მთიან ყარაბაღში დაბომბვის შედეგები

ფაშინიანმა და ალიევმა ყარაბაღში უცხოელი ბოევიკების შესახებ გავრცელებულ ცნობებზე ისაუბრეს

64
სომხეთისა და აზერბაიჯანის ლიდერები განსხვავებულად აფასებენ მთიან ყარაბაღში მხარეების მიერ დამოუკიდებელი სამხედრო მოქმედებების წარმოების შესაძლებლობებს

თბილისი, 15 ოქტომბერი - Sputnik. სომხეთისა და აზერბაიჯანის ლიდერებმა ნიკოლ ფაშინიანმა და ილჰამ ალიევმა საერთაშორისო საინფორმაციო სააგენტოს Россия сегодня-ს მედიაჯგუფის გენერალურ დირექტორს, დიმიტრი კისელიოვს ინტერვიუ მისცეს.

ალიევი ქვეყნებს დიპლომატიური ურთიერთობების შეჩერებით ემუქრება >>

ორი ქვეყნის პრეზიდენტებმა პარალელურ რეჟიმში უპასუხეს Sputnik-ის კითხვებს მთიან ყარაბაღში არსებული ვითარების შესახებ. კითხვას, როგორ აფასებენ ისინი ცნობებს აზერბაიჯანის მხარეს საბრძოლო მოქმედებებში უცხოელი დაქირავებული მებრძოლების მონაწილეობის შესახებ, ალიევმა უპასუხა, რომ ბაქო თავისი ძალებით იბრძვის, ხოლო ფაშინიანმა საპირისპიროს მტკიცებულებების არსებობაზე მიუთითა.

ალიევის პასუხი

„აზერბაიჯანში რაიმე უცხოური სამხედრო მონაწილეობის აუცილებლობა არ არსებობს. ჩვენი არმია ასი ათასზე მეტი ჯარისკაცისგან შედგება და საჭიროების შემთხვევაში, მობილიზაციისას ეს ციფრი შეიძლება რამდენჯერმე გაიზარდოს. დღეს იმ შეიარაღებულ ფორმირებებს, რომლებიც ჩვენ გვყავს, სრულად შესწევთ ძალა ნებისმიერი დასახული ამოცანა შეასრულონ. ამიტომ დამატებითი სამხედრო ძალის აუცილებლობა არ გვაქვს“, - განაცხადა ალიევმა Sputnik-ის პარალელურ ინტერვიუში.

მისი სიტყვებით, აზერბაიჯანი ყოველთვის იყო საერთაშორისო ტერორიზმთან თანმიმდევრული მებრძოლი და არასდროს დაუშვებს, ქვეყნის ტერიტორიაზე დაიბუდონ რომელიღაც ტერორისტულმა ორგანიზაციებმა, მით უმეტეს, საფრთხე შეუქმნან ჩვენს ხალხსა და ჩვენს მეზობლებს.

„არავის არანაირი მტკიცებულებები აზერბაიჯანის ტერიტორიაზე უცხოური შეიარაღებული ფორმირებების არსებობაზე, რომლებიც ამჟამინდელ საბრძოლო შეტაკებებში მონაწილეობენ, არ წარმოუდგენია. ჩვენი ოფიციალური პოზიციაა, რომ არავითარი უცხოელი დაქირავებული მებრძოლები არ გვყავს“, - დასძინა აზერბაიჯანის ლიდერმა.

ფაშინიანის პასუხი

„რასაკვირველია, არსებობს კონკრეტული მტკიცებულებები, რომ სირიელი ბოევიკები და ტერორისტები მონაწილეობენ ომში მთიანი ყარაბაღის წინააღმდეგ და ეს ვიდეომტკიცებულებები უკვე გამოქვეყნებულია სოციალურ ქსელებსა და მასმედიაში. ნათელია, რომ თურქეთი ამ ომის მთავარი სპონსორია. თურქეთმა დაიქირავა და გადმოისროლა ბოევიკები და ტერორისტები კონფლიქტის ზონაში და თურქეთის გადაწყვეტილებითა და პატრონაჟით გადაწყდა ომის დაწყება მთიანი ყარაბაღის წინააღმდეგ“, - განაცხადა ფაშინიანმა Sputnik-ის პარალელური ინტერვიუს მსვლელობისას.

