ილია მეორე: ვლოცულობთ, რათა სომხეთსა და აზერბაიჯანს ღმერთმა მშვიდობა გამოუგზავნოს

© Sputnik / STRINGERილია მეორე
ილია მეორე - Sputnik საქართველო
გამოწერა
მთიან ყარაბაღში ვითარების ესკალაცია კავკასიის პრობლემად და მსოფლიოსთვის დიდ გამოწვევად იქცევა, მიაჩნია საქართველოს კათოლიკოს-პატრიარქს.

თბილისი, 28 სექტემბერი — Sputnik. სრულიად საქართველოს კათოლიკოს-პატრიარქი ილია მეორე იმედს გამოთქვამს, რომ სომხეთისა და აზერბაიჯანის ხელისუფლებები, ასევე საერთაშორისო საზოგადოება მთიან ყარაბაღში ვითარების შემდგომ ესკალაციას არ დაუშვებენ, ნათქვამია საქართველოს საპატრიარქოს მიერ გავრცელებულ პატრიარქის გზავნილში

საქართველოს საგარეო საქმეთა სამინისტრო - Sputnik საქართველო
საგარეო უწყება: საქართველო მზადაა ხელი შეუწყოს ყარაბაღში სიტუაციის დეესკალაციას

სიტუაცია მთიან ყარაბაღში 27 სექტემბრის დილიდან მკვეთრად გამწვავდა – ბაქო და ერევანი ერთმანეთს ადანაშაულებენ. აზერბაიჯანის თავდაცვის სამინისტრო ამტკიცებს, რომ ცეცხლი სომხურმა მხარემ გახსნა, ხოლო აზერბაიჯანის ძალებმა კონტრშეტევის ოპერაცია დაიწყეს. სომხეთის თავდაცვის სამინისტროში, თავის მხრივ, აცხადებენ, რომ აზერბაიჯანმა ყარაბაღზე „საჰაერო და სარაკეტო იერიში მიიტანა“.

ილია მეორე წერს, რომ სომხეთსა და აზერბაიჯანს შორის განახლებული ფართომასშტაბიანი დაპირისპირება მის შეშფოთებას იწვევს.

„ეს ჩვენთვის განსაკუთრებულად მტკივნეულია, რადგან ორივე ქვეყნის მეზობლები და მეგობრები ვართ და საქართველოშიც მრავლად ცხოვრობენ როგორც აზერბაიჯანელები, ისე სომხები. ვიმედოვნებთ, როგორც ერთი, ისე მეორე ქვეყნის ხელისუფალნი და საერთაშორისო საზოგადოება არ დაუშვებენ ვითარების მკვეთრ ესკალაციას, რაც კავკასიის პრობლემად და მსოფლიოსთვისაც დიდ გამოწვევად იქცევა“, – ნათქვამია პატრიარქის წერილში. 

საყოველთაო მობილიზაცია სომხეთში - Sputnik საქართველო
კონფლიქტი მთიან ყარაბაღში: სომხეთმა საყოველთაო მობილიზაცია გამოაცხადა

კვირას საქართველოს საგარეო საქმეთა სამინისტრომ აზერბაიჯანსა და სომხეთს შორის კონფლიქტის დეესკალაციის ნებისმიერი ფორმით ხელშეწყობის მზადყოფნა გამოთქვა. ოფიციალურმა თბილისმა მხარეებს დიალოგისკენ მოუწოდა, რათა შეწყდეს ფართომასშტაბიანი საომარი მოქმედებები. 

მთიანი ყარაბაღის გამო სომხეთსა და აზერბაიჯანს შორის კონფლიქტი 1988 წლის თებერვალში დაიწყო, როდესაც მთიანი ყარაბაღის ავტონომიამ აზერბაიჯანის სსრ-დან გასვლის თაობაზე განაცხადა. 1992-1994 წლებში აზერბაიჯანმა დაკარგა კონტროლი მთიან ყარაბაღზე და მის მიმდებარე შვიდ რაიონზე. კონფლიქტის მშვიდობიანად მოგვარებისთვის მოლაპარაკებები 1992 წლიდან მიმდინარეობს ეუთოს მინსკის ჯგუფის ფარგლებში, რომელსაც სამი თანათავმჯდომარე ჰყავს – რუსეთი, აშშ და საფრანგეთი. აზერბაიჯანი მოითხოვს ტერიტორიული მთლიანობის აღდგენას, სომხეთი კი არაღიარებული რესპუბლიკის ინტერესებს იცავს, რადგან თავად ყარაბაღი მოლაპარაკებების მხარე არ არის.

ყველა ახალი ამბავი
0