ნიკოლ ფაშინიანი

რუსეთი თუ დასავლეთი? რა გზას აირჩევს სომხეთი

1194
(განახლებულია 19:57 14.08.2020)
რადიოწამყვანმა ორჯერ დაუსვა პროვოკაციული შეკითხვა სომხეთის პრემიერ-მინისტრს და ორჯერვე ერთი და იგივე პასუხი მიიღო.

თბილისი, 14 აგვისტო – Sputnik. სომხეთი გააგრძელებს ყველა მხარესთან ურთიერთობების განვითარებას, განაცხადა სომხეთის პრემიერ-მინისტრმა ნიკოლ ფაშინიანმა, როდესაც უპასუხა სტივენ საკურას კითხვას, თუ რომელ გზას აირჩევს სომხეთი – რუსეთს თუ დასავლეთს.

„რუსეთი სომხეთის დიდი ხნის მოკავშირეა, ევროკავშირი მხარს უჭერს ჩვენს ქვეყანას იმ ძირითადი რეფორმების განხორციელებაში, რომელიც „ხავერდოვანი რევოლუციის“ შემდეგ დაიწყო“, – განაცხადა პრემიერ-მინისტრმა რადიო BBC World Service-ზე  Hardtalk-ის პროგრამის დროს.

ფაშინიანმა განმარტა, რომ რუსეთი სომხეთის სტრატეგიული პარტნიორია ყველა სფეროში, კერძოდ, ეკონომიკასა და უსაფრთხოებაში, ევროკავშირთან კი სომხეთმა ხელი მოაწერა ყოვლისმომცველი და გაღრმავებული პარტნიორობის ხელშეკრულებას, ასე რომ, ქვეყანა აგრძელებს ურთიერთობების განვითარებას ყველა მხარესთან.

„მაგრამ თუ სომხეთი შეეცდება ნატოსთან ურთიერთობების გაძლიერებას, პრობლემები წარმოიქმნება, რადგან მას დაძაბული ურთიერთობა აქვს თურქეთთან. გარდა ამისა, შეერთებულ შტატებთან ურთიერთობა გაუარესდა ირანის მხარდაჭერის გამო. შტატებმა გთხოვათ ირანისთვის სანქციების დაწესება, მაგრამ თქვენ უარი განაცხადეთ“, – აღნიშნა, თავის მხრივ, საკურამ.

ფაშინიანი სომხური ტვირთების საქართველოს გავლით ტრანზიტში დაბრკოლებებს ვერ ხედავს>>

ამაზე ფაშინიანმა უპასუხა, რომ სომხეთსა და ირანს შორის ვაჭრობა და კარგი ურთიერთობები გაგრძელდება.

„ჩვენ შევეცდებით და გავაკეთებთ ყველაფერს იმისთვის, რომ შეერთებულ შტატებთან ჩვენი ურთიერთობა განმტკიცდეს“, – აღნიშნა პრემიერ-მინისტრმა.

1194
თემები:
მსოფლიო დღეს (2164)
სამმხრივი მოლაპარაკებები მოსკოვში

ისევ მოლაპარაკებები? აზერბაიჯანელი და სომეხი მინისტრები მოსკოვში არიან

21
(განახლებულია 16:43 21.10.2020)
სომხეთის საგარეო უწყების ცნობით, მოსკოვში მოკლევადიანი ვიზიტის შემდეგ მნაცაკანიანი აშშ-ის სახელმწიფო მდივან მაიკ პომპეოსთან ვიზიტს გეგმავს.

თბილისი, 21 ოქტომბერი — Sputnik. სომხეთის საგარეო საქმეთა მინისტრი ზოგრაბ მნაცაკანიანი მოსკოვში იმყოფება სამუშაო ვიზიტით, სადაც მალე ასევე ჩავა მისი აზერბაიჯანელი კოლეგა ჯეიჰუნ ბაირამოვი, იუწყება რადიო Sputnik.

ამასთან, სომხეთის საგარეო უწყებაში აცხადებენ, რომ მოსკოვში მოკლევადიანი ვიზიტის შემდეგ მნაცაკანიანს 23 ოქტომბერს აშშ-ის სახელმწიფო მდივანთან მაიკ პომპეოსთან ვიზიტი აქვს დაგეგმილი.

რაც შეეხება ჯეიჰუნ ბაირამოვს, აზერბაიჯანის საგარეო საქმეთა სამინისტროს ცნობით, მოსკოვში ჩასვლის შემდეგ ის რუსულ მხარესთან გამართავს კონსულტაციებს.

სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს. 

