გიორგი გახარია

გიორგი გახარია ალიევსა და ფაშინიანს ტელეფონით ესაუბრა

94
პრემიერ-მინისტრმა იმედი გამოთქვა, რომ აზერბაიჯანსა და სომხეთს შორის ცეცხლის შეწყვეტის შეთანხმების განხორციელების პროცესში პოზიტიური დინამიკა შენარჩუნდება

თბილისი, 10 ნოემბერი – Sputnik. „ყარაბაღის კონფლიქტის“ დარეგულირება ხელს შეუწყობს სამხრეთ კავკასიის რეგიონში მშვიდობისა და სტაბილურობის დამყარებას, განაცხადა საქართველოს პრემიერ-მინისტრმა გიორგი გახარიამ სამხრეთ კავკასიის ქვყნების მეთაურებთან საუბრისას.

გუშინ აზერბაიჯანის, სომხეთისა და რუსეთის სახელმწიფო მეთაურებმა ხელი მოაწერეს განცხადებას მთიან ყარაბაღში 10 ნოემბრიდან ცეცხლისა და საომარი მოქმედებების შეწყვეტის შესახებ. განცხადების თანახმად, ყარაბაღში რუსი სამშვიდობოები განთავსდებიან, ხოლო აზერბაიჯანი და სომხეთი დაკავებულ პოზიციებზე დარჩებიან და ამასთან ტყვეთა გაცვლას დაიწყებენ.

საქართველოს მთავრობის ადმინისტრაციის პრესსამსახურის ინფორმაციით, სამშაბათს შედგა გახარიას სატელეფონო საუბარი აზერბაიჯანის პრეზიდენტ ილჰამ ალიევსა და სომხეთის პრემიერ-მინისტრ ნიკოლ ფაშინიანს შორის.

საუბრისას მხარეებმა ხაზი გაუსვეს აზერბაიჯანსა და სომხეთს შორის ცეცხლის სრულმასშტაბიანი შეწყვეტის თაობაზე მიღწეული შეთანხმების მნიშვნელობას და გამოთქვეს იმედი, რომ მისი რეალიზაციის პროცესში დადებითი დინამიკა შენარჩუნდება.

გახარიამ გამოთქვა იმედი, რომ სამშვიდობო პროცესის დაწყება ხელს შეუწყობს სამხრეთ კავკასიის რეგიონში მშვიდობისა და სტაბილურობის დამყარებას.

გარდა ამისა, განიხილებოდა დაპირისპირებულ მხარეებს შორის შემდგომი დიალოგის პერსპექტივები.

მთიან ყარაბაღში საომარი მოქმედებები 27 სექტემბერს დაიწყო, რაშიც ერევანი და ბაქო ერთმანეთს სდებენ ბრალს. მხარეებმა საერთაშორისო შუამავლების მეშვეობით რამდენჯერმე მოილაპარაკეს ცეცხლის შეწყვეტაზე, მაგრამ ბრძოლები ამ დრომდე გრძელდებოდა.

მთიან ყარაბაღში კონფლიქტი 1988 წელს დაიწყო, როდესაც ავტონომიის მოსახლეობის სომხურმა ნაწილმა საბჭოთა აზერბაიჯანის შემადგენლობიდან საბჭოთა სომხეთის შემადგენლობაში გადასვლა მოისურვა. კონფლიქტი 1990-იანი წლების დასაწყისში სრულმასშტაბიან ომში გადაიზარდა. 1992–1994 წლებში ბაქომ მთიან ყარაბაღზე და მიმდებარე შვიდ რაიონზე კონტროლი დაკარგა.

აზერბაიჯანი თავის ტერიტორიული მთლიანობის შენარჩუნებას მოითხოვს. სომხეთი არაღიარებული რესპუბლიკის ინტერესებს იცავს.

94
თემები:
ესკალაცია ყარაბაღში 2020 (138)
სომხეთის პრემიერ-მინისტრი ნიკოლ ფაშინიანი და რუსეთის მთავრობის მეთაური მიხაილ მიშუსტინი

რუსეთისა და სომხეთის პრემიერ-მინისტრებს შორის სატელეფონო საუბარი შედგა

8
(განახლებულია 22:28 30.11.2020)
ევრაზიის მთავრობათაშორისი საბჭოს სხდომა, რომელიც 4 დეკემბერს მოსკოვში უნდა გამართულიყო, შესაძლოა ონლაინრეჟიმში ჩატარდეს

თბილისი, 30 ნოემბერი - Sputnik. ორშაბათს სომხეთის პრემიერ-მინისტრ ნიკოლ ფაშინიანსა და რუსეთის მთავრობის მეთაურ მიხაილ მიშუსტინს შორის სატელეფონო საუბარი გაიმართა, იუწყება Sputnik-სომხეთი სომხეთის მინისტრთა კაბინეტის პრესსამსახურზე დაყრდნობით.

