ერევანი საგანგებო მდგომარეობის დროს

სომხეთი საგანგებო მდგომარეობას ერთი თვით ახანგრძლივებს:ფაშინიანმა მთავრობის სხდომა მოიწვია

58
(განახლებულია 01:46 12.06.2020)
კორონავირუსის პანდემიის გამო შემოღებული საგანგებო მდგომარეობა უკვე თითქმის სამი თვე მოქმედებს. ახლა ის მესამედ გახანგრძლივდება

თბილისი, 11 ივნისი – Sputnik. სომხეთის პრემიერ-მინისტრმა ნიკოლ ფაშინიანმა განაცხადა, რომ აპირებს კიდევ ერთი თვით გააგრძელოს საგანგებო მდგომარეობა, იუწყება Sputnik-სომხეთი.

ამ მიზნით 12 ივნისს მთავრობის რიგგარეშე სხდომა გაიმართება.

„ჩვენ ვიღებთ ასეთ გადაწყვეტილებას, რადგან საგანგებო მდგომარეობის გამოცხადების მიზეზი აქტუალური რჩება“, - აღნიშნა ფაშინიანმა.

მან ასევე აღნიშნა, რომ მთავრობის სხდომაზე მოიწვევენ პარლამენტის სხდომას, რომელზე ასევე განიხილება აღნიშნული საკითხი.

16 მარტს სომხეთის მთავრობამ პირველად დაუჭირა მხარი საგანგებო მდგომარეობის რეჟიმის გამოცხადებას, ის 14 აპრილს შემოიღეს. მოგვიანებით ის 13 ივნისამდე გააგრძელეს.

18 მაისიდან რესპუბლიკაში ამუშავდა საზოგადოებრივი ტრანსპორტი. გაიხსნა სავაჭრო ცენტრები, მოლები, მთლიანად მოიხსნა აკრძალვა საზოგადოებრივი კვების ობიექტების მუშაობაზე, რომლებსაც მანამდე მხოლოდ ღია ცის ქვეშ მუშაობის უფლება ჰქონდათ. 4 ივნისიდან სავალდებულო გახდა პირბადეების ტარება.

სომხეთში კორონავირუსით ინფიცირების დადასტურებული შემთხვევების რაოდენობა 14 669-ს შეადგენს. გასულ დღე-ღამეში 566 ახალი შემთხვევა გამოვლინდა. კორონავირუსით გამოწვეული გართულებების გამო გარდაიცვალა 245 ადამიანი, აქედან 18 გასულ დღე-ღამეში დაიღუპა. კორონავირუსის ინფექციის მქონე პაციენტების რაოდენობა, რომლებიც სხვა მიზეზებით დაიღუპნენ - 82 (გასულ დღე-ღამეში - 5). ბოლო მონაცემებით, კორონავირუსი 5 466-მა ადამიანმა დაამარცხა. სტაციონარებში 8 876 პაციენტი მკურნალობს. ქვეყანაში სულ 75 389 ტესტი ჩატარდა.

58
თემები:
COVID-19-ის პანდემია მსოფლიოში (1024)
დავით ზალკალიანი

ზალკალიანი სომეხ და აზერბაიჯანელ კოლეგებს ტელეფონით ესაუბრა

35
მინისტრმა აღნიშნა, რომ მოვლენების ადგილზე ვითარება უნდა განიმუხტოს და შეიარაღებული შეტაკებები შეწყდეს

თბილისი, 13 ივლისი - Sputnik. საქართველოს საგარეო საქმეთა მინისტრმა დავით ზალკალიანმა სომხეთ-აზერბაიჯანის საზღვარზე სიტუაციის ესკალაციის გამო შეშფოთება გამოხატა.

პირველი არხის ინფორმაციით, ზალკალიანი ტელეფონით ესაუბრა თავის კოლეგებს სომხეთიდან და აზერბაიჯანიდან - ზოგრაბ მნაცაკანიანთან და ელმარ მამედიაროვთან.

კვირას შეიარაღებული დაპირისპირება მოხდა აზერბაიჯანსა და სომხეთს შორის საზღვარზე, შესაბამისად, თოვუზის რაიონში და ტავუშის ოლქში, რომელიც საქართველოს საზღვართან ახლოსაა. ამ ტერიტორიიდან რამდენიმე ასეულ კილომეტრშია არაღიარებული მთიანი ყარაბაღი, სადაც ამჟამად მშვიდი ვითარებაა. სროლის ადგილზე განლაგებულია საბრძოლო საგუშაგოები, დისლოცირებული სოფელ მოვსესის მახლობლად.

აზერბაიჯანის თავდაცვის სამინისტრომ განაცხადა, რომ სომხეთის სამხედროებმა აზერბაიჯანული პოზიციები დაცხრილეს. სომხეთის თავდაცვის სამინისტრომ კი, თავის მხრივ, განაცხადა, რომ აზერბაიჯანელი სამხედროები ცდილობდნენ არტილერიის დახმარებით სომხეთის საგუშაგოს ხელში ჩაგდებას. ბაქოს ინფორმაციით, დაიღუპა ოთხი აზერბაიჯანელი სამხედრო. სომხეთის მხარის განცხადებით, დაჭრილია ორი სომეხი პოლიციელი, დაღუპულები არ არიან.

