გვირაბის მშენებლობა

ხსნა სომეხი გადამზიდავებისთვის საქართველო ზემო ლარსთან გვირაბს გაიყვანს

155
(განახლებულია 19:51 02.07.2019)
სომხეთიდან და საქართველოდან რუსეთისკენ სრულფასოვანი სატრანზიტო მოძრაობისთვის აუცილებელია "ზემო ლარსის" საკონტროლო-გამშვები პუნქტის მოდერნიზება.

თბილისი, 2 ივლისი — Sputnik. გადამზიდავებისთვის, განსაკუთრებით, სომხეთიდან მომავალი ავტომობილებისთვის საკონტროლო-გამშვებ პუნქტ „ზემო ლარსისკენ" მიმავალი საავტომობილო გზის პრობლემური ნაწილის მოდერნიზება ნამდვილი ხსნა იქნება. ამის შესახებ „Sputnik-სომხეთს" ლოგისტიკური კომპანია „სატის" დირექტორმა მაკარ არაქელიანმა განუცხადა.

რამდენიმე დღის წინ საქართველოს ვიცე-პრემიერმა, ინფრასტრუქტურისა და რეგიონული განვითარების მინისტრმა მაია ცქიტიშვილმა ერევანში განაცხადა, რომ ქართულმა მხარემ გამოავლინა საქართველო-რუსეთის საზღვრამდე მიმავალი კობი-გუდაურის გზის ყველაზე მოწყვლადი მონაკვეთის, მათ შორის, ცხრაკილომეტრიანი გვირაბის მოდერნიზების მიზნით გამოცხადებული ტენდერის გამარჯვებული.

მცხეთა-სტეფანწმინდა-ლარსის საერთაშორისო მნიშვნელობის გზის ქვეშეთი-კობის მონაკვეთის მშენებლობა შესაძლებელს გახდის თბილისიდან „ყაზბეგის" საკონტროლო-გამშვებ პუნქტამდე მანძილის ერთი საათით შემცირებას, აღნიშნულია უწყების განცხადებაში.

პროექტის ფარგლებში დაგეგმილია 22,7-კილომეტრიანი მოასფალტებული გზის, ექვსი ხიდისა და ხუთი გვირაბის, მათ შორის, ცხრაკილომეტრიანი გვირაბის მშენებლობა. გვირაბს ჯვრის უღელტეხილზე გაიყვანენ – სოფელ წკერედან სოფელ კობამდე. ეს საქართველოში ყველაზე გრძელი გვირაბი იქნება.

პროექტის ღირებულებაა 3,5 მილიარდი დოლარი. ჯერ არ არის ცნობილი, როდის იქნება ის სრულად რეალიზებული.

„აღნიშნული პროექტი ძალიან მნიშვნელოვანია გადამზიდავებისთვის, რადგან ჩვენ მუდმივად ვაწყდებით სერიოზულ პრობლემებს. ეს გზის ყველაზე მოწყვლადი მონაკვეთია", – განაცხადა არაქელიანმა.

მან ხაზი გაუსვა, რომ გზის ეს მონაკვეთი, სადაც ხშირია ზვავები, დღეების, ზოგჯერ კი თვეების განმავლობაში წვიმებისა და ზვავების გამო იკეტება. მოდერნიზების შემდეგ გადამზიდები იმოძრავებენ გვირაბში, რომლის ფუნქციონირებაც არ იქნება დამოკიდებული ამინდის ჭირვეულობაზე.

არაქელიანის განცხადებით, იყო დრო, როდესაც კობი-გუდაურის გზა 30 დღეზე მეტი ხნით იკეტებოდა.

თუმცა, სრულფასოვანი ფუნქციონირებისთვის აუცილებელია „ზემო ლარსის" მოდერნიზებაც. დღეს მისი გამტარუნარიანობა დაბალია: იგი ყოველდღიურად ემსახურება დაახლოებით 4 ათას ადამიანს და 200-მდე ფურას. ადრე „ზემო ლარსის" გზა სათადარიგო იყო და მანამ, სანამ ძირითადი გამტარი პუნქტი გახდებოდა, ნოემბრიდან აპრილამდე იკეტებოდა ხოლმე.

