გაგიკ ცარუკიანის ადვოკატი ერემ სარქისიანი

სასამართლომ სომხეთის ოპოზიციური პარტიის ლიდერს პატიმრობა არ შეუფარდა

186
(განახლებულია 20:19 21.06.2020)
სასამართლო პარტია „აყვავებული სომხეთის“ ლიდერის, გაგიკ ცარუკიანის მიმართ აღკვეთის ზომის შერჩევის საკითხს იხილავდა

თბილისი, 21 ივნისი – Sputnik. ერევანში საერთო იურისდიქციის სასამართლომ კვირას გამართულ სხდომაზე აღკვეთის ღონისძიებად პატიმრობა არ შეუფარდა პარტია „აყვავებული სომხეთის“ ლიდერს, ბიზნესმენ გაგიკ ცარუკიანს, იუწყება Sputnik-სომხეთი.

ჟურნალისტებთან საუბრისას გაგიკ ცარუკიანის ადვოკატმა ერემ სარქისიანმა განაცხადა, რომ დაცვის მხარეს მაინც შეუძლია გაასაჩივროს სასამართლოს გადაწყვეტილება - დადგენილებაში გამოყენებული ფორმულირებების გამო.

„მოხარული ვართ, რომ სასამართლომ შეძლო და პოლიტიკურ პროცესებზე უფრო მაღლა დადგა. სასამართლოს გადაწყვეტილებას ახლახან გავეცანით“, - აღნიშნა სარქისიანმა.

მან ყურადღება გაამახვილა იმაზე, რომ საქმე ხვდება მოსამართლეებთან არა ავტომატურად ან შემთხვევითობის პრინციპით, არამედ სასამართლოების თავმჯდომარეები ცდილობენ ხელისუფლებისთვის ხელსაყრელი მოსამართლეები შეარჩიონ. მიუხედავად ამისა, აღნიშნა მან, მოსამართლე რობერტ პაპოიანმა შეძლო ამ სისტემაზე უარის თქმა.

აღსანიშნავია, რომ ცარუკიანი დროებით რჩება თავისუფალი, მაგრამ მის წინააღმდეგ საქმე დახურული არ არის. აღკვეთის ახალ ღონისძიებაზე ადვოკატს არ უსაუბრია.

 „აყვავებული სომხეთის“ ლიდერი სამ სისხლის სამართლის საქმეში ფიგურირებს. პირველი საქმის მასალებით, ცარუკიანის უკანონო საქმიანობის შედეგად სათამაშო ბიზნესის სფეროში სახელმწიფო ბიუჯეტს 60 მილიონ დოლარამდე დააკლდა.

მეორე კეისი 2017 წლის საპარლამენტო არჩევნების დროს პარტიის მიერ მოსყიდვის ფაქტებს უკავშირდება. უსაფრთხოების სამსახურის ვერსიით, საუბარია ასობით მილიონ დრამზე.

მეორე სისხლის სამართლის საქმის მიხედვით, ცარუკიანთან დაკავშირებულმა კომპანია, უკანონოდ მიითვისა მიწის ნაკვეთები. სახელმწიფოს ზარალმა 342 მილიონი დრამი შეადგინა. თავად ცარუკიანი ხელისუფლების ქმედებებს პოლიტიკურ დევნად აფასებს.

სომხეთის ეროვნულ კრებაში „აყვავებულ სომხეთს“ მმართველი ბლოკ „ჩემი ნაბიჯის“ შემდეგ რაოდენობით მეორე ფრაქცია აქვს. 2018 წლის „ხავერდოვანი რევოლუციის“ შემდეგ ცარუკიანის პარტია პროტესტების მაშინდელ ლიდერის, ნიკოლ პაშინიანის მხარეს დადგა და პრემიერის პოსტზე მის კანდიდატურას მხარი დაუჭირა. თუმცა იმავე წლის დეკემბერში საპარლამენტო არჩევნების შემდეგ „აყვავებულმა სომხეთმა“ თავი ოპოზიციურად გამოაცხადა.

16 ივნისს პარლამენტმა მხარი დაუჭირა ცარუკიანისთვის დეპუტატის ხელშეუხებლობის მოხსნას და მის დაპატიმრებას. სასამართლომ პარტიის ლიდერის მიმართ აღკვეთის ღონისძიების შეფარდების განხილვას 17 ივნისს შეუდგა, თუმცა სხდომა 21 ივნისისთვის გადადო.

186
საარტილერიო ცეცხლი

დაღუპულია აზერბაიჯანელი გენერალი ვრცელდება ღამით შეტევის ვიდეო

365
(განახლებულია 19:58 14.07.2020)
აზერბაიჯანის თავდაცვის სამინისტრო ავრცელებს ვიდეოს, რომელშიც, მათი განმარტებით, სომხურ პოზიციებზე შეტევაა ასახული.

