქვამია კომუნიკეში.

როგორც დოკუმენტშია აღნიშნული, საფრანგეთის, როგორც ეუთოს მინსკის ჯგუფის თანათავმჯდომარის მოვალეობა იმაში მდგომარეობს, რომ მთიანი ყარაბაღის დარეგულირებაზე მოლაპარაკებების გზით იმუშაოს, „კერძოდ, მთიანი ყარაბაღის მომავალი სტატუსის საკითხზე და ამ მოლაპარაკებების შედეგი ვერ იქნება ცალმხრივად წინასწარ განსაზღვრული“.

გარდა ამისა, საფრანგეთის საგარეო უწყების კომუნიკეში ნათქვამია, რომ ქვეყნის ხელისუფლება ყველაფერ აუცილებელს აკეთებს სამხრეთ კავკასიაში სტაბილურობის შესანარჩუნებლად.

საფრანგეთის სენატმა 25 ნოემბერს მიიღო რეზოლუცია მთიანი ყარაბაღის დამოუკიდებლობის ცნობის შესახებ. დოკუმენტს 305-მა სენატორმა დაუჭირა მხარი, წინააღმდეგი იყო ერთი. ამასთან დაკავშირებით აზერბაიჯანის პარლამენტმა პროტესტი გამოთქვა და ეუთოს მინსკის ჯგუფიდან საფრანგეთის გარიცხვა მოითხოვა.

 

61
თემები:
მსოფლიო დღეს
ეკლესია ხადის ხეობაში

საეკლესიო კალენდარი: 29 ნოემბერი

0
(განახლებულია 19:56 28.11.2020)
საქართველოს მართლმადიდებელი ეკლესია 29 ნოემბერს მათე მოციქულისა და მართალი ფუბლიანეს, წმიდა ნათლისღებით მათეს ხსენების დღეს აღნიშნავს.

წმიდა მოციქული და მახარებელი მათე, მართალი ფულბიანე, ეთიოპიის მთავარი, წმიდა ნათლისღებით მათე 

წმიდა მოციქული და მახარებელი მათე, ძე ალფესი, გალილეის ქალაქ კაპერნაუმის მკვიდრი იყო. იგი მეზვერედ, ანუ გადასახადების ამკრეფად მუშაობდა და საკმაოდ შეძლებულადაც ცხოვრობდა. თანამემამულეთ სძაგდათ იგი ყველა სხვა მეზვერის მსგავსად და ყველასაგან მოძაგებულ მეზვერეზე, უფალმა იესო ქრისტემ შეაჩერა თავისი ღვთაებრივი მზერა. ერთხელ, როცა უფალი კაპერნაუმში იმყოფებოდა, იგი გამოვიდა ამ ქალაქიდან და დიდძალი ხალხის თანხლებით ზღვის სანაპიროსაკენ გაეშურა. აქ საზვერესთან მათე იჯდა. უფალი მიუახლოვდა მას და უთხრა:

- შემომიდეგ მე!

ეს სიტყვები მეზვერე მათემ მხოლოდ ხორციელი ყურებით კი არ გაიგონა, არამედ გულისმიერითაც ისმინა და უმალვე წამოდგა თავისი საზვერე ადგილიდან, რათა ყოველივე მიეტოვებინა და უფალს შესდგომოდა.

ამ დროიდან მოყოლებული, მათემ მიატოვა მთელი თავისი ქონება-სამკვიდრებელი, ქრისტეს შეუდგა და უკვე აღარასოდეს განშორებია მას ვითარცა ერთგული მოწაფე.

უფლის წმიდა მოციქულებზე სულიწმიდის გარდამოსვლის შემდეგ წმიდა მათე, სხვა მოციქულებთან ერთად, თავიდან პალესტინაში იმყოფებოდა და იერუსალიმსა და მის შემოგარენში ქადაგებდა სახარებას. მაგრამ, აი, დადგა ის ჟამიც, როცა მოციქულები იერუსალიმიდან უნდა წასულიყვნენ და მთელს ქვეყნიერებაზე გაბნეული ხალხებისათვის ექადაგათ ღვთის სიტყვა, რათა ჭეშმარიტ სარწმუნოებაზე მოექციათ ისინი.