ფაშინიანმა მოსკოვსა და თბილისს პროდუქციის ექსპორტის ხელშეწყობისთვის მადლობა გადაუხადა>>>

ამ ეტაპზე კი, იმის გამო, რომ „ზემო ლარსის" ალტერნატიული მარშრუტები დაკეტილია, მთელი დატვირთვა სწორედ ამ გამშვებ პუნქტზე მოდის. ამგვარად, ყოველდღიურად მებაჟეებს უწევთ 15 ათასამდე ადამიანის მომსახურება.

არაქელიანმა ხაზი გაუსვა, რომ გვირაბის მშენებლობისა და გზის მოდერნიზების პროექტის რეალიზების შემთხვევაში ყველა გადამზიდი მოგებული დარჩება.

„თუ ეს საკითხიც მოგვარდება, აღარაფერზე დავიჩივლებთ", – აღნიშნა არაქელიანმა.

ალტერნატიული მარშრუტის სახით იხილება საზღვაო მიმოსვლა, კერძოდ, გადაზიდვის მულტიმოდალური მეთოდი, რომელიც მოიცავს ტვირთის ტრანსპორტირებას კონტეინერებით ნოვოროსიისკის პორტიდან ფოთის პორტამდე, შემდეგ კი სომხეთში რკინიგზით.

155
თემები:
ტრანსპორტი საქართველოში (292)
სასწრაფო დახმარების ექიმები

სომხეთში კორონავირუსით ინფიცირების 359 ახალი შემთხვევა გამოვლინდა

51
კორონავირუსით გამოწვეული გართულებების გამო გარდაიცვალა 81 ადამიანი, აქედან 4 გასულ დღე-ღამეში დაიღუპა. კორონავირუსის ინფექციის მქონე პაციენტების რაოდენობა, რომლებიც სხვა მიზეზებით დაიღუპნენ - 33 (გასულ დღე-ღამეში - 1).

თბილისი, 24 მაისი – Sputnik. სომხეთში COVID-19-ით ინფიცირების შემთხვევების რაოდენობა 6 661-მდე გაიზარდა, იუწყება „Sputnik-სომხეთი“.

23 მაისის მონაცემებით, ქვეყანაში იყო 6302 დადასტურებული შემთხვევა. ამგვარად, გასულ დღე-ღამეში 359 ახალი შემთხვევა გამოვლინდა.

კორონავირუსით გამოწვეული გართულებების გამო გარდაიცვალა 81 ადამიანი, აქედან 4 გასულ დღე-ღამეში დაიღუპა. კორონავირუსის ინფექციის მქონე პაციენტების რაოდენობა, რომლებიც სხვა მიზეზებით დაიღუპნენ - 33 (გასულ დღე-ღამეში - 1).

ბოლო მონაცემებით, კორონავირუსი 3 064-მა ადამიანმა დაამარცხა. სტაციონარებში 3 483 პაციენტი მკურნალობს.

ქვეყანაში სულ 50 397 ტესტი ჩატარდა.

სომხეთში 16 მარტიდან მოქმედებს საგანგებო მდგომარეობის რეჟიმი, რომელიც 13 ივნისამდე გაგრძელდა. 18 მაისიდან სომხეთში საზოგადოებრივი ტრანსპორტი ამუშავდა, მგზავრებმა აუცილებლად უნდა ატარონ პირბადეები და ხელთათმანები. გაიხსნა სავაჭრო ცენტრები, მოლები, მთლიანად მოიხსნა აკრძალვა საზოგადოებრივი კვების ობიექტების მუშაობაზე, რომლებსაც მანამდე მხოლოდ ღია ცის ქვეშ მუშაობის უფლება ჰქონდათ.

