ილჰამ ალიევი

ალიევი ყარაბაღის კონფლიქტზე: თურქეთი მოლაპარაკებათა მაგიდასთან უნდა იყოს

102
(განახლებულია 21:22 14.10.2020)
ალიევის აზრით, მთიანი ყარაბაღის კონფლიქტის გადაჭრაში ის ქვეყნები უნდა იყვნენ ჩართული, რომლებსაც რეგიონში გასასვლელი აქვთ.

თბილისი, 14 ოქტომბერი ― Sputnik. თურქეთი უკვე მუდმივად არის ჩართული მთიანი ყარაბაღის კონფლიქტის დარეგულირების საკითხში და ის უნდა იჯდეს მოლაპარაკებების მაგიდასთან, განაცხადა აზერბაიჯანის პრეზიდენტმა ილჰამ ალიევმა.

აღნიშნულის შესახებ წერს საინფორმაციო სააგენტო РИА Новости. 

„ეუთოს მინსკის ჯგუფი 1992 წელს შეიქმნა და რა გახდა მისი ამ სახით ჩამოყალიბების მიზეზი, ჩვენ არ ვიცით. ამ ჯგუფში არიან ისეთი ქვეყნები, რომლებსაც არ აქვთ გასასვლელი რეგიონში და არ გააჩნიათ არანაირი გავლენა. თუ ამ კონფლიქტის გადაჭრა გვინდა, მაშინ ჯგუფში ისეთი ქვეყნები უნდა იყვნენ, რომლებსაც რეალური შერიგებისთვის მუშაობა შეუძლიათ. რა თქმა უნდა, ამ როლში ჩვენ ვხედავთ და მივესალმებით თურქეთს“, ― განაცხადა ალიევმა ტელეარხ Haber Turk-თან ინტერვიუში.

მისი თქმით, ბაქოს ესმის, რომ მინსკის ჯგუფის შემადგენლობის ცვლილება გარკვეულ იურიდიულ პროცედურებს ითვალისწინებს, მაგრამ თურქეთის გარეშე კონფლიქტი არ გადაიჭრება. 

„ჩვენ არ გვსურს ამ დეტალებში ჩაღრმავება. ამიტომ ვთქვი: მნიშვნელობა არ აქვს, დე-იურე თუ დე-ფაქტო ― მთავარია, რომ თურქეთი მოლაპარაკებათა მაგიდასთან იჯდეს“, ― დაამატა აზერბაიჯანის პრეზიდენტმა.

ამასთან ალიევმა აღნიშნა, რომ მოსკოვი და ანკარა მუდმივად ეწევიან კონსულტაციებს კონფლიქტის დარეგულირების საკითხში. 

„პრეზიდენტები რეჯეფ თაიიფ ერდოღანი და ვლადიმირ პუტინი არაერთხელ შეხვდნენ მრავალი წლის განმავლობაში, და ეს საკითხი მრავალი წელია თურქეთისა და რუსეთის დღის წესრიგში დგას. ამის შესახებ მე ვიცი როგორც თურქეთის, ისე რუსეთის პრეზიდენტებისგან. თურქეთი ახლა კიდევ უფრო მასშტაბურადაა ჩართული. თურქეთის საგარეო საქმეთა მინისტრი მევლუთ ჩავუშოღლუ ხვდება სერგეი ლავროვს, ჰულის აკარი ხვდება შოიგუს, საუბრობენ ტელეფონით და ვის შეუძლია თქვას, რომ თურქეთი აქ არ არის?! <...> თურქეთი არის და ჩვენ გავაკეთებთ ყველაფერ ჩვენზე დამოკიდებულს, რომ თურქეთი შემდგომშიც იყოს. <...> ეს ყველამ უნდა გაიგოს“, ― ხაზი გაუსვა ალიევმა.

სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს.

მოგვიანებით რუსეთის, საფრანგეთისა და აშშ-ის ლიდერებმა ერთობლივი განცხადება გაავრცელეს მთიან ყარაბაღში შექმნილ სიტუაციასთან დაკავშირებით. ვლადიმირ პუტინმა, დონალდ ტრამპმა და ემანუელ მაკრონმა მოუწოდეს აზერბაიჯანსა და სომხეთს, დაუყოვნებლივ შეწყვიტონ საბრძოლო მოქმედებები მთიან ყარაბაღში და აღადგინონ მოლაპარაკებები. მოწოდებას შეუერთდა გერმანიის კანცლერი ანგელა მერკელიც. თურქეთმა კი განაცხადა, რომ აზერბაიჯანს ნებისმიერი სახის დახმარებას გაუწევს, რომელიც მას დასჭირდება მთიანი ყარაბაღის კონფლიქტში.

