ილჰამ ალიევი

ალიევი: ახლა ფაშინიანთან მოლაპარაკებები უაზრობად მიმაჩნია

61
(განახლებულია 17:18 06.11.2020)
ილჰამ ალიევს არამართებულად მიაჩნია მოლაპარაკებათა პროცესის წარმოება ორი ქვეყნის საგარეო საქმეთა მინისტრების დონეზე.

თბილისი, 6 ნოემბერი — Sputnik. სომხეთის პრემიერ-მინისტრ ნიკოლ ფაშინიანთან მოლაპარაკებებს აზრი არ აქვს, განაცხადა აზერბაიჯანის პრეზიდენტმა ილჰამ ალიევმა.

„[ფაშინიანთან მოლაპარაკებები] აბსოლუტური უაზრობაა. ბოლო ორი წლის განმავლობაში მე ბევრჯერ შევხვდი მას, თუმცა ყველა ეს შეხვედრა უსარგებლო და უაზრო გამოდგა, გარდა პირველი შეხვედრებისა“, — განაცხადა აზერბაიჯანის ლიდერმა სააგენტო EFE-სთვის მიცემულ ინტერვიუში.

ალიევის თქმით, სომხეთის პრემიერი, როცა ის ქვეყნის სათავეში მოვიდა, აცხადებდა, რომ მზად იყო ყარაბაღის კონფლიქტის გადაჭრაზე სამუშაოდ, მაგრამ შემდეგ „თავისი განცხადებებით ყველაფერი გააკეთა მოლაპარაკებათა პროცესის ჩასაშლელად“. ამის მაგალითად მან ფაშინიანის ის წინადადება მოიყვანა, რომლითაც სომხეთის პრემიერი მოლაპარაკებებში არაღიარებული მთიანი ყარაბაღის რესპუბლიკის წარმომადგენლის ჩართვას მოითხოვდა.

„ამიტომ ახლა მასთან შეხვედრაში ვერანაირ აზრს ვერ ვხედავ“, — ხაზი გაუსვა აზერბაიჯანის პრეზიდენტმა.

გარდა ამისა, ალიევი აცხადებს, რომ მოლაპარაკებათა პროცესის ორი ქვეყნის საგარეო საქმეთა მინისტრების დონეზე წარმოება მართებულად არ მიაჩნია.

სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ.

9 ოქტომბერს მოსკოვში რუსეთის, სომხეთისა და აზერბაიჯანის საგარეო საქმეთა მინისტრები — სერგეი ლავროვი, ზოგრაბ მნაცაკანიანი და ჯეიჰუნ ბაირამოვი შეხვდნენ მთიანი ყარაბაღის თემაზე მოსალაპარაკებლად. მხარეები ცეცხლის ჰუმანიტარულ რეჟიმში შეწყვეტაზე შეთანხმდნენ, რაც ძალაში 10 ოქტომბრის დღის 12 საათზე შევიდა. მიუხედავად ამისა, საომარი მოქმედებები არ შემწყდარა, რაშიც კონფლიქტის მხარეები კვლავ ერთმანეთს ადანაშაულებდნენ. ჰუმანიტარული დაზავების მორიგი მცდელობა მხარეებს 18 ოქტომბრის ღამით ჰქონდათ, თუმცა უკვე რამდენიმე საათის შემდეგ ბაქომაც და ერევანმაც კვლავ გაავრცელეს განცხადებები შეთანხმების დარღვევის შესახებ, რაშიც კვლავ ერთმანეთს დასდეს ბრალი. მესამე და ამ დროისათვის ბოლო, ასევე წარუმატებელი მცდელობა მხარეებს 26 ოქტომბერს ჰქონდათ.

61
თემები:
ესკალაცია ყარაბაღში 2020 (155)
საქართველოს პარლამენტი

საქართველოს და სომხეთის შემოსავლების სამსახურების წარმომადგენლებმა შეხვედრა გამართეს

34
კერძოდ, მხარეებმა განიხილეს „ნინოწმინდას“ განახლებული საბაჟო გამშვები პუნქტის პროექტი, რომელიც 2021 წლის ბოლომდე უნდა დასრულდეს.

თბილისი, 12 ივნისი – Sputnik. ფინანსთა სამინისტროს შემოსავლების სამსახურის და საბაჟო დეპარტამენტის წარმომადგენლებმა და სომხეთის სახელმწიფო შემოსავლების კომიტეტის თავმჯდომარის მოადგილეებმა სამუშაო შეხვედრა გამართეს, ნათქვამია საქართველოს შემოსავლების სამსახურის მიერ გავრცელებულ განცხადებაში.

ქართული მხრიდან შეხვედრას ესწრებოდნენ შემოსავლების სამსახურის უფროსის მოადგილე ვლადიმერ ხუნდაძე და საბაჟო დეპარტამენტის ხელმძღვანელი ზურაბ სიჭინავა, სომხური მხრიდან - შუშანიკ ნერსისიანი და აშოტ მურადიანი.

მხარეებმა შეხვედრაზე განიხილეს კორონავირუსის პანდემიასთან დაკავშირებული საკითხები და პოსტპანდემიურ პერიოდში შემდგომი თანამშრომლობის გაფართოების პერსპექტივები.

