აზერბაიჯანელი ჯარისკაცი დროშის ფონზე

ალიევმა აზერბაიჯანი სამამულო ომში გამარჯვებულად გამოაცხადა

44
(განახლებულია 21:24 11.11.2020)
პრეზიდენტმა ალიევმა ხაზგასმით აღნიშნა, რომ მიღებული დოკუმენტი აზერბაიჯანისთვის მაქსიმალურად ხელსაყრელია.

თბილისი, 11 ნოემბერი — Sputnik. ომი მთიან ყარაბაღში აზერბაიჯანის გამარჯვებით დასრულდა, განაცხადა რესპუბლიკის პრეზიდენტმა ილჰამ ალიევმა დაჭრილ სამხედრო მოსამსახურეებთან შეხვედრისას.

„სამამულო ომი დამთავრდა. აზერბაიჯანმა ამ ომში ბრწყინვალე გამარჯვება მოიპოვა, ჩვენი მიწები თავისუფალია ოკუპაციისგან, ჩვენ გავაძევეთ ოკუპანტები ჩვენი მიწებიდან“, — თქვა პრეზიდენტმა.

ალიევმა ასევე აღნიშნა, რომ ბაქო ყარაბაღში ზარალის რაოდენობას შეაფასებს და ერევნისგან კომპენსაციას მოითხოვს.

მანამდე, 9 ნოემბერს აზერბაიჯანის, სომხეთისა და რუსეთის ლიდერებმა — ილჰამ ალიევმა, ნიკოლ ფაშინიანმა და ვლადიმირ პუტინმა ხელი მოაწერეს განცხადებას მთიან ყარაბაღში 10 ნოემბრიდან ცეცხლისა და საომარი მოქმედებების შეწყვეტის შესახებ. განცხადების თანახმად, ყარაბაღში რუსი სამშვიდობოები განთავსდებიან, აზერბაიჯანი და სომხეთი დაკავებულ პოზიციებზე დარჩებიან და ამასთან ტყვეთა გაცვლას დაიწყებენ.

დოკუმენტის თანახმად, რუსეთი მთიან ყარაბაღში 1 960 სამხედრო მოსამსახურეს, 90 ჯავშანტრანსპორტიორს, 380 ერთეულ სხვა სპეციალურ ტექნიკას განათავსებს. სამშვიდობო ოპერაციის მართვის მიზნით სტეფანაკერტის მიდამოებში რუსეთის სამშვიდობო ძალების შტაბი განთავსდება.

ბაქოში შეთანხმება ერევნის კაპიტულაციად შეფასდა. პრეზიდენტმა ალიევმა ხაზგასმით აღნიშნა, რომ მიღებული დოკუმენტი აზერბაიჯანისთვის მაქსიმალურად ხელსაყრელია.

 

44
თემები:
ესკალაცია ყარაბაღში 2020 (134)
რუსეთის ნაღმსაწინააღმდეგო ცენტრის სპეციალისტები

მთიან ყარაბაღში რუსი ოფიცერი ნაღმზე აფეთქდა

11
რუსი სამხედრო მოსამსახურე ბაქოს ჰოსპიტალშია გადაყვანილი, მას შესაბამის სამედიცინო დახმარებას უწევენ

თბილისი, 23 ნოემბერი - Sputnik. მთიან ყარაბაღში ნაღმის აფეთქების შედეგად აზერბაიჯანელი სამხედრო დაიღუპა, სამშვიდობო ძალების რუსული კონტინგენტის ოფიცერი და ყარაბაღის საგანგებო სიტუაციების სამინისტროს ოთხი თანამშრომელი დაჭრილია, იუწყება РИА Новости რუსეთის თავდაცვის სამინისტროზე დაყრდნობით.

როგორც სამინისტროში იტყობინებიან, 23 ნოემბერს დაღუპული სამხედრო მოსამსახურეების ცხედრების გაცვლის ერთობლივი ჯგუფი რუსი სამშვიდობოების, აზერბაიჯანის შეიარაღებული ძალების, მთიანი ყარაბაღის საგანგებო სიტუაციების სამინისტროს, ასევე, წითელი ჯვრის საერთაშორისო კომიტეტის წარმომადგენლების შემადგენლობით ტერტერის რაიონში დაღუპულთა სამძებრო სამუშაოებს აწარმოებდა.

„მადაგიზის დასახლებული პუნქტის რაიონში სამუშაოების წარმოებისას ნაღმი აფეთქდა. შედეგად სამშვიდობო ძალების რუსული კონტინგენტის ოფიცერი დაიჭრა. აზერბაიჯანის რესპუბლიკის შეიარაღებული ძალების ერთი ოფიცერი დაიღუპა. მთიანი ყარაბაღის საგანგებო სიტუაციების სამინისტროს კიდევ ოთხი თანამშრომელი დაიჭრა. რუსი სამხედრო მოსამსახურე ბაქოს ჰოსპიტალშია გადაყვანილი, სადაც მას აუცილებელ სამედიცინო დახმარებას აღმოუჩენენ. მის სიცოცხლეს საფრთხე არ ემუქრება“, - ნათქვამია განცხადებაში.