მხარეებმა სომხურ–რუსული სამოკავშირეო ურთიერთობების საკითხები განიხილეს.

მიხაილ მიშუსტინმა აღნიშნა, რომ, ეპიდემიოლოგიური ვითარებიდან გამომდინარე, ევრაზიის ეკონომიკურ კომისიას ევრაზიის მთავრობათაშორისი საბჭოს სხდომის ონლაინრეჟიმში ჩატარების თხოვნით მიმართა.

სხდომა მოსკოვში 4 დეკემბერს უნდა გამართულიყო.

8
რუსი სამშვიდობოები სტეპანაკერტში

რუსმა სამშვიდობოებმა სტეფანაკერტში საველე ჰოსპიტალი გაშალეს

14
(განახლებულია 18:21 30.11.2020)
რუსი სამშვიდობოები მთიან ყარაბაღში 10 ნოემბრის სამმხრივი ხელშეკრულების ფარგლებში შედიან, რომელსაც ხელი რუსეთის, აზერბაიჯანისა და სომხეთის ლიდერებმა მოაწერეს.

თბილისი, 30 ნოემბერი — Sputnik. რუსეთის თავდაცვის სამინისტრომ მთიან ყარაბაღში საველე ჰოსპიტალი გაშალა, იუწყება სააგენტო РИА Новости.

„დასრულებულია პნევმოკარკასული მოდულების განთავსება. პირველ რიგში სამშვიდობო კონტინგენტის სამედიცინო მომსახურებაზე ვართ ორიენტირებული. ასევე მზად ვართ დახმარება აღმოვუჩინოთ მშვიდობიან მოსახლეობასაც და საკუთარ ფონდებზე 40-მდე ადამიანი განვათავსოთ“, — განუცხადა ჟურნალისტებს სამედიცინო რაზმის ხელმძღვანელმა იაროსლავ ივანოვმა.

მისი თქმით, ჰოსპიტალი აღჭურვილია სარეანიმაციო, ფუნქციონალური დიაგნოსტიკის, ლაბორატორიული დიაგნოსტიკის, საოპერაციო განყოფილებებითა და ასევე სტომატოლოგიური და ოფთალმოლოგიური კაბინეტებით. ადგილზე არის ფილტვების ხელოვნური ვენტილაციის, ულტრაბგერითი კვლევისა და რენტგენის აპარატებიც.

რუსი სამშვიდობოები მთიან ყარაბაღში 10 ნოემბრის სამმხრივი ხელშეკრულების ფარგლებში შედიან, რომელსაც ხელი რუსეთის, აზერბაიჯანისა და სომხეთის ლიდერებმა — ვლადიმირ პუტინმა, ილჰამ ალიევმა და ნიკოლ ფაშინიანმა მოაწერეს. შეთანხმება ცეცხლის სრულ შეწყვეტასა და ტყვეებისა და დაღუპულთა ცხედრების გაცვლას ითვალისწინებს. ამასთან სომხეთი აზერბაიჯანს ქელბაჯარის, ლაჩინისა და აღდამის რაიონებს უბრუნებს.

ბაქოში შეთანხმება ერევნის კაპიტულაციად შეაფასეს. პრეზიდენტმა ალიევმა აღნიშნა, რომ დოკუმენტი მაქსიმალურად ხელსაყრელია აზერბაიჯანისთვის.

სომხეთის პრემიერ-მინისტრმა ნიკოლ ფაშინიანმა კი აღიარა, რომ დოკუმენტი მისთვის მძიმედ მისაღები იყო, თუმცა ამან შესაძლებლობა მისცა ქვეყანას, შეენარჩუნებინა ყარაბაღის ტერიტორია, რასაც წინააღმდეგ შემთხვევაში მთლიანად დაკარგავდა. ამას ერევანში საპროტესტო აქციები მოჰყვა პრემიერ-მინისტრის გადადგომის მოთხოვნით.

