ნიკოლ ფაშინიანი

„შეჩერებას არმია ითხოვდა“ ფაშინიანმა ყარაბაღზე შეთანხმება განმარტა

101
(განახლებულია 16:56 10.11.2020)
მანამდე ფაშინიანმა „ფეისბუქზე“ დაწერა, რომ მისთვის მთიან ყარაბაღში ბრძოლების შეწყვეტის შეთანხმებაზე ხელის მოწერა ძალიან მძიმე გადაწყვეტილება იყო.

თბილისი, 10 ნოემბერი — Sputnik. ყარაბაღის თაობაზე შეთანხმებას ხელი არმიის რეკომენდაციით მოეწერა, განაცხადა სომხეთის პრემიერ-მინისტრმა ნიკოლ ფაშინიანმა Facebook-ის პირდაპირ ეთერში ჩართვისას.

აღნიშნულის თაობაზე წერს „Sputnik–სომხეთი“. 

„არმია ამბობდა, რომ საჭიროა შეჩერება, იმიტომ რომ არის საკითხები, რომელთა გადაჭრის პერსპექტივები არ არსებობს, ან რესურსები ამოიწურა“, — განმარტა სომხეთის პრემიერ-მინისტრმა.

ფაშინიანის თქმით, შეთანხმების შესახებ უფრო ადრე გამოცხადება არმიის ბრძოლისუნარიანობას დასცემდა.

„სამხედრო რესურსი ყველაფერში ეფექტური არ იყო. წინა ხაზზე მებრძოლებს ჩამნაცვლებლები არ ჰყავდათ. ვინც იბრძვის, დასვენების საშუალება უნდა ჰქონდეს. წინა ხაზზე იყვნენ ადამიანები, რომლების ერთი თვის განმავლობაში არავის შეუცვლია. შედეგად – სომხეთისა და არცახის რესპუბლიკების (ასე უწოდებენ სომხები მთიან ყარაბაღს) ხელმძღვანელობამ მიიღო ომის შეძლებისდაგვარად სწრაფად შეწყვეტის გადაწყვეტილება. წინააღმდეგ შემთხვევაში შედეგები იქნება განუზომლად მძიმე“, — აღნიშნა პრემიერმა.

მანამდე ფაშინიანმა სომხეთის მოსახლეობას ასევე „ფეისბუქის“ საშუალებით მიმართა და დაწერა, რომ მისთვის მთიან ყარაბაღში ბრძოლების შეწყვეტის შეთანხმებაზე ხელის მოწერა ძალიან მძიმე გადაწყვეტილება იყო.

სომხეთის მოსახლეობამ პრემიერ-მინისტრ ნიკოლ ფაშინიანის განცხადებაზე მთიან ყარაბაღში ომის შეწყვეტისა და ტერიტორიის ჩაბარების თაობაზე მყისიერი რეაგირება მოახდინა.

მთავრობის სახლთან შეკრებილი საპროტესტო აქციის მონაწილეები შენობაში შეიჭრნენ, ფაშინიანის კაბინეტი დაარბიეს და სახელმწიფო სიმბოლიკა გაიტაცეს. ამის შემდეგ ისინი პარლამენტისკენ დაიძრნენ, სადაც ეროვნული კრების სპიკერი არარატ მირზოანი სცემეს. ამ დროისათვის აქციის მონაწილეებს დატოვებული აქვთ პარლამენტის სხდომათა დარბაზი, თუმცა დეპუტატებს ელოდებიან იმ იმედით, რომ ისინი ყარაბაღთან დაკავშირებით მიღებულ გადაწყვეტილებას გააუქმებენ.

მანამდე, 9 ნოემბერს აზერბაიჯანის, სომხეთისა და რუსეთის ლიდერებმა — ილჰამ ალიევმა, ნიკოლ ფაშინიანმა და ვლადიმირ პუტინმა ხელი მოაწერეს განცხადებას მთიან ყარაბაღში 10 ნოემბრიდან ცეცხლისა და საომარი მოქმედებების შეწყვეტის შესახებ. განცხადების თანახმად, ყარაბაღში რუსი სამშვიდობოები განთავსდებიან, აზერბაიჯანი და სომხეთი დაკავებულ პოზიციებზე დარჩებიან და ამასთან ტყვეთა გაცვლას დაიწყებენ.

 

101
თემები:
ესკალაცია ყარაბაღში 2020 (136)
სომხეთის ეროვნული კრება

სომხეთში სამხედრო მდგომარეობის რეჟიმი გახანგრძლივდა

46
სამხედრო მდგომარეობის გაუქმების ვადები უცნობია. რეჟიმის არგაუქმება სომხეთის თავდაცვის სამინისტრომაც მოითხოვა

თბილისი, 26 ნოემბერი — Sputnik. სომხეთში სამხედრო მდგომარეობის რეჟიმი ძალაში რჩება - ქვეყნის პარლამენტმა არ დაუჭირა მხარი ოპოზიციური ფრაქცია „ნათელი სომხეთის“ ინიციატივას, იუწყება Sputnik-სომხეთი.

კანონპროექტი „სამხედრო მდგომარეობის რეჟიმის გაუქმების შესახებ“ ჩავარდა 56 ხმით (მომხრე იყო 36, ხოლო თავი შეიკავა ორმა დეპუტატმა).

