კომპიუტერული სერვერი

ეკონომიკის სამინისტრო: სომხეთის ინტერნეტ-კაბელს აზერბაიჯანს არ მიჰყიდიან

87
იმ კომპანიის აქციების გაყიდვის შემთხვევაში, რომელიც სომხეთს ინტერნეტ-კავშირით უზრუნველყოფს, იქნება გათვალისწინებული როგორც საქართველოს ინტერესები, ისე რეგიონის სპეციფიკა

თბილისი, 30 ნოემბერი — Sputnik. ინტერნეტ-კავშირი Caucasus Online-ის მაგისტრალური არხის აქციები არ გაიყიდება ფართო დისკუსიის გარეშე, განაცხადა საქართველოს ეკონომიკისა და მდგრადი განვითარების მინისტრის მოადგილემ ნიკოლოზ ალავიძემ „Sputnik-სომხეთთან“ ინტერვიუში.

ინტერნეტ-პროვაიდერმა საქართველოში თავისი წილი არასწორად გაყიდა >>

ქართული კომპანია Caucasus Online იმ ოპტიკური კაბელის ოპერატორია, რომელიც შავი ზღვის ფსკერზე საქართველოდან ბულგარეთამდე გადის. ეს არის ინტერნეტ ტრაფიკის უდიდესი არხი ევროპასა და სამხრეთ კავკასიას შორის. ახლა კომპანიის ძირითადი აქციონერები არიან ქართველი ინვესტორები, რომელთა ნაწილი ევროპაშია რეგისტრირებული. დროგამოშვებით პრესაში ჩნდება ჭორები, რომ ამ კომპანიის აქციებს მიჰყიდიან აზერბაიჯანულ საწარმოებს, და ამან სომხეთის მიმართულებით ტრაფიკის საიმედოობაზე გავლენა შეიძლება იქონიოს.

Замминистра экономики и устойчивого развития Грузии Николоз Алавидзе
© photo: Sputnik / Aram Gareginyan
საქართველოს ეკონომიკისა და მდგრადი განვითარების მინისტრის მოადგილე ნიკოლოზ ალავიძე

ამასთან დაკავშირებით, მინისტრის მოადგილემ ხაზგასმით აღნიშნა, რომ Caucasus Online-ს არ შეუძლია გაყიდოს თავისი აქციების 5%-ზე მეტი, საქართველოს ტელეკომუნიკაციების ეროვნული კომისიის (GNCC) თანხმობის გარეშე. და რეგულატორი არ მიიღებს ასეთ მნიშვნელოვან გადაწყვეტილებას ფართო საზოგადოებრივი დისკუსიების გარეშე.

„კომუნიკაციების ეროვნული კომისია ყურადღებით აკვირდება ამ საწარმოს, მისი სტრატეგიული მნიშვნელობის გათვალისწინებით. თუ ასეთი გარიგების პროექტი გაჩნდება, რეგულატორი მოაწყობს დისკუსიებს, სათანადო გამჭვირვალობით. ამ განხილვებზე იქნება გათვალისწინებული საქართველოსა და მისი საზოგადოების ინტერესები და ჩვენი რეგიონის თავისებურებები", - განაცხადა ალავიძემ.

სხვადასხვა შეფასებით, საქართველოზე სომხეთის საგარეო ინტერნეტ-ტრაფიკის დაახლოებით 80% მოდის. ტრაფიკი შავი ზღვის ფსკერზე ევროპაში და უკანა მიმართულებით მდებარე კაბელით გადის. მის გარდა, სომხეთი იყენებს კიდევ ორ კაბელს რუსეთის მიმართულებით - ერთს შავი ზღვის და მეორეს - სახმელეთოს. ტრაფიკის კიდევ 20% მოდის ირანში გამავალ კაბელებზე. აქ, სომეხი ოპერატორები მოქმედებენ, როგორც ინტერნეტის სატრანზიტო ქვეყნები ირანში, ავღანეთში და, ბოლო დროიდან ყატარში.

ამავე დროს, საქართველოს მთავრობა ბულგარეთის მიმართულებით კიდევ ერთი ინტერნეტ კაბელის გაყვანის შესაძლებლობას განიხილავს. ეს ხელს შეუწყობს ევროპული ტრაფიკის (მათ შორის Google-ისა და Facebook-ის სერვერებიდან) სწრაფ მიწოდებას სამხრეთ კავკასიაში.