9 ოქტომბერს მოსკოვში რუსეთის, სომხეთისა და აზერბაიჯანის საგარეო საქმეთა მინისტრები — სერგეი ლავროვი, ზოგრაბ მნაცაკანიანი და ჯეიჰუნ ბაირამოვი შეხვდნენ მთიანი ყარაბაღის თემაზე მოსალაპარაკებლად. დაახლოებით ათსაათიანი მოლაპარაკებების შედეგად მხარეები ცეცხლის ჰუმანიტარულ რეჟიმში შეწყვეტაზე შეთანხმდნენ, რაც ძალაში 10 ოქტომბრის დღის 12 საათზე შევიდა. მიუხედავად ამისა, საომარი მოქმედებები არ წყდება, რაშიც კონფლიქტის მხარეები კვლავ ერთმანეთს ადანაშაულებენ. 

102
თემები:
ესკალაცია ყარაბაღში 2020 (93)
ილჰამ ალიევი

ალიევმა ყარაბაღში საბრძოლო მოქმედებების შეწყვეტის პირობა დაასახელა

47
(განახლებულია 10:36 24.10.2020)
აზერბაიჯანის ლიდერმა განაცხადა, რომ ნიკოლ ფაშინიანმა სომხეთის პრემიერის პოსტზე მოსვლისთანავე „წამქეზებლური განცხადებებით და სამხედრო პროვოკაციებით მშვიდობიანი პროცესი დაარღვია“.

თბილისი, 24 ოქტომბერი – Sputnik. ბაქო მზად არის შეწყვიტოს საბრძოლო მოქმედებები მთიან ყარაბაღში სომხური მხარის მიერ ცეცხლის შეწყვეტის შემთხვევაში, განაცხადა აზერბაიჯანის პრეზიდენტმა ილჰამ ალიევმა ფრანგული გაზეთ Figaro-სთვის მიცემულ ინტერვიუში.

„ჩვენ მზად ვართ დღესვე შევწყვიტოთ (საბრძოლო მოქმედებები - რედ.). მე უკვე განვაცხადე ამის შესახებ მოსკოვში მოლაპარაკებების დროს 10 ოქტომბერს. საჭიროა მხოლოდ, რომ სომხეთმა შეწყვიტოს ცეცხლი. შემდეგ კი მოქმედებაზე დიპლომატები გადავლენ“, - განაცხადა სახელმწიფოს მეთაურმა.

მან განმარტა, რომ სომხეთმა უნდა აღიაროს კონფლიქტის დარეგულირების პრინციპები, რომლებიც განსაზღვრულია ეუთოს მინსკის ჯგუფის თანათავმჯდომარეების - რუსეთის, საფრანგეთის და აშშ-ის მიერ, რომლებიც აზერბაიჯანმა, მისი თქმით, უკვე მიიღო.

„ამის შემდეგ დავუბრუნდებით მოლაპარაკებების მაგიდას“, - განაცხადა ალიევმა.

აზერბაიჯანის ლიდერმა ასევე განაცხადა, რომ ნიკოლ ფაშინიანმა სომხეთის პრემიერის პოსტზე მოსვლისთანავე „წამქეზებლური განცხადებებით და სამხედრო პროვოკაციებით მშვიდობიანი პროცესი დაარღვია“.

„ვფიქრობ, რომ მოვიდა დრო პოლიტიკურ დარეგულირებას მივაღწიოთ“, - განაცხადა პრეზიდენტმა და აღნიშნა, რომ სტატუს-კვო და შეხების ძველი ხაზი აღარ არსებობს, გაჩნდა ახალი რეალობა.

მისი თქმით, საბრძოლო მოქმედებები მთიან ყარაბაღში 27 სექტემბერს დაიწყო არა აზერბაიჯანმა, არამედ სომხეთმა. მან ბაქოს სამხედრო პასუხს თანაზომიერი უზოდა და განაცხადა, რომ მისი ქვეყანა ათავისუფლებდა და მომავალშიც გაათავისუფლებს „ტერიტორიებს, რომლებიც საერთაშორისო დონეზე აღიარებულია აზერბაიჯანის ტერიტორიებად“.

„ჩვენი პოზიცია ნათელია: თუ სომხები არ შეწყვეტენ ცეცხლს, ჩენ გავაგრძელებთ ჩვენი მიწების გათავისუფლებას“, - განაცხადა პრეზიდენტმა.

