აზერბაიჯანის სოფლის დაცხრილვის შედეგები

„ვუპასუხებთ ადეკვატურად“: ბაქო სომხეთიდან სარაკეტო შეტევებზე განცხადებას ავრცელებს

60
(განახლებულია 19:25 02.10.2020)
აზერბაიჯანის დღევანდელი ცნობით, მათმა არმიამ ყარაბაღში რამდენიმე სტრატეგიული მაღლობი დაიკავა. ერევანში, თავის მხრივ, აცხადებენ, რომ აზერბაიჯანის სამხედრო–საჰაერო ძალების თვითმფრინავი და უპილოტო საფრენი აპარატი გაანადგურეს.

თბილისი, 2 ოქტომბერი — Sputnik. სომხეთის შეიარაღებული ძალები აზერბაიჯანულ სოფლებზე ინტენსიურ საარტილერიო შეტევას ახორციელებს, იუწყება „Sputnik–აზერბაიჯანი“ ქვეყნის თავდაცვის სამინისტროს განცხადებაზე დაყრდნობით.

სამინისტროს ინფორმაციით, მშვიდობიან მოსახლეობაში არიან მოკლულები და დაჭრილები.

უწყება არ გამორიცხავს, რომ აზერბაიჯანის ტერიტორიაზე სარაკეტო შეტევა უშუალოდ სომხეთის ტერიტორიიდან ხორციელდებოდეს და შესაბამისი ზომების მიღების პირობას დებს.

„ვაცხადებთ, რომ ჩვენი მხრიდან ადეკვატური საპასუხო ზომები იქნება მიღებული“, — ნათქვამია აზერბაიჯანის თავდაცვის სამინისტროს განცხადებაში.     

აღსანიშნავია, რომ აზერბაიჯანის დღევანდელი ცნობით, მათმა არმიამ ყარაბაღში რამდენიმე სტრატეგიული მაღლობი დაიკავა.

ერევანში, თავის მხრივ, აცხადებენ, რომ აზერბაიჯანის სამხედრო–საჰაერო ძალების თვითმფრინავი და უპილოტო საფრენი აპარატი გაანადგურეს.

მანამდე აშშ-ის, რუსეთისა და საფრანგეთის ლიდერებმა, რომლებიც ეუთოს მინსკის ჯგუფის თანათავმჯდომარე ქვეყნებს წარმოადგენენ, ბაქოსა და ერევანს მოუწოდეს, დაუყოვნებლივ შეწყვიტონ საომარი მოქმედებები მთიან ყარაბაღში. ამასთან პრეზიდენტებმა მიუსამძიმრეს კონფლიქტში დაღუპული და დაჭრილი ჯარისკაცების ოჯახებს და კონფლიქტის მხარეებს მოლაპარაკებების უპირობო აღდგენისკენ მოუწოდეს.

თავის მხრივ, საქართველოს ხელისუფლებამ ბაქოსა და ერევანს მოლაპარაკებათა არენად თბილისი შესთავაზა.

სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს.

რიგმა ქვეყნებმა და საერთაშორისო ორგანიზაციებმა, მათ შორის საქართველომ, მხარეებს თავშეკავებისკენ მოუწოდეს.

მთიანი ყარაბაღის გამო სომხეთსა და აზერბაიჯანს შორის კონფლიქტი 1988 წლის თებერვალში დაიწყო, როდესაც მთიანი ყარაბაღის ავტონომიამ აზერბაიჯანის სსრ-დან გასვლის თაობაზე განაცხადა. 1992-1994 წლებში აზერბაიჯანმა დაკარგა კონტროლი მთიან ყარაბაღზე და მის მიმდებარე შვიდ რაიონზე.

კონფლიქტის მშვიდობიანად მოგვარებისთვის მოლაპარაკებები 1992 წლიდან მიმდინარეობს ეუთოს მინსკის ჯგუფის ფარგლებში, რომელსაც სამი თანათავმჯდომარე ჰყავს – რუსეთი, აშშ და საფრანგეთი. აზერბაიჯანი მოითხოვს ტერიტორიული მთლიანობის აღდგენას, სომხეთი კი არაღიარებული რესპუბლიკის ინტერესებს იცავს, რადგან თავად ყარაბაღი მოლაპარაკებების მხარე არ არის.

