მთიანი ყარაბაღი კონფლიქტის გამწვავების პერიოდში

ბაქოს დაქვემდებარებაში გადასული რაიონებიდან სახალხო ლაშქრის გაყვანა გრძელდება

72
(განახლებულია 18:34 15.11.2020)
რთული ვითარების მიუხედავად, აღდამის, ქელბაჯარის და ლაჩინის რაიონებიდან მიმდინარეობს მთიანი ყარაბაღის სახალხო ლაშქრის ქვედანაყოფების გაყვანა

თბილისი, 15 ნოემბერი - Sputnik. მეტეოროლოგიური პირობების გაუარესების გამო მთიანი ყარაბაღის სახალხო ლაშქრის ქვედანაყოფების გაყვანა ნელა, თუმცა მაინც მიმდინარეობს, განუცხადა РИА Новости-ს სამშვიდობო ძალების შტაბში არსებულმა წყარომ.

რუსეთის, სომხეთისა და აზერბაიჯანის ლიდერებმა ცეცხლის შეწყვეტის შესახებ ერთობლივი განცხადება მიიღეს. რუსეთის პრეზიდენტის მიერ გამოცხადებული დოკუმენტის თანახმად, ცეცხლის სრული შეწყვეტა იწყება 10 ნოემბერს, აზერბაიჯანი და სომხეთი დაკავებულ პოზიციებზე რჩებიან, ასევე მათ სამხედრო ტყვეები უნდა გაცვალონ. გარდა ამისა, ყარაბაღში რუსი მშვიდობისმყოფელები განთავსდებიან.

„საკმაოდ რთული მარტივი ვითარების მიუხედავად, აღდამის, ქელბაჯარის და ლაჩინის რაიონებიდან მიმდინარეობს მთიანი ყარაბაღის სახალხო ლაშქრის ქვედანაყოფების გაყვანა. რა თქმა უნდა, ახლა ის მეტეოროლოგიური პირობების გაუარესების და გზების ცალკეული მონაკვეთების განაღმვის გამო შენელდა. განსაკუთრებით ეს მთიან ტერიტორიას ეხება“, - განუცხადა წყარომ სააგენტოს.

სომხეთის პრემიერ-მინისტრმა ნიკოლ ფაშინიანმა აღნიშნა, რომ ეს გადაწყვეტილება მისთვის უკიდურესად მძიმე იყო. თავის მხრივ, აზერბაიჯანის პრეზიდენტმა ილჰამ ალიევმა დოკუმენტის ხელმოწერას სომხეთის კაპიტულაცია უწოდა. მისი თქმით, შეთანხმება მაქსიმალურად მომგებიანია ბაქოსთვის, ახლა სამხედრო ეტაპი დასრულებულია და შესაძლებელია პოლიტიკური საკითხებზე გადასვლა.

72
თემები:
ესკალაცია ყარაბაღში 2020 (138)
რუსი სამშვიდობოები სტეპანაკერტში

რუსმა სამშვიდობოებმა სტეპანაკერტში საველე ჰოსპიტალი გაშალეს

4
(განახლებულია 13:31 30.11.2020)
რუსი სამშვიდობოები მთიან ყარაბაღში 10 ნოემბრის სამმხრივი ხელშეკრულების ფარგლებში შედიან, რომელსაც ხელი რუსეთის, აზერბაიჯანისა და სომხეთის ლიდერებმა მოაწერეს

თბილისი, 30 ნოემბერი — Sputnik. რუსეთის თავდაცვის სამინისტრომ მთიან ყარაბაღში საველე ჰოსპიტალი გაშალა, იუწყება РИА Новости.

„დასრულებულია პნევმოკარკასული მოდულების განთავსება. პირველ რიგში სამშვიდობო კონტინგენტის სამედიცინო მომსახურებაზე ვართ ორიენტირებული. ასევე მზად ვართ დახმარება აღმოვუჩინოთ მშვიდობიან მოსახლეობასაც და საკუთარ ფონდებზე ორმოცამდე ადამიანი განვათავსოთ“, — განუცხადა ჟურნალისტებს სამედიცინო რაზმის ხელმძღვანელმა იაროსლავ ივანოვმა.