ქრისტიანებად მოქცეულმა აქაურმა იუდეველებმა სთხოვეს მას, წერილობით გადმოგვეცი უფალ იესო ქრისტეს საქმეები და მოძღვრება, რათა ყოველთვის, თქვენს არყოფნაშიც, შეგვეძლოს მათი მოხსენებაო. იერუსალიმელ მორწმუნეთა ამ თხოვნას მაშინ იქ მყოფი სხვა მოციქულებიც დაეთანხმნენ, და წმიდა მათეც ამ დიდი საქმის შესრულებას შეუდგა. მისი სახარება დაწერილია 8 წლის შემდგომ უფლის ზეცად ამაღლებიდან.

იერუსალიმიდან წასული წმიდა მოციქული მათე ბევრ ქვეყანაში ქადაგებდა ღვთის სიტყვას.

უკაცრიელ მთაზე განმარტოებულ წმიდა მოციქულს თვით უფალი გამოეცხადა მშვენიერი ჭაბუკის სახით, რომელსაც მარჯვენა ხელში კვერთხი ეჭირა, და მიესალმა თავის მოწაფეს. შემდეგ კვერთხი გაუწოდა და უბრძანა, ჩადი ამ მთიდან ქალაქში და ეს კვერთხი შენს მიერ დაარსებული ეკლესიის კარიბჭესთან აღმართეო.

წმიდა მოციქულმა მათემ ჩაიბარა კვერთხი უფლის ხელთაგან, ჩავიდა ქალაქში და ნარბძანების შესასრულებლად გაემართა. იმ ქალაქის მთავრის, ფუბლიანეს ცოლი და ვაჟიშვილი ბოროტი სულებით იყვნენ შეპყრობილნი. დედა-შვილი შემთხვევით შეხვდა ქუჩაში მიმავალ მოციქულს და სასტიკი, შემაშინებელი ხმით დაიწყეს ყვირილი: წმიდა მათემ აღუკრძალა არაწმიდა სულებს ღაღადი და განდევნა ისინი. განკურნებულმა დედა-შვილმა თაყვანი სცა მოციქულს და მშვიდად გაჰყვნენ უკან.

როცა თავისი ცოლ-შვილის განკურნებისა და მომხდარი სასწაულის შესახებ შეიტყო, ქალაქის თავმა თავიდან განიხარა, მაგრამ შემდეგ, ეშმაკის ჩაგონებით, რისხვით აღივსო მოციქულისადმი, რადგან მთელი ქალაქის მცხოვრებნი მასთან მიდიოდნენ და ინათლებოდნენ, ხოლო თავიანთ უწინდელ კერპებს ზურგს აქცევდნენ. ამის გამო ფუბლიანემ მისი მოკვლა გადაწყვიტა.

მაშინ ფუბლიანემ უბრძანა მეომრებს შეეპყროთ წმიდა მოციქული, მიწაზე დაეგდოთ გულაღმა და ხელ-ფეხით ძელისათვის მიემსჭვალათ. როცა ეს აღასრულეს, მსახურებმა, ასევე მთავრის ბრძანებით, დიდძალი ფიჩხი და ტოტები მოაგროვეს, მოიტანეს ფისი და გოგირდიც, ყოველივე ეს მოციქულს დააყარეს ზემოდან და ცეცხლი წაუკიდეს. წმიდა მოციქულმა უფალს მიაბარა თავისი წმიდა სული (ეს მოხდა დაახლოებით 60 წელს ქრისტეს შობიდან).

ფუბლიანემ ირწმუნა უფალი ჩვენი იესო ქრისტე, და ყველას გასაგონად აღიარა, რომ სწორედ იგია ერთი ჭეშმარიტი ღმერთი და მოინათლა. მას მათე ეწოდა.

მან მალე სხვას ჩააბარა თავისი სამთავრო ხელისუფლება, სრულიად უარყო ამქვეყნიური საზრუნავნი და მთლიანად ლოცვა-ვედრებას მიეცა ღმრთის ეკლესიაში. მათემ მიიღო ეპისკოპოსობა და კეთილად იღვაწა რწმენის ხარებაში: მრავალნი განაშორა კერპთაყვანისმცემლობის სიბნელეს და ჭეშმარიტ ღმერთთან მოიყვანა; ბოლოს კი, ხანგრძლივი, ღვთის სათნომყოფელი ცხოვრების შემდეგ თვითონაც ჩაბარდა უფალს.

მასალა მომზადებულია ღია წყაროებზე დაყრდნობით

 

0