51
თემები:
COVID-19-ის პანდემია მსოფლიოში
სომხეთის ჯანდაცვის მინისტრი არსენ ტოროსიანი

სკანდალი ამოწურულია? სომხეთის ჯანდაცვის სამინისტრომ საქართველოს ბოდიში მოუხადა

1544
სომხეთის ჯანდაცვის მინისტრის მიერ გაკეთებულმა განცხადებამ საქართველოში COVID-19-ის სტატისტიკასთან დაკავშირებით სერიოზულად გაანაწყენა ჩენი ქვეყნის სამედიცინო თანასაზოგადოება

სომხეთის ჯანდაცვის სამინისტრომ დიპლომატიური არხებით გადასცა ოფიციალურ თბილისს თავისი წუხილი უწყების ხელმძღვანელის, არსენ ტოროსიანის მიერ გაკეთებული განცხადების გამო, იუწყება Sputnik-სომხეთი.

სომხეთის ჯანდაცვის მინისტრმა არსენ ტოროსიანმა შაბათს გამართულ საზოგადოებრივი საბჭოს სხდომაზე აღიარა, რომ საქართველოში მიღებული და დღემდე მოქმედი შეზღუდვები იყო უფრო ეფექტური, ძლიერი და მკაცრი. თუმცა მან ეჭვი შეიტანა ინფიცირებულთა დათვლის მეთოდოლოგიაში და აღნიშნა, რომ სომხეთში ეპიდსაწინააღმდეგო სისტემა უკეთესია, ვიდრე მეზობელ ქვეყანაში. ტოროსიანის სიტყვებმა საქართველოში მკვეთრი რეაქცია გამოიწვია, სამედიცინო საზოგადოებამ ბოდიშის მოხდა მოითხოვა.

„ცოტა ხნის წინ დამიკავშირდა ჩვენი საელჩო ერევანში. მათ მაცნობეს, რომ სულ ცოტა ხნის წინ განხორციელდა ზარი სომხეთის ჯანდაცვის სამინისტროდან საელჩოში. დარეკა ჯანდაცვის სამინისტროს საერთაშორისო ურთიერთობების დეპარტამენტის დირექტორმა სომხეთის ჯანდაცვის მინისტრის სახელით და მისი სახელით გამოთქვა წუხილი იმასთან დაკავშირებით, რომ მისმა გამონათქვამმა, რომელიც, მათი განმარტებით, იყო არასწორად ინტერპრეტირებული, გაანაწყენა ქართველი კოლეგები და რომ ისინი ამასთან დაკავშირებით გამოთქვამენ საკუთარ წუხილს. მან საელჩოს სთხოვა, რომ ეს პოზიცია გადმოეცა თბილისისთვის“, – განუცხადა ჟურნალისტებს საქართველოს საგარეო საქმეთა მინისტრმა დავით ზალკალიანმა.

ქართული საგარეო უწყების ხელმძღვანელმა ასევე აღნიშნა, რომ მას შემდეგ, რაც მედიაში სომხეთის ჯანდაცვის მინისტრის განცხადება გავრცელდა, საელჩო მაშინვე დაუკავშირდა სომხურ მხარეს.

„რა თქმა უნდა, ეს, რბილად რომ ვთქვათ, ძალიან არაკორექტული იყო მეზობელი და მეგობარი ქვეყნის მიმართ, მათ შორის, ოფიციალური პირის მხრიდან, ისეთი მაღალი ოფიციალური პირის მხრიდან, როგორიც ჯანდაცვის მინისტრია“, – განაცხადა ზალკალიანმა.

შაბათს თბილისის ინფექციური საავადმყოფოს დირექტორმა თენგიზ ცერცვაძემ განუცხადა ჟურნალისტებს, რომ მაღალჩინოსანი არ უნდა აკეთებდეს მსგავს უსაფუძვლო განცხადებებს ყოველგვარი არგუმენტების გარეშე და მან ამის გამო ბოდიში უნდა მოიხადოს. ხოლო კლინიკის სამედიცინო დირექტორმა, მარინა ეზუგბაიამ განაცხადა, რომ საქართველო არ მალავს გამოვლენილი შემთხვევების და გარდაცვლილთა რაოდენობას.