სატელეფონო საუბრისას ზალკალიანმა აღნიშნა, რომ ძალიან მნიშვნელოვანია მოვლენების ადგილზე ვითარების განმუხტვა, შეიარაღებული მოქმედებების შეჩერება და მშვიდობის უზრუნველყოფა.

დავით ზალკალიანმა იმედი გამოთქვა, რომ საერთაშორისო ძალისხმევით შესაძლებელია სიტუაციის დარეგულირება რეგიონში ყველაზე მნიშვნელოვანის - მშვიდობისა და სტაბილურობის უზრუნველსაყოფად.

მანამდე საკითხით შეშფოთება გამოთქვა საქართველოს პრეზიდენტმა სალომე ზურაბიშვილმაც. მან აღნიშნა, რომ ამ რთულ დროს, როდესაც მთელი მსოფლიო იბრძვის „უხილავი მტრის წინააღმდეგ“, უდიდესი მნიშვნელობა აქვს საერთაშორისო სოლიდარობას და გლობალური სტაბილურობის შენარჩუნებას.

სომხეთ–აზერბაიჯანის დაპირისპირება: თურქეთმა არჩევანი გააკეთა >>

ორშაბათს სროლა გაგრძელდა. ერევანის განცხადებით, ბაქო სომხეთის ტერიტორიის მიმართულებით 15-20 წუთის შუალედებით ისვრის. აზერბაიჯანი და სომხეთი სროლაში ერთმანეთს ადანაშაულებენ.

35
თემები:
საქართველოს საგარეო პოლიტიკა
სომხეთის მოქალაქეები სამშობლოში ბრუნდებიან

სომხეთს საქართველოს გავლით თავისი მოქალაქეების ავტომობილებით დაბრუნებაზე მოლაპარაკება სურს

125
(განახლებულია 19:58 13.07.2020)
თუმცა ეს საკითხი მხოლოდ სომხეთზე არ არის დამოკიდებული, ამიტომ მოლაპარაკებები ქართველ და რუს კოლეგებთან გრძელდება

თბილისი, 13 ივლისი - Sputnik. სომხეთის ხელისუფლება ქართველ და რუს კოლეგებთან მოლაპარაკებას აწარმოებს თავისი მოქალაქეების პირადი ავტომობილებით სამშობლოში დაბრუნების საკითხზე, იუწყება Sputnik-სომხეთი სომხეთის ვიცეპრემიერის, ტიგრან ავინიანის განცხადებაზე დაყრდნობით.

ამ საკითხის მოგვარების თხოვნით პრემიერს მიმართა ფრაქცია „განათლებული სომხეთის“ ხელმძღვანელმა ედმონ მარუკიანმა. მისი თქმით, სომხეთის მოქალაქეთა სამშობლოში დაბრუნება საჭიროა არა მხოლოდ ჩარტერული რეისებით - მათ საკუთარი ავტომობილებით დაბრუნების შესაძლებლობაც უნდა მიეცეთ. ამგვარად ისინი, ყველაფერთან ერთად, მეტი ქონების წამოღებასაც შეძლებენ, ხაზი გაუსვა მარუკიანმა.

სომხეთის მხარე ყველა ღონეს ხმარობს, რათა საქართველომ და რუსეთმა თავიანთ ტერიტორიაზე გაატარონ სომხური ავტომობილები, აღნიშნა ავინიანმა. ასეთი მოლაპარაკებები პერიოდულად იმართება, დასძინა მან.

„ჩვენ ვცდილობთ ამ საკითხის ეტაპობრივად მოგვარებას. უბრალოდ ის მოიცავს მრავალ კომპონენტს, რომელიც მხოლოდ ჩვენზე არაა დამოკიდებული“, - ხაზი გაუსვა ვიცეპრემიერმა.

აღსანიშნავია, რომ სატვირთო მანქანების გადაადგილება სომხეთის საზღვარზე შეზღუდული არ არის.

საგანგებო მდგომარეობის რეჟიმის გამოცხადების დღიდან სომხეთში ჩარტერული რეისებით დაბრუნდა 40 ათასამდე მოქალაქე. ანალოგიური რეისები დაინიშნა სომხეთიდან რუსეთის მოქალაქეების გასამგზავრებლადაც.

125
თემები:
COVID-19-ის პანდემია მსოფლიოში (1024)
თბილისი

14 ივლისს დაბადებულები ზოდიაქო, დახასიათება, რჩევები

0
(განახლებულია 10:22 12.07.2020)
გაეცანით 14 ივლისს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

12–22 ივლისი

12–22 ივლისის პერიოდი კირჩხიბის ნიშნის მესამე დეკადას განეკუთვნება.

