პატრული სომხეთში

სომხეთის უსაფრთხოების სამსახურმა ფაშინიანზე თავდასხმის აღკვეთის შესახებ განაცხადა

73
ეჭვმიტანილების სახლების ჩხრეკისას ნაპოვნია რამდენიმე კალაშნიკოვის ტყვიამფრქვევი, ავტომატები, თოფები ოპტიკური სამიზნით, ხელყუმბარები და სხვა იარაღი

თბილისი, 14 ნოემბერი – Sputnik. სომხეთის ეროვნული უსაფრთხოების სამსახურმა გახსნა სისხლის სამართლის დეტალები, რომელიც ძალაუფლების უზურპაციის მცდელობის, საკონსტიტუციო წყობის დამხობის და პრემიერ-მინისტრ ნიკოლ ფაშინიანის მკვლელობის მომზადების ფაქტზეა აღძრული, იუწყება Sputnik-სომხეთი.

საქმის ფარგლებში შაბათს დაკავებულია უსაფრთხოების სამსახურის ყოფილი უფროსი არტურ ვანეციანი და მოხალისეთა რაზმ „აშოტ ერკატის“ მეთაური აშოტ მინასიანი.

ძალოვანი უწყების ინფორმაციით, მინასიანმა, რომელიც ანტისამთავრობო შეხედულებებს იზიარებდა და არ ეთანხმებოდა სომხეთის მთავრობის მიერ გატარებულ შიდა და საგარეო პოლიტიკას, უკანონოდ შეიძინა მთიან ყარაბაღში დიდი რაოდენობით იარაღი, საბრძოლო მასალა და ასაფეთქებელი ნივთიერებები. ეს ყველაფერი მან სომხეთის ტერიტორიაზე გადაიტანა და ქალაქ სისიანში ერთ-ერთ შენობაში ინახავდა.

შემდეგ ის შევიდა წინასწარ შეთანხმებაში იმ პარტიების ხელმძღვანელებთან და პოლიტიკურ მოღვაწეებთან, რომლებიც ანტისამთავრობო შეხედულებებს იზიარებენ. მას განზრახული ჰქონდა პრემიერ ფაშინიანის მოკვლა და ძალაუფლების შეცვლა.

სისხლის სამართლის საქმის ფარგლებში ეჭვმიტანილთა ბინებში და სხვა ნაგებობებში აღმოჩენილია - სამი კალაშნიკოვის ტყვიამფრქვევი, კალაშნიკოვის ავტომატი, ორი ტანკსაწინააღმდეგო ყუმბარმტყორცნი ოპტიკური სამიზნით, სამი ავტომატი, 14 თოფი ოპტიკური სამიზნით, 14 ყუთი სხვადასხვა კალიბრის ვაზნებით, 13 მექანიკური ასაფეთქებელი, „რგდ“-ს ტიპის ორი ყუმბარა, ტანკსაწინააღმდეგო ყუმბარის კორპუსი და სხვა საბრძოლო მასალა და იარაღი.

წარმოშობილი ეჭვის საფუძველზე უკვე რამდენიმე პირია დაკავებული. უსაფრთხოების სამსახური ჯგუფის სხვა წევრების გამოვლენას აგრძელებს.

ერევანში უკვე რამდენიმე დღის განმავლობაში ყარაბაღში ცეცხლის შეწყვეტის შესახებ შეთანხმების ხელმოწერის გამო ფაშინიანის გადადგომის მოთხოვნით საპროტესტო აქციები იმართება.

რუსეთის, სომხეთისა და აზერბაიჯანის ლიდერებმა ამ კვირაში ერთობლივი განცხადება მიიღეს. დოკუმენტის თანახმად, აზერბაიჯანი და სომხეთი დაკავებულ პოზიციებზე რჩებიან, ასევე მათ სამხედრო ტყვეები უნდა გაცვალონ. გარდა ამისა, ყარაბაღში რუსი მშვიდობისმყოფელები განთავსდებიან. ფაშინიანმა აღნიშნა, რომ ეს გადაწყვეტილება მისთვის უკიდურესად მძიმე იყო. თავის მხრივ, აზერბაიჯანის პრეზიდენტმა ილჰამ ალიევმა დოკუმენტის ხელმოწერას სომხეთის კაპიტულაცია უწოდა.

 

73
საქართველოს პარლამენტი

საქართველოს და სომხეთის შემოსავლების სამსახურების წარმომადგენლებმა შეხვედრა გამართეს

34
კერძოდ, მხარეებმა განიხილეს „ნინოწმინდას“ განახლებული საბაჟო გამშვები პუნქტის პროექტი, რომელიც 2021 წლის ბოლომდე უნდა დასრულდეს.

თბილისი, 12 ივნისი – Sputnik. ფინანსთა სამინისტროს შემოსავლების სამსახურის და საბაჟო დეპარტამენტის წარმომადგენლებმა და სომხეთის სახელმწიფო შემოსავლების კომიტეტის თავმჯდომარის მოადგილეებმა სამუშაო შეხვედრა გამართეს, ნათქვამია საქართველოს შემოსავლების სამსახურის მიერ გავრცელებულ განცხადებაში.

ქართული მხრიდან შეხვედრას ესწრებოდნენ შემოსავლების სამსახურის უფროსის მოადგილე ვლადიმერ ხუნდაძე და საბაჟო დეპარტამენტის ხელმძღვანელი ზურაბ სიჭინავა, სომხური მხრიდან - შუშანიკ ნერსისიანი და აშოტ მურადიანი.