კითხვაზე, ხომ არ ეშინია მას, რომ თურქეთის ჩარევამ და მისი გავლით ყარაბაღში სირიელი ბოევიკების შესვლამ ლოკალური კონფლიქტი რეგიონულად შეიძლება აქციოს, ალიევმა განაცხადა, რომ თურქეთი საბრძოლო მოქმედებებში ჩართული არ არის.

„მართლაც, სომხეთის იერიშის პირველ საათებში თურქეთის პრეზიდენტმა ჩვენ სასარგებლოდ მკაფიო პოლიტიკური მხარდაჭერა გამოთქვა. მაგრამ ის მოუწოდებს გაეროს უშიშროების საბჭოს იმ ოთხი რეზოლუციის მკაცრი დაცვისკენ, რომლებიც ავალდებულებს სომხეთს დატოვოს მის მიერ დაკავებული აზერბაიჯანის ტერიტორიები“, - განაცხადა სახელმწიფოს მეთაურმა და დასძინა, რომ აზერბაიჯანის ტერიტორიაზე „არცერთი უცხოელი მებრძოლი არ იმყოფება“.

ყარაბაღის მომავლის შესახებ საუბრისას, ალიევმა განაცხადა, რომ ხედავს მას როგორც „აზერბაიჯანის აყვავებულ და უსაფრთხო ნაწილს, სადაც აზერბაიჯანელები და სომხები ჰარმონიაში, მშვიდობაში და ღირსეულ პირობებში იცხოვრებენ“.

სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს. 

მოგვიანებით რუსეთის, საფრანგეთისა და აშშ-ის ლიდერებმა ერთობლივი განცხადება გაავრცელეს მთიან ყარაბაღში შექმნილ სიტუაციასთან დაკავშირებით. ვლადიმირ პუტინმა, დონალდ ტრამპმა და ემანუელ მაკრონმა მოუწოდეს აზერბაიჯანსა და სომხეთს, დაუყოვნებლივ შეწყვიტონ საბრძოლო მოქმედებები მთიან ყარაბაღში და აღადგინონ მოლაპარაკებები. მოწოდებას შეუერთდა გერმანიის კანცლერი ანგელა მერკელიც. თურქეთმა კი განაცხადა, რომ აზერბაიჯანს ნებისმიერი სახის დახმარებას გაუწევს, რომელიც მას დასჭირდება მთიანი ყარაბაღის კონფლიქტში.

9 ოქტომბერს მოსკოვში რუსეთის, სომხეთისა და აზერბაიჯანის საგარეო საქმეთა მინისტრები — სერგეი ლავროვი, ზოგრაბ მნაცაკანიანი და ჯეიჰუნ ბაირამოვი შეხვდნენ მთიანი ყარაბაღის თემაზე მოსალაპარაკებლად. დაახლოებით ათსაათიანი მოლაპარაკებების შედეგად მხარეები ცეცხლის ჰუმანიტარულ რეჟიმში შეწყვეტაზე შეთანხმდნენ, რაც ძალაში 10 ოქტომბრის დღის 12 საათზე შევიდა. მიუხედავად ამისა, საომარი მოქმედებები არ შემწყდარა, რაშიც კონფლიქტის მხარეები კვლავ ერთმანეთს ადანაშაულებდნენ. 

ჰუმანიტარული დაზავების მორიგი მცდელობა მხარეებს 18 ოქტომბრის ღამით ჰქონდათ, თუმცა უკვე რამდენიმე საათის შემდეგ ბაქომაც და ერევანმაც კვლავ გაავრცელეს განცხადებები შეთანხმების დარღვევის შესახებ, რაშიც ერთმანეთს სდებენ ბრალს.

 

 

47
ვლადიმირ პუტინი

ვლადიმირ პუტინმა ყარაბაღის ახალ კონფლიქტში დაღუპულთა რაოდენობა დაასახელა

76
(განახლებულია 13:18 23.10.2020)
რუსეთის პრეზიდენტის თქმით, მთიან ყარაბაღში არსებული ვითარება – ეს არის კონფლიქტი მისი ყველაზე უარესი ვარიანტით.

თბილისი, 23 ოქტომბერი — Sputnik. მთიან ყარაბაღში სომხეთი–აზერბაიჯანის კონფლიქტის ესკალაციის შემდეგ თითქმის 5 ათასი ადამიანია დაღუპული, განაცხადა რუსეთის პრეზიდენტმა ვლადიმირ პუტინმა კლუბ „ვალდაის“ სხდომაზე.