მოგვიანებით რუსეთის, საფრანგეთისა და აშშ-ის ლიდერებმა ერთობლივი განცხადება გაავრცელეს მთიან ყარაბაღში შექმნილ სიტუაციასთან დაკავშირებით. ვლადიმირ პუტინმა, დონალდ ტრამპმა და ემანუელ მაკრონმა მოუწოდეს აზერბაიჯანსა და სომხეთს, დაუყოვნებლივ შეწყვიტონ საბრძოლო მოქმედებები მთიან ყარაბაღში და აღადგინონ მოლაპარაკებები. მოწოდებას შეუერთდა გერმანიის კანცლერი ანგელა მერკელიც. თურქეთმა კი განაცხადა, რომ აზერბაიჯანს ნებისმიერი სახის დახმარებას გაუწევს, რომელიც მას დასჭირდება მთიანი ყარაბაღის კონფლიქტში.

9 ოქტომბერს მოსკოვში რუსეთის, სომხეთისა და აზერბაიჯანის საგარეო საქმეთა მინისტრები — სერგეი ლავროვი, ზოგრაბ მნაცაკანიანი და ჯეიჰუნ ბაირამოვი შეხვდნენ მთიანი ყარაბაღის თემაზე მოსალაპარაკებლად. დაახლოებით ათსაათიანი მოლაპარაკებების შედეგად მხარეები ცეცხლის ჰუმანიტარულ რეჟიმში შეწყვეტაზე შეთანხმდნენ, რაც ძალაში 10 ოქტომბრის დღის 12 საათზე შევიდა. მიუხედავად ამისა, საომარი მოქმედებები არ შემწყდარა, რაშიც კონფლიქტის მხარეები კვლავ ერთმანეთს ადანაშაულებდნენ. 

ჰუმანიტარული დაზავების მორიგი მცდელობა მხარეებს 18 ოქტომბრის ღამით ჰქონდათ, თუმცა უკვე რამდენიმე საათის შემდეგ ბაქომაც და ერევანმაც კვლავ გაავრცელეს განცხადებები შეთანხმების დარღვევის შესახებ, რაშიც ერთმანეთს სდებენ ბრალს.

21
თემები:
ესკალაცია ყარაბაღში 2020
სერგეი ლავროვი

მთიან ყარაბაღში კონფრონტაციული რიტორიკა უნდა შეწყდეს: სერგეი ლავროვი

42
(განახლებულია 19:50 19.10.2020)
რუსმა დიპლომატმა ევროსაბჭოს სამდივნოში კოლეგებს მიაწოდა ინფორმაცია იმის თაობაზე, თუ როგორ ხედავს რუსეთი სიტუაციას მთიან ყარაბაღში და რა ნაბიჯებს დგამს ამ მიმართულებით.

თბილისი, 19 ოქტომბერი — Sputnik. რუსეთის საგარეო საქმეთა მინისტრი სერგეი ლავროვი მიუთითებს, რომ აუცილებელია შეწყდეს კონფრონტაციული რიტორიკა და ასევე საომარი მოქმედებები მთიან ყარაბაღში.

რუსმა დიპლომატმა ორშაბათს მოლაპარაკებები გამართა ევროსაბჭოს გენერალურ მდივანთან მარია პეიჩინოვიჩ–ბურიჩთან. როგორც ლავროვმა აღნიშნა, ევროსაბჭოს სამდივნოში კოლეგებს მიაწოდა ინფორმაცია იმის თაობაზე, თუ როგორ ხედავს რუსეთი სიტუაციას მთიან ყარაბაღში და რა ნაბიჯებს დგამს ამ მიმართულებით.

„დარწმუნებული ვართ, რომ ახლა ყველაზე მთავარი, რაც, ალბათ, არ მოითხოვს დიდ ძალისხმევას, არის კონფრონტაციული რიტორიკის დაძაბვის შეწყვეტა როგორც მხარეებს შორის, ისე საერთაშორისო მოთამაშეთა პასუხისმგებლობის ხაზზე. ეს არ მოითხოვს რაიმე დიდ ძალისხმევას“, — აღნიშნა ლავროვმა მოლაპარაკებების შემდეგ გამართულ პრესკონფერენციაზე.

დიპლომატის თქმით, მომდევნო აუცილებელი ნაბიჯი — საომარი მოქმედებებისა და სამოქალაქო ობიექტებზე შეტევების შეწყვეტაა.

ლავროვის განმარტებით, იგივე მოთხოვნას შეიცავს ეუთოს მინსკის ჯგუფის თანათავმჯდომარე ქვეყნების – რუსეთის, აშშ-ისა და საფრანგეთის პრეზიდენტების განცხადებაც, იგივეა ნათქვამი მოსკოვის დოკუმენტშიც, რომელიც 10 ოქტომბერს გაფორმდა აზერბაიჯანისა და სომხეთის ლიდერებს შორის მოსკოვის შუამავლობით, და იმავეს ამტკიცებს 18 ოქტომბერს ბაქოსა და ერევანს შორის შეთანხმებული დოკუმენტიც.

სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს.