საქართველოში კორონავირუსით სომხეთის ორი მოქალაქე დაინფიცირდა >>

ამ დროისათვის საქართველოში კორონავირუსით ინფიცირებულთა რაოდენობა შეადგენს 730 ადამიანს, აქედან 522 გამოჯანმრთელდა, 12 პაციენტი გარდაიცვალა.

1544
თემები:
საქართველოს საგარეო პოლიტიკა
კვირიონი

კვირის ასტროპროგნოზი: რას გვიმზადებენ ვარსკვლავები 25–31 მაისის პერიოდში

0
(განახლებულია 18:07 24.05.2020)
დგება მაისისა და გაზაფხულის ბოლო კვირა. ვარსკვლავები და პლანეტები დისონანსში იქნებიან, ეს არ ნიშნავს, რომ ყველა ჩვენგანს პრობლემები ელის, მაგრამ ეს ნიშნავს, რომ საჭიროა მეტი სიფრთხილე და წინდახედულება გამოვიჩინოთ

ეცადეთ, მიჰყვეთ ასტროლოგების რჩევებს, რათა ზაფხულს მომზადებული შეხვდეთ და ყველა მნიშვნელოვანი საქმე გართულებების გარეშე დაასრულოთ.

ვერძი

ვერძებისთვის ამ კვირაში სერიოზული ცვლილებებია მოსალოდნელი ცხოვრების ყველა სფეროში. სამწუხაროდ, იმის გარკვევა, დადებითი იქნება ეს ცვლილებები თუ უარყოფითი, შეუძლებელია. მოგიწევთ ყელაფერში საკუთარ სიბრძნეს, ლოგიკას დაეყრდნოთ, არ ენდოთ ინტუიცია, რომელიც ამ კვირაში შესუსტებული იქნება. ასევე არ ენდოთ უცნობებს.

ვარსკვლავები და პლანეტები გააძლიერებენ თქვენს ემპათიას. გახდებით მეტად მგრძნობიარე, უფრო კარგად გაუგებთ სხვა ადამიანებს. ეს შეგიძლიათ საკუთარი მიზნებისთვის გამოიყენოთ. მთლიანობაში, კვირა საკმაოდ პროდუქტიული იქნება, ამიტომ არ იზარმაცოთ.

კურო

ყველაზე წარუმატებელი დღეები 26 და 27 მაისი იქნება. მოგაკლდებათ თავდაჯერებულობა, არ არის გამორიცხული სამომავლო გეგმების ჩაშლა. მთვარემ, შესაძლოა, თქვენში განგაშის გრძნობა გამოიწვიოს. ეცადეთ, განწყობა აიმაღლოთ და პოზიტიურად იფიქროთ.

კვირის მეორე ნახევარი გამარჯვებებისა და წარმატებების დრო იქნება. დიდი ალბათობით, მაისი თქვენთვის პოზიტიურად და იღბლიანად დასრულდება, მოახერხებთ მნიშვნელოვანი პრობლემების გადაჭრას. დადგა პროდუქტიული მუშაობისა და ძალების მთლიანად დახარჯვის დრო.

ტყუპი

ვარსკვლავები და პლანეტები თქვენთვის ამ კვირაში ძალზე პოზიტიურად იქნებიან განწყობილი, რაც ნიშნავს, რომ მოახერხებთ წარმატებების მიღწევას ცხოვრების სხვადასხვა სფეროში. მთავარია, არ აჩქარდეთ და ერთდროულად ორ კურდღელს არ გამოედევნოთ.

ყველაზე მნიშვნელოვანი კი პოზიტიური განწყობა და რწმენაა, რომ ყველაფერი შესაძლებელია. თუ საკუთარი ძალების რწმენა არ გექნებათ, პრობლემები და გაუგებრობები შეიძლება წარმოიშვას. პარაკევა და შაბათს, ასტროლოგების რჩევით, მარტოობაში ნუ გაატარებთ დროს.

კირჩხიბი

კირჩხიბებს ამ კვირაში, შესაძლოა, სამუშაოსა და ბიზნესში გარვეული პრობლემები შეგექმნათ. მნიშვნელოვანია, რომ გქონდეთ მოტივაცია, ენთუზიაზმი და შემოქმედებითი ენერგია. სწორად მოიქეცით კოლეგებთან თუ კლიენტებთან. იყავით მაქსიმალურად დიპლომატიური, გულღია, უარი არ თქვათ სხვების დახმარებაზე.