თბილისი, 14 ივლისი — Sputnik. სომხეთის სამხედრო ძალების მიერ განხორციელებული სროლების შემდეგ თოვუზის რაიონში გენერალ-მაიორი ფოლად გაშიმოვი და პოლკოვნიკი ილგარ მირზიაევი დაიღუპნენ, იუწყება „Sputnik–აზერბაიჯანი“ ქვეყნის თავდაცვის სამინისტროზე დაყრდობით.

„გენერალ–მაიორი ფოლად გაშიმოვი და პოლკოვნიკი ილგარ მირზაევი გმირულად დაეცნენ დილის ბრძოლებში“, — განუცხადა ჟურნალისტებს თავდაცვის მინისტრის მოადგილემ კარიმ ვალიევმა.

მისი თქმით, 13–14 ივლისის ღამით თოვუზის რაიონში გამძვინვარებული ბრძოლები გრძელდებოდა, შედეგად – „განადგურებულია მტრის დაახლოებით 100 მებრძოლი, დიდი რაოდენობით სამხედრო ტექნიკა და მნიშვნელოვანი ობიექტები“.

აზერბაიჯანის თავდაცვის სამინისტრომ YouTube-ზე გამოაქვეყნა ვიდეო, რომელშიც, მათი განმარტებით, სომხურ პოზიციებზე შეტევაა ასახული.

12 ივლისის დილით შეტაკება მოხდა აზერბაიჯანსა (თოვუზის რაიონი) და სომხეთს (ტავუშის ოლქი) შორის საზღვარზე. აღსანიშნავია, რომ ეს ტერიტორია, რომელიც საკმაოდ ახლოსაა საქართველოს საზღვართან, ასობით კილომეტრითაა დაშორებული არაღიარებული მთიანი ყარაბაღიდან, სადაც ამ დროისათვის სიმშვიდეა.

აზერბაიჯანის თავდაცვის სამინისტროს განცხადებით, სომეხმა სამხედროებმა მათი პოზიციები დაცხრილეს, ხოლო სომხეთის თავდაცვის სამინისტრომ, თავის მხრივ, აღნიშნა, რომ აზერბაიჯანელი სამხედროები არტილერიის დახმარებით ცდილობდნენ სომხური საყრდენი პუნქტის მიტაცებას.

ბაქოს ინფორმაციით, ბრძოლებში დაიღუპა ოთხი აზერბაიჯანელი სამხედრო, ხოლო ერევანი უარყოფს მათი მხრიდან დაღუპულების არსებობას და აცხადებს, რომ შეტაკებისას ორი პოლიციელი და სამი სამხედრო დაიჭრა.

აღსანიშნავია, რომ სროლები გაგრძელდა ორშაბათსაც. კერძოდ, ერევანი აცხადებდა, რომ ბაქო 15–20 წუთიანი ინტერვალით ცხრილავდა ტერიტორიას, ხოლო ბაქო სომხურ მხარეს აბრალებს სროლების წარმოებას.

365
ქალაქი ბერდი

მოიერიშე დრონები სომხეთში, განადგურებული პუნქტები აზერბაიჯანში: ვრცელდება ვიდეო

153
(განახლებულია 16:45 14.07.2020)
სომხეთის თავდაცვის სამინისტროს პრეს-მდივანი სოციალურ ქსელში აქვეყნებს ვიდეოს, რომელზეც, მისი ინფორმაციით, აზერბაიჯანის საყრდენი პუნქტების განადგურებაა აღბეჭდილი.

თბილისი, 14 ივლისი — Sputnik. სომხეთის ტავუშის ოლქის დაბა ბერდს აზერბაიჯანმა სამშაბათს უპილოტო საფრენი აპარატებით შეუტია, განაცხადა სომხეთის თავდაცვის სამინისტროს პრეს-მდივანმა შუშან სტეფანიანმა.

„მოწინააღმდეგემ ბერდის სამოქალაქო ინფრასტრუქტურას მოიერიშე უპილოტო საფრენი აპარატებით შეუტია. დაშავებულები არ არიან“, — დაწერა სტეფანიანმა Facebook-ზე დაახლოებით ერთი საათის წინ.

სულ ახლახან პრეს-მდივანმა სოციალურ ქსელში გამოაქვეყნა ვიდეო, რომელზეც, მისი თქმით, აღბეჭდილია, როგორ ანადგურებს სომხეთის სამხედრო ძალები აზერბაიჯანის საყრდენ პუნქტებს, საიდანაც ხორციელდება ტავუშის ოლქის საზღვრისპირა სოფლების დაცხრილვა.

შუშან სტეფანიანის თქმით, მალე კიდევ გავრცელდება სხვა ვიდეოკადრები.