 

60
თემები:
ესკალაცია ყარაბაღში 2020 (91)
სამმხრივი მოლაპარაკებები მოსკოვში

ისევ მოლაპარაკებები? აზერბაიჯანელი და სომეხი მინისტრები მოსკოვში არიან

23
(განახლებულია 16:43 21.10.2020)
სომხეთის საგარეო უწყების ცნობით, მოსკოვში მოკლევადიანი ვიზიტის შემდეგ მნაცაკანიანი აშშ-ის სახელმწიფო მდივან მაიკ პომპეოსთან ვიზიტს გეგმავს.

თბილისი, 21 ოქტომბერი — Sputnik. სომხეთის საგარეო საქმეთა მინისტრი ზოგრაბ მნაცაკანიანი მოსკოვში იმყოფება სამუშაო ვიზიტით, სადაც მალე ასევე ჩავა მისი აზერბაიჯანელი კოლეგა ჯეიჰუნ ბაირამოვი, იუწყება რადიო Sputnik.

ამასთან, სომხეთის საგარეო უწყებაში აცხადებენ, რომ მოსკოვში მოკლევადიანი ვიზიტის შემდეგ მნაცაკანიანს 23 ოქტომბერს აშშ-ის სახელმწიფო მდივანთან მაიკ პომპეოსთან ვიზიტი აქვს დაგეგმილი.

რაც შეეხება ჯეიჰუნ ბაირამოვს, აზერბაიჯანის საგარეო საქმეთა სამინისტროს ცნობით, მოსკოვში ჩასვლის შემდეგ ის რუსულ მხარესთან გამართავს კონსულტაციებს.

სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს. 

მოგვიანებით რუსეთის, საფრანგეთისა და აშშ-ის ლიდერებმა ერთობლივი განცხადება გაავრცელეს მთიან ყარაბაღში შექმნილ სიტუაციასთან დაკავშირებით. ვლადიმირ პუტინმა, დონალდ ტრამპმა და ემანუელ მაკრონმა მოუწოდეს აზერბაიჯანსა და სომხეთს, დაუყოვნებლივ შეწყვიტონ საბრძოლო მოქმედებები მთიან ყარაბაღში და აღადგინონ მოლაპარაკებები. მოწოდებას შეუერთდა გერმანიის კანცლერი ანგელა მერკელიც. თურქეთმა კი განაცხადა, რომ აზერბაიჯანს ნებისმიერი სახის დახმარებას გაუწევს, რომელიც მას დასჭირდება მთიანი ყარაბაღის კონფლიქტში.

9 ოქტომბერს მოსკოვში რუსეთის, სომხეთისა და აზერბაიჯანის საგარეო საქმეთა მინისტრები — სერგეი ლავროვი, ზოგრაბ მნაცაკანიანი და ჯეიჰუნ ბაირამოვი შეხვდნენ მთიანი ყარაბაღის თემაზე მოსალაპარაკებლად. დაახლოებით ათსაათიანი მოლაპარაკებების შედეგად მხარეები ცეცხლის ჰუმანიტარულ რეჟიმში შეწყვეტაზე შეთანხმდნენ, რაც ძალაში 10 ოქტომბრის დღის 12 საათზე შევიდა. მიუხედავად ამისა, საომარი მოქმედებები არ შემწყდარა, რაშიც კონფლიქტის მხარეები კვლავ ერთმანეთს ადანაშაულებდნენ. 

ჰუმანიტარული დაზავების მორიგი მცდელობა მხარეებს 18 ოქტომბრის ღამით ჰქონდათ, თუმცა უკვე რამდენიმე საათის შემდეგ ბაქომაც და ერევანმაც კვლავ გაავრცელეს განცხადებები შეთანხმების დარღვევის შესახებ, რაშიც ერთმანეთს სდებენ ბრალს.

23
თემები:
ესკალაცია ყარაბაღში 2020 (91)
სერგეი ლავროვი

მთიან ყარაბაღში კონფრონტაციული რიტორიკა უნდა შეწყდეს: სერგეი ლავროვი

42
(განახლებულია 19:50 19.10.2020)
რუსმა დიპლომატმა ევროსაბჭოს სამდივნოში კოლეგებს მიაწოდა ინფორმაცია იმის თაობაზე, თუ როგორ ხედავს რუსეთი სიტუაციას მთიან ყარაბაღში და რა ნაბიჯებს დგამს ამ მიმართულებით.

