რუსმა მშვიდობისმყოფელებმა ყარაბაღში სადამკვირვებლო პოსტები განალაგეს

45
(განახლებულია 22:43 16.11.2020)
ცეცხლის შეწყვეტის რეჟიმს სამშვიდობო ქვედანაყოფები სადამკვირვებლო პოსტებზე გააკონტროლებენ სამხრეთ და ჩრდილოეთ ზონებში

თბილისი, 16 ნოემბერი – Sputnik. სამშვიდობო ოპერაციის ჩატარების რაიონებში დასრულდა რუსული სამშვიდობო ძალების სადამკვირვებლო პოსტების განლაგება. ისინი ვითარების სადღეღამისო მონიტორინგს განახორციელებენ, განაცხადა 16 ნოემბერს ბრიფინგზე რუსეთის თავდაცვის სამინისტროს ინფორმაციისა და მასობრივი კომუნიკაციის დეპარტამენტის უფროსმა, გენერალ–მაიორმა იგორ კონაშენკოვმა.

კონტროლი ცეცხლის შეწყვეტაზე მშვიდობისმყოფელების ქვედანაყოფების მიერ სამხრეთ ზონაში ხორციელდება ცხრა სადამკვირვებლო პოსტზე და ამდენივე პოსტზე – ჩრდილოეთ ზონაში. ლაჩინის დერეფნის გასწვრივ მოქმედებს სადამკვირვებლო პოსტების ქსელი, რომლებიც სამშვიდობოების კოლონების გასვლას უზრუნველყოფენ.

კონაშენკოვის თქმით, ცეცხლის შეწყვეტის რეჟიმი შეხების მთელ ხაზზე ხორციელდება.

მიღწეული შეთანხმების შესაბამისად, მთიან ყარაბაღში გრძელდება დაღუპულთა ცხედრების გაცვლა, განაცხადა კონაშენკოვმა. პროცესი ხორციელდება რუსეთის სამშვიდობო ძალებისა და წითელი ჯვრის საერთაშორისო კომიტეტის კოორდინაციით.

მთიანი ყარაბაღი და ახალი რეალობა სამხრეთ კავკასიაში: ხედვა საქართველოდან>>

აზერბაიჯანის, სომხეთისა და რუსეთის ლიდერებმა — ილჰამ ალიევმა, ნიკოლ ფაშინიანმა და ვლადიმირ პუტინმა 9 ნოემბერს ხელი მოაწერეს განცხადებას მთიან ყარაბაღში 10 ნოემბრიდან ცეცხლისა და საომარი მოქმედებების შეწყვეტის შესახებ.

45
თემები:
ესკალაცია ყარაბაღში 2020 (138)
რუსი სამშვიდობოები სტეპანაკერტში

რუსმა სამშვიდობოებმა სტეფანაკერტში საველე ჰოსპიტალი გაშალეს

12
(განახლებულია 18:21 30.11.2020)
რუსი სამშვიდობოები მთიან ყარაბაღში 10 ნოემბრის სამმხრივი ხელშეკრულების ფარგლებში შედიან, რომელსაც ხელი რუსეთის, აზერბაიჯანისა და სომხეთის ლიდერებმა მოაწერეს.

თბილისი, 30 ნოემბერი — Sputnik. რუსეთის თავდაცვის სამინისტრომ მთიან ყარაბაღში საველე ჰოსპიტალი გაშალა, იუწყება სააგენტო РИА Новости.

„დასრულებულია პნევმოკარკასული მოდულების განთავსება. პირველ რიგში სამშვიდობო კონტინგენტის სამედიცინო მომსახურებაზე ვართ ორიენტირებული. ასევე მზად ვართ დახმარება აღმოვუჩინოთ მშვიდობიან მოსახლეობასაც და საკუთარ ფონდებზე 40-მდე ადამიანი განვათავსოთ“, — განუცხადა ჟურნალისტებს სამედიცინო რაზმის ხელმძღვანელმა იაროსლავ ივანოვმა.

