ილჰამ ალიევი

ილჰამ ალიევი: „ყარაბაღის სტატუსზე ლაპარაკიც არ იქნება“

97
(განახლებულია 17:34 17.11.2020)
ალიევის თქმით, მან მანამდე არაერთხელ განაცხადა, რომ აზერბაიჯანი თავის ისტორიულ ტერიტორიებს მაინც დაიბრუნებდა – თუ მშვიდობიანი გზით ვერა, მაშინ ომით.

თბილისი, 17 ნოემბერი — Sputik. ყარაბაღის განსაკუთრებული სტატუსის საკითხი განხილვებისა და მსჯელობის თემა არასდროს იქნება, განაცხადა აზერბაიჯანის პრეზიდენტმა ილჰამ ალიევმა ფიზულის რაიონში მეუღლესთან მეჰრიბან ალიევასთან ერთად ვიზიტისას, რასაც სახელმწიფო ტელეარხი AZTV გადასცემდა.

„[ყარაბაღის] არანაირ სტატუსზე საუბარიც კი არ იქნება. არსებობს ერთიანი აზერბაიჯანული სახელმწიფო, მრავალეროვანი, მრავალკონფესიური, პროგრესული. ყველა რელიგიის წარმომადგენელი ნორმალურად ცხოვრობს — მშვიდობასა და ურთიერთგაგებაში. სომეხი ხალხიც ასევე იცხოვრებს, ჩვენ მათთან საქმე არ გვაქვს“, — აღნიშნა პრეზიდენტმა.

ალიევის თქმით, მან მანამდე არაერთხელ განაცხადა, რომ აზერბაიჯანის ძირძველ ტერიტორიებზე მეორე სომხური სახელმწიფოს შექმნას არ დაუშვებდა და რომ აზერბაიჯანის ტერიტორიული მთლიანობა არ შეიძლება იყოს მოლაპარაკებების თემა.

Press service of the President of Azerbaijan
ილჰამ და მეჰრიბან ალიევები ფიზულის რაიონში

„ვამბობდი, რომ აზერბაიჯანი აღიდგენდა ტერიტორიულ მთლიანობას — თუ მშვიდობიანი გზით არა, მაშინ ომით. ჩემი გამოსვლები არის ყველგან, ისინი გამოქვეყნებულია“, — თქვა პრეზიდენტმა.

აზერბაიჯანის, სომხეთისა და რუსეთის ლიდერებმა — ილჰამ ალიევმა, ნიკოლ ფაშინიანმა და ვლადიმირ პუტინმა 9 ნოემბერს ხელი მოაწერეს განცხადებას მთიან ყარაბაღში 10 ნოემბრიდან ცეცხლისა და საომარი მოქმედებების შეწყვეტის შესახებ. შეთანხმების მიხედვით, ამ დროისათვის ყარაბაღში რუსი სამშვიდობოები შედიან, აზერბაიჯანი და სომხეთი დაკავებულ პოზიციებზე რჩებიან და ამასთან მიმდინარეობს ტყვეთა გაცვლა. ნოემბერ–დეკემბერში სომხეთი აზერბაიჯანს მთიანი ყარაბაღის ტერიტორიების დიდ ნაწილს გადააბარებს.

 

97
თემები:
ესკალაცია ყარაბაღში 2020 (135)
რუსეთის პრეზიდენტი ვლადიმირ პუტინი და მისი თურქი კოლეგა რეჯეფ თაიიფ ერდოღანი

პუტინმა და ერდოღანმა სატელეფონო საუბრის დროს ყარაბაღში არსებული სიტუაცია განიხილეს

15
რუსეთის ლიდერმა ვლადიმირ პუტინმა ერდოღანს გააცნო ინფორმაცია რუსი სამშვიდობოების საქმიანობის შესახებ, რომლებიც ყარაბაღში ცეცხლის შეწყვეტის რეჟიმის შესრულების მხარდაჭერას ახორციელებენ

თბილისი, 25 ნოემბერი – Sputnik. რუსეთის პრეზიდენტმა ვლადიმირ პუტინმა და მისმა თურქმა კოლეგამ რეჯეფ თაიიფ ერდოღანმა მთიან ყარაბაღში ცეცხლის შეწყვეტის კონტროლის ცენტრი განიხილეს, იუწყება კრემლის პრესსამსახური.

სატელეფონო საუბარი თურქეთის ინიციატივით შედგა.

ორი ქვეყნის ლიდერებმა აღნიშნეს იმ გადაწყვეტილებების სრული და თანმიმდევრული შესრულების აუცილებლობა, რომლებიც „რეგიონში სტაბილურობისა და მშვიდობიანი ცხოვრების უზრუნველსაყოფად არის მიმართული“.