თბილისი, 19 ოქტომბერი — Sputnik. რუსეთის საგარეო საქმეთა მინისტრი სერგეი ლავროვი მიუთითებს, რომ აუცილებელია შეწყდეს კონფრონტაციული რიტორიკა და ასევე საომარი მოქმედებები მთიან ყარაბაღში.

რუსმა დიპლომატმა ორშაბათს მოლაპარაკებები გამართა ევროსაბჭოს გენერალურ მდივანთან მარია პეიჩინოვიჩ–ბურიჩთან. როგორც ლავროვმა აღნიშნა, ევროსაბჭოს სამდივნოში კოლეგებს მიაწოდა ინფორმაცია იმის თაობაზე, თუ როგორ ხედავს რუსეთი სიტუაციას მთიან ყარაბაღში და რა ნაბიჯებს დგამს ამ მიმართულებით.

„დარწმუნებული ვართ, რომ ახლა ყველაზე მთავარი, რაც, ალბათ, არ მოითხოვს დიდ ძალისხმევას, არის კონფრონტაციული რიტორიკის დაძაბვის შეწყვეტა როგორც მხარეებს შორის, ისე საერთაშორისო მოთამაშეთა პასუხისმგებლობის ხაზზე. ეს არ მოითხოვს რაიმე დიდ ძალისხმევას“, — აღნიშნა ლავროვმა მოლაპარაკებების შემდეგ გამართულ პრესკონფერენციაზე.

დიპლომატის თქმით, მომდევნო აუცილებელი ნაბიჯი — საომარი მოქმედებებისა და სამოქალაქო ობიექტებზე შეტევების შეწყვეტაა.

ლავროვის განმარტებით, იგივე მოთხოვნას შეიცავს ეუთოს მინსკის ჯგუფის თანათავმჯდომარე ქვეყნების – რუსეთის, აშშ-ისა და საფრანგეთის პრეზიდენტების განცხადებაც, იგივეა ნათქვამი მოსკოვის დოკუმენტშიც, რომელიც 10 ოქტომბერს გაფორმდა აზერბაიჯანისა და სომხეთის ლიდერებს შორის მოსკოვის შუამავლობით, და იმავეს ამტკიცებს 18 ოქტომბერს ბაქოსა და ერევანს შორის შეთანხმებული დოკუმენტიც.

სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს.

მოგვიანებით რუსეთის, საფრანგეთისა და აშშ-ის ლიდერებმა ერთობლივი განცხადება გაავრცელეს მთიან ყარაბაღში შექმნილ სიტუაციასთან დაკავშირებით. ვლადიმირ პუტინმა, დონალდ ტრამპმა და ემანუელ მაკრონმა მოუწოდეს აზერბაიჯანსა და სომხეთს, დაუყოვნებლივ შეწყვიტონ საბრძოლო მოქმედებები მთიან ყარაბაღში და აღადგინონ მოლაპარაკებები. მოწოდებას შეუერთდა გერმანიის კანცლერი ანგელა მერკელიც. თურქეთმა კი განაცხადა, რომ აზერბაიჯანს ნებისმიერი სახის დახმარებას გაუწევს, რომელიც მას დასჭირდება მთიანი ყარაბაღის კონფლიქტში.

აზერბაიჯანი და სომხეთი ერთმანეთს დაზავების დარღვევაში ადანაშაულებენ>>

9 ოქტომბერს მოსკოვში რუსეთის, სომხეთისა და აზერბაიჯანის საგარეო საქმეთა მინისტრები — სერგეი ლავროვი, ზოგრაბ მნაცაკანიანი და ჯეიჰუნ ბაირამოვი შეხვდნენ მთიანი ყარაბაღის თემაზე მოსალაპარაკებლად. დაახლოებით ათსაათიანი მოლაპარაკებების შედეგად მხარეები ცეცხლის ჰუმანიტარულ რეჟიმში შეწყვეტაზე შეთანხმდნენ, რაც ძალაში 10 ოქტომბრის დღის 12 საათზე შევიდა. მიუხედავად ამისა, საომარი მოქმედებები არ შემწყდარა, რაშიც კონფლიქტის მხარეები კვლავ ერთმანეთს ადანაშაულებდნენ. 