თუ ამ კვირაში რამე ახლის წამოწყებას აპირებთ, ღამის მანათობლები დაგეხმარებიან, მაგრამ მაინც სჯობს, წინასწარ განჭვრიტოთ სვლები, დაგეგმოთ საქმეები და გარშემომყოფებს გეგმები არ გაუზიაროთ. ყველაზე მნიშვნელოვანი საიდუმლოდ შეინახეთ.

ლომი

ამ კვირაში აჯობებს, თუ უარყოფითი თვისებებისგან გათავისუფლდებით, იგივე ეხება სხვადასხვა უსარგებლო ნივთს. არ ღირს ფულის დახარჯვა. ასტროლოგები გირჩევენ, ჩაატაროთ ე.წ. შინაგანი რევიზია და დაძლიოთ შიშები და მერყეობა.

ვარსკვლავები პოზიტიური იქნებიან ორშაბათს, ოთხშაბათსა და კვირას. შესაძლოა, სხვა დღეებში გაგიჭირდეთ საჭირო განწყობის შენარჩუნება, მაგრამ ეცადეთ, ეს მოახერხოთ. უქმეებზე რელაქსაციისა და სიაზრმაცის დრო არ იქნება. მნიშვნელოვანია საოჯახო საქმეების გაკეთება, საფუძვლიანი დალაგება, რათა სახლში პოზიტიური ენერგია მოიზიდოთ.

ქალწული

საკმაოდ პროდუქტიული, მაგრამ ნერვული და ზოგიერთ საკითხში უსიამოვნო კვირა გელოდებათ.ატროლოგები გირჩევენ, რომ პირველ რიგში, პოზიტიურ და ოპტიმისტურ  ტალღაზე აეწყოთ. ეცადეთ გაუმკლავდეთ შფოთვასა და განგაშის შეგრძნებას, თუ ასეთი გაჩნდა. წაგადგებათ დროული დასვენება.

ენერგეტიკის თვალსაზრისით კვირის საუკეთესო დღეებია პარასკევი და შაბათი. ვარსკვლავები იღბალს შეგმატებენ. იდეალური დროა სიყვარულისა და რომანტიკული თავგადასავლებისთვის, ფლირტის, ახალი ურთიერთობების ძებნისთვის. გელოდებათ უამრავი პოზიტივი და წარმატება.

სასწორი

სწორად უნდა შეარჩიოთ გარემოცვა. რაც შეიძლება ნაკლები ურთიერთობაიქონიეთ ბოროტ და ენერგოვამპირ ადამიანებთან. ასეთ ადამიანებს შეუძლიათ თქვენი ნეგატიურად დამუხტვა და ზიანის მოყენება, თუნდაც ამის სურვილი არ ჰქონდეთ. ეს არ ნიშნავს, რომ რომელიმე მეგობარს ან ნაცნობს უარი უთხრათ ურთიერთობებზე. უბრალოდ, სჯობს, არ მიაქციოთ ყურადღება მათ კრიტიკას და შეზღუდოთ შეხვედრები.

ამ კვირაში მეტა ყურადღება დაგჭირდებათ დეტალების მიმართ. მნიშვნელოვანია, რომ არანაირი წვრილმანი არ გამოგეპაროთ მხედველობიდან, რადგან მას შეიძლება დიდი დატვირთვა ჰქონდეს. ყოველი ახალი დღე მოგიტანთ რაღაც ახალს. არ ღირს წარსულით ცხოვრება.

მორიელი

მაისისა და გაზაფხულის ბოლო კვირა მორიელებს ახალ შეგრძნებებს, პოზიტივსა და კაშკაშა ემოციებს გაჩუქებთ. ძალზე სახარბიელო დროა სასიყვარულო ძიებებისთვის, ურთიერთობებისა და რომანტიკისთვის.