მისი სიტყვებით, აშკარა იყო, რომ აზერბაიჯანის არმია მარტო ვერ შეებრძოლებოდა მთიანი ყარაბაღის თავდაცვის ჯარს, ამიტომ თურქეთმა გადაწყვიტა ტერორისტების ჩართვა. კონფლიქტში თურქეთისა და ბოევიკების მონაწილეობა უკვე მთელ მსოფლიოში დამტკიცებულია, იმიტომ რომ ამაზე მრავალი უცხოური მასმედია წერს, აღნიშნა სომხეთის ლიდერმა.

„ეს მიუთითებს, რომ აღნიშნული ვითარება უკვე აღარ არის მხოლოდ მთიანი ყარაბაღის კონფლიქტზე. ის ლოკალური გაგებით მთიანი ყარაბაღის კონფლიქტის ფარგლებს გასცდა. ეს უკვე სრულმასშტაბიანი რეგიონული კონფლიქტია, რომელიც რეგიონული ქვეყნების კონკრეტულ ინტერესებს ეხება და, ვფიქრობ, ამ ფაქტს დიდი ყურადღებით უნდა მოეკიდონ განსაკუთრებით რუსეთში“, - დასძინა მან.

სიტუაცია მთიან ყარაბაღში

ყარაბაღში ბრძოლები 27 სექტემბერს დაიწყო. აზერბაიჯანი და სომხეთი ერთმანეთს კონფლიქტის გაღვივებაში ადანაშაულებენ, ხოლო ყარაბაღში აცხადებენ არაღიარებული რესპუბლიკის დასახლებული პუნქტების, მათ შორის დედაქალაქ სტეპანაკერტის საარტილერიო დაბომბვების შესახებ. ამჟამად სომხეთში მოქმედებს სამხედრო მდგომარეობა, გამოცხადებულია საყოველთაო მობილიზაცია. ერევანში ამტკიცებენ, რომ ბაქოს აქტიურ მხარდაჭერას ანკარა უწევს. აზერბაიჯანმა ნაწილობრივი მობილიზაცია გამოაცხადა.

რუსეთის, საფრანგეთისა და აშშ-ის ლიდერებმა მოუწოდეს აზერბაიჯანსა და სომხეთს, დაუყოვნებლივ შეწყვიტონ საბრძოლო მოქმედებები მთიან ყარაბაღში და აღადგინონ მოლაპარაკებები. თურქეთმა კი განაცხადა, რომ აზერბაიჯანს ნებისმიერი სახის დახმარებას გაუწევს, რომელიც მას დასჭირდება მთიანი ყარაბაღის კონფლიქტში.

9 ოქტომბერს რუსეთის პრეზიდენტის მიწვევით მოსკოვში ჩავიდნენ სომხეთისა და აზერბაიჯანის საგარეო საქმეთა მინისტრები, რომლებმაც რუს კოლეგასთან ათსაათიანი მოლაპარაკებები გამართეს. შედეგად მხარეები ცეცხლის ჰუმანიტარულ რეჟიმში შეწყვეტაზე შეთანხმდნენ, რაც ძალაში 10 ოქტომბრის დღის 12 საათზე შევიდა. საუბარია ტყვეთა და დაღუპულთა ცხედრების გაცვლაზე, ასევე დაზავების კონკრეტული დეტალების დამატებით დაზუსტებაზე. თუმცა მხარეებმა დაზავების შეთანხმების დარღვევაში ერთმანეთი შაბათსვე დაადანაშაულეს.

მთიანი ყარაბაღის გამო სომხეთსა და აზერბაიჯანს შორის კონფლიქტი 1988 წლის თებერვალში დაიწყო, როდესაც მთიანი ყარაბაღის ავტონომიამ აზერბაიჯანის სსრ-დან გასვლის თაობაზე განაცხადა. 1992-1994 წლებში აზერბაიჯანმა დაკარგა კონტროლი მთიან ყარაბაღზე და მის მიმდებარე შვიდ რაიონზე.

კონფლიქტის მშვიდობიანად მოგვარებისთვის მოლაპარაკებები 1992 წლიდან მიმდინარეობს ეუთოს მინსკის ჯგუფის ფარგლებში, რომელსაც სამი თანათავმჯდომარე ჰყავს – რუსეთი, აშშ და საფრანგეთი. აზერბაიჯანი მოითხოვს ტერიტორიული მთლიანობის აღდგენას, სომხეთი კი არაღიარებული რესპუბლიკის ინტერესებს იცავს, რადგან თავად ყარაბაღი მოლაპარაკებების მხარე არ არის.

