თბილისი, 9 მარტი — Sputnik. საქართველოს თავდაცვის სამინისტროს დელეგაცია მინისტრ ლევან იზორიას ხელმძღვანელობით ოფიციალური ვიზიტით აზერბაიჯანში მიემგზავრება, იუწყება „Sputnik-აზერბაიჯანი" ქვეყნის თავდაცვის სამინისტროზე დაყრდნობით.
„დელეგაცია საქართველოს თავდაცვის მინისტრ ლევან იზორიას ხელმძღვანელობით აზერბაიჯანში 9 მარტს ჩამოვა", — იუწყება აზერბაიჯანის თავდაცვის სამინისტროს პრეს-სამსახური.
ვიზიტის ფარგლებში დელეგაცია შეხვედრებს გამართავს აზერბაიჯანის თავდაცვის სამინისტროში და სხვა სახელმწიფო უწყებებში.
საქართველოს თავდაცვის მინისტრის ვიზიტი ბაქოში 10 მარტამდე გაგრძელდება.