 

14
თემები:
ესკალაცია ყარაბაღში 2020 (138)
ტყე

დეკემბრის ასტროლოგიური პროგნოზი ზოდიაქოს ნიშნებისთვის

0
(განახლებულია 11:55 30.11.2020)
სტრესული და დრამატული ვითარებებისგან თავისუფალი თვე გველოდება. მისი მთავარი მახასიათებელი მონოტონურობა იქნება. წინასაახალწლო განწყობა კი, შესაძლოა, რამდენადმე ბანალური იყოს და არ ეტყობოდეს ის საყოველთაო მხიარულება, რაც ზოგადად ამ პერიოდს ახასიათებს

ორი სიტყვით რომ ვთქვათ, ზამთარი ემოციური სიცივისა და ამაღლებული მერკანტილიზმის პირობებში დაიწყება.

რაც შეეხება ცალკეულ სტიქიებს, მიწის სტიქიის წარმომადგენლებს – თხის რქებს, ქალწულებსა და კუროებს ვენერა გაუწევს მფარველობას. მათთვის უსიამოვნებები პიროვნულ ურთიერთობებში მოსალოდნელი არ არის.

წყლის სტიქიის წარმომადგენლებს – კირჩხიბებს, მორიელებსა და თევზებს სატურნი გაუწევს მფარველობას და ყველაფერს გააკეთებს იმისთვის, რომ მაქსიმალურად ეფექტურად გამოიყენონ ბუნებით ბოძებული ინტუიცია.

ცეცხლის სტიქიის ნიშნებს – ლომებს, ქალწულებსა და ვერძებს ძალიან აქტიურად არა, მაგრამ მაინც დაეხმარება მზე. ზამთრის დასაწყისში ნაკლებად სავარაუდოა იმუნიტეტის დაქვეითებასთან და ავადმყოფობასთან დაკავშირებული პრობლემები.

რაც შეეხება ჰაერის ნიშნებს – ტყუპებს, სასწორებსა და მერწყულებს, დეკემბერში მათი მხარდამჭერი მთვარე იქნება. მათი ინტუიცია კიდევ უფრო გამძაფრდება, რაც საუკეთესო დამხმარე იქნება საქმიანობაში.

2021 წლის ჰოროსკოპი: ფინანსები, სიყვარული, ჯანმრთელობა – ვერძი>>

ვერძი

ვერძებს რამდენადმე ქაოტური თვე გელოდებათ. სხვადასხვა სურვილს შორის „გაიხლიჩებით“: მოგზაურობა, სამუშაოს შეცვლა, საკუთარი ბიზნესის წამოწყება, დაქორწინება... ერთი უკიდურესობიდან მეორეში შეიძლება გადავარდეთ, ამიტომ გონივრული მოქმედებებია საჭირო. დეკემბერი სურვილების განხორციელებისთვის ძალზე ხელსაყრელი თვეა, მაგრამ სანამ ნაბიჯს გადადგამთ, კარგად უნდა დაფიქრდეთ.

ვარსკვლავები გირჩევენ, წელიწადი ვალებისა და შეუსრულებელი დაპირებების გარეშე დაასრულოთ, ნუ გაიყოლებთ „კუდებს“ მომავალი წლისთვის. ურთიერთობებში არ გამოავლინოთ აგრესია, მოერიდეთ კონფლიქტებს ახლობლებთან. წინასაახალწლოდ სასიამოვნო სიურბრიზები გელოდებათ. ფინანსური თვალსაზრისით მომგებიანი თვის ბოლო კვირა იქნება.

კურო

კუროებისთვის ძალზე სასიამოვნო დრო დგება. შეძლებთ მიმდინარე პროექტების წარმატებით დასრულებას, მომგებიანი კონტრაქტების გაფორმებას. ფორტუნა თქვენ გვერდით იდგება ყველა სფეროში – სიყვარულში, საქმიანობაში, ოჯახურ საქმეებში. მიუხედავად იმისა, რომ ყველაფერს იოლად გაუმკლავდებით, ვარსკვლავები გირჩევენ, არ მოდუნდეთ, რადგან მიმდინარე მოვლენებზე პასუხისგებლობის აღება საკუთარ თავზე მოგიწევთ.