კვირა დილით შეტაკება მოხდა აზერბაიჯანსა (თოვუზის რაიონი) და სომხეთს (ტავუშის ოლქი) შორის საზღვარზე. აღსანიშნავია, რომ ეს ტერიტორია, რომელიც საკმაოდ ახლოსაა საქართველოს საზღვართან, ასობით კილომეტრითაა დაშორებული არაღიარებული მთიანი ყარაბაღიდან, სადაც ამ დროისათვის სიმშვიდეა.

აზერბაიჯან-სომხეთის კონფლიქტი: აშშ-ს სახელმწიფო დეპარტამენტი განცხადებას ავრცელებს>>

აზერბაიჯანის თავდაცვის სამინისტროს განცხადებით, სომეხმა სამხედროებმა მათი პოზიციები დაცხრილეს, ხოლო სომხეთის თავდაცვის სამინისტრომ, თავის მხრივ, აღნიშნა, რომ აზერბაიჯანელი სამხედროები არტილერიის დახმარებით ცდილობდნენ სომხური საყრდენი პუნქტის მიტაცებას.

ბაქოს ინფორმაციით, ბრძოლებში დაღუპა ოთხი აზერბაიჯანელი სამხედრო, ხოლო ერევანი უარყოფს მათი მხრიდან დაღუპულების არსებობას და აცხადებს, რომ შეტაკებისას ორი პოლიციელი და სამი სამხედრო დაიჭრა.

სროლები გაგრძელდა ორშაბათსაც. კერძოდ, ერევანი აცხადებდა, რომ ბაქო 15–20 წუთიანი ინტერვალით ცხრილავდა ტერიტორიას, ხოლო ბაქო სომხურ მხარეს აბრალებს სროლების წარმოებას.

 

153
თემები:
მსოფლიო დღეს
კიკვიძის პარკი

თბილისში კიკვიძის განახლებული პარკი გაიხსნა

0
პარში მოეწყო სპორტული და სამაგიდო თამაშების მოედნები, დასასვენებელი პავილიონები, სარწყავი, განათებისა და ვიდეომეთვალყურეობის სისტემები

თბილისი, 14 ივლისი — Sputnik. თბილისში ვეტერანთა კულტურისა და დასვენების განახლებული პარკი (კიკვიძის) გაიხსნა, იუწყება მერიის ვებგვერდი.

გახსნის ღონისძიებას დედაქალაქის მერი კახა კალაძე და საქართველოს პრემიერ-მინისტრი გიორგი გახარია დაესწრნენ.

თბილისის მერმა მოსახლეობას განახლებული პარკის გახსნა მიულოცა. მისი განცხადებით, პარკში შესაბამისი სივრცე ყველა თაობის ადამიანისთვის მოეწყო.

„თბილისს კიდევ ერთი მნიშვნელოვანი რეკრეაციული სივრცე შეემატა. რაც შეეხება პარკს, იგი მთლიანად იქნა რეაბილიტირებული. გაჩნდა ახალი ზონები, ბავშვებისთვის შესაბამისი ადგილები, სადაც განთავსებულია ატრაქციონები. ყველა თაობის ადამიანისთვის არის შესაბამისი ზონა, სადაც გაქვთ შესაძლებლობა, თქვენი შვილებითა და შვილიშვილებით დაისვენოთ. ნამდვილად მიხარია, რომ ჩვენთან უკვე ჩნდება ის საპარკო კულტურა, რაც ყველა განვითარებულ ქვეყანაშია. ჩვენ გვაქვს პარკების ნაკლებობა, მაგრამ პირობა მაქვს მიცემული თბილისელებისთვის, რომ ჩვენი ქალაქი ევროპაში ყველაზე მწვანე, ყველაზე მოწესრიგებული, განახლებული, უსაფრთხო და კეთილმოწყობილი იქნება“, - განაცხადა კახა კალაძემ.

რეაბილიტაციის ფარგლებში, პარკს შეუერთდა მიმდებარედ არსებული ტერიტორია, მოეწყო სპორტული და სამაგიდო თამაშების მოედნები, დასასვენებელი პავილიონები, სარწყავი, განათებისა და ვიდეომეთვალყურეობის სისტემები.

პარკის ტერიტორიაზე განთავსდა შინაური ცხოველების სასეირნო სივრცე, ველო და სარბენი ბილიკები. ერისთავის ქუჩის მხრიდან კი, მოეწყო პარკში შესასვლელი პანდუსი. რეაბილიტაცია ჩაუტარდა პარკში არსებული შენობებსა და შადრევანს.

ტერიტორიაზე, რომლის ფართობიც 72 ათას 100 კვადრატული მეტრია, ჯამში, 12 ათას 124 ძირი ხე-მცენარე დაირგო. სამუშაოების განსახორციელებლად დედაქალაქის ბიუჯეტიდან 4 მლნ 500 ათასი ლარი გამოიყო.

0
თემები:
თბილისის მერია