სომხეთის უსაფრთხოების ეროვნული სამსახურის ყოფილი უფროსი არტურ ვანეციანი

სომხეთის უსაფრთხოების სამსახურის ყოფილი უფროსი სასამართლოს დარბაზიდან გაათავისუფლეს

60
სომხეთის უსაფრთხოების სამსახურის ყოფილმა უფროსმა სასამართლოდან გათავისუფლების შემდეგ თავის მხარდამჭერებს განუცხადა, რომ არ ჩაუდენია არანაირი დანაშაული, ხოლო ხელისუფლება თავისი ქმედებებით პოლიტიკიდან მის ჩამოშორებას ცდილობს

თბილისი, 15 ნოემბერი – Sputnik. სასამართლომ უსაფრთხოების ეროვნული სამსახურის ყოფილი უფროსი არტურ ვანეციანი დარბაზიდან გაათავისუფლა. მოსამართლემ მისი დაკავების გადაწყვეტილება არამართლზომიერად მიიჩნია, იუწყება Sputnik-სომხეთი.

შენგავითის სასამართლოს შენობის წინ შეკრებილები მას ტაშით შეხვდნენ.

„ამჯერად სამართალმა იზეიმა. მე ვუცხადებ ყველა ჩემს მომხრეს, მთელ სომეხ ხალხს, რომ არანაირი დანაშაული არ ჩამიდენია. ეს მოღალატე ხელისუფლება უბრალოდ პოლიტიკური პროცესებიდან ჩემს ჩამოშორებას ცდილობს. ჩვენ ერთად დავამარცხებთ მათ, ჩვენ არაფერი შეგვაჩერებს“, - განაცხადა ვანეციანმა.

მან განუცხადა ჟურნალისტებს, რომ 23:30 საათზე შენგავითის სასამართლო მის პატიმრობასთან დაკავშირებულ შუამდგომლობაზე გადაწყვეტილებას გამოაქვეყნებს.

არტურ ვანეციანი 14 ნოემბერს დააკავეს. ის ეჭვმიტანილია ისეთი ქმედებების ჩადენაში, რომლებსაც ითვალისწინებს შემდეგი მუხლები: „მონაწილეობა იარაღის უკანონო შეძენა-გასაღება-შენახვაში“, „ძალაუფლების უზურპაციის მომზადება“, „პირთა ჯგუფის მიერ წინასწარი შეთანხმებით ჩადენილი სახელმწიფო, პოლიტიკური ან საზოგადო მოღვაწის მკვლელობის მომზადება“.

ადრე ვანეციანის ადვოკატმა განაცხადა, რომ უსაფრთხოების ეროვნული სამსახურის ყოფილი უფროსის ფაშინიანის მკვლელობის მომზადებაში დადანაშაულების მცდელობები - „სამარცხვინო პოლიტიკური დევნაა“.

60
ნიკოლ ფაშინიანი

ფაშინიანმა საქართველოს მხარდაჭერისთვის მადლობა გადაუხადა

45
(განახლებულია 23:01 21.06.2021)
სომხეთის ცენტრალური საარჩევნო კომისიის წინასწარი მონაცემებით, საპარლამენტო არჩევნებში ფაშინიანის პარტიამ გაიმარჯვა.

თბილისი, 21 ივნისი - Sputnik. სომხეთის პრემიერ-მინისტრის მოვალეობის შემსრულებელმა ნიკოლ ფაშინიანმა საქართველოს და თავის კოლეგა ირაკლი ღარიბაშვილს მხარდაჭერისთვის მადლობა გადაუხადა.

ფაშინიანმა განცხადება გააკეთა პარტია „სამოქალაქო შეთანხმების“ ოფისში სომხეთის ვადამდელი საპარლამენტო არჩევნების წინასწარი შედეგების გამოცხადების შემდეგ.

