„ზემო ლარსის“ საკონტროლო-გამშვებ პუნქტზე

ლარსზე ჩარჩნენ სომხეთის მოქალაქეები, რომლებიც რუსეთიდან სამშობლოში ბრუნდებოდნენ

66
(განახლებულია 00:11 04.09.2020)
„ზემო ლარსის“ საკონტროლო-გამშვებ პუნქტთან იმყოფებიან ისინი, ვინც რუსეთში უმუშევარი დარჩა და ახლა საქართველოს გავლით სომხეთში დაბრუნებას ცდილობს

თბილისი, 1 სექტემბერი — Sputnik. „ზემო ლარსის“ საკონტროლო-გამშვებ პუნქტთან იმყოფებიან სომხეთის მოქალაქეები, მათ შორის ქალები და ბავშვები, რომლებიც საქართველოს გავლით სახმელეთო გზით სომხეთში გამგზავრებას აპირებენ, იუწყება Sputnik -სომხეთი.

„საკონტროლო-გამშვებ პუნქტთან იმყოფება 21 ადამიანი. ისინი ჩამოვიდნენ რვა მანქანებით, რომლებიც დატვირთულია პირადი ნივთებით და მათ ეგონათ, რომ დღეიდან საკონტროლო-გამშვებ პუნქტზე გადასვლა ნებადართულია“, - ამის შესახებ სააგენტოს რუსეთში სომხეთის საელჩოს ატაშემ საბაჟო საკითხებში არამ ტანანიანმა განუცხადა.

განმარტებითი სამუშაოების ჩატარების შემდეგ, მოქალაქეებმა დატოვეს საკონტროლო-გამშვები პუნქტის ტერიტორია, ამჟამად ისინი იმყოფებიან ლარსიდან 10 კილომეტრში, ჩმის დასახლებაში. ტანანიანმა აღნიშნა, რომ იქ არის პატარა მაღაზია და კვების ობიექტი, სადაც ხშირად ტრაილერების მძღოლები შედიან.

რუსეთ-საქართველოს საზღვართან ძირითადად თავი მოიყარეს იმ მოქალაქეებმა, რომლებიც რუსეთში უმუშევრები დარჩნენ და სამშობლოში დაბრუნება სურთ, მაგრამ ავიაბილეთების შესაძენად ფული არ აქვთ. ბევრს აქვს ვადაგასული პასპორტი, ავტომობილის დოკუმენტებიც არ აქვთ წესრიგში.

შეგახსენებთ, საქართველოში მარტიდან უცხოელების შემოსვლაზე აკრძალვა მოქმედებს. თუმცა აკრძალვა სატვირთო გადაზიდვებს არ ეხება.

„ყაზბეგი“ – „ზემო ლარსის“ სასაზღვრო გადასასვლელი ერთადერთი მოქმედი სახმელეთო გზაა, რომელიც სომხეთს რუსეთთან აკავშირებს.

სომხეთის საგარეო საქმეთა სამინისტრომ არაერთხელ განაცხადა, რომ რესპუბლიკის მოქალაქეები სახმელეთო გზით საკუთარი ავტომობილებით სამშობლოში დაბრუნებას მხოლოდ საქართველოს მთავრობის გადაწყვეტილების გაუქმების შემდეგ შეძლებენ.

66
თემები:
COVID-19-ის პანდემია მსოფლიოში (1150)
რამზან კადიროვი

მზადდება პროვოკაცია კადიროვის ნიღბით: ჩეჩნური ტელეარხი ვიდეომტკიცებულებას ავრცელებს

147
(განახლებულია 15:30 16.09.2020)
ჩეჩნური ტელეარხის ​ინფორმაციით, ამ დროისათვის ოპერაცია კოდური სახელწოდებით „ორეული“ მომზადების ბოლო სტადიაზეა.

თბილისი, 16 სექტემბერი — Sputnik. ევროპაში მზადდება პროვოკაცია ჩეჩნეთის რესპუბლიკის ლიდერის რამზან კადიროვის წინააღმდეგ, რისთვისაც მისი ნიღაბი იქნება გამოყენებული, ნათქვამია ჩეჩნეთის სახელმწიფო ტელეარხ „გროზნის“ Twitter-ზე.

​ტელეარხის ინფორმაციით, ამ დროისათვის ოპერაცია კოდური სახელწოდებით „ორეული“ მომზადების ბოლო სტადიაზეა.

„ამ მონაცემებს ადასტურებს ვიდეო, რომელიც მივიღეთ. მასზე ჩანს, რომ შექმნილია რეალისტური ნიღაბი, რომელიც გასაიდუმლოებულ ევროპულ ლაბორატორიაში დამზადდა უახლესი ტექნოლოგიების გამოყენებით“, — წერს ტელეარხი, ეყრდნობა რა eldit_net-ის Instagram-აკაუნტზე გამოქვეყნებულ ვიდეოს. 