მისი თქმით, ჰოსპიტალი აღჭურვილია სარეანიმაციო, ფუნქციონალური დიაგნოსტიკის, ლაბორატორიული დიაგნოსტიკის, საოპერაციო განყოფილებებითა და ასევე სტომატოლოგიური და ოფთალმოლოგიური კაბინეტებით. ადგილზე არის ფილტვების ხელოვნური ვენტილაციის, ულტრაბგერითი კვლევისა და რენტგენის აპარატებიც.

რუსი სამშვიდობოები მთიან ყარაბაღში 10 ნოემბრის სამმხრივი ხელშეკრულების ფარგლებში შედიან, რომელსაც ხელი რუსეთის, აზერბაიჯანისა და სომხეთის ლიდერებმა — ვლადიმირ პუტინმა, ილჰამ ალიევმა და ნიკოლ ფაშინიანმა მოაწერეს. შეთანხმება ცეცხლის სრულ შეწყვეტასა და ტყვეებისა და დაღუპულთა ცხედრების გაცვლას ითვალისწინებს. ამასთან სომხეთი აზერბაიჯანს ქელბაჯარის, ლაჩინისა და აღდამის რაიონებს უბრუნებს.

ბაქოში შეთანხმება ერევნის კაპიტულაციად შეაფასეს. პრეზიდენტმა ალიევმა აღნიშნა, რომ დოკუმენტი მაქსიმალურად ხელსაყრელია აზერბაიჯანისთვის.

სომხეთის პრემიერ-მინისტრმა ნიკოლ ფაშინიანმა კი აღიარა, რომ დოკუმენტი მისთვის მძიმედ მისაღები იყო, თუმცა ამან შესაძლებლობა მისცა ქვეყანას, შეენარჩუნებინა ყარაბაღის ტერიტორია, რასაც წინააღმდეგ შემთხვევაში მთლიანად დაკარგავდა. ამას ერევანში საპროტესტო აქციები მოჰყვა პრემიერ-მინისტრის გადადგომის მოთხოვნით.

 

12
თემები:
ესკალაცია ყარაბაღში 2020 (138)
იტუმ-კალინის რაიონი ჩეჩნეთში

ჩეჩნეთის მთებში გადაღებების დროს რუსი ჟურნალისტი დაიღუპა

15
დაღუპულის ცხედრის სამძებრო ოპერაციას ადგილის მიუდგომელი ლანდშაფტი ართულებდა: გზის დიდი ნაწილი ფეხით იყო გასავლელი

თბილისი, 29 ნოემბერი – Sputnik. რუსი ფოტოგრაფი საიდ-ხუსეინ ცარნაევი, რომელიც ბოლო დროს მედიაჯგუფ „როსია სეგოდნიას“ შტატგარეშე ფოტოკორესპონდენტად მუშაობდა, ჩეჩნეთში იტუმ-კალინის რაიონის მთებში გადაღებების დროს დაიღუპა.

„უბედური შემთხვევა გალანჩოჟის რაიონში, მიუდგომელ ტერიტორიაზე მოხდა, მაშველებმა ცხედრის ამოყვანა ზედაპირზე შეძლეს. გარდაცვლილი - ფოტოგრაფი საიდ-ხუსეინ ცარნაევია“, - განუცხადეს РИА НОВОСТИ-ს საგანგებო სიტუაციების სამსახურში.

ჩეჩნეთის საგანგებო სიტუაციების სამინისტროს ინფორმაციით, დაღუპულის ცხედრის სამძებრო ოპერაციას ადგილის მიუდგომელი ლანდშაფტი ართულებდა: გზის დიდი ნაწილი ფეხით იყო გასავლელი. გარდა ამისა, აღნიშნულ რაიონში მობილური კავშირი არ არსებობს. სამძებრო ოპერაციაში ჩეჩნეთის საგანგებო სიტუაციების სამინისტროს თანამშრომლები, პოლიციელები და მესაზღვრეები მონაწილეობდნენ.