„მინდა მადლობა გადავუხადო საქართველოს პრემიერ-მინისტრის, ჩემი საუკეთესო მეგობრის, ირაკლი ღარიბაშვილის ხელმძღვანელობით. დარწმუნებული ვარ, მომავალში გავაღრმავებთ და გავაუმჯობესებთ საქართველოსთან ურთიერთობას. ასევე მინდა, მშვიდობა ვუსურვო ჩვენს რეგიონს. სტაბილურობა და მშვიდობა - ჩვენი მნიშვნელოვანი დღის წესრიგია. ჩვენი პრიორიტეტია - ჩვენი ხალხისთვის მშვიდობისა და განვითარების ეპოქის შექმნა“, - აღნიშნა ფაშინიანმა.

სომხეთის ცესკოს წინასწარი მონაცემებით, ფაშინიანის პარტია „სამოქალაქო შეთანხმებამ“ საპარლამენტო არჩევნებზე ხმების 53,92% მიიღო. ყოფილი პრეზიდენტის, რობერტ ქოჩარიანის ბლოკ „სომხეთს“ ამომრჩეველთა 21,4%-მა დაუჭირა მხარი, კიდევ ერთი ყოფილი პრეზიდენტის სერჟ სარგსიანის ბლოკს „პატივი მაქვს“ – 5,23%-მა.

მიუხედავად იმისა, რომ ამ უკანასკნელს ხმათა 7% არ მიუღია (საარჩევნო ბარიერი), ის პარლამენტში მაინც მოხვდება, რადგან სომხეთის საკანონმდებლო ორგანოში სულ მცირე სამი პოლიტიკური ძალის არსებობა სავალდებულოა.

არჩევნების საბოლოო შედეგები კენჭისყრიდან მეშვიდე დღეს გამოცხადდება.

 

45
ნიკოლ ფაშინიანი

საქართველოს პრემიერმა ფაშინიანს გამარჯვება მიულოცა

27
(განახლებულია 22:59 21.06.2021)
საქართველოს მთავრობის მეთაური ირაკლი ღარიბაშვილი სომხეთის ახალ მთავრობასთან მჭიდრო თანამშრომლობის იმედს გამოთქვამს.

თბილისი, 21 ივნისი - Sputnik. საქართველოს პრემიერ-მინისტრმა ირაკლი ღარიბაშვილმა ნიკოლ ფაშინიანის პარტიას სომხეთის საპარლამენტო არჩევნებში გამარჯვება მიულოცა.

„სომხეთის პრემიერ-მინისტრ ნიკოლ ფაშინიანს გულითადად ვულოცავ წარმატებული არჩევნების ჩატარებას და, წინასწარი მონაცემებით, გამარჯვებას პარტია „სამოქალაქო შეთანხმებას“. გისურვებთ წარმატებას მომავალშიც! მოუთმენლად ველი მჭიდრო თანამშრომლობას სომხეთის მთავრობასთან“, - წერს ღარიბაშვილი სოციალურ ქსელ „ტვიტერში“.

სომხეთის ცესკოს წინასწარი მონაცემებით, ფაშინიანის პარტია „სამოქალაქო შეთანხმებამ“ საპარლამენტო არჩევნებზე ხმების 53,92% მიიღო. ყოფილი პრეზიდენტის, რობერტ ქოჩარიანის ბლოკს „სომხეთს“ ამომრჩეველთა 21,4%-მა დაუჭირა მხარი, კიდევ ერთი ყოფილი პრეზიდენტის სერჟ სარგსიანის ბლოკს „პატივი მაქვს“ – 5,23%-მა.

მიუხედავად იმისა, რომ ამ უკანასკნელს ხმათა 7% არ მიუღია (ბარიერი), ის პარლამენტში მაინც მოხვდება, რადგან სომხეთის საკანონმდებლო ორგანოში აუცილებელია სულ მცირე სამი პოლიტიკური ძალის არსებობა.

არჩევნების საბოლოო შედეგები კენჭისყრიდან მეშვიდე დღეს გამოცხადდება.

27
სოფიკო შევარდნაძე

„სამი თვეა ამ სასწაულთან ერთად ვცხოვრობ“ - სოფო შევარდნაძე პირად ცხოვრებაზე დუმილს არღვევს

0
(განახლებულია 15:22 24.06.2021)
ცნობილმა ჟურნალისტმა პაუზის შემდეგ ვაჟთან ერთად უახლესი ფოტო გამოაქვეყნა და ცხოვრებისეულ პირად დეტალებზე ისაუბრა. რატომ არის 42 წლის ტელესახის ცხოვრებაში უკანასკნელი სამი თვე სასწაული?