64
თემები:
ესკალაცია ყარაბაღში 2020 (90)
სერგეი ლავროვი

მთიან ყარაბაღში კონფრონტაციული რიტორიკა უნდა შეწყდეს: სერგეი ლავროვი

32
(განახლებულია 19:50 19.10.2020)
რუსმა დიპლომატმა ევროსაბჭოს სამდივნოში კოლეგებს მიაწოდა ინფორმაცია იმის თაობაზე, თუ როგორ ხედავს რუსეთი სიტუაციას მთიან ყარაბაღში და რა ნაბიჯებს დგამს ამ მიმართულებით.

თბილისი, 19 ოქტომბერი — Sputnik. რუსეთის საგარეო საქმეთა მინისტრი სერგეი ლავროვი მიუთითებს, რომ აუცილებელია შეწყდეს კონფრონტაციული რიტორიკა და ასევე საომარი მოქმედებები მთიან ყარაბაღში.

რუსმა დიპლომატმა ორშაბათს მოლაპარაკებები გამართა ევროსაბჭოს გენერალურ მდივანთან მარია პეიჩინოვიჩ–ბურიჩთან. როგორც ლავროვმა აღნიშნა, ევროსაბჭოს სამდივნოში კოლეგებს მიაწოდა ინფორმაცია იმის თაობაზე, თუ როგორ ხედავს რუსეთი სიტუაციას მთიან ყარაბაღში და რა ნაბიჯებს დგამს ამ მიმართულებით.

„დარწმუნებული ვართ, რომ ახლა ყველაზე მთავარი, რაც, ალბათ, არ მოითხოვს დიდ ძალისხმევას, არის კონფრონტაციული რიტორიკის დაძაბვის შეწყვეტა როგორც მხარეებს შორის, ისე საერთაშორისო მოთამაშეთა პასუხისმგებლობის ხაზზე. ეს არ მოითხოვს რაიმე დიდ ძალისხმევას“, — აღნიშნა ლავროვმა მოლაპარაკებების შემდეგ გამართულ პრესკონფერენციაზე.

დიპლომატის თქმით, მომდევნო აუცილებელი ნაბიჯი — საომარი მოქმედებებისა და სამოქალაქო ობიექტებზე შეტევების შეწყვეტაა.

ლავროვის განმარტებით, იგივე მოთხოვნას შეიცავს ეუთოს მინსკის ჯგუფის თანათავმჯდომარე ქვეყნების – რუსეთის, აშშ-ისა და საფრანგეთის პრეზიდენტების განცხადებაც, იგივეა ნათქვამი მოსკოვის დოკუმენტშიც, რომელიც 10 ოქტომბერს გაფორმდა აზერბაიჯანისა და სომხეთის ლიდერებს შორის მოსკოვის შუამავლობით, და იმავეს ამტკიცებს 18 ოქტომბერს ბაქოსა და ერევანს შორის შეთანხმებული დოკუმენტიც.

სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს.

მოგვიანებით რუსეთის, საფრანგეთისა და აშშ-ის ლიდერებმა ერთობლივი განცხადება გაავრცელეს მთიან ყარაბაღში შექმნილ სიტუაციასთან დაკავშირებით. ვლადიმირ პუტინმა, დონალდ ტრამპმა და ემანუელ მაკრონმა მოუწოდეს აზერბაიჯანსა და სომხეთს, დაუყოვნებლივ შეწყვიტონ საბრძოლო მოქმედებები მთიან ყარაბაღში და აღადგინონ მოლაპარაკებები. მოწოდებას შეუერთდა გერმანიის კანცლერი ანგელა მერკელიც. თურქეთმა კი განაცხადა, რომ აზერბაიჯანს ნებისმიერი სახის დახმარებას გაუწევს, რომელიც მას დასჭირდება მთიანი ყარაბაღის კონფლიქტში.

აზერბაიჯანი და სომხეთი ერთმანეთს დაზავების დარღვევაში ადანაშაულებენ>>

9 ოქტომბერს მოსკოვში რუსეთის, სომხეთისა და აზერბაიჯანის საგარეო საქმეთა მინისტრები — სერგეი ლავროვი, ზოგრაბ მნაცაკანიანი და ჯეიჰუნ ბაირამოვი შეხვდნენ მთიანი ყარაბაღის თემაზე მოსალაპარაკებლად. დაახლოებით ათსაათიანი მოლაპარაკებების შედეგად მხარეები ცეცხლის ჰუმანიტარულ რეჟიმში შეწყვეტაზე შეთანხმდნენ, რაც ძალაში 10 ოქტომბრის დღის 12 საათზე შევიდა. მიუხედავად ამისა, საომარი მოქმედებები არ შემწყდარა, რაშიც კონფლიქტის მხარეები კვლავ ერთმანეთს ადანაშაულებდნენ. 