„ორივე მხრიდან დიდია დანაკარგი... დაღუპულთა საერთო რაოდენობა უკვე ხუთ ათასს უახლოვდება“, — განაცხადა რუსეთის ლიდერმა.

მისი თქმით, მოსკოვი მრავალი წლის განმავლობაში სთავაზობდა მხარეებს პრობლემის დარეგულირების სხვადასხვა ვარიანტებს, მაგრამ პოზიციების შეთანხმება ვერ მოხერხდა და, შესაბამისად, „მივიღეთ კონფლიქტი მისი ყველაზე უარესი ვარიანტით“.

სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს. 

მოგვიანებით რუსეთის, საფრანგეთისა და აშშ-ის ლიდერებმა ერთობლივი განცხადება გაავრცელეს მთიან ყარაბაღში შექმნილ სიტუაციასთან დაკავშირებით. ვლადიმირ პუტინმა, დონალდ ტრამპმა და ემანუელ მაკრონმა მოუწოდეს აზერბაიჯანსა და სომხეთს, დაუყოვნებლივ შეწყვიტონ საბრძოლო მოქმედებები მთიან ყარაბაღში და აღადგინონ მოლაპარაკებები. მოწოდებას შეუერთდა გერმანიის კანცლერი ანგელა მერკელიც. თურქეთმა კი განაცხადა, რომ აზერბაიჯანს ნებისმიერი სახის დახმარებას გაუწევს, რომელიც მას დასჭირდება მთიანი ყარაბაღის კონფლიქტში.

9 ოქტომბერს მოსკოვში რუსეთის, სომხეთისა და აზერბაიჯანის საგარეო საქმეთა მინისტრები — სერგეი ლავროვი, ზოგრაბ მნაცაკანიანი და ჯეიჰუნ ბაირამოვი შეხვდნენ მთიანი ყარაბაღის თემაზე მოსალაპარაკებლად. დაახლოებით ათსაათიანი მოლაპარაკებების შედეგად მხარეები ცეცხლის ჰუმანიტარულ რეჟიმში შეწყვეტაზე შეთანხმდნენ, რაც ძალაში 10 ოქტომბრის დღის 12 საათზე შევიდა. მიუხედავად ამისა, საომარი მოქმედებები არ შემწყდარა, რაშიც კონფლიქტის მხარეები კვლავ ერთმანეთს ადანაშაულებდნენ. 

ჰუმანიტარული დაზავების მორიგი მცდელობა მხარეებს 18 ოქტომბრის ღამით ჰქონდათ, თუმცა უკვე რამდენიმე საათის შემდეგ ბაქომაც და ერევანმაც კვლავ გაავრცელეს განცხადებები შეთანხმების დარღვევის შესახებ, რაშიც ერთმანეთს სდებენ ბრალს.

 

76
თემები:
ესკალაცია ყარაბაღში 2020 (93)
საპატრულო პოლიცია

ყაჩაღური თავდასხმა თეთრწყაროში: დაზარალებულია უცხოელი ბიზნესმენი

0
თავდამსხმელებმა გაკოჭეს ოჯახის წევრები, მოიპარეს ტელეფონები, ნოუთბუქები და 11 ათასი ლარი, ასევე გაიტაცეს ავტომობილი

თბილისი, 24 ოქტომბერი – Sputnik თეთრიწყაროს მუნიციპალიტეტში ახალზელანდიელი ბიზნესმენი და მისი ოჯახი დააყაჩაღეს, განაცხადა წალკის მუნიციპალიტეტის მერის წარმომადგენელმა ზვიად ხაფავამ ტელეარხ TV Formula-ს ეთერში.

მერის წარმომადგენლის მონაცემებით, ყაჩაღები თავს დაესხნენ ბიზნესმენსა და მის მეუღლეს, რომელიც ჩინეთის მოქალაქეა.

„ორი კაცი შევიდა მათთან. შავებში ჩაცმულები იყვნენ, პოლიციის კეპები ეკეთათ და გაეცნენ წალკის პოლიციის წარმომადგენლებად. შემდეგ ამოიღეს იარაღი და მოსთხოვეს ფული. გაკოჭეს ბიზნესმენი, მისი ცოლი და შვილი. ბიზნესმენს წაართვეს მანქანა, ტელეფონები, ნოუთბუქი და 11 000 ლარი. ფიზიკურად არავინ დაშავებულა“, – განაცხადა ხაფავამ.

შსს-ში ყაჩაღური თავდასხმის შესახებ ინფორმაცია დაადასტურეს და განაცხადეს, რომ სისხლის სამართლის საქმე უკვე აღიძრა.

0
თემები:
კრიმინალი საქართველოში