მოგვიანებით რუსეთის, საფრანგეთისა და აშშ-ის ლიდერებმა ერთობლივი განცხადება გაავრცელეს მთიან ყარაბაღში შექმნილ სიტუაციასთან დაკავშირებით. ვლადიმირ პუტინმა, დონალდ ტრამპმა და ემანუელ მაკრონმა მოუწოდეს აზერბაიჯანსა და სომხეთს, დაუყოვნებლივ შეწყვიტონ საბრძოლო მოქმედებები მთიან ყარაბაღში და აღადგინონ მოლაპარაკებები. მოწოდებას შეუერთდა გერმანიის კანცლერი ანგელა მერკელიც. თურქეთმა კი განაცხადა, რომ აზერბაიჯანს ნებისმიერი სახის დახმარებას გაუწევს, რომელიც მას დასჭირდება მთიანი ყარაბაღის კონფლიქტში.

აზერბაიჯანი და სომხეთი ერთმანეთს დაზავების დარღვევაში ადანაშაულებენ>>

9 ოქტომბერს მოსკოვში რუსეთის, სომხეთისა და აზერბაიჯანის საგარეო საქმეთა მინისტრები — სერგეი ლავროვი, ზოგრაბ მნაცაკანიანი და ჯეიჰუნ ბაირამოვი შეხვდნენ მთიანი ყარაბაღის თემაზე მოსალაპარაკებლად. დაახლოებით ათსაათიანი მოლაპარაკებების შედეგად მხარეები ცეცხლის ჰუმანიტარულ რეჟიმში შეწყვეტაზე შეთანხმდნენ, რაც ძალაში 10 ოქტომბრის დღის 12 საათზე შევიდა. მიუხედავად ამისა, საომარი მოქმედებები არ შემწყდარა, რაშიც კონფლიქტის მხარეები კვლავ ერთმანეთს ადანაშაულებდნენ. 

ჰუმანიტარული დაზავების მორიგი მცდელობა მხარეებს 18 ოქტომბრის ღამით ჰქონდათ, თუმცა უკვე რამდენიმე საათის შემდეგ ბაქომაც და ერევანმაც კვლავ გაავრცელეს განცხადებები შეთანხმების დარღვევის შესახებ, რაშიც ერთმანეთს სდებენ ბრალს.

 

42
თემები:
რუსეთი დღეს
ზუგდიდი

ერთ-ერთი მძევალი სამეგრელო-ზემო სვანეთის პოლიციის დეპარტამენტის დირექტორია

0
(განახლებულია 23:07 21.10.2020)
ზუგდიდში „საქართველოს ბანკზე“ თავდამსხმელმა რამდენიმე წუთის წინ შენობა სამ მძევალთან ერთად დატოვა, რომელთა შორის ერთი - სამეგრელო-ზემო სხვანეთის პოლიციის დეპარტამენტის დირექტორი ავთანდილ გალდავაა

თბილისი, 21 ოქტომბერი - Sputnik. ზუგდიდში ბანკზე თავდამსხმელის ერთ-ერთი მძევალი, რომელთან ერთადაც შენობა რამდენიმე წუთის წინ დატოვა, საქართველოს შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის დირექტორი ავთანდილ გალდავაა. ინფორმაცია ქართულ მედიაში ვრცელდება.

მედიის მიერ გავრცელებულ კადრებში ჩანს, რომ ზუგდიდში „საქართველოს ბანკზე“ თავდასხმსხმელმა სამ მძევალთან ერთად, რომელთაც ხელზე ე.წ. ბორკილები ედოთ, ბანკის შენობა დატოვა.

სავარაუდოდ, თავდამსხმელს ხელში ყუმბარა ეკავა. ის მძევლებთან ერთად პოლიციის ავტომანქანაში ჩაჯდა.

ამ დროისთვის უცნობია თუ რა მიმართულებით გადაადგილდა აღნიშნული ავტომანქანა. მანამდე შენობა გათავისუფლებულმა მძევლებმა დატოვეს.

შსს-ს მხრიდან ჯერჯრეობით დამატებითი კომენტარები არ გაკეთებულა.

სოციალურ ქსელში ერთ-ერთი გათავისუფლებული მძევლის ირაკლი კვარაცხელიას განცხადება გავრცელდა, სადაც ის ამბობს, რომ გამტაცებელს პოლიციამ თანხა მიუტანა. გავრცელებული ინფორმაციით, თანხა მას სწორედ ავთანდილ გალდავამ მიუტანა, ეს უკანასკნელი კი საბოლოოდ მძევალი აღმოჩნდა.

ავტომატით და ხელყუმბარით შეიარაღებულმა მამაკაცმა ოთხშაბათს ზუგდიდის ცენტრში „საქართველოს ბანკის“ ერთ-ერთი ფილიალის შენობაში მძევლები აიყვანა. დამნაშავე მოითხოვდა ნახევარმილიონ დოლარს და ვერტმფრენს ადგილის უსაფრთხო დატოვებისთვის.

0
თემები:
ზუგდიდში შეიარაღებულმა პირმა 19 ადამიანი მძევლად აიყვანა