ბაქო-თბილისი-ყარსის რკინიგზა

ჩინეთიდან ევროპაში მიმავალმა პირველმა სატვირთო მატარებელმა ანკარა გაიარა

189
(განახლებულია 12:34 08.11.2019)
ჩინეთიდან ევროპაში საქონლის გადაზიდვისთვის ახალი გზის გახსნა ქვეყნებს შორის ეკონომიკური კავშირების განვითარებას შეუწყობს ხელს და მოსახლეობის კეთილდღეობაზე აისახება.

ოთხშაბათს თურქეთის დედაქალაქ ანკარაში გაიმართა ჩინეთიდან ევროპაში ბაქო–თბილისი–ყარსის მარშრუტით მიმავალი პირველი სატვირთო მატარებლის დახვედრის საზეიმო ცერემონია. პირველი პირდაპირი მატარებელი China Railway Express, რომელსაც 42 კონტეინერით საყოფაცხოვრებო ტექნიკა მიაქვს ჩინეთის სიანიდან თურქეთში მდებარე მარმარის გვირაბის გავლით, გაივლის ბულგარეთს, სერბეთს, უნგრეთს და სლოვაკეთს. საბოლოო დანიშნულების პუნქტია პრაღა, იუწყება „Sputnik-აზერბაიჯანი“.

ღონისძიებას დაესწრნენ აზერბაიჯანის ეკონომიკის მინისტრის მოადგილე ნიაზი საფაროვი, თურქეთის კომუნიკაციებისა და ინფრასტრუქტურის მინისტრი მეჰმედ ჯაჰით თურხანი, ვაჭრობის მინისტრი რუჰსარ პეკჯანი, თურქეთის, საქართველოს, აზერბაიჯანის, ყაზახეთისა და ჩინეთის რკინიგზის წარმომადგენლები.

ბაქო–თბილისი–ყარსის რკინიგზა გაგრძელდება >>

ცერემონიის პროტოკოლური ნაწილის შემდეგ გაისმა სიგნალი, და სატვირთო მატარებელი საზეიმოდ გაემგზავრა ანკარიდან დადგენილი მარშრუტით. ცერემონიის დროს ხელი მოეწერა ოქმს, რომელიც მიზნად ისახავს აღნიშნული ქვეყნების ტერიტორიაზე გამავალი ტრანსკასპიური მარშრუტის China Railway Ekspress ხარისხის გაუმჯობესებასა და მის რეკონსტრუქციას.

საფაროვი: მატარებლების რაოდენობა გაიზრდება

„ეს მნიშვნელოვანი ისტორიული დღეა. სატვირთო მატარებელი, რომელიც ჩინური სიანიდან დაიძრა ყაზახეთის, აზერბაიჯანის, საქართველოსა და თურქეთის ტერიტორიების გავლით, მიემართება ჩეხეთში. ეს არის ძალიან მნიშვნელოვანი პროექტი, რომლის განხორციელებაზეც მრავალი წლის განმავლობაში ჩვენი ქვეყნების ლიდერები მუშაობდნენ“, – განუცხადა Sputnik-ს აზერბაიჯანის რესპუბლიკის ეკონომიკის მინისტრის მოადგილემ.

ეს დღე, განაგრძო საფაროვმა, ძალიან მნიშვნელოვანია ქვეყნებს შორის ეკონომიკური ურთიერთობების განმტკიცებისთვის, სტრატეგიული სატრანზიტო განშტოებების გამოყენებისთვის და პროექტში მონაწილე ქვეყნებისა და ხალხის სასარგებლოდ: „ეს მხოლოდ დასაწყისია, ჩვენ ველით, რომ მალე გაიზრდება მატარებლების და კონტეინერების რაოდენობა, ეს მნიშვნელოვან წვლილს შეიტანს ქვეყნებს შორის ეკონომიკური კავშირების დამყარებაში“.

საგრძნობლად შემცირდება ექსპორტიორებისა და მეწარმეებისთვის ბიზნესის კეთების სირთულეები და ხარჯები, აღნიშნა ასევე საფაროვმა. თუ ადრე ამ მარშრუტის გავლას ერთი თვე სჭირდებოდა, ახლა ტვირთი ჩინეთიდან ევროპაში 18 დღეში ჩააღწევს. „ამ გზით განვითარდება ქვეყნებს შორის ეკონომიკური საქმიანობის სხვა სახეობები“, – განმარტა მინისტრის მოადგილემ.