 მისი თქმით, ჰოსპიტალი აღჭურვილია სარეანიმაციო, ფუნქციონალური დიაგნოსტიკის, ლაბორატორიული დიაგნოსტიკის, საოპერაციო განყოფილებებითა და ასევე სტომატოლოგიური და ოფთალმოლოგიური კაბინეტებით. ადგილზე არის ფილტვების ხელოვნური ვენტილაციის, ულტრაბგერითი კვლევისა და რენტგენის აპარატებიც.

რუსი სამშვიდობოები მთიან ყარაბაღში 10 ნოემბრის სამმხრივი ხელშეკრულების ფარგლებში შედიან, რომელსაც ხელი რუსეთის, აზერბაიჯანისა და სომხეთის ლიდერებმა — ვლადიმირ პუტინმა, ილჰამ ალიევმა და ნიკოლ ფაშინიანმა მოაწერეს. შეთანხმება ცეცხლის სრულ შეწყვეტასა და ტყვეებისა და დაღუპულთა ცხედრების გაცვლას ითვალისწინებს. ამასთან სომხეთი აზერბაიჯანს კელბაჯარის, ლაჩინისა და აგდამის რაიონებს უბრუნებს.

ბაქოში შეთანხმება ერევნის კაპიტულაციად შეაფასეს. პრეზიდენტმა ალიევმა აღნიშნა, რომ დოკუმენტი მაქსიმალურად ხელსაყრელია აზერბაიჯანისთვის.

სომხეთის პრემიერ–მინისტრმა ნიკოლ ფაშინიანმა კი აღიარა, რომ დოკუმენტი მისთვის მძიმედ მისაღები იყო, თუმცა ამას შესაძლებლობა მისცა ქვეყანას, შეენარჩუნებინა ის, რასაც წინააღმდეგ შემთხვევაში ყარაბაღი დაკარგავდა. ამას ერევანში საპროტესტო აქციები მოჰყვა პრემიერ–მინისტრის გადადგომის მოთხოვნით.

 

4
თემები:
ესკალაცია ყარაბაღში 2020 (138)
იტუმ-კალინის რაიონი ჩეჩნეთში

ჩეჩნეთის მთებში გადაღებების დროს რუსი ჟურნალისტი დაიღუპა

13
დაღუპულის ცხედრის სამძებრო ოპერაციას ადგილის მიუდგომელი ლანდშაფტი ართულებდა: გზის დიდი ნაწილი ფეხით იყო გასავლელი

თბილისი, 29 ნოემბერი – Sputnik. რუსი ფოტოგრაფი საიდ-ხუსეინ ცარნაევი, რომელიც ბოლო დროს მედიაჯგუფ „როსია სეგოდნიას“ შტატგარეშე ფოტოკორესპონდენტად მუშაობდა, ჩეჩნეთში იტუმ-კალინის რაიონის მთებში გადაღებების დროს დაიღუპა.

„უბედური შემთხვევა გალანჩოჟის რაიონში, მიუდგომელ ტერიტორიაზე მოხდა, მაშველებმა ცხედრის ამოყვანა ზედაპირზე შეძლეს. გარდაცვლილი - ფოტოგრაფი საიდ-ხუსეინ ცარნაევია“, - განუცხადეს РИА НОВОСТИ-ს საგანგებო სიტუაციების სამსახურში.

ჩეჩნეთის საგანგებო სიტუაციების სამინისტროს ინფორმაციით, დაღუპულის ცხედრის სამძებრო ოპერაციას ადგილის მიუდგომელი ლანდშაფტი ართულებდა: გზის დიდი ნაწილი ფეხით იყო გასავლელი. გარდა ამისა, აღნიშნულ რაიონში მობილური კავშირი არ არსებობს. სამძებრო ოპერაციაში ჩეჩნეთის საგანგებო სიტუაციების სამინისტროს თანამშრომლები, პოლიციელები და მესაზღვრეები მონაწილეობდნენ.

