თბილისი, 24 მარტი - Sputnik. ფესტივალი „აზერბაიჯანული შემოდგომა“ საქართველოს დედაქალაქში ამ შემოდგომაზე გაიმართება, იუწყება „Sputnik-აზერბაიჯანი“ სააგენტო Report-ზე დაყრდნობით.
ღონისძიება ჩუღურეთის რაიონში, ბაქოს ქუჩაზე გაიმართება, განუცხადა სააგენტოს თბილისის საკრებულოს დეპუტატმა რიმა ბერაძემ.
„ფესტივალი „აზერბაიჯანული შემოდგომა“ თბილისში პირველად გაიმართება. მის სტუმრებს ექნებათ შესაძლებლობა გაეცნონ აზერბაიჯანის კულტურას, წეს-ჩვეულებებს, ეროვნულ სამზარეულოს“, - განაცხადა ბერაძემ.
მეგობარი სახელმწიფოების კულტურისა და ცხოვრებისადმი მიძღვნილი ფესტივალების თბილისში გამართვის ტრადიციას საფუძველი 2016 წლის აპრილში ჩაეყარა, როდესაც საქართველოს დედაქალაქში გაიმართა ფესტივალი „უკრაინული გაზაფხული კიევის ქუჩაზე“.