მარტოხელებისთვის ამ თვეში სიყვარულის პოვნის პერსპექტივა არ ჩანს. ჯანმრთელობას რაც შეეხება, დეკემბერში მას მეტი ყურადღება უნდა მიაქციოთ. იმუნიტეტი დაქვეითებული გექნებათ, ასევე პრობლემები შეიძლება იყოს ემოციური თვალსაზრისით. ასტროლოგები გირჩევენ, უარყოფით ვითარებებს შეძლებისდაგვარად არ მიაქციოთ ყურადღება. წაგადგებათ რეგულარული ფიზიკური ვარჯიში. ფინანსების მხრივ წარმატებული თვის ბოლო დეკადა იქნება.

2021 წლის ჰოროსკოპი: ფინანსები, სიყვარული, ჯანმრთელობა – კურო>>

ტყუპი

მთლიანობაში სტაბილური თვე გელოდებათ, თუმცა გარკვეული ემოციური დაძაბულობები მაინც იქნება. მოგიწევთ ამტანობისა და სტრესისადმი მდგრადობის გამოჩენა. პრობლემებია მოსალოდნელი სამსახურშიც. მაგრამ ასტროლოგები როგორც ამბობენ, ამ ყველაფერს შესანიშნავად გაუმკლავდებით, თუ სიმშვიდეს შეინარჩუნებთ და ნებისმიერ წვრილმანზე არ მოიშლით ნერვებს.

სიყვარულსა და ურთიერთობებში კარგი იქნება, თუ ჩხუბსა და აყალმაყალს მოერიდებით. სამუშაოზე თვის შუა პერიოდში ინტრიგები და ჭორებია მოსალოდნელი, მაგრამ წლის ბოლოს ყველაფრის გარკვევასა და გამოსწორებას შეძლებთ. არ არის გამორიცხული დაუგეგმავი ხარჯები და ზოგადად, არასტაბილური ფინანსური მდგომარეობა. თქვენი ფიზიკური მდგომარეობა დეკემბერში სტაბილური იქნება. ყურადღება გმართებთ ემოციური ფონისადმი – უნდა შეივსოთ პოზიტიური ენერგიით. ამაში ახლობელი ადამიანები დაგეხმარებიან.

2021 წლის ჰოროსკოპი: ფინანსები, სიყვარული, ჯანმრთელობა – ტყუპი>>

კირჩხიბი

კირჩხიბებმა წლის ბოლოს სამსახურთან დაკავშირებით ნაჩქარევი გადაწყვეტილებები არ უნდა მიიღოთ. სანამ კონტრაქტს დადებთ ან საკუთარ ბიზნესს დაიწყებთ, გაიარეთ კონსულტაცია იურისტთან. ვარსკვლავები გირჩევენ, შეწყვიტოთ ყველასა და ყველაფერში ეჭვის შეტანა, დატკბეთ იმით, რაც გაქვთ.

თვის პირველ ნახევარში სიყვარულის სფეროში მრავალი სასიამოვნო რამ გელოდებათ: საჩუქრები, სიყვარულში გამოტყდომა, რომანტიკული ნაცნობობა. მარტოხელებს ექსპერტები აფრთხილებენ, რომ ხანგრძლივ და სტაბილურ ურთიერთობებზე იმედების დამყარება ჯერ ადრეა, ხანმოკლე მსუბუქი ფლირტი კი მრავალი დადებითი ემოციით აგავსებთ. ჯანმრთელობის მხრივ სიფრთხილე გმართებთ დეკემბრის მეორე ნახევარში. რაც შეეხება საქმიანობასა და ფინანსებს, აქ ასტროლოგები გირჩევენ, მნიშვნელოვან საქმეებს თვის მეორე ნახევარში შეუდგეთ.

2021 წლის ჰოროსკოპი: კირჩხიბი – ფინანსები, სიყვარული, ჯანმრთელობა>>

ლომი

დეკემბერში გექნებათ შეგრძნება, რომ ომის ველზე იმყოფებით და თითქოს მთელი სამყარო თქვენ წინააღმდეგ ამხედრდა. ამის გამო დიდი აქტიურობა თვის პირველ ნახევარში ძალების გამოფიტვამდე მიგიყვანთ. ასტროლოგები გირჩევენ, მიუხედავად ყველაფრისა, ოპტიმიზმი შეინარჩუნოთ. სამუშაოს გამო დეკემბერში ბევრი საზრუნავი გექნებათ, მაგრამ პირად ცხოვრებაში უსიამოვნო სიურპრიზები არ გელოდებათ.

მთელი თვე რომანტიკული განწყობით იქნებით განმსჭვალული, ცოლიან ლომებს ვარსკვლავები გირჩევენ, არ მოიტყუოთ და გარეთ რომანი არ გააბათ – ეს ძალიან სარისკოა. ზოგადად, სასიყვარულო ასპარეზზე დიდი წარმატებები გელოდებათ. მიუხედავად რომანტიკული განწყობისა, მუშაობა ბევრი მოგიწევთ. თვის ბოლოს ფინანსური პრობლემები შეიძლება გამწვავდეს. იფრთხილეთ ამ კუთხით – მოსალოდნელია ფინანსური დანაკარგები.

2021 წლის ჰოროსკოპი: ლომი – ფინანსები, სიყვარული, ჯანმრთელობა>>

ქალწული

ქალწულებს თვის პირველი ნახევარი რამდენადმე დაძაბული გექნებათ, მოსალოდნელია ჯანმრთელობის მხრივ პრობლემები და მეტოქეებისა და მოშურნეების ფარული ინტრიგები. მაგრამ დეკემბრის ბოლოს უკვე ბედი გაგიღიმებთ, დადგება მშვიდი პერიოდი. გაგიტაცებთ ყოფითი საკითხები, როგორიცაა, მაგალითად, რემონტის გაკეთება, ბინის გადაწყობა და ა.შ. სანამ „საშინაო რევულუციას“ დაიწყებთ, მოიშორეთ თავიდან ყველაფერი უსარგებლო, გათავისუფლდით ძველმანებისგან. ეს ეხება თქვენს ფიქრებსაც – არ გაიკაროთ ნეგატიური აზრები.

სიყვარულსა და ურთიერთობებში ყველაფერი კარგად იქნება. მარტოხელებმა, შესაძლოა, დაქორწინებაც გადაწყვიტონ. ჯანმრთელობას კი უნდა მიხედოთ აუცილებლად, ოღონდ თვითმკურნალობის გარეშე – მიაკითხეთ სპეციალისტს. იმუნიტეტის ამაღლებაში ფიზიკური ვარჯიშები დაგეხმარებათ. წარმატებებია მოსალოდნელი სამუშაოზე, თუმცა თვის შუა პერიოდში კონფლიქტებია სავარაუდო, მაგრამ ყველაფერი კარგად დამთავრდება, თუ საქმის გარჩევასა და ურთიერთობების გამორკვევაზე დროს არ დახარჯავთ. თვის მეორე ნახევარში დამატებითი შემოსავალი გელოდებათ.

2021 წლის ჰოროსკოპი: ქალწული – ფინანსები, სიყვარული, ჯანმრთელობა>>

სასწორი

წლის ბოლო თვეში სასწორებს არ გელოდებათ არც განსაკუთრებული წარმატებები და არც განსაკუთრებული ცვლილებები. ამ თვეში, სჯობს, უარი თქვათ შორეულ მგზავრობაზე, ყურადღებით იყოთ ახალ ნაცნობებთან, რათა თაღლითობის მსხვერპლი არ გახდეთ. თვის პირველ ნახევარში მოსალოდნელია საშინაო საქმეებში გარკვეული ორომტრიალი, ფინანსური პრობლემები, მაგრამ, სავარაუდოდ, გაჩნდება შემოსავლების მოულოდნელი წყარო და პრობლემას გაუმკლავდებით.

თვის დასაწყისი კარგი დროა სერიოზული ურთიერთობების დაწყებისთვის. დაოჯახებულებს კი შუა რიცხვებში ოჯახური კონფლიქტი ელოდება. თუ ეგოისტურად და ჯიუტად მოიქცევით, არაა გამორიცხული, რომ კავშირი გაწყდეს. ამიტომ ასტროლოგები გირჩევენ, იყოთ უფრო მოქნილი და ეძებოთ კომპრომისი და გამოსავალი შექმნილი ვითარებიდან. რაც შეეხება სამუშაოს, დეკემბრის ბოლოს ახალი იდეები გაგიჩნდებათ, გაიცნობთ საინტერესო ადამიანებს, ცხოვრება დინამიკურად განვითარდება.