როგორც მედიაჯგუფ „როსია სეგოდნიას“ პრესსამსახურში განაცხადეს, ცარნაევის ფოტორეპორტაჟების ძირითადი თემები იყო ჩეჩნეთის, დაღესტნის, ინგუშეთის, ჩრდილო ოსეთის ძველი და ახალი ისტორია.

საიდ ცარნაევი უამრავი რუსული ფოტოგრაფიული პრემიის მფლობელია. 

13
თემები:
რუსეთი დღეს
ეკატერინე ტიკარაძე

ტიკარაძე: რა თქმა უნდა, პრობლემები და ხარვეზები არის

0
(განახლებულია 14:39 30.11.2020)
ქვეყანაში კორონავირუსის მეორე ტალღაა – ახალი შემთხვევების დღიურმა ზრდამ ბოლო დღეებში 4 ათასს გადააჭარბა, Covid-19-ით დაავადებულთა რაოდენობამ კი 135 584-ს მიაღწია

თბილისი, 30 ნოემბერი - Sputnik. კორონავირუსით ინფიცირებული პაციენტების მართვის კუთხით პრობლემები და ხარვეზები არის, რომლის აღმოფხვრასაც ჯანდაცვის სისტემა ცდილობს, განაცხადა საქართველოს ოკუპირებულ ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ეკატერინე ტიკარაძემ მთავრობის ადმინისტრაციაში გამართულ ბრიფინგზე.

როგორც მინისტრმა განაცხადა, პრობლემა ძირითადად თავისუფალი საწოლების რაოდენობაშია და ამ საკითხის მოგვარებაში ის პირადად არის ჩართული.

„ყოველდღიურ რეჟიმში „112“-დან დაწყებული ბოლო წერტილამდე, პაციენტის განთავსებამდე, გავდივართ ამ ჯაჭვს თავიდან ბოლომდე, ვაკვირდებით, რა არის პრობლემა და ვცდილობთ, ეს პრობლემები მოვაგვაროთ. პირადად ვარ ჩართული ამაში, ასევე ჩართულია ორივე მოადგილე და ყველა სსიპ-ის ხელმძღვანელი. მუდმივ რეჟიმში ვაკვირდებით ამ ხარვეზებს და შესაბამისად, ვცდილობთ მათ აღმოფხვრას“, - განაცხადა ტიკარაძემ.

ტიკარაძის განმარტებით, ქვეყანაში საწოლფონდი 6 ათასიდან 7 100-მდე გაიზარდა. მისი თქმით, არც ერთი ქვეყნის მიზანი არ არის საწოლფონდების მაქსიმალური რაოდენობის გამოყენება. სწორედ აქედან გამომდინარე, როგორც მინისტრმა აღნიშნა, მნიშვნელოვანია, ჩატარდეს პრევენციული ღონისძიებები და დაწესდეს შეზღუდვები საწოლფონდის განტვირთვის მიზნით.

სექტემბრის დასაწყისიდან ქვეყანაში ინფიცირების ბუმი დაიწყო – კორონავირუსის ახალი შემთხვევების დღიურმა ზრდამ ბოლო დღეებში 4 ათასს გადააჭარბა. კორონავირუსით დაავადებულთა რაოდენობა ბოლო დღე-ღამეში კი 3 216-ით გაიზარდა და ინფიცირებულთა საერთო რიცხვმა 135 584-ს მიაღწია. სულ გარდაცვლილია 1267 ადამიანი.

საქართველოში 28 ნოემბრიდან რთული ეპიდვითარების გამო ხელისუფლებამ ახალი შეზღუდვები აამოქმედა, რომლებიც 2021 წლის 31 იანვრამდე იქნება ძალაში.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში