სომხეთის მოქალქეები ზემო ლარსზე

საკითხი კვლავ გადაუჭრელია: სომხეთის მოქალაქეები „ლარსზე“ იცდიან

120
(განახლებულია 00:25 04.09.2020)
სამი თვის წინ სომხეთის მთავრობა ანალოგიურ ვითარებაში დაეხმარა თავის მოქალაქეებს სამშობლოში დაბრუნებაში „ლარსის“ გავლით და ამისათვის მან ავტობუსები გამოყო

თბილისი, 3 სექტემბერი — Sputnik. საკონტროლო-გამშვები პუნქტ „ლარსზე“ რამდენიმე დღეა იმყოფება ოცდაათამდე სომხეთის მოქალაქე, მათ შორის ქალები და ბავშვები - ისინი საქართველოს ტერიტორიის გავლით სამშობლოში დაბრუნებას მოითხოვენ, დაუდასტურეს Sputnik-საქართველოს სომხეთის საელჩოში.

საქართველოს სახმელეთო საზღვრები კორონავირუსის პანდემიის გამო თითქმის ექვსი თვეა დაკეტილი. საზღვრის გადაკვეთა ნებადართულია მხოლოდ საქართველოს მოქალაქეებისთვის, თუ ისინი სამშობლოში ბრუნდებიან, და სატვირთო გადამზიდავებისათვის.

როგორც Sputnik-საქართველოს კორესპონდენტს საქართველოს შემოსავლების სამსახურში განუცხადეს, საკონტროლო-გამშვები პუნქტი „ყაზბეგი - ზემო ლარსი ჩვეულ რეჟიმში მუშაობს, თუმცა სომხეთის მოქალაქეებთან დაკავშირებით სიტუაციაზე კომენტარი არ გაუკეთებიათ.

„საბაჟო-გამშვები პუნქტი მუშაობს ჩვეულ რეჟიმში. საქართველოდან სომხეთის მოქალაქეების შემოსვლა-გასვლის ორგანიზება ჩვენს კომპეტენციაში არ შედის, ამიტომ საკითხის კომენტირება არ შეგვიძლია“, - განაცხადა ფინანსთა სამინისტროს შემოსავლების სამსახურის საზოგადოებასთან ურთიერთობის სამმართველოს უფროსმა თამარ ანდრიაძემ.

Sputnik-სომხეთის მონაცემებით, 25 ადამიანი იმყოფება რუსეთის მხარეს, ჩმის დასახლებაში, „ლარსიდან“ 10 კილომეტრში. ისინი ჩამოვიდნენ მსუბუქი ავტომანქანებით, რომლებიც დატვირთულია პირადი ნივთებით და მათ ეგონათ, რომ საკონტროლო-გამშვებ პუნქტზე გადასვლა ნებადართულია. მათ შორის არის ექვსი ქალი და სამი ბავშვი, უამბო ჟურნალისტებს ერთ-ერთმა მათგანმა, ვისაც სახლში მოხვედრის იმედი აქვთ.

Машины и вещи граждан Армении, застрявших на КПП Верхний Ларс
© Sputnik / STRINGER
ზემო ლარსზე ჩარჩენილი სომხეთის მოქალაქეების მანქანები და პირადი ნივთები

„ჩვენ მივმართეთ საელჩოს, საკონსულოს, მაგრამ ჩენ გვთავაზობენ ერევნამდე ბილეთის შეძენას. ვსვამ კითხვას: ჩვენ რომ ფული გვქონოდა, ნუთუ ამხელა გზას გამოვივლიდით და აქ ამ მდგომარეობაში აღმოვჩნდებოდით“, - განაცხადა სამველმა.

ის აცხადებს, რომ შეკრებილ ადამიანებს ავტომობილებში სძინავთ, მათ არ იციან, რამდენ ხანს გაძლებენ ასეთ პირობებში და მათ მალე ფული გამოელევათ.

Машины и вещи граждан Армении, застрявших на КПП Верхний Ларс
© Sputnik / STRINGER
ზემო ლარსზე ჩარჩენილი სომხეთის მოქალაქეების მანქანები და პირადი ნივთები

„ვყიდულობთ იაფ ბურღულს და პურს, ჯერჯერობით ასე ვართ, ვნახოთ, მერე რა იქნება. მაგრამ ბილეთის ფული არ გვაქვს, დაბრუნებაც არ შეგვიძლია - იქ სახლი არ გვაქვს“, - ამბობს სამველი.

