თბილისი, 25 თებერვალი — Sputnik. საქართველოს პრეზიდენტი სალომე ზურაბიშვილი ოთხშაბათს, 27 თებერვალს ოფიციალური ვიზიტით აზერბაიჯანს ეწვევა, იუწყება „Sputnik-აზერბაიჯანი".
ზურაბიშვილის ქვეყნის ოფიციალურ პირებთან შეხვედრებზე ორმხრივი ურთიერთობების აქტუალურ საკითხებს განიხილავენ.
აზერბაიჯანში სტუმრობა ზურაბიშვილისთვის პირველი რეგიონული ვიზიტი იქნება პრეზიდენტის რანგში.
დიპლომატიური ურთიერთობები აზერბაიჯანსა და საქართველოს შორის 1992 წლის 18 ნოემბერს დამყარდა. აზერბაიჯანს საქართველოში აქვს საელჩო, ხოლო საქართველოს - ბაქოში. ორივე ქვეყანა სრულუფლებიანი წევრია ევროპის საბჭოს, ეუთოს, სუამისა და შავი ზღვის ეკონომიკური თანამშრომლობის ორგანიზაციისა.
