სასწრაფო დახმარება ბაქოში

აზერბაიჯანში მეორე დღეა COVID-19-ის გამოვლენილი შემთხვევების ანტირეკორდი მყარდება

87
(განახლებულია 21:42 24.06.2020)
ქვეყანაში კორონავირუსის გამოვლენილი შემთხვევების რაოდენობამ 14 ათასს გადააჭარბა, გამოჯანმრთელდა 7,7 ათასი ადამიანი

თბილისი, 24 ივნისი - Sputnik. აზერბაიჯანში გასულ დღე-ღამეში კორონავირუსული ინფექციის 590 ახალი შემთხვევა გამოვლინდა, რაც პანდემიის დაწყებიდან ყველაზე მაღალი მაჩვენებელია, იუწყება Sputnik-აზერბაიჯანი.

ოფიციალური მონაცემების თანახმად, გასულ დღე-ღამეში გარდაიცვალა შვიდი ადამიანი. 265 პაციენტი საავადმყოფოდან გაეწერა.

თებერვლის ბოლოდან აზერბაიჯანში საერთო ჯამში კორონავირუსული ინფექციის 14 305 შემთხვევა გამოვლინდა, აქედან 7 768 პაციენტი გამოჯანმრთელდა, 174 - გარდაიცვალა.

6 363 პაციენტის მკურნალობა კლინიკებში გრძელდება.

მითითებულ პერიოდში ქვეყანაში კორონავირუსული ინფექციის გამოსავლენად 441 961 ტესტირება ჩატარდა, მათ შორის, 9103 - გასულ დღე-ღამეში.

მინისტრთა კაბინეტის გადაწყვეტილებით, 21 ივნისის 00:00 საათიდან 5 ივლისის 06:00 საათამდე ბაქოში, სუმგაითში, ლენქორანში, ევლახში, ჯალილაბადში, განჯაში, მასალისა და აფშერონის რაიონში მკაცრი საკარანტინო რეჟიმი მოქმედებს. ამ ქალაქებსა და რაიონებში შეჩერებულია თითქმის ყველა სფეროს მუშაობა, საზოგადოებრივი ტრანსპორტისა და ავტომობილების მოძრაობა. იმ პირთა, ასევე ტრანსპორტის გადაადგილება, რომელთა საქმიანობაც არ შეწყვეტილა, ნებადართულია მხოლოდ საშვებით.

87
თემები:
COVID-19-ის პანდემია მსოფლიოში (1016)
კორონავირუსი ბაქოში

აზერბაიჯანში კორონავირუსით ინფიცირების შემთხვევების რაოდენობა 22 ათასს აჭარბებს

47
პანდემიის დაწყებიდან აზერბაიჯანში გამოვლინდა კორონავირუსით ინფიცირების 22 464 შემთხვევა, აქედან გამოჯანმრთელდა 13 591, გარდაიცვალა 284 ადამიანი.

თბილისი, 9 ივლისი – Sputnik. გასულ დღე-ღამეში აზერბაიჯანში კორონავირუსის 548 ახალი შემთხვევა გამოვლინდა, გარდაიცვალა 10 პაციენტი, რომელთა COVID-19-ზე ჩატარებულმა ტესტმა დადებითი შედეგი აჩვენა, იუწყება „Sputnik–აზერბაიჯანი“ ქვეყნის მინისტრთა კაბინეტთან არსებულ კორონავირუსთან ბრძოლის ოპერატიულ შტაბზე დაყრდნობით.

ამასთან, ბოლო 24 საათში აზერბაიჯანში გამოჯანმრთელდა 491 ინფიცირებული.

დღეისათვის აზერბაიჯანში გამოვლინდა კორონავირუსით ინფიცირების 22 464 შემთხვევა, აქედან გამოჯანმრთელდა 13 591, გარდაიცვალა 284 ადამიანი.

ამჟამად საგანგებო რეჟიმის საავადმყოფოებში მკურნალობს 8 589 პაციენტი.

აღნიშნულ პერიოდში ქვეყანაში კორონავირუსის გამოსავლენად ჩატარდა 544 735 ტესტი, აქედან 7 505 – გასულ დღე–ღამეში.

47
თემები:
COVID-19-ის პანდემია მსოფლიოში (1016)
სასწრაფო დახმარება ერევანში

სახიფათო მდგომარეობა: COVID-19 სომხეთში სწრაფი ტემპებით ვრცელდება

134
(განახლებულია 18:21 04.07.2020)
სომხეთის ხელისუფლება მოუწოდებს მოსახლეობას ინფექციის გავრცელების აღსაკვეთად დაიცვან ეპიდემიის საწინააღმდეგო ნორმები

თბილისი, 4 ივლისი – Sputnik. სომხეთში კორონავირუსით ინფიცირების დადასტურებული შემთხვევების რაოდენობა 27 900-მდე გაიზარდა, იუწყება Sputnik-სომხეთი დაავადებათა კონტროლისა და პროფილაქტიკის ცენტრზე დაყრდნობით.

სომხეთში კორონავირუსით გარდაცვლილი პაციენტის ცხედარი დაკარგეს >>

გასულ დღე-ღამეში კორონავირუსით ინფიცირების 580 შემთხვევა გამოვლინდა. ყოველდღიურად სომხეთში (რომლის მოსახლეობა 3 მილიონ ადამიანზე ნაკლებია) COVID-19-ით ინფიცირების 500-მდე შემთხვევა დასტურდება, რაც ეპიდემიოლოგებისა და ხელისუფლების შეშფოთებას იწვევს.

