ერევანი-დილიჟანის გზა

ერევნიდან თბილისამდე ორ საათში: სომხეთში ახალი გზის გაყვანა უნდათ

234
(განახლებულია 12:43 31.10.2019)
სომხეთის ხელისუფლება არსებულ გზას „რთულ მონაკვეთად" მიიჩნევს და ალტერნატიული ტრასის გაყვანას აპირებს.

თბილისი, 31 ოქტომბერი — Sputnik. სომხეთში ახალი გზატკეცილის გაყვანას აპირებენ, რომელიც თბილისსა და ერევანს დააკავშირებს, იუწყება „Sputnik-სომხეთი" ქვეყნის ქალაქდაგეგმარების კომიტეტის თავმჯდომარეზე ვააგნ ვერმიშიანზე დაყრდნობით.

„ჩვენ გვაქვს სახელმწიფოთაშორისი გზა, რომელიც სომხეთსა და საქართველოს აკავშირებს. საკმაოდ რთული მონაკვეთია, ამიტომ შევეცდებით ერევანი-თბილისის ახალი ტრასის აშენებას. ამ გზით შესაძლებელი იქნება სომხეთის დედაქალაქიდან საქართველოს დედაქალაქში ორ საათში ჩასვლა", – განაცხადა ვერმიშიანმა სააგენტოსთან ინტერვიუში.

მისი თქმით, სომხეთისთვის პრინციპულად მნიშვნელოვანია, რომ ჩქაროსნული სარკინიგზო ხაზი ირანი-საქართველო სომხეთის ტერიტორიაზე გადიოდეს.

„სომხეთის ალტერნატივად განიხილება თურქეთი, მაგრამ ერევანმა ყველაფერი უნდა გააკეთოს, რომ პირველი ვარიანტი აირჩიონ", – განაცხადა ვერმიშიანმა.

234
თემები:
ტრანსპორტი საქართველოში (293)
საქართველოსა და სომხეთის დროშები

საქართველოს საგარეო უწყებამ სომხეთს პირველი რესპუბლიკის დღე მიულოცა

11
(განახლებულია 15:29 28.05.2020)
სომხეთი დღეს რესპუბლიკის დღესთან დაკავშირებით მილოცვებს მთელი მსოფლიოდან იღებს და ამ მილოცვებს საქართველოც უერთდება

თბილისი, 28 მაისი — Sputnik. საქართველოს საგარეო საქმეთა სამინისტრი სომეხ ხალხს პირველი დემოკრატიული რეპუბლიკის დაარსების 102–ე წლისთავს ულოცავს.

„გულწრფელად ვულოცავთ სომხეთის მთელ მოსახლეობას 1918 წელს პირველი დემოკრატიული რესპუბლიკის დაარსების წლისთავს. ამ ძალზე მნიშვნელოვან დღეს საქართველო უსურვებს კეთილდღეობასა და წარმატებას ჩვენს კარგ მეზობელ ქვეყანას“, – ნათქვამია საქართველოს საგარეო საქმეთა სამინისტროს მისალოც გზავნილში, რომელიც Twitter–შია განთავსებული.

სომხეთში 28 მაისს სარდარაპატის ბრძოლის დღეც აღინიშნება.

წელს სარდარაპატის ბრძოლის დღე ხალხმრავლობის გარეშე აღინიშნება. კორონავირუსის საფრთხის გამო პოლიციამ სარდარაპატი გადაკეტა როგორც ავტომობლების, ისე ადამიანებისთვის. ტრადიციულ ზეიმში მონაწილეობა მხოლოდ ოფიციალურმა პირებმა მიიღეს.

11
სასწრაფო დახმარება ბაქოში

ერთ დღეში აზერბაიჯანში კორონავირუსით ინფიცირების 165 შემთხვევა გამოვლინდა

34
(განახლებულია 20:14 27.05.2020)
თებერვლის ბოლოდან აზერბაიჯანში კორონავირუსით ინფიცირების 4568 ფაქტია გამოვლენილი, აქედან 54 პაციენტი გარდაიცვალა

თბილისი, 27 მაისი - Sputnik. აზერბაიჯანში გასულ დღე-ღამეში კორონავირუსული ინფექციის 165 დადასტურებული შემთხვევა გამოვლინდა, იუწყება Sputnik-აზერბაიჯანი.

ქვეყნის მინისტრთა კაბინეტთან არსებული კორონავირუსთან ბრძოლის ოპერატიული შტაბის ინფორმაციით, ერთ დღე-ღამეში გარდაიცვალა ორი ადამიანი, 78 კი გამოჯანმრთელდა.

თებერვლის ბოლოდან აზერბაიჯანში კორონავირუსით ინფიცირების 4568 ფაქტი გამოვლინდა, აქედან 2897 პაციენტი გამოჯანმრთელდა, 54 - გარდაიცვალა.

COVID-19-ით ინფიცირებული 1617 პაციენტი საგანგებო რეჟიმის საავადმყოფოებში მკურნალობას განაგრძობს. მათგან 49 პაციენტის მდგომარეობას ექიმები აფასებენ, როგორც კრიტიკულს, 63 საშუალო სიმძიმისაა, დანარჩენი პაციენტების მდგომარეობა დამაკმაყოფილებელია.

ქვეყანაში კორონავირუსული ინფექციის გამოსავლენად 280 663 ტესტირება ჩატარდა.

34
თემები:
COVID-19-ის პანდემია მსოფლიოში