საქართველოს ყოფილი პრეზიდენტის შვილიშვილი, ცნობილი ჟურნალისტი სოფო შევარდნაძე „ინსტაგრამის“ საკუთარ გვერდზე პირად ცხოვრებაზე საუბრობს, რადგან ბოლო პერიოდში, მას მერე, რაც ის დედა გახდა, არ წყდება კითხვები, თუ რატომ არ ჩანს მისი მეორე ნახევარი, ან რატომ არ ასაჯაროებს პატარა ანდრიას ფოტოს. მან გადაწყვიტა, დუმილი კიდევ ერთხელ დაარღვიოს.

Посмотреть эту публикацию в Instagram

Публикация от Sophie Shevardnadze (@sofikoshevardnadze)

სოფიკოს მიერ ვაჟთან ერთად გამოქვეყნებულ ფოტოებს, „ფოლოვერები“ სულმოუთქმენლად ელიან, თუმცა სოფო პირადი სივრცის პრინციპებს არ არღვევს. ახალშობილ ვაჟთან ერთად პოზირებს, ერთობლივ კადრებს სოციალურ ქსელში განათავსებს, თუმცა სახეს ამ დრომდე უმალავს. „სამი თვეა ამ სასწაულთან ერთად ვცხოვრობ“,- აღნიშნავს სოფო მიკრობლოგის ახალ პოსტზე. „ამიერიდან ყველაფერი სხვანაირად იქნება, აღმოჩნდა, რომ ადამიანური რესურსები ამოუწურავია. როცა მესმის შეკითხვები დედობისა და სამსახურის შეთავსებაზე, წამიერად ვპასუხობ, რომ ყველაფერი შესაძლებელია, თუ გაქვს სურვილი და არ გაქვს კომპლექსები, რომლებსაც უსაფუძვლო დანაშაულის განცდა სდევს ხოლმე თან“,- უყვება ფანებს ჟურნალისტი.

Посмотреть эту публикацию в Instagram

Публикация от Sophie Shevardnadze (@sofikoshevardnadze)

„ახლა ჩემი ოჯახი მაქვს. მე უკვე არა მხოლოდ ქალიშვილი, ან შვილიშვილი ვარ. ახლა დედა ვარ. და რაც არ უნდა უნდოდეს ბევრს, გაიგოს მეტი და უფრო ახლოს, მე უბრალოდ ვიცი, რომ ამიერიდან ჩემი შვილისთვის საზღვრების აგება ჩემი პასუხისმგებლობაა. ყოველთვის მიმაჩნდა, რომ ოჯახის წევრებს აქვთ უფლება, თავად გადაწყვიტონ, სურთ მათ საჯაროობა თუ არა. ჩვენი საქმე კი ის არის, მათ მივცეთ ეს არჩევანი და დავიცვათ არასაჭირო ყურადღებისგან. თუ ადამიანს, რომელიც ჩემ გვერდით არის, შეუძლია საკუთარი თავის დაცვა ამ უფლებით, ჩემი შვილისთვის მე ვარ ასეთი დამცველი. და მხოლოდ როდესაც ანდრია გაიზრდება და თავად შეძლებს გადაწყვიტოს, რის მიწოდება შეუძლია სამყაროსთვის, მე ვიქნები მხოლოდ და მხოლოდ დამკვირვებელი. მანამდე კი ასეა“, – წერდა სოფო.

Посмотреть эту публикацию в Instagram

Публикация от Sophie Shevardnadze (@sofikoshevardnadze)

საქართველოს მეორე პრეზიდენტის ედუარდ შევარდნაძის შვილიშვილი დედა 42 წლის ასაკში გახდა. ტელეწამყვანმა 21 თებერვალს ინფორმაცია ორსულობის შესახებ Clubhouse-ის მოდურ დანართთან საუბრისას გაამხილა, სადაც სტუმრები ბავშვთა აღზრდის თემაზე სასაუბროდ შეიკრიბნენ.

0
თემები:
ქართველი სელებრითები