საერთო ჯამში კორონავირუსით გამოწვეული გართულებებით სომხეთში 477 ადამიანი გარდაიცვალა (გასულ დღე-ღამეში - 8). კორონავირუსის დიაგნოზის მქონე, თუმცა სხვა მიზეზებით გარდაცვლილი პაციენტების რაოდენობა 157-მდე გაიზარდა (გასულ დღე-ღამეში - 1).

კორონავირუსი 15 935-მა პაციენტმა დაამარცხა. მკურნალობის კურსს გადის 11 331 პაციენტი. ქვეყანაში კორონავირუსის გამოსავლენად სულ ჩატარდა 120 245 ტესტი.

სომხეთში 16 მარტიდან 13 ივლისამდე საგანგებო მდგომარეობის რეჟიმი მოქმედებს. აკრძალულია მიტინგები და თავყრილობები. პირბადის ტარება სავალდებულო გახდა.

134
თემები:
COVID-19-ის პანდემია მსოფლიოში (1016)
მყიდველები ბაზარში

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/10 ივლისი

86398
საქართველოში საგანგებო მდგომარეობა ერთი თვის წინ მოიხსნა, მაგრამ მთავრობამ შეზღუდვების ნაწილი ძალაში დატოვა.

თბილისი, 10 ივლისი – Sputnik. საქართველოს მთავრობა აგრძელებს კორონავირუსის პანდემიის გამო დაწესებული შეზღუდვების მოხსნას, მაგრამ ამავე დროს მთავრობა და ეპიდემიოლოგები მოუწოდებენ მოქალაქეებს გამოიჩინონ სიფრთხილე და დაიცვან ჯანდაცვის სამინისტროს რეკომენდაციები.

ქვეყნის ტერიტორიაზე მოქმედებს შემდეგი შეზღუდვები:

  • დახურულ სივრცეებში, საჯარო დაწესებულებებში, საზოგადოებრივ ტრანსპორტში, ოფისებსა და მაღაზიებში სავალდებულოა პირბადის ტარება და სოციალური დისტანციის დაცვა;
  • საზოგადოებრივ ტრანსპორტში დაუშვებელია პირბადის გარეშე ყოფნა და კონდიციონერების ჩართვა;

  • ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე;
  • დახურულ სივრცეებში აკრძალულია კულტურული და სპორტული ღონისძიებების გამართვა;
  • კაზინოების და ტოტალიზატორების მუშაობა დაშვებულია მხოლოდ ონლაინ;
  • აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);
  • უნივერსიტეტებში სასწავლო პროცესი კვლავ დისტანციურად განხორციელდება;
  • ადამიანების თავშეყრის ადგილებში აკრძალულია სპლიტ-სისტემის კონდიციონერების გამოყენება, რომლებიც ჰაერს იღებენ შენობიდან, აგრილებენ და ისევ აბრუნებენ. დაშვებულია სამრეწველო კონდიციონერების გამოყენება, რომლებიც კონდიცირება-ვენტილაციის სისტემებს მოიცავს (ჰაერი შენობაში გარედან შეაქვს).

ამ მომენტისათვის ინფიცირებულთა რაოდენობა 968 ადამიანს შეადგენს, აქედან 844 გამოჯანმრთელდა, 15 კი გარდაიცვალა. კიდევ სამი ინფიცირებული მოქალაქე სამკურნალოდ სხვა ქვეყნებიდან ჩამოიყვანეს.

საქართველო სხვა ქვეყნებისთვის კორონავირუსთან ბრძოლაში სამაგალითოა >>

15 ივნისიდან აღდგა შიდა ტურიზმი, ხოლო 1 ივლისიდან საქართველო საზღვრებს უცხოელი ტურისტებისთვის გახსნის.

უწყებათშორისი საკოორდინაციო საბჭო ოპერატიულად აფასებს სიტუაციას და შეიმუშავებს ახალ რეკომენდაციებს და შეზღუდვებს.

მთავრობის სპეციალურ ვებ-გვერდზე stopcov.ge გამოქვეყნებული ბოლო მონაცემების თანახმად, საკარანტინო სივრცეში იმყოფება 4851, სტაციონარებში მეთვალყურეობის ქვეშ კი 231 ადამიანია.

მთავრობა მოსახლეობას მოუწოდებს, ქვეყანაში კორონავირუსთან დაკავშირებით მხოლოდ და მხოლოდ გადამოწმებულ და ოფიციალურად დადასტურებულ ინფორმაციას ენდონ. ყველა ინფორმაციის მოძიება შესაძლებელია მთავრობის მიერ სპეციალურად შექმნილ ვებ-გვერდზე stopcov.ge.

„ცხელი ხაზის“ ნომრები: ცხელი ხაზი კარანტინის რეჟიმის საკითხებზე – 144. საქართველოს ჯანდაცვა – 15 05 (დღე-ღამის განმავლობაში); დაავადებათა კონტროლის ცენტრი – 116 001 (21:00-მდე სამუშაო დღეებში და 18:00-მდე დასვენების დღეებში).

ყველა მოხალისეს, რომელსაც აქვს დრო და სურვილი დაეხმაროს ხანდაზმულ ადამიანებს, ასევე მათ, ვისაც სპეციალური დახმარება ესაჭიროება, შეუძლია დარეკოს მერიის ცხელ ხაზზე (032)2722222 და წითელი ჯვრის ცხელ ხაზზე - 0800 000 018.

კორონავირუსი საქართველოში: შეზღუდვების მოხსნის ეტაპები
© Sputnik / Konstantin Ivanov.
კორონავირუსი საქართველოში: შეზღუდვების მოხსნის ეტაპები
86398
თემები:
COVID-19 საქართველოში