მორიელი

დეკემბერში მორიელებს საზრუნავი ახლობლების ჯანმრთელობის მხრივ გაგიჩნდებათ, რაც ემოციურად და სულიერად დაგღლით. სამუშაოზე, სჯობს, გაღიზიანება არ გამოავლინოთ. წლის ბოლო კვირები ოჯახთან ერთად გაატარეთ, უარი თქვით შორეულ მგზავრობაზე, შეამცირეთ საქმიანი აქტიურობა, წინააღმდეგ შემთხვევაში, არ არის გამორიცხული, რომ ჯანმრთელობის პრობლემები შეგექმნათ. დეკემბრის ბოლოს დაისვენეთ, ხოლო იანვრიდან უკვე ენერგიულად შეუდექით საქმიანობას.

დაოჯახებულ მორიელებს შესაძლოა პრობლემები გაგიჩნდეთ ბავშვებთან ურთიერთობებში, მოგიწევთ ავტორიტეტის მოპოვება. მარტოხელებს გაგიმძაფრდებათ სასიყვარულო და საქმიანი გმირობისადმი მიდრეკილება, მათ შორის, არაა გამორიცხული სარისკო რომანების გაბმა. რაც შეეხება ქალ მორიელებს, მათ შესანიშნავი შანსი აქვთ დაორსულების. რაც შეეხება ჯანმრთელობას, ასტროლოგების რჩევაა, პირველ რიგში ნერვულ სისტემას გაუფრთხილდეთ, ასევე არის ტრავმების მიღების ალბათობა, ხოლო სამუშაოსა და ფინანსების მხრივ ცვლილებები შუა თვეშია მოსალოდნელი ცვლილებები პროფესიული კუთხით დადებითი იქნება, ფინანსების მხრივ გაურკვეველი ვითარება ჩამოყალიბდება, ამიტომ, სჯობს, ხარჯები შეამციროთ.

ეგვიპტური ჰოროსკოპი – დაინახეთ თქვენი თავი განსხვავებულად>>

მშვილდოსანი

ასტროლოგები გირჩევენ, რომ დეკემბერში სიფრთხილე გამოიჩინოთ საქმიანობისა და მგზავრობის დროს. მგზავრობა სჯობს, თვის ბოლოსთვის გადაიტანოთ. ამ პერიოდში არ არის გამორიცხული, რომ სხვისი გავლენის ქვეშ მოექცეთ და რამე სარისკო პროექტში ჩაებათ. შუა რიცხვებში პირად საქმეებში შესაძლოა, წყენა და ბრაზი გაჩნდეს, მაგრამ გეყოფათ საიმისო ძალა, რომ ურთიერთობები მოაგვაროთ. ასევე შუა რიცხვებში ფინანსური პრობლემებია მოსალოდნელი.

ოჯახურ ურთიერთობებში იყავით გულწრფელი, გაატარეთ მეტი დრო საყვარელ ადამიანთან. ბევრ თქვენგანს გარეგნობაში სიახლეების შეტანის სურვილი გაუჩნდება – ეწვიეთ სილამაზის სალონს, განაახლეთ გარდერობი, არ შეუშინდეთ ცვლილებებს. რაც შეეხება სამუშაოს, აქ პრობლემებია მოსალოდნელი, მაგრამ პანიკაზე აყოლა არაფერს გარგებთ, შეხედეთ ყველაფერს ფხიზელი გონებით. ამასთან, თვის შუა რიცხვებში ახალი სამსახურის პერსპექტივა შეიძლება გამოჩნდეს, რომელიც კარგ შემოსავალს გპირდებათ. წლის ბოლო იდეალური დროა რამე ახალი საქმის დასაწყებად.

თხის რქა

დეკემბერში თხის რქებს უამრავი დადებითი და უარყოფითი ემოცია გელოდებათ. საკმაოდ წარმატებული დროა რომანტიკული და სამუშაო კავშირების განვითარებისთვის, მაგრამ, ამავე დროს, დაძაბული სამუშაო გრაფიკი მოდუნებისა და ახალი წლისთვის მომზადების საშუალებას არ მოგცემთ. თვის ბოლოს დიდი ფინანსური ხარჯები გელოდებათ. ამ პერიოდში შეანელეთ სამუშაო ტემპები და მოერიდეთ რთულ პრობლემებს. 20 დეკემბერის შემდეგ თქვენი განწყობა გაუმჯობესდება.