ამ დეკადას მთვარე მართავს. ამ პერიოდში დაბადებულები გამოირჩევიან შესანიშნავი ინტუიციით, უყვართ მოგზაურობა. არიან მხიარული, საკმაოდ კეთილი ადამიანები, შეუძლიათ კონფლიქტების მოგვარება. მთვარის გავლენის წყალობით ოკულტიზმის უნარები გააჩნიათ.

მნიშვნელოვანი წლებია: 16, 26, 36, 48, 50, 60, 72. 

ამ პერიოდში დაბადებულთა სიმბოლოა ია.

ამ დეკადაში დაბადებული ადამიანები, კარგი იქნება, თუ მეტად მეგობრული და კეთილგანწყობილი, უფრო გულგახსნილი და მიმნდობი იქნებიან გარშემომყოფების მიმართ. ამ ადამიანებმა უნდა გააცნობიერონ, რომ გარშემომყოფებს მათ მიმართ გულითადი განწყობა აქვთ. თუ ამ ნაკლოვანებებს გაითვალისწინებენ, მერყეობა და შიშის გრძნობა დატოვებს და სილაღისა და თავისუფლების შეგრძნებით იცხოვრებენ.

14 ივლისს დაბადებულები

14 ივლისს დიდი სასიცოცხლო ენერგიის მქონე, პატივმოყვარე ადამიანები იბადებიან. ისინი ყოველთვის აღწევენ დასახულ მიზნებს, თუნდაც ამისთვის ზნეობრივი კანონების გადაბიჯება მოუხდეთ. ინტერესდებიან მისტიკური და ექსტრასენსორული საკითხებით. ფინანსურ სფეროში წარმატებები აქვთ, მაგრამ ეკონომია არ იციან, რაც მატერიალურ პრობლემებს იწვევს.

ამ დღეს დაბადებულებს სხვათა დარწმუნების შესაშური უნარი აქვთ. თუ მათი მტკიცე იმიჯი არასაკმარისი აღმოჩნდა, მაშინ ოპონენტის დასარწმუნებლად თავიანთ შესანიშნავს შარმს იყენებენ. ვინც ახერხებს შთაბეჭდილების მოხდენას პროფესიული უნარებითა და ობიექტური გადაწყვეტილებებით, ის გარშემომყოფთა ნდობას ადვილად აღწევს. საოცარია, მაგრამ ამ ადამიანების მიმართ მიზიდულობა ქვეცნობიერ დონეზე ვითარდება.

14 ივლისს დაბადებულებს კარგი პროფესიული უნარები აქვთ. რაზეც ისინი საუბრობენ, ძალზე საინტერესო და მართალი ისტორიებია, ამიტომ მათი სიცრუეში დადანაშაულება შეუძლებელია. მაგრამ, სამწუხაროდ, ხანდახან მათში ეჭვიც შეაქვთ, რადგან მათი მონათხრობი ძალზე ილუზორულ შთაბეჭდილებას ტოვებს.

როგორი დასვენება უყვართ ზოდიაქოს ნიშნებს>>

ამ დღეს დაბადებულები არიან ძალზე თავდაჯერებული, აქვთ იუმორის შესანიშნავი გრძნობა. ხანდახან, შესაძლოა, დეპრესიული მდგომარეობაც განუვითარდეთ, თან - უმიზეზოდ. თუმცა, თუ მათ კარგად დავაკვირდებით, აუცილებლად შევნიშნავთ გარკვეულ ნაღველს, რაც ამ ადამიანებს კიდევ უფრო მომხიბლავს ხდის. 14 ივლისს დაბადებულებს ყოველთვის აქვთ შესაძლებლობა, დიდი აუდიტორია დაიპყრონ. ურთიერთობებში ძალზე ნიჭიერი და უნიკალური არიან.

ჯანმრთელობა

14 ივლისს დაბადებულები სხვადასხვა დაავადებას უცნაურად უყურებენ. ერთი მხრივ, სტაბილურ გავლენას ახდენენ გარშემომყოფებზე და საკუთარ თავზე და მეორე მხრივ, მაზოხისტური დატვირთვით გამოირჩევიან. ამგვარი „მტანჯველი“ ადამიანის იარლიყით ცდილობენ ყურადღების მიქცევას. ზოგიერთისთვის დეპრესია, უბრალოდ, აუცილებელი პროცესია თვითგანვითარებისთვის. ამ ადამიანებს არ უყვართ ფიზიკური აქტიურობა, ხოლო დიეტის და თან - საკმაოდ უჩვეულო - დაცვა შეუძლიათ.

რჩევა:

გამოარკვიეთ, სად იმალება თქვენი მთავარი ძალა და ის მეტად კონსტრუქციულად გამოიყენეთ. შესაძლოა, დროთა განმავლობაში გაიგოთ თქვენი „ბნელი“ მხარეები, მაგრამ სჯობს, „ნათელ“ მხარეებს გაუფრთხილდეთ.

0