ელჩი: ეს მხოლოდ ტრანსპორტის საკითხი როდია

მრავალი წლის შემდეგ „აბრეშუმის გზის“ პროექტი, როგორც იქნა, განხორციელდა, ჩინეთიდან საქონელი ევროპაში მიდის, განაცხადა, თავის მხრივ, თურქეთში აზერბაიჯანის ელჩმა ხაზარ იბრაჰიმმა.

იბრაჰიმმა აღნიშნა, რომ ეს პროექტი არა მხოლოდ სატრანსპორტო ინტერესებს პასუხობს, „ამავე დროს ეს არის ინიციატივა, რომლის მიზანია ხელი შეუწყოს ეკონომიკურ განვითარებას და ადამიანების ყოველდღიური ცხოვრების გაუმჯობესებას. რკინიგზა უკვე დიდი ხანია არსებობს, ადრე აბრეშუმი გადაჰქონდათ, ახლა კი – მაღალტექნოლოგიური პროდუქტი“.

ელჩმა შეახსენა დამსწრეთ, რომ ბაქო–თბილისი–ყარსის სარკინიგზო მაგისტრალი, როგორც მარშრუტის მნიშვნელოვანი შემადგენელი ნაწილი, ორი ქვეყნის პრეზიდენტების თანამშრომლობის წყალობით გაჩნდა.

„დღეს რკინიგზით ტვირთი მიდის, ხოლო ხვალ, ღმერთმა ქნას, მგზავრთა გადაყვანა დაიწყება. ეს საშუალებას მოგვცემს კიდევ უფრო მჭიდრო კულტურული კონტაქტები დავამყაროთ. განვითარებული სატრანსპორტო ინფრასტრუქტურის არარსებობის პირობებში ეკონომიკის წინსვლა ძალიან რთულია. ახლა ჩვენ გვაქვს როგორც სატრანსპორტო ქსელი, ასევე ეკონომიკური ძალა, გვყავს ახალგაზრდა მოსახლეობა. რაც მთავარია, უმაღლეს დონეზე არსებობს პოლიტიკური ნება. ყველა ამ ელემენტის ერთობლიობა ჩვენი ქვეყნების განვითარებაში დიდ წვლილს შეიტანს“, – განაცხადა იბრაჰიმმა.

რა ინტერესი აქვს რუსეთს ბაქო-თბილისი-ყარსის სარკინიგზო ხაზთან დაკავშირებით >>

ბაქო–თბილისი–ყარსის დერეფანი აზერბაიჯანი–საქართველო–თურქეთის სახელმწიფოთაშორისი შეთანხმების საფუძველზე აშენდა. პროექტის რეალიზება 2008 წელს დაიწყო. სატვირთო მოძრაობის გახსნის ცერემონია 2017 წლის 30 ოქტომბერს გაიმართა.

მარშრუტის სიგრძე 829 კილომეტრია, სავარაუდო გამტარუნარიანობა – წელიწადში მილიონი მგზავრი და 6,5 მილიონი ტონა ტვირთი. მომავალში ამ სატრანსპორტო დერეფნის გამტარუნარიანობა შეიძლება გაიზარდოს სამ მილიონ მგზავრამდე და 20 მილიონ ტონა ტვირთამდე წელიწადში.

189
თემები:
ტრანსპორტი საქართველოში (291)
სასწრაფო დახმარების ექიმები

სომხეთში კორონავირუსით ინფიცირების 359 ახალი შემთხვევა გამოვლინდა

57
კორონავირუსით გამოწვეული გართულებების გამო გარდაიცვალა 81 ადამიანი, აქედან 4 გასულ დღე-ღამეში დაიღუპა. კორონავირუსის ინფექციის მქონე პაციენტების რაოდენობა, რომლებიც სხვა მიზეზებით დაიღუპნენ - 33 (გასულ დღე-ღამეში - 1).

თბილისი, 24 მაისი – Sputnik. სომხეთში COVID-19-ით ინფიცირების შემთხვევების რაოდენობა 6 661-მდე გაიზარდა, იუწყება „Sputnik-სომხეთი“.