აღინიშნა, რომ პუტინმა ერდოღანს გააცნო ინფორმაცია რუსი სამშვიდობოების საქმიანობის შესახებ, რომლებიც ყარაბაღში ცეცხლის შეწყვეტის რეჟიმის შესრულების მხარდაჭერას ეფექტურად ახორციელებენ.

პრეზიდენტები შეთანხმდნენ, რომ მთიან ყარაბაღში პრიორიტეტულია ისეთი ჰუმანიტარული პრობლემები, როგორებიცაა დევნილების დაბრუნება, რელიგიური და კულტურული ობიექტების შენარჩუნება, ინფრასტრუქტურის აღდგენა.

აზერბაიჯანის, სომხეთისა და რუსეთის ლიდერებმა — ილჰამ ალიევმა, ნიკოლ ფაშინიანმა და ვლადიმირ პუტინმა 9 ნოემბერს ხელი მოაწერეს განცხადებას მთიან ყარაბაღში 10 ნოემბრიდან ცეცხლისა და საომარი მოქმედებების შეწყვეტის შესახებ. შეთანხმების მიხედვით, ამ დროისათვის ყარაბაღში რუსი სამშვიდობოები განლაგდნენ, აზერბაიჯანი და სომხეთი დაკავებულ პოზიციებზე რჩებიან და ამასთან მიმდინარეობს ტყვეთა გაცვლა. ნოემბერ–დეკემბერში სომხეთი აზერბაიჯანს მთიანი ყარაბაღის ტერიტორიების დიდ ნაწილს გადააბარებს.

მთიან ყარაბაღში რუსი ოფიცერი ნაღმზე აფეთქდა >>

ცეცხლის შეწყვეტისა და საომარი მოქმედებების შეწყვეტაზე კონტროლის მიზნით მთიანი ყარაბაღის ზონაში მიმდინარეობს რუსეთის ფედერაციის სამშვიდობო კონტინგენტის განთავსება – შეთანხმებულია 1960 სამხედრო მოსამსახურის, 90 ჯავშანტრანსპორტიორის, 380 ერთეული საავტომობილო და სხვა სპეცტექნიკის შეყვანა.

15
თემები:
ესკალაცია ყარაბაღში 2020 (135)
რუსეთის ნაღმსაწინააღმდეგო ცენტრის სპეციალისტები

მთიან ყარაბაღში რუსი ოფიცერი ნაღმზე აფეთქდა

22
რუსი სამხედრო მოსამსახურე ბაქოს ჰოსპიტალშია გადაყვანილი, მას შესაბამის სამედიცინო დახმარებას უწევენ

თბილისი, 23 ნოემბერი - Sputnik. მთიან ყარაბაღში ნაღმის აფეთქების შედეგად აზერბაიჯანელი სამხედრო დაიღუპა, სამშვიდობო ძალების რუსული კონტინგენტის ოფიცერი და ყარაბაღის საგანგებო სიტუაციების სამინისტროს ოთხი თანამშრომელი დაჭრილია, იუწყება РИА Новости რუსეთის თავდაცვის სამინისტროზე დაყრდნობით.

როგორც სამინისტროში იტყობინებიან, 23 ნოემბერს დაღუპული სამხედრო მოსამსახურეების ცხედრების გაცვლის ერთობლივი ჯგუფი რუსი სამშვიდობოების, აზერბაიჯანის შეიარაღებული ძალების, მთიანი ყარაბაღის საგანგებო სიტუაციების სამინისტროს, ასევე, წითელი ჯვრის საერთაშორისო კომიტეტის წარმომადგენლების შემადგენლობით ტერტერის რაიონში დაღუპულთა სამძებრო სამუშაოებს აწარმოებდა.

„მადაგიზის დასახლებული პუნქტის რაიონში სამუშაოების წარმოებისას ნაღმი აფეთქდა. შედეგად სამშვიდობო ძალების რუსული კონტინგენტის ოფიცერი დაიჭრა. აზერბაიჯანის რესპუბლიკის შეიარაღებული ძალების ერთი ოფიცერი დაიღუპა. მთიანი ყარაბაღის საგანგებო სიტუაციების სამინისტროს კიდევ ოთხი თანამშრომელი დაიჭრა. რუსი სამხედრო მოსამსახურე ბაქოს ჰოსპიტალშია გადაყვანილი, სადაც მას აუცილებელ სამედიცინო დახმარებას აღმოუჩენენ. მის სიცოცხლეს საფრთხე არ ემუქრება“, - ნათქვამია განცხადებაში.