აქვე აღნიშნულია, რომ ერთობლივი ჯგუფები, რომლებიც კონფლიქტში დაღუპულთა ცხედრების მოსაძებნად და გადასაცემად რუსეთის სამშვიდობო ძალების სარდლობის ინიციატივით შეიქმნა, კვირაზე მეტია ეფექტურად მუშაობენ. ყველა ნაპოვნი ცხედარი მხარეებს დასამარხად გადაეცემა.

11
თემები:
ესკალაცია ყარაბაღში 2020 (134)
თურქეთის დროშა

თურქეთმა აზერბაიჯანში სამხედრო მოსამსახურეთა გაგზავნის მიზანი დაადასტურა

67
(განახლებულია 11:44 23.11.2020)
ანკარამ და მოსკოვმა ხელი მოაწერეს მემორანდუმს, რომელიც ყარაბაღში ცეცხლის შეწყვეტის რეჟიმის კონტროლის ცენტრის შექმნას ითვალისწინებს, ისინი „ერთობლივ სამშვიდობო მისიაში“ მიიღებენ მონაწილეობას

თბილისი, 22 ნოემბერი — Sputnik. თურქეთმა განაცხადა, რომ თავის სამხედროებს აზერბაიჯანში ერთი წლით აგზავნის და ისინი ყარაბაღში ცეცხლის შეწყვეტის რეჟიმის რუსეთის ფედერაციასთან ერთობლივ კონტროლის ცენტრში იმოქმედებენ, იუწყება РИА Новости.

ადრე თურქეთის თავდაცვის მინისტრმა ჰულუსი აკარმა განაცხადა, რომ სახმელეთო ჯარებმა აზერბაიჯანში გადასროლისთვის მომზადება უკვე დაასრულეს.

„ჩვენი სამხედროები რუსეთის ფედერაციასთან ერთობლივ ცენტრში (მთიანი ყარაბაღის საკითხზე) ერთი წლის განმავლობაში იმუშავებენ“, - იუწყება თურქეთის თავდაცვის სამინისტრო.

11 ნოემბერს პრეზიდენტმა ერდოღანმა განაცხადა, რომ ანკარამ და მოსკოვმა ხელი მოაწერეს მემორანდუმს, რომელიც ყარაბაღში ცეცხლის შეწყვეტის რეჟიმის კონტროლის ცენტრის შექმნას ითვალისწინებდა, და რომ ისინი მონაწილეობას მიიღებენ „ერთობლივ სამშვიდობო მისიაში“. ამ განცხადებამდე ცოტა ხნით ადრე კი რუსეთის პრეზიდენტის პრეს-მდივანი დმიტრი პესკოვი განმარტავდა, რომ მოსკოვი და ანკარა ყარაბაღის საკითხზე მონიტორინგის ცენტრის მეშვეობით ითანამშრომლებდნენ, რომელიც აზერბაიჯანის ტერიტორიაზე განთავსდება, ხოლო „ერთობლივ სამშვიდობო ძალებზე საუბარი არ ყოფილა“.

ყარაბაღი: რუსმა სამშვიდობოებმა ლაჩინის დერეფანი განაღმეს >>

აზერბაიჯანის, სომხეთისა და რუსეთის ლიდერებმა — ილჰამ ალიევმა, ნიკოლ ფაშინიანმა და ვლადიმირ პუტინმა 9 ნოემბერს ხელი მოაწერეს განცხადებას მთიან ყარაბაღში 10 ნოემბრიდან ცეცხლისა და საომარი მოქმედებების შეწყვეტის შესახებ. ამ დროისათვის ყარაბაღში რუსი სამშვიდობოები შედიან, აზერბაიჯანი და სომხეთი დაკავებულ პოზიციებზე რჩებიან და ამასთან მიმდინარეობს ტყვეთა გაცვლა. ნოემბერ–დეკემბერში სომხეთმა აზერბაიჯანს უნდა გადასცეს მთიანი ყარაბაღის ტერიტორიების დიდი ნაწილი.

67
თემები:
ესკალაცია ყარაბაღში 2020 (134)
ადამიანის სილუეტი

2021 წლის ჰოროსკოპი: ლომი ფინანსები, სიყვარული, ჯანმრთელობა

0
(განახლებულია 11:08 23.11.2020)
როგორი იქნება 2021 წელი ლომებისთვის, რას მოუტანს ის ამ ნიშნით დაბადებულ ქალებსა და მამაკაცებს ცხოვრების სხვადასხვა სფეროში – გაეცანით ჩვენს ჰოროსკოპს

2021 – ხარის წელიწადი არაპროგნოზირებადი იქნება, მაგრამ ლომებს ამით ვერ შეაშინებ. ასტროლოგები ზოდიაქოს ამ ნიშნის წარმომადგენლებს აფრთხილებენ, რომ ახალ წელიწადში ახალი არაკეთილმოსურნეების გამოჩენის დიდი ალბათობაა. ლომებს მხოლოდ საკუთარი თავის იმედი უნდა გქონდეთ. ექსპერტები ასევე აღნიშნავენ, რომ ლომებისთვის ყველაზე რთული დაბნელებების, მანამდე სამი და შემდგომი სამი დღის პერიოდები იქნება.

