„ბავრა-ნინოწმინდის“ საკონტროლო-გამშვები პუნქტი

სომხეთი თბილისისგან სომეხი ჟურნალისტების არშეშვების გამო განმარტებებს ელოდება

0
სომხეთის საგარეო საქმეთა სამინისტრო თავს იკავებს მომხდარის შეფასებისგან და ამ საკითხზე თბილისის ოფიციალურ პოზიციას ელოდება

თბილისი, 14 ოქტომბერი — Sputnik. სომხეთის საგარეო პოლიტიკური უწყება ელოდება განმარტებებს საქართველოში სომეხი ჟურნალისტების არშეშვების გამო, იუწყება „Sputnik-სომხეთი“ საგარეო საქმეთა სამინისტროს პრესმდივანზე, ანა ნაგდალიანზე დაყრდნობით.

სომხური გამოცემა Epress.am-ის სამი წარმომადგენელი - მთავარი რედაქტორი იური მანველიანი, ასევე ტიგრან ხაჩატრიანი და ტიგრან აკოპიანი, 11 ოქტომბერს მიემგზავრებოდა საქართველოში გადაღებებზე - თბილისში, ახალციხეში და ახალქალაქში. ერთობლივი სომხურ-ქართული პროექტის ფარგლებში ჟურნალისტები ადგილობრივ მოსახლეობასთან ინტერვიუების ჩაწერას გეგმავდნენ.

„ბავრა-ნინოწმინდის“ საკონტროლო-გამშვებ პუნქტზე ქართულ მხარეს საპასპორტო კონტროლის გავლისას მებაჟეებმა შეიტყვეს რა მათი ჟურნალისტური საქმიანობის შესახებ, განუცხადეს, რომ „მათ ამ ქვეყანაში ეკრძალებათ ჟურნალისტური საქმიანობა“, და „ რომ საქართველოში შესვლა აკრედიტაციისა და ნებართვის გარეშე არ შეიძლება“. სომეხმა ჟურნალისტებმა მომხდარის შესახებ აცნობეს საქართველოს შესაბამის სტრუქტურებს და სომხეთის საგარეო საქმეთა სამინისტროს, თუმცა დღემდე არ იციან, რაშია საქმე.

„ჩვენ ვიცით პრობლემის შესახებ. ჩვენი საელჩო თბილისში მაშინათვე დაუკავშირდა ქართველ კოლეგებს. თავად პრობლემის არსი და მისადმი ჩვენი მიდგომა წარვუდგინეთ საქართველოს საგარეო საქმეთა სამინისტროს. ამ საკითხზე ველოდებით განმარტებებს ქართველი კოლეგებისგან“, - განაცხადა ნაგდალიანმა ბრიფინგზე.

როდესაც განმარტებები იქნება მიღებული, საქართველოში სომხეთის საელჩო შესაბამის განცხადებას გააკეთებს.

ქართულ-სომხურ საზღვარზე მომხდარი ინციდენტის შესახებ დაწერა ზოგიერთმა ქართულმა მედიამ და გამოხატა იმედი, რომ საქართველოს საგარეო საქმეთა სამინისტროს ოფიციალური განცხადება შექმნილ სიტუაციას ცხადს გახდის.

სააგენტო „ტაბულას“ კორესპონდენტებმა სცადეს შსს-ში მიეღოთ კონკრეტული ინფორმაცია ქვეყანაში სომეხი ჟურნალისტების არშეშვების მიზეზებთან დაკავშირებით, მაგრამ საკმაოდ ზოგადი და ბუნდოვანი პასუხი მიიღეს.

სააგენტოს შეკითხვაზე შსს-მ ასეთი პასუხი გასცა: „Epress.am-ის ჟურნალისტები, იური მანველიანი, ტიგრან ხაჩატარიანი და ტიგრან აკოფიანი ნინოწმინდის გამშვებ პუნქტზე საქართველოს კანონის უცხოელთა და მოქალაქეობის არმქონე პირთა მე-11 მუხლის "ი" ქვეპუნქტის საფუძველზე არ შემოუშვეს. აღნიშნული ქვეპუნქტი კი "კანონით გათვალისწინებულ სხვა შემთხვევებს" გულისხმობს. 