ჰუმანიტარული დაზავების მორიგი მცდელობა მხარეებს 18 ოქტომბრის ღამით ჰქონდათ, თუმცა უკვე რამდენიმე საათის შემდეგ ბაქომაც და ერევანმაც კვლავ გაავრცელეს განცხადებები შეთანხმების დარღვევის შესახებ, რაშიც ერთმანეთს სდებენ ბრალს.

 

42
თემები:
რუსეთი დღეს
ვანის არქეოლოგიური მუზეუმი

კორონავირუსის მიუხედავად: ვანის არქეოლოგიურმა მუზეუმმა დამთვალიერებლებს კარები გაუღო

0
(განახლებულია 18:54 22.10.2020)
მუზეუმი ყველა საერთაშორისო სტანდარტს აკმაყოფილებს და პირველი ორი თვე დამთვალიერებლებს უფასოდ უმასპინძლებს

თბილისი, 22 ოქტომბერი - Sputnik. საქართველო ერთადერთი ქვეყანაა ევროპაში, სადაც  კორონავირუსის მსოფლიო პანდემიის დროს ერთდროულად ორი ახალი მუზეუმი გაიხსნა. ამჯერად ქვეყანაში მნახველებისთვის კარები ვანის არქეოლოგიურმა მუზეუმმა გახსნა, ნათქვამია საქართველოს ეროვნული მუზეუმის განცხადებაში.

პირველი მუზეუმი, რომელიც პანდემიის დროს გაიხსნა, იყო ბოლნისის მუზეუმი, რომელიც ასევე პასუხობს ყველა საერთაშორისო სტანდარტს.

ორი თვის განმავლობაში ვანის არქეოლოგიური მუზეუმი უფასოდ იმუშავებს. მუზეუმის შენობაში არის მუდმივმოქმედი ექსპოზიცია, ასევე დროებითი საგამოფენო სივრცეებიც. გარდა ამისა, მუზეუმში არის სამეცნიერო ლაბორატორიები, აუდიტორიები, ბიბლიოთეკა, საზოგადოებრივი ადგილები - კაფე, მუზეუმის მაღაზია და სხვა.

მუზეუმის განახლებულ დარბაზში მსოფლიოს წამყვანი მეცნიერების მონაწილეობით საერთაშორისო სიმპოზიუმების ჩატარება იგეგმება.

ოთარ ლორთქიფანიძის სახელობის ვანის არქეოლოგიური მუზეუმი – კავკასიის რეგიონში ერთ-ერთი პირველი მუზეუმია ნაქალაქარზე, რომელიც 1985 წელს არქიტექტორ გიორგი ლეჟავას პროექტით შეიქმნა.

ლორთქიფანიძე ხელმძღვანელობდა იმ არქეოლოგიურ ექსპედიციას, რომელიც  იკვლევდა ძველი კოლხეთისა და იბერიის ისტორიას არქაული ეპოქიდან გვიანდელ ანტიკურ ხანამდე. მან აღმოაჩინა ვანის ნაქალაქარი, რომელიც ძვ.წ. VIII-I საუკუნეებით თარიღდება. თუმცა იმ მიზნით, რომ მუზეუმს მეტი ექსპონატი დაეტია, 2012 წელს უფრო მასშტაბური შენობის მშენებლობის გადაწყვეტილება მიიღეს.

მუზეუმის კოლექციებში დაცულია ვანის ნაქალაქარზე და მის შემოგარენში აღმოჩენილი მდიდარი კულტურული მემკვიდრეობა, რომელიც მოიცავს პერიოდს ძვ.წ. VIII-დან I საუკუნის ჩათვლით. ვანის ნაქალაქარზე მოპოვებულ მასალას დიდი მნიშვნელობა აქვს ანტიკური სამყაროს შესწავლისათვის.

მუზეუმის რეაბილიტაცია განხორციელდა: საქართველოს მუნიციპალური განვითარების ფონდის და მსოფლიო ბანკის მხარდაჭერით. არქიტექტურული პროექტი გერმანულმა საპროექტო კომპანია Ellis Williams Architects-ის და საქართველოს ეროვნული მუზეუმის არქიტექტორებთან პარტნიორობით შემუშავდა.

0
თემები:
საქართველო და კულტურა