23 მაისის მონაცემებით, ქვეყანაში იყო 6302 დადასტურებული შემთხვევა. ამგვარად, გასულ დღე-ღამეში 359 ახალი შემთხვევა გამოვლინდა.

კორონავირუსით გამოწვეული გართულებების გამო გარდაიცვალა 81 ადამიანი, აქედან 4 გასულ დღე-ღამეში დაიღუპა. კორონავირუსის ინფექციის მქონე პაციენტების რაოდენობა, რომლებიც სხვა მიზეზებით დაიღუპნენ - 33 (გასულ დღე-ღამეში - 1).

ბოლო მონაცემებით, კორონავირუსი 3 064-მა ადამიანმა დაამარცხა. სტაციონარებში 3 483 პაციენტი მკურნალობს.

ქვეყანაში სულ 50 397 ტესტი ჩატარდა.

სომხეთში 16 მარტიდან მოქმედებს საგანგებო მდგომარეობის რეჟიმი, რომელიც 13 ივნისამდე გაგრძელდა. 18 მაისიდან სომხეთში საზოგადოებრივი ტრანსპორტი ამუშავდა, მგზავრებმა აუცილებლად უნდა ატარონ პირბადეები და ხელთათმანები. გაიხსნა სავაჭრო ცენტრები, მოლები, მთლიანად მოიხსნა აკრძალვა საზოგადოებრივი კვების ობიექტების მუშაობაზე, რომლებსაც მანამდე მხოლოდ ღია ცის ქვეშ მუშაობის უფლება ჰქონდათ.

57
თემები:
COVID-19-ის პანდემია მსოფლიოში
სომხეთის ჯანდაცვის მინისტრი არსენ ტოროსიანი

სკანდალი ამოწურულია? სომხეთის ჯანდაცვის სამინისტრომ საქართველოს ბოდიში მოუხადა

1736
სომხეთის ჯანდაცვის მინისტრის მიერ გაკეთებულმა განცხადებამ საქართველოში COVID-19-ის სტატისტიკასთან დაკავშირებით სერიოზულად გაანაწყენა ჩენი ქვეყნის სამედიცინო თანასაზოგადოება

სომხეთის ჯანდაცვის სამინისტრომ დიპლომატიური არხებით გადასცა ოფიციალურ თბილისს თავისი წუხილი უწყების ხელმძღვანელის, არსენ ტოროსიანის მიერ გაკეთებული განცხადების გამო, იუწყება Sputnik-სომხეთი.

სომხეთის ჯანდაცვის მინისტრმა არსენ ტოროსიანმა შაბათს გამართულ საზოგადოებრივი საბჭოს სხდომაზე აღიარა, რომ საქართველოში მიღებული და დღემდე მოქმედი შეზღუდვები იყო უფრო ეფექტური, ძლიერი და მკაცრი. თუმცა მან ეჭვი შეიტანა ინფიცირებულთა დათვლის მეთოდოლოგიაში და აღნიშნა, რომ სომხეთში ეპიდსაწინააღმდეგო სისტემა უკეთესია, ვიდრე მეზობელ ქვეყანაში. ტოროსიანის სიტყვებმა საქართველოში მკვეთრი რეაქცია გამოიწვია, სამედიცინო საზოგადოებამ ბოდიშის მოხდა მოითხოვა.

„ცოტა ხნის წინ დამიკავშირდა ჩვენი საელჩო ერევანში. მათ მაცნობეს, რომ სულ ცოტა ხნის წინ განხორციელდა ზარი სომხეთის ჯანდაცვის სამინისტროდან საელჩოში. დარეკა ჯანდაცვის სამინისტროს საერთაშორისო ურთიერთობების დეპარტამენტის დირექტორმა სომხეთის ჯანდაცვის მინისტრის სახელით და მისი სახელით გამოთქვა წუხილი იმასთან დაკავშირებით, რომ მისმა გამონათქვამმა, რომელიც, მათი განმარტებით, იყო არასწორად ინტერპრეტირებული, გაანაწყენა ქართველი კოლეგები და რომ ისინი ამასთან დაკავშირებით გამოთქვამენ საკუთარ წუხილს. მან საელჩოს სთხოვა, რომ ეს პოზიცია გადმოეცა თბილისისთვის“, – განუცხადა ჟურნალისტებს საქართველოს საგარეო საქმეთა მინისტრმა დავით ზალკალიანმა.