მინისტრის მოადგილის განცხადებით, ქვეყანაში არსებული საკომუნიკაციო არხები მხოლოდ ერთი მესამედით არის დატვირთული (თავად საქართველოს მოხმარებისა და საერთაშორისო ტრანზიტის გათვალისწინებით), მაგრამ რესპუბლიკას სურს გახდეს სატრანზიტო ქვეყანა შორეული ბაზრებისთვის, მათ შორის ჩინეთისთვის. და უახლოეს წლებში, ტრაფიკის ტრანზიტზე კიდევ უფრო დიდი მოთხოვნაა მოსალოდნელი, 5G ქსელების განვითარებასთან ერთად.

ახლა კაბელის გასაყვანად მზადდება წინასწარი ტექნიკური დავალება (pre-feasibility study). ოპტიკის პარალელურად, განიხილება წყალქვეშა ელექტროგადამცემი ხაზის პროექტიც.

87
რამზან კადიროვი

მზადდება პროვოკაცია კადიროვის ნიღბით: ჩეჩნური ტელეარხი ვიდეომტკიცებულებას ავრცელებს

147
(განახლებულია 15:30 16.09.2020)
ჩეჩნური ტელეარხის ​ინფორმაციით, ამ დროისათვის ოპერაცია კოდური სახელწოდებით „ორეული“ მომზადების ბოლო სტადიაზეა.

თბილისი, 16 სექტემბერი — Sputnik. ევროპაში მზადდება პროვოკაცია ჩეჩნეთის რესპუბლიკის ლიდერის რამზან კადიროვის წინააღმდეგ, რისთვისაც მისი ნიღაბი იქნება გამოყენებული, ნათქვამია ჩეჩნეთის სახელმწიფო ტელეარხ „გროზნის“ Twitter-ზე.

​ტელეარხის ინფორმაციით, ამ დროისათვის ოპერაცია კოდური სახელწოდებით „ორეული“ მომზადების ბოლო სტადიაზეა.

„ამ მონაცემებს ადასტურებს ვიდეო, რომელიც მივიღეთ. მასზე ჩანს, რომ შექმნილია რეალისტური ნიღაბი, რომელიც გასაიდუმლოებულ ევროპულ ლაბორატორიაში დამზადდა უახლესი ტექნოლოგიების გამოყენებით“, — წერს ტელეარხი, ეყრდნობა რა eldit_net-ის Instagram-აკაუნტზე გამოქვეყნებულ ვიდეოს. 

გარდა ამისა, როგორც „გროზნის“ პოსტიდან ირკვევა, უკვე მიმდინარეობს კანდიდატების შერჩევა ნიღბის გამოყენებით პროვიკაციების მოსაწყობად.

View this post on Instagram

A post shared by ◾НОВОСТИ/СОБЫТИЯ (@eldit_net) on

აღსანიშნავია, რომ მანამდე რამზან კადიროვმა მოუწოდა ჩეჩენ ჟურნალისტებს, ებრძოლონ საინფორმაციო პროვოკაციებსა და დეზინფორმაციის მცდელობებს.

 

147
თემები:
მსოფლიო დღეს
საკონტროლო-გამშვები პუნქტი „წითელი ხიდი“

საქართველოდან აზერბაიჯანში 350 ადამიანი გაემგზავრება

340
(განახლებულია 19:13 13.09.2020)
მოქალაქეები, რომელთა ტესტმაც უარყოფითი პასუხი აჩვენა, ორშაბათს სპეციალური ავტობუსებით საკონტროლო-გამშვებ პუნქტ „წითელ ხიდზე“ გაემგზავრებიან

თბილისი, 13 სექტემბერი - Sputnik. საქართველოდან აზერბაიჯანში მიემგზავრება 350 ადამიანი, მათ შორის არის აზერბაიჯანის 97 მოქალაქე, საქართველოს 240 მოქალაქე, რუსეთის ექვსი მოქალაქე, 2 - ყაზახეთის მოქალაქე, თურქეთის ერთი მოქალაქე, უკრაინის სამი მოქალაქე და პაკისტანის ერთი მოქალაქე.

როგორც Sputnik-აზერბაიჯანი იუწყება, ყველა მათგანს მარნეულის ერთ-ერთ კლინიკაში დღეს ჩაუტარდა ტესტი კორონავირუსზე, და მათ, ვისი ტესტის პასუხიც უარყოფითი აღმოჩნდება, ორშაბათს, 14 სექტემბერს სპეციალური ავტობუსებით საკონტროლო-გამშვებ პუნქტ „წითელ ხიდზე“ გაამგზავრებენ.