მხარეებმა შეხვედრაზე განიხილეს კორონავირუსის პანდემიასთან დაკავშირებული საკითხები და პოსტპანდემიურ პერიოდში შემდგომი თანამშრომლობის გაფართოების პერსპექტივები.

2019 წელს ხელი მოეწერა ოქმს - „სატრანსპორტო საშუალებებისა და საქონლის საერთაშორისო გადაადგილების წინასწარი ელექტრონული მონაცემების გაცვლის თაობაზე". შეხვედრის მსვლელობისას მხარეებმა აღნიშნეს, რომ აღნიშნულ საკითხთან დაკავშორებით აქტიურად მიმდინარეობს ტექნიკური ხასიათის სამუშაოები და ოქმით გათვალისწინებული ფორმალობების ამოქმედება უახლოეს მომავალში მოხდება.

„მინდა აღვნიშნო, რომ ბოლო 3 წლის მონაცემებით, ჩვენს ქვეყნებს შორის ტვირთბრუნვამ 2,4 მილიარდ დოლარს გადააჭარბა და გლობალური პანდემიის მიუხედავად ჩვენ შევძელით, როგორც  დადებითი დინამიკის შენარჩუნება, ასევე საერთაშორისო ტვირთების შეუფერხებელი მიწოდება“,- აღნიშნა ზურაბ სიჭინავამ.

მხარეებმა ასევე განიხილეს განახლებული საბაჟო გამშვები პუნქტი „ნინოწმინდას“ პროექტი, რომელიც 2021 წლის ბოლოს დასრულდება.

34
საქართველოს დროშა

საქართველოს შუამავლობით აზერბაიჯანმა სომხეთის 15 დაკავებული მოქალაქე გაათავისუფლა

46
საქართველომ გამოთქვა მზადყოფნა, წვლილი შეიტანოს საერთაშორისო საზოგადოების მცდელობებში, რომელიც რეგიონული თანამშრომლობის განვითარებას ემსახურება.

თბილისი, 12 ივნისი – Sputnik. აზერბაიჯანმა კონფლიქტის დროს დაკავებული სომხეთის 15 მოქალაქე საქართველოს პრემიერ-მინისტრ ირაკლი ღარიბაშვილის აქტიური შუამავლობით და ევროპისა და ევრაზიის საკითხებში აშშ-ის სახელმწიფო მდივნის მოადგილის მოვალეობის შემსრულებლის, ფილიპ რიკერის ჩართულობით გაათავისუფლა, ნათქვამია საქართველოს მთავრობის ვებგვერდზე გავრცელებულ განცხადებაში.

ადმინისტრაციის მონაცემებით, სომხეთის მოქალაქეები სამშობლოში საქართველოს ტერიტორიის გავლით დაბრუნდნენ. გარდა ამისა, განცხადების თანახმად, საქართველოს პრემიერ-მინისტრის დახმარებით სომხურმა მხარემ აზერბაიჯანულ მხარეს დანაღმული ტერიტორიების შესახებ მნიშვნელოვანი მასალები გადასცა.

საქართველოს პრემიერ-მინისტრი პირადად იმყოფებოდა მუდმივ კავშირზე აზერბაიჯანის რესპუბლიკის პრეზიდენტ ილჰამ ალიევსა და სომხეთის მოქმედ პრემიერ-მინისტრ ნიკოლ ფაშინიანთან.

„საქართველოს პრემიერ-მინისტრი მიესალმება მეზობელი სახელმწიფოების ამ გადაწყვეტილებას, რამაც საფუძველი უნდა დაუდოს რეგიონში დაძაბულობის შემცირებას და გრძელვადიან პერსპექტივაში თანამშრომლობის ატმოსფეროს შექმნას“, - ნათქვამია განცხადებაში.

განცხადებაში ასევე აღნიშნულია, რომ საქართველო დიდ მნიშვნელობას ანიჭებს რეგიონში მშვიდობის, სტაბილურობის და თანამშრომლობის ატმოსფეროს შექმნას და მზად არის საკუთარი წვლილი შეიტანოს საერთაშორისო საზოგადოების მცდელობებში, რომელიც რეგიონული თანამშრომლობის განვითარებას ემსახურება.

46

მოულოდნელი ხიფათი: ბაიკერი ცოცხლად დაწვას გადაურჩა - ვიდეო

0
(განახლებულია 23:31 12.06.2021)
ქუჩის სათვალთვალო კამერამ ავტოსაგზაო შემთხვევა დააფიქსირა, რა დროსაც ბაიკერი ცოცხლად დაწვას გადაურჩა. იხილეთ კადრები შემთხვევის ადგილიდან  

ვოლგოგრადის ტრასაზე  საკმაოდ დაბალი სისწრაფით მოძრავმა ბაიკერმა მოულოდნელად კონტროლი დაკარგა, გზაზე მოსრიალდა და გადაყირავდა. ვარდნა აშკარად არ იყო მძიმე და ახალგაზრდა არც დაშავდებოდა, რომ არა მოტოციკლისთვის მოულოდნელად გაჩენილი ცეცხლი, რომელიც მყისიერად გადაედო ბაიკერსაც.

მან ჯერ თავად სცადა ტანსაცმელზე წაკიდებული ცეცხლის ჩაქრობა, მაგრამ არაფერი გამოუვიდა. ბაიკერის საბედნიეროდ, გამვლელებმა მანქანები გააჩერეს და ახალგაზრდა კაცს დახმარება აღმოუჩინეს.   

 

0