აღსანიშნავია, რომ Epress.am ცნობილია საკმაოდ სკანდალური მასალებით ყარაბაღის საკითხის, ლგბტ-საზოგადოების და ჯარის შესახებ.

0
სასწრაფო დახმარება ბაქოში

ერთ დღეში აზერბაიჯანში კორონავირუსით ინფიცირების 165 შემთხვევა გამოვლინდა

0
(განახლებულია 20:14 27.05.2020)
თებერვლის ბოლოდან აზერბაიჯანში კორონავირუსით ინფიცირების 4568 ფაქტია გამოვლენილი, აქედან 54 პაციენტი გარდაიცვალა

თბილისი, 27 მაისი - Sputnik. აზერბაიჯანში გასულ დღე-ღამეში კორონავირუსული ინფექციის 165 დადასტურებული შემთხვევა გამოვლინდა, იუწყება Sputnik-აზერბაიჯანი.

ქვეყნის მინისტრთა კაბინეტთან არსებული კორონავირუსთან ბრძოლის ოპერატიული შტაბის ინფორმაციით, ერთ დღე-ღამეში გარდაიცვალა ორი ადამიანი, 78 კი გამოჯანმრთელდა.

თებერვლის ბოლოდან აზერბაიჯანში კორონავირუსით ინფიცირების 4568 ფაქტი გამოვლინდა, აქედან 2897 პაციენტი გამოჯანმრთელდა, 54 - გარდაიცვალა.

COVID-19-ით ინფიცირებული 1617 პაციენტი საგანგებო რეჟიმის საავადმყოფოებში მკურნალობას განაგრძობს. მათგან 49 პაციენტის მდგომარეობას ექიმები აფასებენ, როგორც კრიტიკულს, 63 საშუალო სიმძიმისაა, დანარჩენი პაციენტების მდგომარეობა დამაკმაყოფილებელია.

ქვეყანაში კორონავირუსული ინფექციის გამოსავლენად 280 663 ტესტირება ჩატარდა.

0
თემები:
COVID-19-ის პანდემია მსოფლიოში
სასწრაფო დახმარების მანქანები ბაქოში

ერთ დღეში აზერბაიჯანში კორონავირუსით ინფიცირების 132 შემთხვევა გამოვლინდა

0
თებერვლის ბოლოდან აზერბაიჯანში კორონავირუსით ინფიცირების 4403 ფაქტია გამოვლენილი, 2819 გამოჯანმრთელდა, 52 - გარდაიცვალა

თბილისი, 26 მაისი - Sputnik. აზერბაიჯანში გასულ დღე-ღამეში კორონავირუსული ინფექციის 132 დადასტურებული შემთხვევა გამოვლინდა, ამავე დროს 78 ადამიანი გამოჯანმრთელდა, იუწყება Sputnik-აზერბაიჯანი.

სამწუხაროდ, იყო მსხვერპლიც. 72 წლის მამაკაცი, რომელსაც კორონავირუსის დიაგნოზი დაუსვეს, ქრონიკული დაავადებებით გამოწვეული გართულებებისგან გარდაიცვალა. პაციენტს ადრე დაუდგინდა ცერებრალური ათეროსკლეროზი, ჰიპოქსიური ენცეფალოპათია და დიაბეტი.

თებერვლის ბოლოდან აზერბაიჯანში კორონავირუსით ინფიცირების 4403 ფაქტი გამოვლინდა, აქედან 2819 პაციენტი გამოჯანმრთელდა, 52 - გარდაიცვალა.

COVID-19-ით ინფიცირებული 1532 პაციენტი საგანგებო რეჟიმის საავადმყოფოებში მკურნალობას განაგრძობს. მათგან 42 პაციენტის მდგომარეობას ექიმები აფასებენ, როგორც კრიტიკულს, 56 საშუალო სიმძიმისაა, დანარჩენი პაციენტების მდგომარეობა დამაკმაყოფილებელია.