საოჯახო საქმეების მოსაგვარებლად ბევრი დრო დაგჭირდებათ. ვარსკვლავები გირჩევენ, წლის ბოლო დაუთმოთ საკუთარ პიროვნებას, ფასეულობათა გადახედვას, პრიორიტეტების განაწილებასა და მომავლის დაგეგმვას. მარტოხელებს საბედისწერო შეხვედრა გელოდებათ, რომელიც, შესაძლოა, მტკიცე და ხანგრძლივ ურთიერთობაში გადაიზარდოს. ბოლო ხანს გადატვირთული სამუშაო გრაფიკის გამო თქვენი განწყობა ცვალებადი იქნება. აუცილებლად გჭირდებათ დასვენება, სუფთა ჰაერზე სეირნობა და ისეთ ადამიანებთან ურთიერთობები, რომლებიც თქვენში გაღიზიანებას არ იწვევენ. ფინანსური კუთხით გარკვეული პრობლემებია მოსალოდნელი შუა რიცხვებში, მაგრამ ყველაფერი მოგვარდება და წლის ბოლოს „ბედნიერი ბილეთის“ მფლობელი გახდებით.

ბუმერანგის პრინციპი ზოდიაქოს ნიშნებისთვის>>

მერწყული

მერწყულებს დეკემბერში ფულთან დაკავშირებული სირთულეების გადალახვა მოგიწევთ. არ მიიღოთ ნაჩქარევი გადაწყვეტილებები. შემთხვევებს, რომლებიც ცხოვრებას გირთულებთ, ფილოსოფიურად შეხედეთ. არ ღირს ყველაფრის გულთან ახლოს მიტანა. ყურადღება მიაქციეთ ჯანმრთელობას და განწყობას, რათა ირგვლივ მყოფ ადამიანებს პრობლემები არ შეუქმნათ.

პირად ცხოვრებაში საკუთარი შეცდომების გამოსწორება მოგიწევთ. მეტი დრო დაუთმეთ ოჯახის წევრებს, ეცადეთ და ყველაფერი გამოგივათ. მარტოხელებს ძალიან საინტერესო შეხვედრა გელოდებათ. დროთა განმავლობაში მიხვდებით, რომ ეს სწორედ ის ადამიანი, რომელსაც ეძებდით. დეკემბრის მეორე ნახევარს, კარგი იქნება, თუ დასვენებასა და შემოქმედებას მიუძღვნით, ზედმეტად არ გადაიღალოთ. ფინანსების კუთხით დეკემბერში დიდი მოლოდინები გაქვთ, მაგრამ ნაკლებად სავარაუდოა, რომ ეს იმედები ახდეს. თვის შუა რიცხვებში ეცადეთ, არ ჩაებათ ავანტიურაში, როგორი მომგებიანიც არ უნდა გეჩვენებოდეთ ის. მოსალოდნელია დიდი ხარჯები, მაგრამ თვის ბოლოს, თქვენი სიმტკიცისა და ინიციატივების წყალობით, წარმატებას მიაღწევთ და მოგებასაც მიიღებთ.

თევზები

წლის ბოლო თვე თევზებისთვის ზოგიერთი საყოფაცხოვრებო და ფინანსური პრობლემის გადაჭრისთვის საკმაოდ ხელსაყრელი იქნება. ეცადეთ, ამ პერიოდში საკუთარ სურვილებს ხორცი შეასხათ. თუ წლის ბოლომდე ყველა საქმეს გაუმკლავდებით, 2021 წელს თქვენი მდგომარეობა მხოლოდ გაუმჯობესდება. თვის ბოლოს დროს ნუ დაკარგავთ მნიშვნელოვანი საქმეების დაგეგმვასა და რეალიზებაზე, სჯობს, პერიოდი მთლიანად ოჯახს მიუძღვნათ.

მოერიდეთ ჩხუბსა და კამათს ოჯახშიცა და სამუშაოზეც. დაოჯახებულ თევზებს ჰარმონიული ურთიერთობები გელოდებათ საყვარელ ადამიანთან, ხოლო მარტოხელებს წლის მიწურულს – დიდ სიყვარულთან შეხვედრა. ემოციური თვალსაზრისით თვის ბოლოს განწყობის ხშირი ცვლაა მოსალოდნელი, ამიტომ გაუფრთხილდით თავს და ყველაფერზე ნუ ინერვიულებთ. რაც შეეხება სამუშაოს, აქ ასტროლოგები გირჩევენ, ყურადღებით იყოთ კოლეგებთან და საქმიან პარტნიორებთან. მათთან მიმართებით იმპულსური ნაბიჯების გადადგმა არ ღირს. ფინანსური თვალსაზრისით საკმაოდ კარგი თვე გელოდებათ.

0