ტურისტები ბაქოში

აზერბაიჯანში ყოველი მეოთხე ტურისტი საქართველოდანაა

90
უცხოელები აზერბაიჯანში ძირითადად ავტოტრანსპორტით მიემგზავრებიან

თბილისი, 28 ივლისი - Sputnik. აზერბაიჯანში ჩასული სტუმრების ნახევარზე მეტი რუსეთიდან და საქართველოდანაა, იუწყება „Sputnik-აზერბაიჯანი“ სახელმწიფო სასაზღვრო სამსახურის მონაცემებზე დაყრდნობით.

2019 წლის იანვარ-ივნისის მონაცემებით, აზერბაიჯანს 185 ქვეყნის 1,41 მილიონი ადამიანი ესტუმრა, რაც გასული წლის ანალოგიურ პერიოდთან შედარებით 6,5%-ით მეტია, აღნიშნულია აზერბაიჯანის სტატისტიკის სახელმწიფო კომიტეტის განცხადებაში.

ქვეყანაში ჩასული ვიზიტორების უმრავლესობა არის რუსეთიდან - 29,4%, საქართველოდან - 24,3%, თურქეთიდან - 10,5%, ირანიდან - 7,5%, არაბეთის გაერთიანებული საამიროებიდან - 2,6%, საუდის არაბეთიდან - 2,4%, უკრაინიდან და ინდოეთიდან - 1,9% და სხვა ქვეყნებიდან - 19,5%. მოქალაქეობის არმქონე პირთა წილმა 0,1% შეადგინა.

აზერბაიჯანში ჩასული ვიზიტორების 68% მამაკაცებია, 32% - ქალები.

აღსანიშნავია, რომ ევროკავშირის ქვეყნებიდან შეიმჩნეოდა 24,3%-იანი ზრდა - ევროპელების რიცხვმა 66,5 ათას ადამიანს მიაღწია. დსთ-ის ქვეყნებიდან ტურისტების ზრდამ 5,6% შეადგინა - 502,5 ათასი ადამიანი.

მთავრობა მცირე სასტუმროების მეპატრონეებს სექტემბრიდან მნიშვნელოვან დახმარებას პირდება >>

უცხო ქვეყნების მოქალაქეები აზერბაიჯანში ჩავიდნენ რკინიგზით და ავტოტრანსპორტით - 59%, ავიატრანსპორტით - 40,2% და 0,8% - საზღვაო ტრანსპორტით.

90
ლაბორატორია

სომხეთში კორონავირუსით ინფიცირების შემთხვევები 40 ათასს აღწევს

83
(განახლებულია 16:01 04.08.2020)
სომხეთში კორონავირუსის გავრცელების ტემპი თანდათანობით იკლებს, თუმცა ხელისუფლება მოსახლეობას კვლავ მოუწოდებს, მკაცრად დაიცვან ყველა რეკომენდაცია.

თბილისი, 4 აგვისტო — Sputnik. სომხეთში კორონავირუსის დადასტურებული შემთხვევების რაოდენობა 39 298 ადამიანამდე გაიზარდა, იუწყება „Sputnik-სომხეთი“ დაავადებათა კონტროლისა და პროფილაქტიკის ეროვნულ ცენტრზე დაყრდნობით.

ბოლო დღე-ღამეში ვირუსი 196 ადამიანს დაუდასტურდა.

სულ სომხეთში კორონავირუსის გართულებებისგან გარდაიცვალა 768 ადამიანი (პლუს 6 გასულ დღე-ღამეში), კორონავირუსის მქონე პაციენტებიდან სხვა მიზეზებით გარდაიცვალა 228 ადამიანი.

ქვეყანაში გამოჯანმრთელდა 30 372 ადამიანი, ამჟამად მკურნალობს 7 930 პაციენტი.

სომხეთში საგანგებო რეჟიმი მარტში ამოქმედდა და ის 12 აგვისტომდეა გაგრძელებული. აკრძალულია შეკრებები, მიტინგები, სავალდებულოა პირბადის ტარება.

83
თემები:
COVID-19-ის პანდემია მსოფლიოში
ბაქო

ბაქოში მკაცრი საკარანტინო რეჟიმის ვადა გააგრძელეს

234
(განახლებულია 20:20 03.08.2020)
აზერბაიჯანის მინისტრთა კაბინეტთან არსებულმა ოპერატიულმა შტაბმა საკარანტინო რეჟიმის შემსუბუქების გადაწყვეტილება მიიღო.

თბილისი, 3 აგვისტო – Sputnik. ზოგ ქალაქსა და რაიონში, სადაც მკაცრი საკარანტინო რეჟიმი მოქმედებს, 5 აგვისტოს 06:00 საათიდან უქმდება sms–ნებართვებისა და ნებართვების სისტემა, რომლებსაც პორტალი icaze.e-gov.az გასცემდა, იუწყება Sputnik–აზერბაიჯანი.