საქმეებსა და ფინანსურ სფეროში სიფრთხილე სჯობს. ყველაზე ნეგატიური დღე ამ კვირაში ორშაბათია. სამშაბათიდან ვარკვლავებისა და პლანეტების ენერგეტიკა გაიზრდება და ბევრად ოპტიმისტური გახდება. დადგება კარგი დრო ფინანსური ინვესტიციების, გარიგებებისთვის. კვირის ბოლო ხელსაყრელი დროა შენაძენებისთვის, საჩუქრებისთვის.

მშვილდოსანი

შესაძლოა, უკვე კვირის დასაწყისში გარკვეულ სირთულეებს წააწყდეთ, გაგიჩნდეთ შეგრძნება, რომ ცხოვრებაში ცუდი პერიოდი დაგიდგათ. განწყობის გაუმჯობესებაში ფიზიკური სავარჯიშოები და სეირნობა დაგეხმარებათ.

მაისის ბოლო კვირა საყვარელ ადამიანებთან გაატარეთ. იდეალური დროა ერთობლივი საქმიანობისთვის, თავგადასავლების, მგზავრობისთვის. ასევე წაგადგებათ ცოტა ხნით განმარტოებაც – ამისთვის კვირის ერთი–ორი საღამო გამოყავით.

თხის რქა

თხის რქებისთვის იდეალურიდ დრო დგება დამოუკიდებელი წინსვლისთვის. არ ღირს დახმარების თხოვნა – ყველაფერი თავად უნდა გააკეთოთ. ასტროლოგები არ გირჩევენ უფლებამოსილების გადანაწილებას, პასუხისმგებლობის გარშემომყოფებზე დაკისრებას – ასეთ შემთხვევაში, შესაძლოა, იღბალმა ზურგი გაქციოთ.ასევე სასურველია, რომ თავი დაიცვათ სხვების ნეგატიური ენერგიისგან.

საუბარია ტოქსიკურ ადამიანებზე, ენერგეტიკულ ვამპირებსა და მტრებზე. სკეპტიციზმი, შესაძლოა, ახლობელმა ადამიანებმაც კი გამოამჟღავნონ. უნდა იყოთ ძალზე ფრთხილი და წინდახედული. იდეალური დროა მნიშვნელოვანი საქმეების დაწყებისა და დამთავრებისთვის, ინტელექტუალური განვითარებისთვის.

მერწყული

ეს კვირა მერწყულებისთვის, შესაძლოა, უკიდურესად სტრესული და რთული აღმოჩნდეს. უნდა ეცადოთ, რომ მოიხსნათ დაღლილობის შეგრძნება, გათავისუფლდეთ განგაშის გრძნობისგან. ბევრი იფიქრეთ კარგზე, წარმოიდგინეთ ნათელი მომავალი, განეწყვეთ ოპტიმისტურად.

კვირის ბოლოს გამაფრდება ინტუიცია, გაიზრდება შემოქმედებითი შესაძლებლობები. ყველაზე მეტად გაუმათლებს მათ, ვისი პროფესიაც ამოცანების გადასაწყვეტად კრეატიულ დამოკიდებულებას მოითხოვს. სასურველია არ გადადოთ სამომავლოდ ის, რისი გაკეთებაც ახლა შეგიძლიათ.

თევზები

დგება სიყვარულის, კაშკაშა ემოციების, ახალი ურთიერთობების დაწყებისა და ნაცნობობის დრო. ასტროლოგები გირჩევენ აქტიურობას სოციალურ ქსელებში, მეგობრებთან, ახლობლებთან, საყვარელ ადამიანთან ურთიერთობებს.

ამავე დროს, ძალზე მნიშვნელოვანია, რომ არ დაივიწყოთ თქვენი მოვალეობები. არ ღირს გარისკვა და ავანტიურებში ჩართვა. სჯობს, არსებული პრობლემები მშვიდად გადაჭრათ და საოჯახო საქმეებს მიხედოთ. სიყვარულის საქმეებში ყური დაუგდეთ ახლობლების რჩევებსა და საკუთარ ინტუიციას.

0