„ყაზბეგი“ – „ზემო ლარსის“ სასაზღვრო გადასასვლელი ერთადერთი მოქმედი სახმელეთო გზაა, რომელიც სომხეთს რუსეთთან აკავშირებს.

Машины и вещи граждан Армении, застрявших на КПП Верхний Ларс
© Sputnik / STRINGER
ზემო ლარსზე ჩარჩენილი სომხეთის მოქალაქეების მანქანები და პირადი ნივთები

სამი თვის წინ სომხეთის მთავრობა ანალოგიურ ვითარებაში დაეხმარა თავის მოქალაქეებს სამშობლოში დაბრუნებაში „ლარსის“ გავლით. ამისათვის მან ავტობუსები გამოყო და ტრანზიტის შესახებ ქართულ მხარეს შეუთანხმდა.

ამჯერად სომხეთის მოქალაქეები სამშობლოში გამგზავრებას საკუთარი ავტომობილებით მოითხოვენ.

„სომხეთის მოქალაქეების ავტობუსებით გამგზავრების საკითხი ამჯერად არც კი განიხილებოდა, მათ სომხეთში დაბრუნება მხოლოდ საკუთარი ავტომობილებით სურთ. არსებობს ავიარეისებიც, მაგრამ მათ არ უნდათ“, - განუცხადეს Sputnik-საქართველოს სომხეთის საელჩოში.

სომხეთის საგარეო საქმეთა სამინისტროს პრესმდივანმა ანა ნაგდალიანმა Sputnik-სომხეთის შეკითხვაზე უპასუხა, რომ „ზემო ლარსზე“ შეკრებილებს ჩარტერული რეისებით გამგზავრება მოუწევთ, სახმელეთო გზა ჯერჯერობით დაკეტილია.

თავად ერევანში კი დღეს მთავრობის სახლთან საპროტესტო აქცია გაიმართა, მაგრამ იქ შეკრებილი რამდენიმე ათეული ადამიანი მოითხოვს, რომ ისინი რუსეთში სამუშაოდ გაუშვან.

120
რამზან კადიროვი

მზადდება პროვოკაცია კადიროვის ნიღბით: ჩეჩნური ტელეარხი ვიდეომტკიცებულებას ავრცელებს

147
(განახლებულია 15:30 16.09.2020)
ჩეჩნური ტელეარხის ​ინფორმაციით, ამ დროისათვის ოპერაცია კოდური სახელწოდებით „ორეული“ მომზადების ბოლო სტადიაზეა.

თბილისი, 16 სექტემბერი — Sputnik. ევროპაში მზადდება პროვოკაცია ჩეჩნეთის რესპუბლიკის ლიდერის რამზან კადიროვის წინააღმდეგ, რისთვისაც მისი ნიღაბი იქნება გამოყენებული, ნათქვამია ჩეჩნეთის სახელმწიფო ტელეარხ „გროზნის“ Twitter-ზე.

​ტელეარხის ინფორმაციით, ამ დროისათვის ოპერაცია კოდური სახელწოდებით „ორეული“ მომზადების ბოლო სტადიაზეა.

„ამ მონაცემებს ადასტურებს ვიდეო, რომელიც მივიღეთ. მასზე ჩანს, რომ შექმნილია რეალისტური ნიღაბი, რომელიც გასაიდუმლოებულ ევროპულ ლაბორატორიაში დამზადდა უახლესი ტექნოლოგიების გამოყენებით“, — წერს ტელეარხი, ეყრდნობა რა eldit_net-ის Instagram-აკაუნტზე გამოქვეყნებულ ვიდეოს. 

გარდა ამისა, როგორც „გროზნის“ პოსტიდან ირკვევა, უკვე მიმდინარეობს კანდიდატების შერჩევა ნიღბის გამოყენებით პროვიკაციების მოსაწყობად.

View this post on Instagram

A post shared by ◾НОВОСТИ/СОБЫТИЯ (@eldit_net) on

აღსანიშნავია, რომ მანამდე რამზან კადიროვმა მოუწოდა ჩეჩენ ჟურნალისტებს, ებრძოლონ საინფორმაციო პროვოკაციებსა და დეზინფორმაციის მცდელობებს.