გარდა ამისა, ნებადართული ხდება ქვეყნის ტერიტორიაზე პლაჟებზე გასვლა ეკოლოგიისა და ბუნებრივი რესურსებისა და საგანგებო სიტუაციების სამინისტროების მიერ განსაზღვრული წესების დაცვით.

ამასთან, მინისტრთა კაბინეტთან არსებული ოპერატიული შტაბის გადაწყვეტილებით, გამკაცრებულია საკარანტინო რეჟიმი ბაქოში, ჯალილაბადში, განჯაში და ზოგიერთ სხვა ქალაქსა და რაიონში. ეს რეჟიმი 31 აგვისტოს 00:00 საათამდე გაგრძელდება.

გასულ დღე–ღამეში აზერბაიჯანში კორონავირუსის 241 ახალი შემთხვევა გამოვლინდა. კლინიკებიდან გაეწერა 647 გამოჯანმრთელებული პაციენტი; დაავადებების გართულებების გამო გარდაიცვალა კორონავირუსის მქონე 6 ადამიანი.

თებერვლის ბოლოდან აზერბაიჯანში სულ გამოვლინდა კორონავირუსის 32 584 შემთხვევა, აქედან გამოჯანმრთელდა 27 760 ადამიანი, გარდაიცვალა – 468.

234
თემები:
COVID-19-ის პანდემია მსოფლიოში
შატილი

შატილამდე მისასვლელი გზა უსაფრთხო და კომფორტული გახდება

0
(განახლებულია 16:17 05.08.2020)
საერთო ჯამში, შატილის მიმართულებით მიმდინარე 12 პროექტის ფარგლებში რეაბილიტაცია ჩაუტარდება გზის 86 კილომეტრ მონაკვეთსა და 15 ხიდს

თბილისი, 5 აგვისტო - Sputnik. შატილის მიმართულებით გზის რეაბილიტაციის სამუშაოები ინტენსიურ რეჟიმში მიმდინარეობს, ნათქვამია საავტომობილო გზების დეპარტამენტის მიერ გავრცელებულ განცხადებაში.

დეპარტამენტის ცნობით, მიუხედავად გეოლოგიური გამოწვევებისა, წელს შატილის მიმართულების გზაზე სამუშაოები ფაქტობრივად არ გაჩერებულა.

„პროექტის მიზანია, შატილამდე მისასვლელ გზაზე ავტოტრანსპორტის გადაადგილება გახდეს ბევრად უსაფრთხო, ვინაიდან არსებული გზა არის გრუნტის, ხშირად ვითარდება მეწყრული პროცესები და ორი ავტომანქანისთვის გვერდის ავლა პრაქტიკულად შეუძლებელია“, -აღნიშნულია განცხადებაში.

უწყების ინფორმაციით, გზის რეაბილიტაციის დასრულების შემდეგ შატილის მიმართულებით გზის პარამეტრები გაუმჯობესდება, გაფართოვდება გზის სავალი ნაწილი, მოეწყობა ბაგიროვანი ზღუდარები და გადაადგილება გაცილებით უსაფრთხო და კომფორტული გახდება.

გზის რეაბილიტაციის ერთი მონაკვეთი, „მთის გზების“ პროექტის ფარგლებში, სნო-ჯუთა- როშკა-შატილი-ომალო-ხადორის ხეობა-ბაწარა-ახმეტას   საავტომობილო გზის მშენებლობის შემადგენელი ნაწილია.

„მთის გზების“ პროექტის პარალელურად, გზის რეაბილიტაციის ორი  პროექტი მსოფლიო ბანკის, სამი პროექტი კი  სახელმწიფო ბიუჯეტის დაფინანსებით მიმდინარეობს.

ყველაზე პრობლემური – თუშეთის გზა ორ წელიწადში უსაფრთხო გახდება>>

საერთო ჯამში, შატილის მიმართულებით მიმდინარე 12 პროექტის ფარგლებში რეაბილიტაცია ჩაუტარდება  86 კმ. გზასა და 15 ხიდს. აღნიშნული პროექტების განხორციელებაზე  59 მლნ ლარზე მეტი დაიხარჯება.

შატილი შუასაუკუნეების ციხე-სოფელია, რომელიც 60–ზე მეტ კოშკს აერთიანებს, მდებარეობს ზღვის დონიდან 1400 მეტრზე. 2007 წლიდან შატილის კოშკები იუნესკოს მსოფლიო კულტურული მემკვიდრეობის საცდელ ნუსხაშია შეტანილი.

0
თემები:
საქართველოს ეკონომიკა