გარდა ამისა, როგორც „გროზნის“ პოსტიდან ირკვევა, უკვე მიმდინარეობს კანდიდატების შერჩევა ნიღბის გამოყენებით პროვიკაციების მოსაწყობად.

View this post on Instagram

A post shared by ◾НОВОСТИ/СОБЫТИЯ (@eldit_net) on

აღსანიშნავია, რომ მანამდე რამზან კადიროვმა მოუწოდა ჩეჩენ ჟურნალისტებს, ებრძოლონ საინფორმაციო პროვოკაციებსა და დეზინფორმაციის მცდელობებს.

 

147
თემები:
მსოფლიო დღეს
საკონტროლო-გამშვები პუნქტი „წითელი ხიდი“

საქართველოდან აზერბაიჯანში 350 ადამიანი გაემგზავრება

337
(განახლებულია 19:13 13.09.2020)
მოქალაქეები, რომელთა ტესტმაც უარყოფითი პასუხი აჩვენა, ორშაბათს სპეციალური ავტობუსებით საკონტროლო-გამშვებ პუნქტ „წითელ ხიდზე“ გაემგზავრებიან

თბილისი, 13 სექტემბერი - Sputnik. საქართველოდან აზერბაიჯანში მიემგზავრება 350 ადამიანი, მათ შორის არის აზერბაიჯანის 97 მოქალაქე, საქართველოს 240 მოქალაქე, რუსეთის ექვსი მოქალაქე, 2 - ყაზახეთის მოქალაქე, თურქეთის ერთი მოქალაქე, უკრაინის სამი მოქალაქე და პაკისტანის ერთი მოქალაქე.

როგორც Sputnik-აზერბაიჯანი იუწყება, ყველა მათგანს მარნეულის ერთ-ერთ კლინიკაში დღეს ჩაუტარდა ტესტი კორონავირუსზე, და მათ, ვისი ტესტის პასუხიც უარყოფითი აღმოჩნდება, ორშაბათს, 14 სექტემბერს სპეციალური ავტობუსებით საკონტროლო-გამშვებ პუნქტ „წითელ ხიდზე“ გაამგზავრებენ.

ადრე, 19 აგვისტოს სამშობლოში გაემგზავრა აზერბაიჯანის 119 მოქალაქე, რომლებიც საქართველოში საზღვრების ჩაკეტვის გამო ჩარჩნენ. მათ გარდა იყვნენ ასევე საქართველოს და რუსეთის მოქალაქეები.

აზერბაიჯანისა და საქართველოს საზღვარი 14 მარტიდან COVID-19-ის პანდემიის გამო დაიკეტა. ამ პერიოდში საქართველოდან აზერბაიჯანში დაახლოებით 2 500 ადამიანი გადაიყვანეს.

337
თემები:
COVID-19-ის პანდემია მსოფლიოში (1150)
თბილისი

თბილისის გარეუბანში ახალი რეკრეაციული სივრცე გაჩნდება

0
(განახლებულია 15:43 23.09.2020)
კახა კალაძის განცხადებით, ახალი რეკრეაციული სივრცეების შექმნა დღეს არსებულ ეკოლოგიურ პირობებში განსაკუთრებით აქტუალურია

თბილისი, 23 სექტემბერი  — Sputnik.  ავჭალის რაიონში ორ ჰექტარ ფართობ ტერიტორიაზე რეკრეაციული  სივრცის მოწყობა იგეგმება, განაცხადა თბილისის მერმა კახა კალაძემ მთავრობის სხდომაზე. 

მისი განცხადებით, პარკის კეთილმოწყობისთვის ავჭალის სადგურის მიმდებარე ტერიტორია შეირჩა. სკვერის დაპროექტება თბილისის  მერიისა და აზიის განვითარების ბანკის მჭიდრო თანამშრომლობის გარგლებში იგეგმება.

 „ყველასთვის ცნობილია, რომ იმ პარკებსა და სკვერებში, სადაც სარესტავრაციო სამუშაოები ჩატარდა, განსაკუთრებით ზაფხულში ყველა ასაკის ადამიანების სიმრავლე იყო. ამიტომაც ჩვენ ამ მიდგომას გავაგრძელებთ, რათა ქალაქში რაც შეიძლება მეტი მწვანე სივრცე შექვმნათ.  მწვანე ფერი უხდება თბილისს“, – განაცხადა კალაძემ.

გარდა ამისა, მერის სიტყვებით, მსგავსი ღონისძიებების ჩატარება დღეს არსებულ ეკოლოგიურ პირობებში განსაკუთრებით აქტუალურია, როდესაც ქალაქში ავტომობილების რაოდენობა კატასტროფულად იზრდება, გამონაბოლქვი კი გარემოსა და ადამიანის ჯანმრთელობისთვის დიდ პრობლემას წარმოადგენს.

0
თემები:
თბილისის მერია