 

147
თემები:
მსოფლიო დღეს
საკონტროლო-გამშვები პუნქტი „წითელი ხიდი“

საქართველოდან აზერბაიჯანში 350 ადამიანი გაემგზავრება

337
(განახლებულია 19:13 13.09.2020)
მოქალაქეები, რომელთა ტესტმაც უარყოფითი პასუხი აჩვენა, ორშაბათს სპეციალური ავტობუსებით საკონტროლო-გამშვებ პუნქტ „წითელ ხიდზე“ გაემგზავრებიან

თბილისი, 13 სექტემბერი - Sputnik. საქართველოდან აზერბაიჯანში მიემგზავრება 350 ადამიანი, მათ შორის არის აზერბაიჯანის 97 მოქალაქე, საქართველოს 240 მოქალაქე, რუსეთის ექვსი მოქალაქე, 2 - ყაზახეთის მოქალაქე, თურქეთის ერთი მოქალაქე, უკრაინის სამი მოქალაქე და პაკისტანის ერთი მოქალაქე.

როგორც Sputnik-აზერბაიჯანი იუწყება, ყველა მათგანს მარნეულის ერთ-ერთ კლინიკაში დღეს ჩაუტარდა ტესტი კორონავირუსზე, და მათ, ვისი ტესტის პასუხიც უარყოფითი აღმოჩნდება, ორშაბათს, 14 სექტემბერს სპეციალური ავტობუსებით საკონტროლო-გამშვებ პუნქტ „წითელ ხიდზე“ გაამგზავრებენ.

ადრე, 19 აგვისტოს სამშობლოში გაემგზავრა აზერბაიჯანის 119 მოქალაქე, რომლებიც საქართველოში საზღვრების ჩაკეტვის გამო ჩარჩნენ. მათ გარდა იყვნენ ასევე საქართველოს და რუსეთის მოქალაქეები.

აზერბაიჯანისა და საქართველოს საზღვარი 14 მარტიდან COVID-19-ის პანდემიის გამო დაიკეტა. ამ პერიოდში საქართველოდან აზერბაიჯანში დაახლოებით 2 500 ადამიანი გადაიყვანეს.

337
თემები:
COVID-19-ის პანდემია მსოფლიოში
ბარაკ ობამა

„დრო და დრო გიპასუხებთ“ - ბარაკ ობამამ Twitter-ზე თავისი ტელეფონის ნომერი გამოაქვეყნა

0
(განახლებულია 09:18 24.09.2020)
ყოფილი პრეზიდენტის თქმით, ის დრო და დრო იქნება კავშირზე და გაუზიარებს ამერიკელებს თავის გეგმებს არჩევნებთან დაკავშირებით

თბილისი, 24 სექტემბერი — Sputnik. აშშ–ის ექს–პრეზიდენტმა ბარაკ ობამამ Twitter–ზე საკუთარი ტელეფონის ნომერი გამოაქვეყნა და ამერიკელებს სთხოვა, გაუგზავნონ მას შეტყობინებები მომავალ  არჩევნებში მონაწილეობასთან დაკავშირებით.

​„მოსინჯეთ რაღაც ახალი. თუ შეერთებულ შტატებში იმყოფებით, გამომიგზავნეთ შეტყობინება ნომერზე 773-365-9687. მინდა გავიგო, როგორ მიდის თქვენი საქმეები, რაზე ფიქრობთ და როგორ გეგმავთ ხმის მიცემას წელს“, — წერს ობამა.

ყოფილი პრეზიდენტის თქმით, ის დრო და დრო იქნება კავშირზე და გაუზიარებს ამერიკელებს თავის გეგმებს არჩევნებთან დაკავშირებით.

აშშ–ში საპრეზიდენტო არჩევნები 3 ნოემბერსაა დაგეგმილი. ვადამდელი ხმის მიცემა ზოგ შტატში უკვე დაიწყო. მოქმედი პრეზიდენტის, დონალდ ტრამპის კონკურენტი არჩევნებში დემოკრატების კანდიდატი ჯო ბაიდენია.

0
თემები:
მსოფლიო დღეს