როგორც მედიაჯგუფ „როსია სეგოდნიას“ პრესსამსახურში განაცხადეს, ცარნაევის ფოტორეპორტაჟების ძირითადი თემები იყო ჩეჩნეთის, დაღესტნის, ინგუშეთის, ჩრდილო ოსეთის ძველი და ახალი ისტორია.

საიდ ცარნაევი უამრავი რუსული ფოტოგრაფიული პრემიის მფლობელია. 

15
თემები:
რუსეთი დღეს
ჯანეტ ქერდიყოშვილი და ნოე სულაბერიძე

ჯანეტ ქერდიყოშვილი დაბადების დღეზე სტუმრების გარეშე დარჩა - ვიდეო

0
(განახლებულია 15:41 30.11.2020)
ჯანეტ ქერდიყოშვილმა საკუთარი იუბილეზე სტუმრებისთვის დიდი სუფრა გააწყო, გაემზადა დასახვედრად და ყველაფერი მოულოდნელად დასრულდა

მოდელი ჯანეტ ქერდიყოშვილი 29 ნოემბერს 29 წლის გახდა. პროდიუსერ ნოე სულაბერიძის მეუღლე ამ დღისთვის მთელი დღე ემზადებოდა, სტუმრებისთვის საკუთარი დიზაინით სუფრაც გააწყო და „ინსტაგრამის“ „სთორიში“ სოციალური ქსელის მომხმარებლებს გაუზიარა როგორ ემზადებოდა მათ დასახვედრად.

მოგვიანებით, ნოე სულაბერიძემ გამოაქვეყნა ვიდეო, სადაც ჩანს, რომ სუფრას მხოლოდ ის და ჯანეტი არია შემომსხდარნი, სტუმრებისთვის განკუთვნილი ადგილები კი რბილი სათამაშოებით შეავსეს და ასე აღნიშნეს ჯანეტის „ოქროს დაბადების დღე“.

როგორც ჩანს, პანდემიიდან გამომდინარე, წყვილმა მოსალოდნელი გართულებების თავიდან აცილების მიზნით, სტუმრების დაპატიჟებაზე უარი თქვა, ან პირიქით, სტუმრებმა შეიკავეს თავი და მილოცვა ვირტუალურად გადაწყვიტეს.

View this post on Instagram

A post shared by @itsmyworld_____

ჯანეტი თვალწარმტაცი გარეგნობითა და დახვეწილი მანერებით გამოირჩევა. ახალგაზრდა მოდელი და ახალბედა დედა განსაკუთრებულად საინტერესოდ ფეხმძიმობის პერიოდში გამოიყურებოდა. ჯანეტს უყვარს ფერთა გამებით თამაში. სწორედ ამიტომ, ორსულობისას საკუთარი ატელიე დააარსა, სადაც ქალბატონებს დახვეწილ სამოსს სთავაზობს.

იტალიაში ერთ-ერთ წამყვან დიზაინერების სკოლაში ჭრა-კერვის გარდა, სტილის შეგრძნებაც შეისწავლა. საქართველოში დაბრუნებულ მოდელს ახალი შესაძლებლობები მეორე ნახევარმა ჩაუგდო ხელთ. მოდელი ტელეწამყვან ნოე სულაბერიძეზეა დაოჯახებული.

ჯანეტი და ნოე ერთობლივად და ცალ-ცალკე დიდი პოპულარობით სარგებლობენ. ცნობილი პროდიუსერი და რეიტინგული გადაცემის ავტორი, უმშვენიერესი მოდელი და დიზაინერი ჯანეტ ქერდიყოშვილი შეუდარებლად გამოიყურებიან. მათი სიყვარულის ისტორია სწრაფად განვითარდა და გრანდიოზული ქორწილით დაგვირგვინდა. წყვილს ქალიშვილი 28 იანვარს გაუჩნდა.

0
თემები:
სელებრითების ცხოვრება