2019 წელს ხელი მოეწერა ოქმს - „სატრანსპორტო საშუალებებისა და საქონლის საერთაშორისო გადაადგილების წინასწარი ელექტრონული მონაცემების გაცვლის თაობაზე". შეხვედრის მსვლელობისას მხარეებმა აღნიშნეს, რომ აღნიშნულ საკითხთან დაკავშორებით აქტიურად მიმდინარეობს ტექნიკური ხასიათის სამუშაოები და ოქმით გათვალისწინებული ფორმალობების ამოქმედება უახლოეს მომავალში მოხდება.

„მინდა აღვნიშნო, რომ ბოლო 3 წლის მონაცემებით, ჩვენს ქვეყნებს შორის ტვირთბრუნვამ 2,4 მილიარდ დოლარს გადააჭარბა და გლობალური პანდემიის მიუხედავად ჩვენ შევძელით, როგორც  დადებითი დინამიკის შენარჩუნება, ასევე საერთაშორისო ტვირთების შეუფერხებელი მიწოდება“,- აღნიშნა ზურაბ სიჭინავამ.

მხარეებმა ასევე განიხილეს განახლებული საბაჟო გამშვები პუნქტი „ნინოწმინდას“ პროექტი, რომელიც 2021 წლის ბოლოს დასრულდება.

34
საქართველოს დროშა

საქართველოს შუამავლობით აზერბაიჯანმა სომხეთის 15 დაკავებული მოქალაქე გაათავისუფლა

46
საქართველომ გამოთქვა მზადყოფნა, წვლილი შეიტანოს საერთაშორისო საზოგადოების მცდელობებში, რომელიც რეგიონული თანამშრომლობის განვითარებას ემსახურება.

თბილისი, 12 ივნისი – Sputnik. აზერბაიჯანმა კონფლიქტის დროს დაკავებული სომხეთის 15 მოქალაქე საქართველოს პრემიერ-მინისტრ ირაკლი ღარიბაშვილის აქტიური შუამავლობით და ევროპისა და ევრაზიის საკითხებში აშშ-ის სახელმწიფო მდივნის მოადგილის მოვალეობის შემსრულებლის, ფილიპ რიკერის ჩართულობით გაათავისუფლა, ნათქვამია საქართველოს მთავრობის ვებგვერდზე გავრცელებულ განცხადებაში.

ადმინისტრაციის მონაცემებით, სომხეთის მოქალაქეები სამშობლოში საქართველოს ტერიტორიის გავლით დაბრუნდნენ. გარდა ამისა, განცხადების თანახმად, საქართველოს პრემიერ-მინისტრის დახმარებით სომხურმა მხარემ აზერბაიჯანულ მხარეს დანაღმული ტერიტორიების შესახებ მნიშვნელოვანი მასალები გადასცა.

საქართველოს პრემიერ-მინისტრი პირადად იმყოფებოდა მუდმივ კავშირზე აზერბაიჯანის რესპუბლიკის პრეზიდენტ ილჰამ ალიევსა და სომხეთის მოქმედ პრემიერ-მინისტრ ნიკოლ ფაშინიანთან.

„საქართველოს პრემიერ-მინისტრი მიესალმება მეზობელი სახელმწიფოების ამ გადაწყვეტილებას, რამაც საფუძველი უნდა დაუდოს რეგიონში დაძაბულობის შემცირებას და გრძელვადიან პერსპექტივაში თანამშრომლობის ატმოსფეროს შექმნას“, - ნათქვამია განცხადებაში.

განცხადებაში ასევე აღნიშნულია, რომ საქართველო დიდ მნიშვნელობას ანიჭებს რეგიონში მშვიდობის, სტაბილურობის და თანამშრომლობის ატმოსფეროს შექმნას და მზად არის საკუთარი წვლილი შეიტანოს საერთაშორისო საზოგადოების მცდელობებში, რომელიც რეგიონული თანამშრომლობის განვითარებას ემსახურება.

46

მოულოდნელი ხიფათი: ბაიკერი ცოცხლად დაწვას გადაურჩა - ვიდეო

0
(განახლებულია 23:31 12.06.2021)
ქუჩის სათვალთვალო კამერამ ავტოსაგზაო შემთხვევა დააფიქსირა, რა დროსაც ბაიკერი ცოცხლად დაწვას გადაურჩა. იხილეთ კადრები შემთხვევის ადგილიდან  

ვოლგოგრადის ტრასაზე  საკმაოდ დაბალი სისწრაფით მოძრავმა ბაიკერმა მოულოდნელად კონტროლი დაკარგა, გზაზე მოსრიალდა და გადაყირავდა. ვარდნა აშკარად არ იყო მძიმე და ახალგაზრდა არც დაშავდებოდა, რომ არა მოტოციკლისთვის მოულოდნელად გაჩენილი ცეცხლი, რომელიც მყისიერად გადაედო ბაიკერსაც.

მან ჯერ თავად სცადა ტანსაცმელზე წაკიდებული ცეცხლის ჩაქრობა, მაგრამ არაფერი გამოუვიდა. ბაიკერის საბედნიეროდ, გამვლელებმა მანქანები გააჩერეს და ახალგაზრდა კაცს დახმარება აღმოუჩინეს.   

 

0