აქვე აღნიშნულია, რომ ერთობლივი ჯგუფები, რომლებიც კონფლიქტში დაღუპულთა ცხედრების მოსაძებნად და გადასაცემად რუსეთის სამშვიდობო ძალების სარდლობის ინიციატივით შეიქმნა, კვირაზე მეტია ეფექტურად მუშაობენ. ყველა ნაპოვნი ცხედარი მხარეებს დასამარხად გადაეცემა.

22
თემები:
ესკალაცია ყარაბაღში 2020 (135)
აკაკი ზოიძე

ზოიძე: აუცილებელია ხელისუფლებამ პრევენციული ზომები სამი მიმართულებით გაატაროს

0
(განახლებულია 14:34 25.11.2020)
ჯანდაცვის სფეროში ექსპერტი ხელისუფლებას ურჩევს ქვეყანაში ვირუსის გავრცელების შესაკავებლად უმოკლეს ვადაში გაატაროს ქმედითი ღონისძიებები

თბილისი, 25 ნოემბერი - Sputnik. ინფექციის გავრცელების ტემპს თუ არ შევანელეთ, მძიმე დეკემბერი და სიკვდილიანობის მკვეთრი მატება გველოდება – ქვეყანაში შექმნილ რთულ ეპიდვითარებას ექსპერტი ჯანდაცვის საკითხებში აკაკი ზოიძე სოციალურ ქსელში ეხმაურება. 

სექტემბრის დასაწყისიდან ქვეყანაში ინფიცირების ბუმია – კორონავირუსის ახალი შემთხვევების დღიურმა ზრდამ ბოლო დღეებში ოთხი ათასს მიაღწია.

ზოიძის განცხადებით, კორონავირუსის გავრცელების პრევენციის მიზნით  დღეს მოქმედი შეზღუდვების  გამკაცრება გარდაუვალია. მისი თქმით, რაც არ უნდა ბევრი კლინიკა ჩაერთოს ინფიცირებულთა მართვის პროცესში, სისტემა ასეთ დატვირთვას ვერ გაუძლებს, რადგანაც  პირველ რიგში, სამედიცინო პერსონალი არ იქნება საკმარისი.

ზოიძე ხელისუფლებას ინფექციის სწრაფი აღმავალი ტენდენციის შესაჩერებლად ერთდროულად ზომების სამი მიმართულებით გატარებისკენ მოუწოდებს.

„საჭიროა უკვე არსებული რეგულაციების უმკაცრესი შესრულება და მისი გაკონტროლება; ტესტირების შემდგომი გაფართოება და დადასტურებულ ინფიცირებულთა კონტაქტების დროულად მოძიებაში დამატებითი რესურსების (მათ შორის დიგიტალურის) ჩართვა, რათა დროულად მოხდეს ინფიცირებულთა თვითიზოლაცია ან კოვიდ–სასტუმროში გადაყვანა. და ბოლოს – ადამიანების მობილობის დაქვეითება გავრცელების კერებში - დიდ ქალაქებში, რამდენიმე კვირით მაინც“, – დაწერა ზოიძე საკუთარი Facebook–გვერდზე. 

მისი განმარტებით, აუცილებელია ხელისუფლებამ გაატაროს ეპიდემიოლოგიური თვალსაზრისით ყველაზე დიდი  ეფექტისა და ამავდროულად, სოციალურ-ეკონომიკურად ყველაზე ნაკლები ნეგატიური ეფექტის მქონე ზომები.

ექსპერტის ვარაუდით,  აღნიშნული ზომების გატარების შემთხვევაში,  ქვეყანაში ორ კვირაში  ინფიცირებულთა რაოდენობა მნიშვნელოვნად შემცირდება, 20-24 დღეში კი სიკვდილიანობის მაჩვენებელი დაიკლებს.

ბოლო მონაცემებით, საქართველოში ინფიცირებულთა საერთო რაოდენობამ 114 ათასს მიაღწია, გარდაიცვალა 1085 ადამიანი.

ქვეყანაში ეპიდემიოლოგიური სიტუაციის გართულების ქვეყანაში წერილოვანი შეზღუდვები უკვე მოქმედებს: ნიღბების ტარება აუცილებელია შენობებში, ტრანსპორტსა და ქუჩაში, დიდ ქალაქებში სკოლები დისტანციურ სწავლებაზეა გადასული, დახურულია საბავშვო ბაღები, საქართველოს დიდ ქალაქებში 22:00 საათიდან 05:00 საათამდე პერიოდში აკრძალულია ქვეითად მოსიარულეებისა და ავტოტრანსპორტის გადაადგილება. თუმცა, აღნიშნულ შეზღუდვებს ეპიდვითარების გაუმჯობესებაზე მნიშვნელოვანი ზემოქმედება არ მოუხდენია.


0
თემები:
COVID-19 საქართველოში