ჰუმანიტარული დაზავების მორიგი მცდელობა მხარეებს 18 ოქტომბრის ღამით ჰქონდათ, თუმცა უკვე რამდენიმე საათის შემდეგ ბაქომაც და ერევანმაც კვლავ გაავრცელეს განცხადებები შეთანხმების დარღვევის შესახებ, რაშიც ერთმანეთს სდებენ ბრალს.

 

32
თემები:
რუსეთი დღეს
ტყვიით გახვრეტილი მუზარადი, ყარაბაღი

კონფლიქტი ყარაბაღში: ალიევი და ფაშინიანი ახალ განცხადებებს ავრცელებენ

51
(განახლებულია 13:36 19.10.2020)
ჰუმანიტარული დაზავების მორიგი მცდელობა მხარეებს 18 ოქტომბრის ღამით ჰქონდათ, თუმცა უკვე რამდენიმე საათის შემდეგ ბაქომაც და ერევანმაც კვლავ გაავრცელეს განცხადებები შეთანხმების დარღვევის შესახებ.

თბილისი, 19 ოქტომბერი — Sputnik. აზერბაიჯანისა და სომხეთის ლიდერებმა ილჰამ ალიევმა და ნიკოლ ფაშინიანმა ახალი განცხადებები გააკეთეს ყარაბაღში მიმდინარე მოვლენებთან და რეგიონის სტატუსთან დაკავშირებით.

ილჰამ ალიევმა Twitter-ზე დაწერა, რომ აზრბაიჯანის არმიამ კიდევ რამდენიმე დასახლებული პუნქტის აღება მოახერხა ჯაბრაილის რაიონში, ამასთან ერთად სომხეთის ხელისუფლება მორიგი ჰუმანიტარული ზავის ჩაშლაში დაადანაშაულა.

​თავის მხრივ, სომხეთის პრემიერ-მინისტრმა ნიკოლ ფაშინიანმა ასევე გამოაქვეყნა პოსტი „ფეისბუქში“ და აღნიშნა, რომ ბრძოლები ყარაბაღში მისი სტატუსისთვის მიმდინარეობს.

„პირველი. რისთვის მიმდინარეობს ეს ომი? ყარაბაღის სტატუსი. მეორე. შეიძლებოდა ამ ომის თავიდან აცილება? დიახ, თუ ამ ტერიტორიებს ჩავაბარებდით და ყარაბაღის გაურკვეველ სტატუსს დავთანხმდებოდით გაურკვეველი ვადით — სტატუსის შემდგომი კორექტირების არარსებობის პირობით“, — დაწერა სომხეთის ლიდერმა.

მისი თქმით, ყარაბაღის რაიმე მისაღები სტატუსის მიღწევა შეუძლებელი იყო, რადგან ამის ბოლო შესაძლებლობა 2011 წელს ამოიწურა ყაზანის სამიტზე, როდესაც ბაქო და ერევანი, მოსკოვის მონაწილეობით, ვერ შეთანხმდნენ ყარაბაღში დარეგულირების ძირითად პრინციპებზე.

სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს.

მოგვიანებით რუსეთის, საფრანგეთისა და აშშ-ის ლიდერებმა ერთობლივი განცხადება გაავრცელეს მთიან ყარაბაღში შექმნილ სიტუაციასთან დაკავშირებით. ვლადიმირ პუტინმა, დონალდ ტრამპმა და ემანუელ მაკრონმა მოუწოდეს აზერბაიჯანსა და სომხეთს, დაუყოვნებლივ შეწყვიტონ საბრძოლო მოქმედებები მთიან ყარაბაღში და აღადგინონ მოლაპარაკებები. მოწოდებას შეუერთდა გერმანიის კანცლერი ანგელა მერკელიც. თურქეთმა კი განაცხადა, რომ აზერბაიჯანს ნებისმიერი სახის დახმარებას გაუწევს, რომელიც მას დასჭირდება მთიანი ყარაბაღის კონფლიქტში.