ლომი - კაშკაშა, ამბიციური, ძალაუფლებისმოყვარე, ძლიერი - ზოგადი დახასიათება>>

ლომი მამაკაცი

2021 წელი ლომ მამაკაცებს გპირდებათ როგორც მრავალ ახალ შესაძლებლობას, ისე ბევრ დაბრკოლებას. მოსალოდნელია, რომ ხანდახან წყვდიადში იმედის სხივმა გამოანათოს ან პირიქით, საკმაოდ წარმატებულ და პერსპექტიულ პერიოდში ეჭვებმა შეგიპყროთ. აუცილებელია საკუთარი შესაძლებლობების ფხიზელი თვალით შეფასება.

ფინანსები და სამუშაო: ასტროლოგები წლის დასაწყისში და შემოდგომაზე გარისკვას არ გირჩევენ. თუნდაც შესანიშნავი პრიობები შეიქმნას იმისთვის, რომ სამუშაო შეიცვალოთ ან ახალი ბიზნესი წამოიწყოთ, სჯობს, დაელოდოთ. გაზაფხულსა და ზაფხულში კი პირიქით, შეიძლება მაქსიმალური აქტიურობა – ერთი შეხედვით „ჩავარდნილი“ საქმეებიც კი შეიძლება წარმატებით დაგვირგვინდეს.

სიყვარული და ურთიერთობები: მთლიანობაში, ლომი მამაკაცებისთვის სიყვარულის სფეროში ყველაფერი სტაბილურად იქნება. ვისაც ჰყავს პარტნიორი, არ ღირს მისი უყურადღებოდ დატოვება. 2021 წელი იდეალურად მიესადაგება საყვარელ ადამიანთან სულიერი კავშირის გამტკიცებას. კარგია ერთად მოგზაურობაში წასვლა და ერთობლივი საქმიანობა.

განწყობა და ჯანმრთელობა: ლომები ძალებითა და ენერგიით აღსავსე იქნებით, თქვენი გზიდან გადაცდენა ხარის წელიწადში ძალზე რთული იქნება, ვერავინ და ვერაფერი გაიძულებთ, რომ თავი სუსტად და უმწეოდ იგრძნოთ. ძალების აღდგენას უმალვე მოახერხებთ, თუ სწორად და დროულად დაისვენებთ. სჯობს, გადაღლას მოერიდოთ.

ქოლერიკი, ფლეგმატიკი თუ... გაარკვიეთ თქვენი ტემპერამენტი ზოდიაქოს ნიშნის მიხედვით>>

ლომი ქალი

ქალ ლომებს ფორტუნა გაგიღიმებთ, მაგრამ ეს არ ნიშნავს, რომ მთელი წლის განმავლობაში უნდა მოდუნდეთ და დინებას მიჰყვეთ. პირიქით, სადავეები ხელში უნდა აიღოთ. ასტროლოგები გირჩევენ, რომ მეტი ინიციტივა გამოიჩინოთ. ხარის წელიწადში საჭიროა მოქმედება და ასევე, თქვენი ძლიერი ხასიათის პრაქტიკაში გამოყენება.

ფინანსები და სამუშაო: სჯობს, სამსახურებრივ რომანებს მოერიდოთ, რადგან ის სამუშაო პროცესზე ყურადღების კონცენტრირებაში ხელს შეგიშლით. ექსპერტები გირჩევენ, ჯანსაღად შეაფასოთ საკუთარი შესაძლებლობები და არ გარისკოთ. 2021 წელს მიზანი საშუალებებს არ ამართლებს. ზედმეტი აქტიურობა დასაბუთებული და მიზანშეწონილი უნდა იყოს. შოპინგისას სიფრთხილე გმართებთ.

სიყვარული და ურთიერთობები: არ არის გამორიცხული, რომ ხანგრძლივი ურთიერთობებისთვის ახალი ძალების მიცემა შეძლოთ. ეს იქნება შთაგონების, კაშკაშა ემოციებისა და ურთიერთობების ახალ დონეზე გადაყვანის პერიოდი. მარტოხელებმა ყურადღება, სჯობს, სამუშაოზე და საქმეებზე გაამახვილოთ.

განწყობა და ჯანმრთელობა: შესანიშნავი საშუალება იმისთვის, რომ განწყობა აიმაღლოთ, სწავლა, ახალი ცოდნის მიღება და ახალი უნარების გამომუშავებაა. ვარსკვლავები მნიშვნელოვნად შეგიწყობენ ხელს ახალ წამოწყებებში, ასევე დაგემარებიან მავნე ჩვევებისგან გათავისუფლებაში.

გაეცანით ასევე 2021 წლის ჰოროსკოპს ვერძებისკუროების, ტყუპებისა და კირჩხიბებისთვის.

0