ქვეყანაში კორონავირუსული ინფექციის გამოსავლენად 276 338 ტესტირება ჩატარდა.

0
თემები:
COVID-19-ის პანდემია მსოფლიოში
მაკა ჩიჩუა და გიორგი მარველაშვილი

„თომა შრომობს“- როგორ გაიზარდა ყოფილი პირველი ლედის და პრეზიდენტის უმცროსი ბიჭი

0
(განახლებულია 14:44 28.05.2020)
მარგველაშვილ-ჩიჩუების უმცროსი ვაჟი მშობლებს აგარაკზე ეხმარება. ნახეთ როგორ გაიზარდა ყოფილი პრეზიდენტის პატარა ვაჟი

ქალაქგარეთ, მზიან და მთიან სოფელში მარგველაშვილების ოჯახი რამდენიმე წლის წინ გაერთიანდა. საქართველოს მეოთხე პრეზიდენტმა ულამაზესი სახლი და კარმიდამო საკუთარი ხელით ააშენა. ამ ყველაფერში მას ყოფილი პირველი ლედიც ეხმარებოდა, რომელმაც უზარმაზარი ეზო სხვადასხვა ფერადი ყვავილებით უფრო მეტად გაალამაზა. პანდემიამდე გიორგი მარგველაშვილი ეზოში ცალკე აშენებულ პატარა სახლში ტურისტებს მასპინძლობდა. ასე მარგველაშვილმა და ჩიჩუამ პატარა ბიზნესი წამოიწყეს. ახლა კი, ეზო დაცარიელდა და მხოლოდ თომას და თემოს ჟრიამული ისმის. გიორგის ორი ვაჟი ერთად დიდ დროს ატარებს. ბიჭუნების აღზრდაში მაკა ჩიჩუას და გიორგი მარგველაშვილის უფროსი ქალიშვილებიც მონაწილეობენ. ეზოსა და სახლის მოპირკეთების გარდა, ცოლ-ქმარი პოლიტსოციალურ ცხოვრებაში აქტიურად განაგრძობენ მოღვაწეობას. მაკა ჩიჩუა რამდენიმე თვის წინ „მთავარ არხზე“ ტელეწამყვანის ამპლუაში გამოჩნდა.

მიუხედავად იმისა, რომ კორონავიურსმა ყველა სახლში დატოვა, ეს მარგველაშვილებისთვის სიახლე არ იყო. ვინაიდან, ოჯახის თითოეული წევრი განსაკუთრებულად აფასებს ქალაქგარეთ ცხოვრების დადებით მხარეებს. ისინი ცხოვრების არსს სწორედ აქ პოულობენ და დედაქალაქში მხოლოდ საქმიან შეხვედრებსა და გადაღებებზე ჩამოდიან. ამიტომ, პატარა თომა მიჩვეულია ეზოში საქმიანობას და დედ-მამას ახლაც ეხმარება. ამის შესახებ მაკა ჩიჩუამ საკუთარ გვერდზე დაწერა და ბიჭუნას უსაყვარლესი სურათი გამოაქვეყნა. თომა მარგველაშვილი საგანგებოდ გამოეწყო, ეზოს შუაგულში დგას და მშობლების მითითებებს ასრულებს. ნახეთ როგორ შეიცვალა და გაიზარდა ის...

მაკა ჩიჩუას და გიორგი მარგველაშვილს ორი საერთო შვილი ჰყავთ – თემო და თომა მარგველაშვილები. ყველასათვის ცნობილია, რომ მაკასაც და გიორგისაც პირველი ქორწინებიდან ქალიშვილები ჰყავთ, მაკა ჩიჩუას – მაშო, ხოლო გიორგი მარგველაშვილს – ანა. ტელეგადაცემების მეშვებით, რომლებიც მათ სახლს ხშირად სტუმრობენ, ირკვევა, რომ მარგველაშვილების ოჯახში დიდი და გულანთებული მეგობრული დამოკიდებულება სუფევს.

0
თემები:
სელებრითების ცხოვრება