ილჰამ ალიევმა პარლამენტის დათხოვნასთან დაკავშირებით საკონსტიტუციო სასამართლოს მიმართა

© Sputnik / Murad Orujovაზერბაიჯანის საკონსტიტუციო სასამართლოს შენობა
აზერბაიჯანის საკონსტიტუციო სასამართლოს შენობა - Sputnik საქართველო
გამოწერა
აზერბაიჯანელმა დეპუტატებმა დღეს პრეზიდენტ ილჰამ ალიევს პარლამენტის დათხოვნისა და ვადამდელი საპარლამენტო არჩევნების დანიშვნის თხოვნით მიმართეს

თბილისი, 2 დეკემბერი – Sputnik. აზერბაიჯანის პრეზიდენტმა ილჰამ ალიევმა პარლამენტის დათხოვნის შესახებ მილი მეჯლისის გადაწყვეტილების კონსტიტუციასთან შესაბამისობის საკითხთან დაკავშირებით 2 დეკემბერს საკონსტიტუციო სასამართლოს მიმართა, იუწყება „Sputnik–აზერბაიჯანი“.

როგორც ცნობილია, აზერბაიჯანელმა დეპუტატებმა პრეზიდენტ ილჰამ ალიევს პარლამენტის დათხოვნისა და ვადამდელი საპარლამენტო არჩევნების დანიშვნის თხოვნით მიმართეს.

აზერბაიჯანის მილი მეჯლისი - Sputnik საქართველო
მილი მეჯლისში თვითდათხოვნის ინიციატივაზე მსჯელობენ

მილი მეჯლისის გადაწყვეტილების პროექტი ორშაბათს პლენარულ სხდომაზე ვიცესპიკერმა ბაჰარ მურადოვამ წაიკითხა.

მიმართვას კენჭი უყარეს და 99 ხმით მიიღეს. ერთმა დეპუტატმა მიმართვას მხარი არ დაუჭირა, ერთმა თავი შეიკავა, ერთმა კი კენჭისყრაში მონაწილეობა არ მიიღო.

პარლამენტის დათხოვნის ინიციატივით აზერბაიჯანის მმართველი პარტიის „ენი აზერბაიჯანის“ დეპუტატები გამოვიდნენ. მათ ინიციატივა ახსნეს აზერბაიჯანში მიმდინარე რეფორმებით და ხაზგასმით აღნიშნეს, რომ მნიშვნელოვანია, ეს რეფორმები საკანონმდებლო ორგანოზეც გავრცელდეს.

მილი მეჯლისში 125 დეპუტატია. მათგან 69 მმართველი პარტიის წარმომადგენელია. მორიგი საპარლამენტო არჩევნები 2020 წლის ნოემბერში ჩატარდება.

ყველა ახალი ამბავი
0