Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

კორონავირუსით ინფიცირებულთა რაოდენობა სომხეთში 1291-მდე გაიზარდა

© photo: Sputnik / გადასვლა მედიაბანკშიკორონავირუსი. სომხეთი
კორონავირუსი. სომხეთი - Sputnik საქართველო
გამოწერა
ბოლო 24 საათში ქვეყანაში ინფიცირების 43 ახალი შემთხვევა გამოვლინდა. ბოლო მონაცემებით, სომხეთში COVID-19-ით გარდაცვლილთა რაოდენობა 20 ადამიანს შეადგენს

თბილისი, 19 აპრილი — Sputnik. სომხეთში კორონავირუსით ინფიცირებულთა რაოდენობა 1291-ს მიაღწია, იუწყება „Sputnik-სომხეთი“.

ამგვარად, ერთ დღე-ღამეში ქვეყანაში ინფიცირების 43 ახალი შემთხვევა გამოვლინდა.

ბოლო მონაცემებით, სომხეთში COVID-19-ით გარდაცვლილთა რაოდენობა 20 ადამიანს შეადგენს. ამ დროისათვის გამოჯანმრთელდა 545 ადამიანი, 726 პაციენტი კლინიკებში მკურნალობს. ტესტირება 12 680 ადამიანს ჩაუტარდა.

კორონავირუსი აშშ-ში - Sputnik საქართველო
კორონავირუსი აშშ-ში, იტალიაში და მსოფლიოში - ბოლო მონაცემები 19 აპრილისთვის

შედარებისთვის, 18 აპრილისთვის, ქვეყანაში 1248 ინფიცირებული დაფიქსირდა. გასულ დღე-ღამეში გარდაცვალების არცერთი შემთხვევა არ დაფიქსირებულა.

სომხეთის მთავრობამ 13 აპრილს მიიღო გადაწყვეტილება საგანგებო მდგომარეობის რეჟიმი კიდევ 30 დღით გააგრძელოს - 14 აპრილიდან 14 მაისამდე. ქვეყანაში შესვლა-გამოსვლა შეზღუდულია, აკრძალულია საჯარო ღონისძიებები. დაკეტილია სასწავლო და კულტურული დაწესებულებები.

მთელი ქვეყნის მასშტაბით მოქალაქეთა გადაადგილება შეზღუდულია. სახლიდან გასვლა დაშვებულია მხოლოდ გადაუდებელი აუცილებლობის შემთხვევაში. მოქალაქემ თან უნდა იქონიოს პასპორტი და შევსებული ანკეტა.  საზოგადოებრივი ტრანსპორტი, რკინიგზისა და ტაქსის გარდა, გაჩერებულია. შეწყდა ყველა საწარმოს და ორგანიზაციის მუშაობა, სტრატეგიულად მნიშვნელოვანის გარდა. მუშაობს სასურსათო მაღაზიები და აფთიაქები.

ყველა ახალი ამბავი
0