საქართველოს მზად არის დაეხმაროს სომხეთს კორონავირუსთან ბრძოლაში

© photo: Sputnik / გადასვლა მედიაბანკშისომხეთში კარანტინი გახანგრძლივდა
სომხეთში კარანტინი გახანგრძლივდა - Sputnik საქართველო
გამოწერა
საქართველოს და სომხეთს ჯანდაცვის სფეროში თანამშრომლობის კარგი გამოცდილება გააჩნიათ, განაცხადა საქართველოს მთავარმა ეპიდემიოლოგმა

თბილისი, 28 მაისი — Sputnik. თუ სომხეთის დაავადებათა კონტროლის ცენტრის წარმომადგენლები ქართველ კოლეგებს დახმარებისთვის მიმართავენ, ისინი მას მიიღებენ, განაცხადა საქართველოს დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ ონლაინ ბრიფინგზე.

სომხეთის ჯანდაცვის მინისტრმა არსენ ტოროსიანმა ადრე განაცხადა, რომ ეპიდსაწინააღმდეგო სისტემა და ჯანდაცვა საქართველოში განსხვავდება სომხურისგან, თუმცა არა საუკეთესო მხრიდან. მან ასევე აღნიშნა, რომ სომხეთი საკუთარ სტატისტიკას გამჭვირვალედ ავრცელებს, ხოლო საქართველოში ინფიცირებულთა დათვლის მეთოდოლოგიაში ეჭვი შეიტანა.

სომხეთის ჯანდაცვის მინისტრი არსენ ტოროსიანი - Sputnik საქართველო
სკანდალი ამოწურულია? სომხეთის ჯანდაცვის სამინისტრომ საქართველოს ბოდიში მოუხადა

„იცით, რომ ამ ერთი კვირის წინ იყო პატარა გაუგებრობა. ჩვენ მოძმე ერები ვართ, ერთმანეთს ყოველთვის მხარში ვუდგევართ და კარგი ურთიერთობა გვაქვს სომხეთის დაავადებათა კონტროლის ეროვნულ ცენტრთან... თუ სომხეთის დაავადებათა კონტროლის ცენტრი, როგორც დაავადებათა კონტროლის ცენტრს ჩვენ დაგვიყენებს საკითხს, რომ მათ სჭირდებათ რაიმე დახმარება, ის, რაც ჩვენი კომპეტენციის ფარგლებშია, იგივე ტესტირებასთან ან კიდევ სხვა საკითხებთან დაკავშირებით, ჩვენ მზად ვართ“, - განაცხადა გამყრელიძემ.

გამყრელიძემ უპასუხა ჟურნალისტის შეკითხვას, არის თუ არა მზად საქართველო კორონავირუსით დაავადებული პაციენტების მისაღებად.

„რაც შეეხება სამკურნალო პროცესს, მე დარწმუნებული ვარ, რომ საქართველოს მთავრობა და ჯანდაცვის სამინისტრო უარს კი არა პირიქით, ყველა ღონეს იხმარს თუ სომხეთს ეს დახმარება სჭირდება. პირველ რიგში, სომხეთის ჯანდაცვის სამინისტრომ უნდა დააყენოს ეს საკითხი და მაშინ დარწმუნებული ვარ, საქართველო სიამოვნებით მიიღებს. მოგეხსენებათ, ქართველები იყვნენ პირველები, რომლებიც სპიტაკის მიწისძვრის დროს ჩავიდნენ სპიტაკში სხვა ერებს შორის. ჩვენ მზად ვართ ყოველთვის“, – განაცხადა გამყრელიძემ.

ასევე, გამყრელიძის თქმით, საქართველოს და სომხეთს ჯანდაცვის სფეროში თანამშრომლობის კარგი გამოცდილება გააჩნიათ.

ბოლო დღე-ღამეში სომხეთში კორონავირუსით ინფიცირების 442 ახალი შემთხვევა გამოვლინდა. 28 მაისის მონაცემებით, ქვეყანაში იყო 8 216 დადასტურებული შემთხვევა, კორონავირუსით გამოწვეული გართულებების გამო გარდაიცვალა 113 ადამიანი, კორონავირუსის ინფექციის მქონე პაციენტების რაოდენობა, რომლებიც სხვა მიზეზებით დაიღუპნენ - 44.

თენგიზ ცერცვაძე - Sputnik საქართველო
„ბოდიში უნდა მოიხადოს“ - თენგიზ ცერცვაძე სომხეთის ჯანდაცვის მინისტრის განცხადებამ შეაშფოთა

ახალი მონაცემებით, გამოჯანმრთელდა 3 287 ადამიანი. მკურნალობას 4 772 პაციენტი გადის. ქვეყანაში სულ 54 931 ტესტი ჩატარდა.

რაც შეეხება საქართველოს, ამჟამად კორონავირუსი დადასტურებული აქვს 738 ადამიანს. გამოჯანმრთელებულთა რაოდენობამ 573-ს (77,95%) მიაღწია. კარანტინის რეჟიმში იმყოფება 3076, ხოლო სტაციონარებში დაკვირვების ქვეშ 250 პაციენტია. გარდაიცვალა 12 ადამიანი. მაისის ბოლოსთვის ჩატარდა 46 ათასი ტესტი, ყოველდღიურად ტესტი 1600 ადამიანს უტარდება.

დღეისათვის საქართველოში საგანგებო მდგომარეობის რეჟიმი მოხსნილია, თუმცა შეზღუდვების ნაწილი მაინც ძალაში რჩება.

ყველა ახალი ამბავი
0