აზერბაიჯანი და სომხეთი ერთმანეთს დაზავების დარღვევაში ადანაშაულებენ>>

9 ოქტომბერს მოსკოვში რუსეთის, სომხეთისა და აზერბაიჯანის საგარეო საქმეთა მინისტრები — სერგეი ლავროვი, ზოგრაბ მნაცაკანიანი და ჯეიჰუნ ბაირამოვი შეხვდნენ მთიანი ყარაბაღის თემაზე მოსალაპარაკებლად. დაახლოებით ათსაათიანი მოლაპარაკებების შედეგად მხარეები ცეცხლის ჰუმანიტარულ რეჟიმში შეწყვეტაზე შეთანხმდნენ, რაც ძალაში 10 ოქტომბრის დღის 12 საათზე შევიდა. მიუხედავად ამისა, საომარი მოქმედებები არ შემწყდარა, რაშიც კონფლიქტის მხარეები კვლავ ერთმანეთს ადანაშაულებდნენ. 

ჰუმანიტარული დაზავების მორიგი მცდელობა მხარეებს 18 ოქტომბრის ღამით ჰქონდათ, თუმცა უკვე რამდენიმე საათის შემდეგ ბაქომაც და ერევანმაც კვლავ გაავრცელეს განცხადებები შეთანხმების დარღვევის შესახებ, რაშიც ერთმანეთს სდებენ ბრალს.

 

51
თემები:
ესკალაცია ყარაბაღში 2020 (90)
ნახევარმთვარე

მთვარის კალენდარი: 20 ოქტომბერი რისი გაკეთება შეიძლება და რისი არა

0
(განახლებულია 09:45 19.10.2020)
მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

  • 20 ოქტომბერი, სამშაბათი. ამ დღეს მარსი მართავს. მზარდი მთვარე მშვილდოსნის ნიშანშია.

ყველაფერი გამოგივათ, თუ შემოქმედებით აქტიურობას გამოიჩენთ და მიზნისკენ ივლით. უნდა დაიცვათ საკუთარი პრინციპები, გამოამჟღავნოთ ემოციები, გრძნობები.

იზრდება აქტიურობა, სიცოცხლის ხალისი. ადამიანებში ჩნდება სტაბილურობისა და წესრიგის თვისებები. განწყობაში სიმშვიდე დომინირებს. ამ დღეს კარგია შეთანხმებების დადება. იღვიძებს საზოგადოებრივი საქმის კეთების ინტერესი. კარგი დღეა სამართლებრივი საკითხების გადაჭრისთვის. შეიძლება ახალი საქმეების დაწყება, შორეულ ადგილებში გამგზავრება. არ ღირს მიწის ყიდვა და მშენებლობის დაწყება.

ამ დღეს კარგად გამოდის ერთობლივი რომანტიკული მოგზაურობა, ან რამე სახის ღონისძიებაზე ერთად დასწრება, ასევე ხელსაყრელი დროა მეგობრული საღამოებისა და ოჯახური წვეულებების მოწყობისთვის.

ასეთ პერიოდში დაწყებული რომანი რომანტიკული, მგზნებარე იქნება, რომელიც მრავალ კმაყოფილებასა და იმედს მოიტანს. მსოფლმხედველობის, ვნების, აზარტისა და ორმხრივი კმაყოფილების თანხვედრა განამტკიცებს ურთიერთობებს, შედეგად დგება მსუბუქი და ოპტიმისტური კავშირი. თუ რომელიმე წყვილში მეორის ცხოვრების მასწავლებელი ან მისი წამოწყებების მფარველი გახდება, ეს ძალიან წაადგება ამ კავშირს. თუმცა, სწრაფად გაჩენილი მგზნებარება შეიძლება ასევე სწრაფად ჩაქრეს.

ასეთ დღეს, ძირითადად, ხანმოკლე, მაგრამ ინტენსიური და კაშკაშა ურთიერთობები იბადება.

რეკომენდებულია ვალის დაბრუნება, დაწყებული საქმეების დამთავრება, სამუშაო ადგილზე ცვლილებები, ახალი ნაბიჯების გადადგმა საქმეების წარმოების მეთოდების მხრივ.

არარეკომენდებულია ფინანსური საქმეების წარმოება, ახალი საქმეების დაწყება.

არცთუ ხელსაყრელი დღეა მგზავრობისთვის.

თმის შეჭრა, შეღებვა: მშვილდოსნის დღე არ მიიჩნევა ხელსაყრელ დროდ თმის შეჭრის ან შეღებვისთვის. მანიკურისთვის ნეიტრალური დღეა.

მებაღეობა: მშვილდოსანი დღე კარგია ხილის დარგვისთვის, ასევე იმ ხეების, რომლებიც მალე უნდა გაიზარდოს. შეიძლება ხილის ხეებისა და ბუჩქების გასხვლა, მავნებლებთან ბრძოლა.

ამ დღეს არ შეიძლება ნიადაგის გაფხვიერება.

0