ადრე, 19 აგვისტოს სამშობლოში გაემგზავრა აზერბაიჯანის 119 მოქალაქე, რომლებიც საქართველოში საზღვრების ჩაკეტვის გამო ჩარჩნენ. მათ გარდა იყვნენ ასევე საქართველოს და რუსეთის მოქალაქეები.

აზერბაიჯანისა და საქართველოს საზღვარი 14 მარტიდან COVID-19-ის პანდემიის გამო დაიკეტა. ამ პერიოდში საქართველოდან აზერბაიჯანში დაახლოებით 2 500 ადამიანი გადაიყვანეს.

340
თემები:
COVID-19-ის პანდემია მსოფლიოში
მიხეილ ჩხენკელი

ჩხენკელი: აჭარის რეგიონის მოსწავლეები სწავლას დისტანციურად გააგრძელებენ

0
(განახლებულია 15:09 24.09.2020)
საქართველოში ბოლო პერიოდში კორონავირუსის დადასტურებული შემთხვევების რაოდენობამ მკვეთრად იმატა. ბოლო დღე-ღამეში კორონავირუსით ინფიცირებულთა რაოდენობა 259-ით გაიზარდა.

თბილისი,  24 სექტემბერი - Sputnik. აჭარის რეგიონში სასწავლო პროცესი დისტანციურ ფორმატში გაგრძელდება, განაცხადა განათლების მინისტრმა, მიხეილ ჩხენკელმა საკოორდინაციო საბჭოს სხდომის დასრულების შემდეგ.

ეპიდემიოლოგებმა აჭარას COVID-19-ის გავრცელების თვალსაზრისით „წითელი ზონა“ უკვე უწოდეს - ბოლო 24 საათში კორონავირუსის 259 ახალი შემთხვევიდან 164 აჭარაში გამოვლინდა. რეგიონში სულ ინფიცირების ათასზე მეტი აქტიური შემთხვევაა. 

უწყებათაშორისი საკოორდინაციო საბჭოს გადაწყვეტილებით, 1 ოქტომბრიდან თბილისის, ქუთაისის, რუსთავისა და ზუგდიდის  I-VI კლასების მოსწავლეები საკლასო ოთახებს დაუბრუნდებიან,  ფოთსა და გორში კი  სკოლებს ყველა კლასის მოსწავლე დაუბრუნდება. 

„დაწყებითი კლასების მოსწავლეებისთვის  განსაკუთრებით მნიშვნელოვანია, რომ სასწავლო პროცესი წარიმართოს საკლასო ოთახებში.   ყველა სკოლა, სადაც სასწავლო პროცსი  განახლდება, სრულ მზადყოფნაშია, რათა სამედიცინო პროტოკოლი ზედმიწევნით იყოს დაცული“, – განაცხადა ჩხენკელმა.

როგორც მინისტრმა აღნიშნა, აჭარის გარდა, ყველა რეგიონში სპეციალური საგანმანათლებლო საჭიროების მქონე მოსწავლეებს საშუალება ექნებათ სკოლის ტერიტორიაზე, სპეციალურად განკუთვნილ რესურს–ოთახში შეხვდნენ სპეცმასწავლებელს.  1 ოქტომბრიდან შემუშავდება  სპეციალური გრაფიკი, რომელსაც სკოლები მშობლებთან შეათანმხებენ, განაცხადა ჩხენკელმა.

რაც შეეხება უმაღლეს სასწავლებლებს, ამ ეტაპზე სწავლა მთელი ქვეყნის მასშტაბით დისტანციურად გაგრძელდება.

კორონავირუსის პანდემიის გამო საქართველოს ყველა სკოლაში სწავლა 2 მარტს შეწყდა, მეცადინეობები დისტანციურად წარიმართა. სასწავლო წელი 15 სექტემბერს განახლდა, მაგრამ ეპიდვითარების გაუარესების გამო ქვეყნის რიგი ქალაქების – თბილისის, ბათუმის, ქუთაისის, ქობულეთის, ფოთის, რუსთავის, ზუგდიდის, გორის, ასევე კახეთის, გურიისა და შიდა ქართლის ზოგიერთი სოფლის სკოლებში სწავლა ორი კვირის განმავლობაში, 1 ოქტომბრამდე დისტანციურად წარიმართება.

0
თემები:
განათლება საქართველოში