ადრე „ნათელმა სომხეთმა“ ეროვნულ კრებას ქვეყანაში შექმნილი სიტუაციიდან გასვლის საგზაო რუკა წარუდგინა. პირველი ნაბიჯი იყო სამხედრო მდგომარეობის გაუქმება, შემდეგ კი პრემიერ-მინისტრ ნიკოლ ფაშინიანის გადადგომა.

სამხედრო მდგომარეობის რეჟიმი 27 სექტემბერს ყარაბაღში საბრძოლო მოქმედებების დაწყებისთანავე ამოქმედდა.

რუსეთის, სომხეთის და აზერბაიჯანის ლიდერებმა - ვლადიმირ პუტინმა, ნიკოლ ფაშინიანმა და ილჰამ ალიევმა 10 ნოემბერს ხელი მოაწერეს ერთობლივ განცხადებას მთიან ყარაბაღში საბრძოლო მოქმედებების შეწყვეტის შესახებ.

ამ დროისათვის ყარაბაღში რუსი სამშვიდობოები შედიან, აზერბაიჯანი და სომხეთი დაკავებულ პოზიციებზე რჩებიან და ამასთან მიმდინარეობს ტყვეთა გაცვლა. ნოემბერ–დეკემბერში სომხეთმა აზერბაიჯანს უნდა გადასცეს მთიანი ყარაბაღის ტერიტორიების დიდი ნაწილი.

46
თემები:
ესკალაცია ყარაბაღში 2020 (136)
აზერბაიჯანის მილი მეჯლისი

უსიამოვნო რეზოლუცია: აზერბაიჯანში საფრანგეთთან ურთიერთობების გადახედვა მოითხოვეს

23
(განახლებულია 17:00 26.11.2020)
მანამდე საფრანგეთის სენატმა მიიღო სარეკომენდაციო ხასიათის რეზოლუცია, რომელიც ოფიციალურ პარიზს მთიანი ყარაბაღის დამოუკიდებლობის აღიარებისკენ მოუწოდებს.

თბილისი, 26 ნოემბერი — Sputnik. აზერბაიჯანის პარლამენტი რესპუბლიკის მთავრობას სთავაზობს, მიმართოს ევროპის უსაფრთხოებისა და თანამშრომლობის ორგანიზაციას თხოვნით, გარიცხოს საფრანგეთი ეუთოს მინსკის ჯგუფის თანათავმჯდომარეების ჯგუფიდან, იუწყება „Sputnik–აზერბაიჯანი“.

მილი–მეჯლისი უკმაყოფილოა საფრანგეთის სენატის რეზოლუციით – „მთიანი ყარაბაღის რესპუბლიკის აღიარების აუცილებლობის შესახებ“.

გარდა საფრანგეთის ეუთოს მინსკის ჯგუფიდან გარიცხვისა, აზერბაიჯანის პარლამენტის მიერ პლენარულ სხდომაზე მიღებული განცხადება მთავრობისგან მოითხოვს საფრანგეთთან პოლიტიკური და ეკონომიკური ურთიერთობების გადახედვასა და შესაბამისი ზომების მიღებას.

„აზერბაიჯანელ ხალხს, რომელიც პრეზიდენტ ილჰამ ალიევის გარშემო მუშტად შეიკვრება, აქვს უნარი, აღკვეთოს სახელმწიფოსა და ხალხის წინააღმდეგ მიმართული ყველა ბინძური ქმედება“, — განაცხადა მილი–მეჯლისის სპიკერმა საჰიბა გაფაროვამ.

აღსანიშნავია, რომ საფრანგეთის სენატის რეზოლუციას, რომელიც მხოლოდ და მხოლოდ სარეკომენდაციო ხასიათისაა, ზედა პალატის 305-მა წევრმა დაუჭირა მხარი, წინააღმდეგი იყო ერთი.

23
თემები:
მსოფლიო დღეს
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 27 ნოემბერს

0
(განახლებულია 18:40 26.11.2020)
გეგმიური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 27 ნოემბერი – Sputnik. სააქციო საზოგადოება „თელასი" იუწყება, რომ 27 ნოემბერს გეგმიური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

დიდუბის რაიონი

11:00 საათიდან 18:00 საათამდე შეზღუდვა შეეხება: კედიას ქუჩის მოსახლეობას.

გლდანის რაიონი

10:00 საათიდან 17:00 საათამდე შეზღუდვა შეეხება: სოფელი გლდანის (ნაწილობრივ), მუხიანის II, IVბ მიკრორაიონების და ალეკო გობრონიძის ქუჩის მოსახლეობას.

12:00 საათიდან 15:00 საათამდე შეზღუდვა შეეხება: გმირი კურსანტების და ქერჩის ქუჩების მოსახლეობას.

სამგორის რაიონი

11:00 საათიდან 16:00 საათამდე შეზღუდვა შეეხება: აეროდრომის დასახლების I ქუჩის მოსახლეობას.

ვაკის რაიონი

11:00 საათიდან 12:00 საათამდე შეზღუდვა შეეხება: ირაკლი აბაშიძის ქუჩის (ნაწილობრივ) მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

0
თემები:
თბილისი დღეს