ქართული საგარეო უწყების ხელმძღვანელმა ასევე აღნიშნა, რომ მას შემდეგ, რაც მედიაში სომხეთის ჯანდაცვის მინისტრის განცხადება გავრცელდა, საელჩო მაშინვე დაუკავშირდა სომხურ მხარეს.

„რა თქმა უნდა, ეს, რბილად რომ ვთქვათ, ძალიან არაკორექტული იყო მეზობელი და მეგობარი ქვეყნის მიმართ, მათ შორის, ოფიციალური პირის მხრიდან, ისეთი მაღალი ოფიციალური პირის მხრიდან, როგორიც ჯანდაცვის მინისტრია“, – განაცხადა ზალკალიანმა.

შაბათს თბილისის ინფექციური საავადმყოფოს დირექტორმა თენგიზ ცერცვაძემ განუცხადა ჟურნალისტებს, რომ მაღალჩინოსანი არ უნდა აკეთებდეს მსგავს უსაფუძვლო განცხადებებს ყოველგვარი არგუმენტების გარეშე და მან ამის გამო ბოდიში უნდა მოიხადოს. ხოლო კლინიკის სამედიცინო დირექტორმა, მარინა ეზუგბაიამ განაცხადა, რომ საქართველო არ მალავს გამოვლენილი შემთხვევების და გარდაცვლილთა რაოდენობას.

საქართველოში კორონავირუსით სომხეთის ორი მოქალაქე დაინფიცირდა >>

ამ დროისათვის საქართველოში კორონავირუსით ინფიცირებულთა რაოდენობა შეადგენს 730 ადამიანს, აქედან 522 გამოჯანმრთელდა, 12 პაციენტი გარდაიცვალა.

1736
თემები:
საქართველოს საგარეო პოლიტიკა
დაკეტილი რესტორნები და კაფეები აბანოთუბანში

საქართველო განაგრძობს საერთაშორისო დონორებისგან ფინანსური მხარდაჭერის მიღებას

0
(განახლებულია 08:55 25.05.2020)
დაფინანსება საბიუჯეტო დახმარებას წარმოადგენს და მიმართული იქნება მთავრობის ასიგნების მხარდაჭერისთვის

თბილისი, 25 მაისი – Sputnik. საფრანგეთის განვითარების სააგენტო (AFD) საქართველოს COVID-19–თან ბრძოლისთვის, ასევე ენერგეტიკული სექტორის რეფორმის პროგრამის მხარდაჭერისთვის 190 მილიონ ევროს გამოუყოფს, ნათქვამია საქართველოს ფინანსთა სამინისტროს განცხადებაში.

შესაბამისად, ფინანსთა მინისტრმა ივანე მაჭავარიანმა და AFD–ს სამხრეთ კავკასიის რეგიონული ოფისის დირექტორმა გაელლე ასაიაჟმა და საფრანგეთის ელჩმა საქართველოში დიეგო კოლასმა ხელი მოაწერეს ორ ხელშეკრულებას.

უწყების ინფორმაციით, ეს დაფინანსება საბიუჯეტო დახმარებას წარმოადგენს და მიმართული იქნება მთავრობის ასიგნების მხარდაჭერისთვის.

შეთანხმება, რომელსაც ხელი მოეწერა საფრანგეთის განვითარების სააგენტოსთან, წარმოადგენს იმ ფინანსური მხარდაჭერის ნაწილს, რომელიც საქართველოს მთავრობამ ქვეყნის ეკონომიკის შემდგომი რეაბილიტაციისთვის საერთაშორისო პარტნიორული დონორი ორგანიზაციებისგან მიიღო.

მსოფლიო ბანკი საქართველოს მოსახლეობას კორონავირუსის პანდემიის დაძლევაში დაეხმარება>>

საერთაშორისო სავალუტო ფონდი დათანხმდა პროგრამა „დაფინანსების გაფართოების მექანიზმის“ გაგრძელებას, რაც საქართველოსთვის წლის ბოლომდე 447 მილიონი დოლარის გამოყოფას ნიშნავს. ამას გარდა, რიგი საერთაშორისო დონორი ორგანიზაციები საქართველოს 1,5 მილიარდ დოლარს გამოუყოფენ 2020 წლის ბოლომდე.

0
თემები:
COVID-19 საქართველოში